ئێمە لە تۆرە کۆمەڵایەتیەکان

کوردستان

ڕۆژێكی تری بۆ زیادكرا
حكومەتى هەرێم لیستی بۆنەو پشووەكانی ساڵی 2020 ڕادەگەیەنێت

خەڵك- بەشی هەواڵ
حكومەتی هەرێمی كوردستان لیستی پشووە فەرمییەكانی لە دامودەزگاكاندا بۆ ساڵی 2020 ڕادەگەیەنێت و ڕۆژی كۆچی دوایی مستەفا بارزانی بۆ لیستی بۆنە فەرمییەكان زیاد دەكات.

بەپێی لیستەكە لە ساڵێكدا لە دامودەزگاكانی حكومەتی هەرێم (38) ڕۆژی بۆنەو پشووی فەرمی هەیە، لەم ژمارەیە (16) رۆژی پشووی فەرمییەو (22) ڕۆژ بۆنەی فەرمییە، لیستی بۆنە فەرمییەكان، یادی كۆچی دوایی مستەفا بارزانی دامەزرێنەری پارتی دیموكراتی كوردستانی بۆ زیادكراوە، لەكاتێكدا پێشتر لە لیستی پێشووی پشووەكاندا، تەنیا یادی لەدایكبوونی مستەفا بارزانی بە ڕۆژی پشوو دانرابوو.

بەگوێرەی ماددەی 12ی بڕگەی دووەم لە دەستوری عیراق، پشووە فەرمییەكان بەپێی یاسا ڕێكدەخرێن، بەڵام لە هەرێمی كوردستان پەرلەمان تائێستا یاسای لەوبارەیەوە دەرنەكردووە، لە خولی پێشووی پەرلەمانی كوردستانیشدا پێشنیازی پرۆژەیاسایەكی لەم شێوەیە برایە ناو پەرلەمان، بەڵام بەهۆی پەككەوتنی پەرلەمانەوە لەو خولەدا پرۆژەكە پەسەند نەكرا، ئێستاش حكومەت، بەبێ گەڕانەوە بۆ پەرلەمان لیستی پشووەكان دیاری دەكات.

لیستی بۆنەو پشووەكانی حكومەت بۆ ساڵی 2020:

(كانونی دووەم) مانگی 1
🔹 1/1 سەری ساڵی زاینی (پشووی فەرمی)
🔹 1/10 جەژنی سێ رۆژەی یاران (قەوڵتاس)- (بۆنەی فەرمی)
🔹 1/22 رۆژی دامەزراندنی كۆماری مهاباد (بۆنەی فەرمی)

(شوبات) مانگی 2
🔹 2/1 یادی تەقینەوە خۆكوژییەكەی بەردەم بارەگاكانی لقی 2ی پارتی‌و مەڵبەندی 3ی یەكێتی (بۆنەی فەرمی)
🔹 2/25 رۆژی رۆژنامەگەری پێكهاتەی توركمان (بۆنەی فەرمی)

(ئازار) مانگی 3
🔹 3/1 رۆژی كۆچی دوایی بارزانی نەمر (بۆنەی فەرمی)
🔹 3/5 رۆژی دەستپێكردنی راپەڕینی گەلی كوردستان (پشووی فەرمی)
🔹 3/7 رۆژی رزگاركردنی شاری سلێمانی (بۆنەی فەرمی)
🔹 3/8 رۆژی جیهانی ژنان (بۆنەی فەرمی)
🔹 3/10 رۆژی جلی نەتەوەیی (بۆنەی فەرمی)
🔹 3/11 یادی راگەیاندنی رێككەوتننامەی 11ی ئازاری 1970 (پشووی فەرمی)
🔹 3/11 رۆژی رزگاركردنی شاری هەولێر (بۆنەی فەرمی)
🔹 3/14 رۆژی لەدایكبوونی بارزانی نەمر (پشووی فەرمی)
🔹 3/14 رۆژی رزگاركردنی شاری دهۆك (بۆنەی فەرمی)
🔹 3/16 یادی كیمیابارانی شاری هەڵەبجە (بۆنەی فەرمی)
🔹 3/21 رۆژی رزگاركردنی شاری كەركوك (پشووی فەرمی)
🔹 3/21-23 جەژنی نەورۆز (پشووی فەرمی)

(نیسان) مانگی چوار
🔹 4/9 رۆژی روخانی رژێمی بەعس‌و ئازادكردنی عێراق (پشووی فەرمی)
🔹 4/14 یادی ئەنفالكردنی گەرمیان (چەمچەماڵ‌و كەلار) (بۆنەی فەرمی)
🔹 4/15 جەژنی سووری ئێزیدییەكان (سەری ساڵی ئێزیدییەكان) (پشووی فەرمی)
🔹 4/16 یادی كیمیابارانكردنی بالیسان (بۆنەی فەرمی)
🔹 4/22 رۆژی رۆژنامەگەری كوردی(بۆنەی فەرمی)
🔹 4/24 یادی بۆردومانكردنی شاری قەڵادزێ (بۆنەی فەرمی)

