ئێمە لە تۆرە کۆمەڵایەتیەکان

کوردستان

تەندروستی هەولێر: پێشبینی دەكەین تووشبووانی تری كۆرۆنا هەبن لەناو كۆمەڵگا كە نیشانەیان نییە

خەڵك – ئارام سەردار

وتەبێژی بەڕێوەبەرایەتی گشتی تەندروستی هەولێر ڕایدەگەیەنێت، پێشبینی دەكەین تووشبووانی تریش هەبن لەناو كۆمەڵگا كە نیشانەیان نییە و سەردانی ناوەندە تەندروستییەكان نەكەن، بۆیە ئێمە ترسمان لەو كەسانە هەیە، بۆیە ئەگەر هاووڵاتیان پابەندی ڕێنماییەكان بن دڵنیایی دەدەم بەهەموو هاووڵاتیان كە ڤایرۆسەكە ناگوازرێتەوە لەكەسێكەوە بۆ كەسێكی تر.

د. بژار موسا عەلی وتەبێژی بەڕێوەبەرایەتی گشتی تەندروستی هەولێر بە(تۆڕی میدیایی خەڵك)ی ڕاگەیاند، بەداخەوەین بۆ تۆماركردنی ئەو ژمارە زۆرەی تووشبووانی كۆرۆنا، پێشبینیش دەكەین تووشبووانی تریش هەبن لەناو كۆمەڵگا كەوا نیشانەیان نییە و سەردانی ناوەندە تەندروستییەكان نەكەن، بۆیە ئێمە ترسمان لەو كەسانە هەیە كەلەناو كۆمەڵگان و نیشانەیان نییە نەك لەوانەی لەناو نەخۆشخانەكانن یان شوێنی تایبەتن چارەسەر وەردەگرن وەك بەشی ناوخۆیی ۱۸ی شوبات، گلەیش لەو خەڵكانە ناكەین كەوا هەڵگری ڤایرۆسەكەن و نیشانەیان نییە، چونكە نازانن هەڵگرن داواكاری ئێمەش پابەندبوونی هاووڵاتیانە بەتەواوی ڕێنماییەكان.

وتەبێژی بەڕێوەبەرایەتی گشتی تەندروستی هەولێر دەشڵێت، ئەگەر هاوڵاتیان پابەندی ڕێنماییەكان بن دڵنیایی دەدەم بەهەموو هاوڵاتیان كەوا ڤایرۆسەكە ناگوازرێتەوە لەكەسێكەوە بۆ كەسێكی تر ئەگەر وەكو خۆی ڕێنماییەكان جێبەجێ بكرێت نەوەك لەلایەن هەندێ كەسەوە پشتگوێ بخرێت.

سەبارەت بەڕەوشی تووشبووانی هەولێر ئاماژی بۆ ئەوەكرد، بەداخەوە بەشێكی زۆر لەتووشبووان باری تەندروستیان باش نیە نیشانەكانیان بەقوڕسی هەیە و تووندە، هەمانە لەدۆخێكی تەندروستی مەترسیداردایە، سات بەسات و بەتێپەڕبوونی كات ژمارەی ئەو حاڵەتانەی كەواباری تەندروستیان ناجێگیر دەبێت و پێویستیان بەئامێری هەناسەدانی دەستكرد و یەكەی چاودێری چڕدەبێت بەرزدەبێتەوە، ئەمەش پێشهاتێكی مەترسیدارە و بەپابەند نەبوونی هاوڵاتیان ژمارەكە زیاتر بەرزبێتەوە كە ڕەنگە كارەساتی گەورەتر ڕووبدات.

د. بژار موسا عەلی ئەوەشی خستەڕوو، دووبارە داوا لە هاووڵاتیان دەكەین كەوا پابەندبن تا چارەسەری تووشبووان بكەین و ڕێگری بكەین لەتووشبوونی نوێی تر.

لەبارەی كردنەوەی بنكە تەندروستییەكان وتی، دوای هەڵسانگاندنی دۆخەكە بەباش زانرا كەوا بەشەكانی تری پزیشكی پشتگوێ نەخرێت بڕیاردرا سەرجەم دام و تەندروستییەكان و بەشە پزیشكییەكان بكرێتەوە، سەرەڕای ڕاگرتنی دەوامیش لەڕابردوو، بەڵام پزیشكان بەردەوام كاری خۆیان كردووە و ئەركی خۆیان ڕاپەڕاندووە، بۆیە بەكردنەوەی نەخۆشخانە و بنكە تەندروستییەكان ئەركی پزیشكان و كارمەندانی تەندروستی دوو هێندە دەكات، چونكە جگە لەپێشكەشكردنی خزمەتگوزاری بەتووشبووانی كۆرۆنا خزمەتگوزاری بەنەخۆشانی تریش دەكەن ئەمەش جێگای دەست خۆشییە.

