ئێمە لە تۆرە کۆمەڵایەتیەکان

کوردستان

وەڵامی نمونەیی بۆ پرسیارەكان دادەنرێت
وەزارەتی پەروەردە ئاگاردارییەك بڵاودەكاتەوە

خەڵكح بەشی هەواڵ
وەزارەتی پەروەردەی حكومەتی هەرێمی كوردستان بەڕێوەبەرایەتییەكانی هەولێر و سلێمانی و دهۆك و هەڵەبجە و گەرمیان ئاگاداردەكات كە لەدوای هەموو تاقیكردنەوەیەكی قۆناغی ئامادەیی، وەڵامی نمونەیی بۆ پرسیارەكان لەلایەن لیژنەیەكی پسپۆڕەوە دادەنرێت.

بەپێی ئاگادارنامەیەك كە لەلایەن وەزارەتی پەروەردە (بەڕێوەبەرایەتی گشتی ئەزموونە گشتییەكان/ لیژنەی باڵای ئەزموونە گشتییەكان) بڵاوكراوەتەوە”ئاگادارتان دەكەینەوە كە لە دوای تاقیكردنەوەی هەر بابەتێكی ئەزموونە گشتییەكانی قۆناغی ئامادەیی ساڵی خوێندنی (2019-2020)، لەلایەن لیژنەیەكی پسپۆڕ (كە نوێنەری بەڕێوەبەرایەتی گشتی پەروەردەكانن)، وەڵامی نمونەیی بۆ پرسیارەكان دادەنرێت و ئەم وەڵامە وەك وەڵامی بەرایی بۆ پرسیارەكان هەژماردەكرێت”.

هەر لە ئاگادارنامەكەدا هاتووە”دوای ڕاوێژی زیاتر و وەرگرتنی سەرنج و تێبینی كەسانی شارەزا لە بابەتەكان و لە كۆتا ڕۆژی تاقیكردنەوە گشتییەكان، ئەم وەڵامانە پلەی بنبڕ وەردەگرن و دەبنە بنەمایەك بۆ پشكنینی سۆماكان”.

وەزارەتی پەروەردە دەڵێت”پرۆسەی پشكنینی سۆماكان لە بەرژەوەندی قوتابیان و خوێندكاران یەكلایی دەكرێنەوە، مافی هیچ قوتابی و خوێندكارێكيش نافەوتێنت”.

 

کوردستان

نزیكەی هەزار تووشبووی كۆرۆنا لە سلێمانی چاكبوونەوە

خەڵك – بەشی هەواڵ
بەڕێوەبەرایەتی گشتی تەندروستی سلێمانی ڕایدەگەیەنێت، لە ماوەی چوار هەفتەی ڕابردوودا نزیكەی هەزار تووشبوی ڤایرۆسی كۆرۆنا لە شاری سلێمانی چاكبوونەتەوە.

د. سەباح هەورامی، بەڕێوەبەری گشتی تەندروستی سلێمانی لە ڕاگەیەنراوێكدا، كە وێنەیەكی دەست (خەڵك) كەوتووە ڕایگەیاندووە، لە ماوەی چوار هەفتەی ڕابردوودا 911 توشبووی ڤایرۆسی كۆرۆنا لە شاری سلێمانی چاكبوونەتەوە.

ڕاشیگەیاندووە، لە سەرەتای سەرهەڵدانی ڤایرۆسەكەوە تا ئێستا لە ڕۆژی 13-5-2020 تا ئەمڕۆ 7021 توشبووی كۆرۆنا چاك بوونەتەوە.

بەردەوام بە لە خوێندنەوە

کوردستان

هەرێم؛ لە 24 كاتژمێری ڕابردوودا 23 حاڵەتی مردن بە كۆرۆنا تۆماركراوە

خەڵك- بەشی هەواڵ

وەزارەتی تەندروستی هەرێم ئاشكرای دەكات ، كە لە 24 كاتژمێری ڕابردوودا 612 كەس تووشی كۆرۆنا بوون و 23 كەسیش گیانیان لەدەستداوە.

وەزارەتی تەندروستی حكومەتی هەرێم لە ڕاگەیەنراوێكدا ئاماژەی بەوەكردووە ، 4146 پشكنین ئەنجام دراوە و دەركەوتووە لە هەولێر72 كەس و سلێمانی 94 كەس و لە گەرمیان 28 كەس و دهۆك 418 كەس تووشی كۆرۆنا بوون.

ئاشكراشی كردووە، كە 534 كەس چاكبوونەوە و 23 كەسیش گیانیان لەدەستداوە.

بەردەوام بە لە خوێندنەوە

کوردستان

یەكگرتوو بارەگاكانی لە پارێزگایەكی هەرێم داخست

خەڵك – بەشی هەواڵ
بەرپرسێكی یەكگرتووی ئیسلامی كوردستان ڕایدەگەیەنێت، بەهۆی مەترسییەكانی ڤایرۆسی كۆرۆناوە لە هەڵەبجە بۆ ماوەی 2 هەفتە تەواوی ئۆرگان و بارەگاكانیان بەداخراوی دەهێڵنەوە.

حەسەن شێخ عەبدوڵا، ئەندامی سەركردایەتی و بەرپرسی مەڵبەندی 5ی یەكگرتووی ئیسلامی لە لێدوانێكی ڕۆژنامەوانیدا ڕایگەیاندووە، دوای ئەوەی لەلایەن لیژنەی نەخۆشخانەی وەفای تایبەت بە ڤایرۆسی كۆرۆناوە ئاگاداركراونەتەوە بۆ ڕێگریكردن لەبڵاوبونەوەی ڤایرۆسەكە بارەگاكانیان داخستووە.

ڕاشیگەیاندووە، بەهۆی مەترسی بڵاوبونەوەی ڤایرۆسی كۆرۆنا ماوەی یەك هەفتەیە بارەگاكانیان داخستووە و هەفتەیەكی دیكەش بەداخراوی دەمێنیتەوە.

بەردەوام بە لە خوێندنەوە

کوردستان