(ئایار) مانگی 5
🔹 5/1 رۆژی كرێكارانی جیهانی (پشووی فەرمی)
🔹 5/24-26 جەژنی رەمەزانی پیرۆز (بەپشتبەستن بە رۆژ ژمێری كۆچی رۆژەكان مەزەندەكراون) (پشووی فەرمی)

(حوزەیران) مانگی 6
🔸 لەم مانگەدا هیچ پشوویەكی فەرمی نییە

(تەموز) مانگی 7
🔹 7/14 رۆژی راگەیاندنی دامەزراندنی عێراق (پشووی فەرمی)
🔹 7/30 – 8/2 جەژنی قوربانی پیرۆز (بەپشتبەستن بە رۆژژمێری كۆچی، رۆژەكان مەزەندەكراون) (پشووی فەرمی)
🔹 7/31 یادی ئەنفالی بارزانییەكان (بۆنەی فەرمی)

(ئاب) مانگی 8
🔹 8/3 یادی جینۆسایدكردنی ئێزیدییەكان (پشووی فەرمی)
🔹 8/7 رۆژی شەهیدانی ئاشوریان (بۆنەی فەرمی)
🔹 8/20 سەری ساڵی كۆچی (بەپشتبەستن بە رۆژژمێری كۆچی، رۆژەكان مەزەندەكراون) (پشووی فەرمی)
🔹 8/25 یادی ئەنفالی بادینان (بۆنەی فەرمی)
🔹 8/29 رۆژی عاشورا (پشووی فەرمی)

(ئەیلول) مانگی 9
🔸 لەم مانگەدا هیچ پشوویەكی فەرمی نییە

(تشرینی یەكەم) مانگی 10
🔹 10/3 رۆژی سەربەخۆیی كۆماری عێراق (پشووی فەرمی)
🔹 10/29 یادی لەدایكبوونی پێغەمبەری مەزن (د.خ) (پشووی فەرمی)

(تشرینی دووەم) مانگی 11
🔹 11/17 رۆژی زمان‌و كلتوری پێكهاتەی توركمان (بۆنەی فەرمی)

(كانونی یەكەم) مانگی 12
🔹 12/17 رۆژی ئاڵای كوردستان (بۆنەی فەرمی)
🔹 12/25 یادی لەدایكبوونی حەزرەتی مەسیح (پشووی فەرمی)

کوردستان

وەزارەەتی تەندروستی: ١٧ تووشبووی دیکەی کۆرۆنا گیانیان لە دەست دا

خەڵك – بەشی هەواڵ

ئەمڕۆ یەک شەممە وەزارەتی تەندروستی هەرێمی کوردستان ئاماری نوێی تایبەت بە کۆرۆنای بڵاوکردەوە.

لە ئامارەکەدا هاتووە کە ١٧ حاڵەتی نوێی مردن و ٥٤٢ تووشبووی نوێ تۆمارکراون و ١٤١ نەخۆشیش چاکبوونەتەوە.

دەقی راگەیەندراوەکەی وەزارەتی تەندروستی:

ئاماری نوێی تایبەت بە نەخۆشی ڤایرۆسی کۆرۆنای نوێ COVID19 ژمارە (١٦٥)

1. کەرەنتین: (٢٤ هاوڵاتی نوێ لە کەرەنتین)
٢٣١ هاوڵاتی لە کەرەنتینن لە ٧ شوێنی جیاواز (١١٠ سلێمانی)، (١٢١ دهۆك).

2. پشکنین: (٤١٠٤ پشکنینی نوێ)
(١٤٨١ هەولێر)، (٤٣٦ سلێمانی، ٢١٦ گەرمیان)، (١٩٣١ دهۆك)، (٤٠ هەڵەبجە)

3. تووشبوو: (٥٤٢ تووشبووی نوێ)
(٢٨٥ هەولێر)
(٥٦ سلێمانی، ٢٥ گەرمیان)
(١٦٠ دهۆك)
(١٦ هەلەبجە)
4. چاکبوون: (١٤١ چاکبوون)
(٨٦ هەولێر)
(٢٧ گەرمیان)
(٢٠ دهۆك)
(٨ هەلەبجە)