کوردستان

وێنە.. خەڵك؛ زانیاری نوێ‌ لەبارەی بۆردوومانی فڕۆكە جەنگییەكانی توركیا لە دهۆك ئاشكرا دەكات

خەڵك – بەشی هەواڵ

فڕۆكە جەنگییەكانی توركیا لە سنووری پارێزگای دهۆك ئۆتۆمبێلێكیان كردە ئامانج و بەهۆیەوە چوار كەس شەهید بوون.

بەپێی زانیارییەكانی (تۆڕی میدیایی خەڵك)، ئەمشەو فڕۆكە جەنگییەكانی توركیا لە نزیك گوندی (ڕەشانكێ‌) كە تەنها 8 كیلۆمەتر لە سەنتەری پارێزگای دهۆك دوورە، ئۆتۆمبێلێكیان كردووەتە ئامانج، 4 سەرنشینی ئۆتۆمبێلەكە شەهید بوون.

بەوتەی دانیشتووانی ناوچەكە، ئۆتۆمبێلەكە مەدەنی بووە و 4 گەریلای پارتی كرێكارانی كوردستان (پەكەكە)ی تێدابووە و بەهۆی بۆردوومانەكە هەر چواریان دەستبەجێ‌ گیانیان لەدەستداوە.

بەردەوام بە لە خوێندنەوە

کوردستان

فڕۆكە جەنگییەكانی توركیا لە دهۆك ئۆتۆمبێلێكیان كردە ئامانج

خەڵك – بەشی هەواڵ

فڕۆكە جەنگییەكانی توركیا لە سنووری پارێزگای دهۆك ئۆتۆمبێلێكیان كردە ئامانج.

بەپێی زانیارییەكانی (تۆڕی میدیایی خەڵك)، كەمێك لەمەوبەر فڕۆكە جەنگییەكانی توركیا لە نزیك گوندی (ڕەشانكێ‌) كە تەنها 8 كیلۆمەتر لە سەنتەری پارێزگای دهۆك دوورە، ئۆتۆمبێلێكیان كردووەتە ئامانج، بەڵام تا ئێستا زیانەكانی ئەو بۆردوومانە نەزانراوە.

بەردەوام بە لە خوێندنەوە

کوردستان

بەڕێوەبەری نەخۆشخانەی جمهوری سلێمانی: كۆرۆنا ژیان ناوەستێنێ‌
بڕیارێك لە بەرژەوەندی نەخۆشانی (ڕۆماتیزمەی درێژخایەن) ڕادەگەیەنێت

خەڵك – بەشی هەواڵ

بەڕێوەبەری نەخۆشخانەی جمهوری سلێمانی ڕایدەگەیەنێت: لە سەرەتای هەفتەی داهاتووەوە بەشی فریاكەوتنی هەناوی جمهوری تەرخان دەكرێت بۆ پێدانی (دەرزی مانگانەی ڕۆماتیزمە) بۆ نەخۆشانی (ڕۆماتیزمەی درێژخایەن).

د.داهات حەوێزی بەڕێوەبەری نەخۆشخانەی جمهوری سلێمانی لە هەژماری تایبەتی خۆی لە تۆڕی كۆمەڵایەتی فەیسبوك بڵاویكردەوە: كۆڕۆنا ژیان ناوەستێنێ، سەرەڕای تووشبوونی زۆر لە پزیشكان و كارمەندان و وەرنەگرتنی مووچەكانیان، بەڵام لەپێناو زیاتر خزمەتكردنی هاووڵاتیانی شاری سلێمانی و دەوروبەری كە نەخۆشی (ڕۆماتیزمەی درێژخایەن)یان هەیە بڕیارماندا لە سەرەتای هەفتەی داهاتووەوە بەشی فریاكەوتنی هەناوی جمهوری تەرخان بكەین بۆ پێدانی (دەرزی مانگانەی ڕۆماتیزمە)، بەهیوای كەمكردنەوەی ئێش و ئازارەكانیان.

دەقی نووسینەكە:

كۆڕۆنا ژیان ناوەستێنێ:
سەرەڕای تووشبونی زۆر لە پزیشكان و كارمەندان و وەرنەگرتنی مووچەكانیان، بەڵام لەپێناو زیاتر خزمەتكردنی هاوڵاتیانی شاری سلێمانی و دەوروبەری كە نەخۆشی (ڕۆماتیزمەی درێژخایەنیان) هەیە بڕیارمان دا لە سەرەتای هەفتەی داهاتووەوە بەشی فریاكەوتنی هەناوی جمهوری تەرخان بكەین بۆ پێدانی (دەرزی مانگانەی ڕۆماتیزمە)، بەهیوای كەمكردنەوەی ئێش و ئازارەكانیان.
سوپاس بۆ كارمەندو پزیشكە دڵسۆزەكان.

“بەهیوای لەشساغی بۆ گشت لایەك”

د.داهات حەوێزی

بەڕێوەبەری نەخۆشخانەی جمهوری سلێمانی

بەردەوام بە لە خوێندنەوە

کوردستان