ئێمە لە تۆرە کۆمەڵایەتیەکان

کوردستان

بە وێنە؛ دیاردەی گڕگرتنی ئۆتۆمبێل سەریهەڵدایەوە

خەڵك- بەشی هەواڵ
لەگەڵ دەستپێكردنی وەرزی گەرما دیاردەی گڕگرتنی ئۆتۆمبێل سەرهەڵدەداتەوە و ئەمڕۆ ئۆتۆمبێلێكی جۆری (مینی پاس) لەسەر ڕێگای (شكارتە- سەروچاوە) سووتا.

ساڵانە لەگەڵ هاتنی وەرزی گەرما و هاوین دیاردەی گرگرتن و سووتانی ئۆتۆمبێل سەرهەڵدەدات و بەشێكی شارەزایان هۆكارەكەی بۆ خراپی كوالێتی بەنزین و هەندێكی دیكەش هۆكارەكەی بۆ بوونی كێشە لە سیستمی كارەبایی ئۆتۆمبێل دەگێڕنەوە.

بەڕێوەبەرایەتی بەرگری شارستانی ڕاپەڕین لە ڕاگەیەنراوێكدا ئاماژەی بەوەكردووە، ئەمڕۆ یەك شەممە 12ی تەمموز لە كاتژمێر 11ی پێشنیوەڕۆ بنكەی بەرگری شارستانی سەروچاوە ئاگاداركـرایەوە لە ڕووداویكی ئاگر لە سەر ڕێگای گشتی نێوان شكارتە- سەروچاوە.

ڕاشیگەیاندووە، تیمی بنكە بەسەر پەرشی ئەفسەری بنكە گـەیشتنە سەر ڕووداوەكە و توانیان ئاگرەكە كۆنتڕۆڵ بكەن.

ئاشكراشی كردووە، لـەو ڕووداوەدا زیـانی گیان نەبوو، بەڵام زیانی مـاددی زۆر بەر ئۆتۆمبێلەكە كەوتووە و هۆكارەكەشی
بـۆ ئەو دەگـەڕێتەوە، كە درەنگ ئاگاداری تیمەكانی ئـاگــــركـوژێـنـەوەیان كـردووە.

بەڕێوەبەرایەتی بەرگری شارستانی ڕاپەڕین داوا لـەهـاووڵاتـیان دەكات، “لە ھەر ڕوداوێكی، كە تایبەتە بەبەرگری شارستانی پەیوەندی بكەن بەژمارە (١٥٧) بـەدالەی بەڕیوەبەرایەتیمان بێ بەرامبەرە لـەســــــنـوری ئیـدارەی ڕاپەڕین”.

کوردستان

وێنە.. خەڵك؛ زانیاری نوێ‌ لەبارەی بۆردوومانی فڕۆكە جەنگییەكانی توركیا لە دهۆك ئاشكرا دەكات

خەڵك – بەشی هەواڵ

فڕۆكە جەنگییەكانی توركیا لە سنووری پارێزگای دهۆك ئۆتۆمبێلێكیان كردە ئامانج و بەهۆیەوە چوار كەس شەهید بوون.

بەپێی زانیارییەكانی (تۆڕی میدیایی خەڵك)، ئەمشەو فڕۆكە جەنگییەكانی توركیا لە نزیك گوندی (ڕەشانكێ‌) كە تەنها 8 كیلۆمەتر لە سەنتەری پارێزگای دهۆك دوورە، ئۆتۆمبێلێكیان كردووەتە ئامانج، 4 سەرنشینی ئۆتۆمبێلەكە شەهید بوون.

بەوتەی دانیشتووانی ناوچەكە، ئۆتۆمبێلەكە مەدەنی بووە و 4 گەریلای پارتی كرێكارانی كوردستان (پەكەكە)ی تێدابووە و بەهۆی بۆردوومانەكە هەر چواریان دەستبەجێ‌ گیانیان لەدەستداوە.

بەردەوام بە لە خوێندنەوە

کوردستان

فڕۆكە جەنگییەكانی توركیا لە دهۆك ئۆتۆمبێلێكیان كردە ئامانج

خەڵك – بەشی هەواڵ

فڕۆكە جەنگییەكانی توركیا لە سنووری پارێزگای دهۆك ئۆتۆمبێلێكیان كردە ئامانج.

بەپێی زانیارییەكانی (تۆڕی میدیایی خەڵك)، كەمێك لەمەوبەر فڕۆكە جەنگییەكانی توركیا لە نزیك گوندی (ڕەشانكێ‌) كە تەنها 8 كیلۆمەتر لە سەنتەری پارێزگای دهۆك دوورە، ئۆتۆمبێلێكیان كردووەتە ئامانج، بەڵام تا ئێستا زیانەكانی ئەو بۆردوومانە نەزانراوە.

بەردەوام بە لە خوێندنەوە

کوردستان

بەڕێوەبەری نەخۆشخانەی جمهوری سلێمانی: كۆرۆنا ژیان ناوەستێنێ‌
بڕیارێك لە بەرژەوەندی نەخۆشانی (ڕۆماتیزمەی درێژخایەن) ڕادەگەیەنێت

خەڵك – بەشی هەواڵ

بەڕێوەبەری نەخۆشخانەی جمهوری سلێمانی ڕایدەگەیەنێت: لە سەرەتای هەفتەی داهاتووەوە بەشی فریاكەوتنی هەناوی جمهوری تەرخان دەكرێت بۆ پێدانی (دەرزی مانگانەی ڕۆماتیزمە) بۆ نەخۆشانی (ڕۆماتیزمەی درێژخایەن).

د.داهات حەوێزی بەڕێوەبەری نەخۆشخانەی جمهوری سلێمانی لە هەژماری تایبەتی خۆی لە تۆڕی كۆمەڵایەتی فەیسبوك بڵاویكردەوە: كۆڕۆنا ژیان ناوەستێنێ، سەرەڕای تووشبوونی زۆر لە پزیشكان و كارمەندان و وەرنەگرتنی مووچەكانیان، بەڵام لەپێناو زیاتر خزمەتكردنی هاووڵاتیانی شاری سلێمانی و دەوروبەری كە نەخۆشی (ڕۆماتیزمەی درێژخایەن)یان هەیە بڕیارماندا لە سەرەتای هەفتەی داهاتووەوە بەشی فریاكەوتنی هەناوی جمهوری تەرخان بكەین بۆ پێدانی (دەرزی مانگانەی ڕۆماتیزمە)، بەهیوای كەمكردنەوەی ئێش و ئازارەكانیان.

دەقی نووسینەكە:

كۆڕۆنا ژیان ناوەستێنێ:
سەرەڕای تووشبونی زۆر لە پزیشكان و كارمەندان و وەرنەگرتنی مووچەكانیان، بەڵام لەپێناو زیاتر خزمەتكردنی هاوڵاتیانی شاری سلێمانی و دەوروبەری كە نەخۆشی (ڕۆماتیزمەی درێژخایەنیان) هەیە بڕیارمان دا لە سەرەتای هەفتەی داهاتووەوە بەشی فریاكەوتنی هەناوی جمهوری تەرخان بكەین بۆ پێدانی (دەرزی مانگانەی ڕۆماتیزمە)، بەهیوای كەمكردنەوەی ئێش و ئازارەكانیان.
سوپاس بۆ كارمەندو پزیشكە دڵسۆزەكان.

“بەهیوای لەشساغی بۆ گشت لایەك”

د.داهات حەوێزی

بەڕێوەبەری نەخۆشخانەی جمهوری سلێمانی

بەردەوام بە لە خوێندنەوە

کوردستان