5. مردن: (١٧ مردن)
(١٠ هەولێر)
(٥ سلێمانی، ١ گەرمیان)
(١ هەلەبجە)
ئاماری گشتی:
کەڕەنتین ٢١٥٤٥ هاوڵاتی (٢١٣١٤ دەرچوو)
پشکنین ٢٢٦١٨٢ (٩٤٤٧٨ هەولێر، ٧٠٢٦٦ سلێمانی، ٥٩٣١١ دهۆك، ٢١٢٧ هەڵەبجە)
تووشبوون ١٧٠٣٩ (٦٢٠٥ هەولێر، ٩٠٩٣ سلێمانی، ١٢٠٤ دهۆك، ٥٣٧ هەڵەبجە)
چاکبوون ١٠١٤٣ (٣٥٩٧ هەولێر، ٥٦٢٠ سلێمانی، ٤٥٥ دهۆك، ٤٧١ هەڵەبجە)
لەژێر چارەسەر ٦٢٤٨ (٢٤٢٨ هەولێر، ٣٠٢٢ سلێمانی، ٧٤١ دهۆك، ٥٧ هەڵەبجە)
مردن ٦٤٨ (١٨٠ هەولێر، ٤٥١ سلێمانی، ٨ دهۆك ، ٩ هەڵەبجە)

بۆ زانیاری زیاتر سەردانی داشبۆردی حکومەتی هەرێمی کوردستان بکەن لەم لینکە (https://gov.krd/coronavirus/dashboard/).
وێڕای دەستخۆشی بۆ پزیشکان و کارمەندانی تەندروستی و هەموو تیمەکانی پزیشکی کە لە ئەرکدان، جارێکی تر داوا دەکەین هاووڵاتیان پابەندبن بە ڕێنماییەکانی تەندروستی و دورکەوتنەوە لە شوێنی قەڵەبالغ و دانانی ماسك و دەستکێش، وە لەکاتی پێویستدا پەیوەندی بکەن بە هێڵی گەرمی ژمارە (١٢٢).

وەزارەتی تەندروستی
حکومەتی هەرێمی کوردستان
٩ی ئاب ٢٠٢٠

بەردەوام بە لە خوێندنەوە

کوردستان

دیار ئیبراهیم: هاووڵاتییان دەتوانن بەم دوو ڕێکارە ئاسانە خۆیان لە کۆرۆنا بپارێزن

خەڵك – ئارام سەردار
ئەندامێكی لیژنەی باڵای بەرەنگاربوونەوەی كۆرۆنا دەڵێت ئەو ڕێكارانەی بۆ خۆپاراستن لە تووشبوون بە كۆرۆنا پێویستن كارێكی زەحمەت نین، كە گرنگترینیان بەكارهێنانی دەمامك و خۆبەدوورگرتنە لە چوونە نێو قەرەباڵغی.

دکتۆر دیار ئیبراهیم، ئەندامی لیژنەی باڵای بەرەنگاربوونەوەی كۆرۆنا لە وەزارەتی تەندروستی بە(خەڵک)ی ڕاگەیاند، ئەو دۆخەی دەیبینین لە تووشبووانی كۆرۆنا، ڕێژەیەکی نەخوازراوە، سەرچاوەی گواستنەوەی نەخۆشیەکەش لەکەسێکەوە بۆ کەسێکی تر دەبێت، تاکە ڕێگر بۆ بڵاونەبووەشی پابەندبوونی هاوڵاتیان بە ڕێنماییە سادەکانی ڕێکخراوی تەندروستییە کە لەلایەن وەزارەتیشەوە پشتڕاست کراوەتەوە و بڵاوکراونەتەوە.

دەشڵێت، زیادبوونی ژمارەی تووشبووان چاوەڕوانکراوبوو، چونکە تێکەڵاویەکی زۆر دروست بووە بەشێک لەهاوڵاتیانیش بابەتی كۆرۆنایان لەبیرخۆیان بردۆتەوە، کە هەر کەمتەرخەمیەکیش وادەکات خێراتر ڤایرۆسەکە بڵاوبێتەوە، لەبەر ئەوەی تەنها بەشێکی هاوڵاتیان بڕوایان بەنەخۆشیەکە هەیە و پابەندن، بەڵام بەشێکی زۆریان بڕوایان پێ نیە و پابەندنین ئەمەش وادەکات ژمارەکان زیاتر بێت و گوشار دروست بێت لەسەر نەخۆشخانەکانیش دروست بێت.

ڕوونیشی کردەوە، لەسەرەتای سەرهەڵدانی كۆرۆنا حکومەت و وەزارەتی تەندروستی بەڕوونی ڕایانگەیاند دامەزراوە تەندروستیەکان بەم شێوەیە نین بتوانن ژمارەیەکی زۆر بەرکەوتووان لەخۆبگرن، بوودجەیەکی ئەوتۆش نیە خزمەتی ئەو ڕێژە زۆرە بکەین.

دکتۆر دیار ئیبراهیم ئاماژەی بۆ ئەوەشکرد، ئەوکەسانەی بڕوایان بە كۆرۆنا نیە دەتوانن دۆخی تووشبووان ببینن، چونکە بەدڵنیاییەوە کەسانی نزیکی هەموو کەسێک تووشی كۆرۆنا بووە، نەمانی شوێنیش لە نەخۆشخانەکان و دابینکردنی نەخۆشخانەی تریش ئاماژەیە بۆ زۆری ژمارەی تووشبووان، لەبەر ئەوە هیچ بارگرانی نیە دەمامک ببەستی یان تێکەڵی شوێنی قەرەبالغ نەبیت یاخود لەماڵ نەچینە دەرەوە.

وتیشی، ئێمە لەکۆبوونەوەی خۆمان جەخت لەسەر ئەوەکراوەتە سەنتەر و شوێنی نوێ بکرێتەوە بۆ چارەسەری تووشبووان، بەڵام ئەمە مانای ئەوە نیە ئیمە شوێنمان هەبێت بۆ ژمارەیەکی زۆر، چونکە پێویستیان بە ئامێری تەندروستی دەبێت لەوانەش ئامێری هەناسەدانی دەستکرد کە ڕەنگە ژمارەیەکی زۆرهەبێت، بەڵام بەشی هەموو خەڵکی کوردستان ناکات ئەگەر هەمووان تووشبن، بۆیە داوا لەهەموو لایەک دەکەم لەسەرجەم چین و توێژەکان هاوڵاتیان ئاگادار بکەنەوە لە خۆپاراستنیان، چونکە ئەگەر پابەند نەبن کاریگەری دەبێت لەسەر زیادبوونی ژمارەی تووشبووان.

بەردەوام بە لە خوێندنەوە

کوردستان

جێگری لێپرسراوی پەیوەندییەکانی دەرەوەی هەرێم لەسەر پشکی یەکێتی دەستبەکاربوو

خەڵك – بەشی هەواڵ

ئەمڕۆ یەك شەممە دابان شەدەڵە لەسەر پشکی یەکێتی وەکو جێگری لێپرسراوی پەیوەندییەکانی دەرەوەی هەرێمی کوردستان دەستبەکاربوو.

بە ئامادەبوونی قوباد تاڵەبانی جێگری سەرۆکی ئەنجومەنی وەزیران و سەفین دزەیی لێپرسراوی فەرمانگەی پەیوەندییەکانی دەرەوە ڕێوڕەسمی دەستبەکاربوونی دابان شەدەڵە لە پۆستی جێگری لێپرسراوی پەیوەندییەکانی دەرەوە بەڕێوەچوو، جێگری سەرۆکی ئەنجومەنی وەزیران وێرای پیرۆزبایی لە دابان شەدەڵە، هیوای سەرکەوتنی بۆ خواست و ستایشی کار و چالاکییەکانی پێشووی کرد کە نوێنەری حکومەتی هەرێمی کوردستان بوو لە وڵاتی ئیسپانیا.

قوباد تاڵەبانی لە بەشێکی دیکەی وتەکانیدا رایگەیاند فەرمانگەی پەیوەندییەکانی دەرەوە یەکێکە لە پایە گرنگەکانی حکومەت و ڕۆڵی گرنگی بینوە لەسەر ئاستی ناوخۆ و دەرەوە و توانیویەتی ببێتە پردێکی باش بۆ پتەوکردنی پەیوەندییەکان لەگەڵ وڵاتانی دەرەوە و ئێمەش وەک سەرۆکایەتی ئەنجومەنی وەزیران پاڵپشتی هەنگاو و کارەکانیانین.

جەختیشی کردەوە یەکێک لە ئەولەویاتی حکومەتی هەرێم گرنگیدانە بە پەیوەندییە دیپلۆماسییەکان و پەرەپێدانی ئەم فەرمانگەیە و رێکخستنەوە و فراوانکردنی پەیوەندییەکانی هەرێمە لەگەڵ وڵاتانی جیهان، لەوبڕوایەداین کاک سەفین وەک لێپرسراو و کاک دابان وەک جێگر پێکەوە دەتوانن هەنگاوی باش بنێن لەوبارەیەوە.

لە ڕێوڕەسمەکەدا سەفین دزەیی لێپرسراویی فەرمانگەی پەیوەندییەکانی دەرەوە لە وتەیەکدا بەخێرهاتنی دابان شەدەڵەی کرد و ئاماژەی بەوەدا کە بەڕێزیان ئەزمونێکی باشی هەیە لە پرسی پەیوەندییەکان بۆیە گەشبینین پێکەوە بتوانین کارەکانی فەرمانگە بە باشی راپەڕێنین.

بەردەوام بە لە خوێندنەوە

کوردستان