ئێمە لە تۆرە کۆمەڵایەتیەکان

کوردستان

هەپەگە؛ دوو سەنگەر لە ناوبران و هەشت سەرباز كوژران

خەڵك – بەشی هەواڵ

هێزەكانی پاراستنی گەل ڕایدەگەیەنێت ، گەریلاكانیان و یەژاستار لە هەفتانین و چەلێ لەدژی سوپای توركیا چالاكیان ئەنجامدا، دوو سەنگەر لەناوبران و هەشت سەرباز سزا دران.

هێزەكانی پاراستنی گەل-هەپەگە لە ڕاگەیەنراوێكدا بڵاویكردەوە، لە چالاكییەكی هێزەكانیان لە هەفتانین و چەلێ بۆ سەر هێزەكانی سوپای توركیا دوو سەنگەر لە ناوبران و هەشت سەرباز كوژران، لە جولەمێرگیش ئۆپەڕاسیۆنی سوپا و شەڕ بەردەوامی هەیە و فڕۆكە جەنگیەكان ئاڤاشینیان بۆردومان كرد.

دەقی ڕاگەیەندراوەكەی هەپەگە بەمشێوەیەیە:

سوپای داگیركەری تورك ١٦ی حوزەیران “مانگی شەش” لە دژی هەرێمی هەفتانینی سەر بە هەرێمەكانی پاراستنی مەدیا دەستی بە جموجووڵی داگیركەری كرد. ١٠ی تەمموز “ئەم مانگە” هێزە داگیركەرەكان كاتژمێر ١٤:٠٠ بە پشتگیری فڕۆكە بێفڕۆكەوانەكان لە گردی كارتال دەستیان بە جموجووڵ كرد. هێزە داگیركەرەكان كە ڕوویان كردە گردەكە، ڕووبەڕووی بەرخۆدانی گەریلاكانمان بوونەوە. هێزەكانمان لە نزیكەوە بە شێوەیەكی كاریگەر لە یەكینەكانی دوژمنیاندا. لە چالاكیەكەدا بە پێی زانیاریەكانمان سێ سەرباز سزا دراون. لە لایەكیترەوە هێزەكانمان لە دژی دوژمن سێ چالاكی دیكەی سوبۆتاژیان ئەنجامدا، لە ئەنجامدا ژمارەیەك سەربازی دوژمن كوژراون بەڵام بە تەواوەتی ژمارەیان نەزانراوە، هەر زانیاریەك لەبارەی شەڕ و بۆردومانەكانەوە بگاتە دەستمان بۆ ڕای گشتی بڵاوی دەكەینەوە.

دوو سەنگەر لەناوبران و پێنج سەرباز كوژران

١٠ی تەمموز كاتژمیر ٠٤:٤٠ هێزەكانمان یەژاستار، هێزە داگیركەرەكانیان لە قەڕەقۆلی سەرزێری ناوچەی چەلێی جولەمێرگ كردە ئامانج. لە چالاكیەكەدا بە بەهێزی لە سەرباز و سەنگەرەكانی دوژمندرا. ژمارەی كوژراو و بریندارەكانی دوژمن نەزانرا. هێزەكانمان هەمان ڕۆژ كاتژمیر ١٠:٤٠ لەدژی قەڕەقۆڵی گردی سۆر چالاكیان ئەنجامدا. لەو چالاكیەكدا بە بەهێزی لە سەنگەرەكانی دوژمن درا و دوو سەنگەر لەناوبران و چەكێكی ئەی٤ی قوڕس، چەكێكی ئۆبوس تێكشكێنران و پێنج سەربازیش سزا دران.

لە جولەمێرگ ئۆپەڕاسیۆنی داگیركەری و شەڕ

١٤ی حوزەیران سوپای داگیركەری تورك لە ناوچەی چیای رەشكێی جولەمێرگ دەستی بە ئۆپەڕاسیۆنی داگیركەری كرد. داگیركەران ناوچەكەیان بۆردومان كرد و دواتر بە هێلیكۆپتەری سكۆرسكی سەربازیان بۆ ناوچەكە گواستەوە. لەنێوان هیزە داگیركەرەكان و هێزەكانی ئێمەدا شەڕ ڕوویدا. هاوڕێكانمان كەمال و قەندیل كە بە قاڕەمانێتی شەڕیان كرد و گورزی گەورەیان لە داگیركەراندا، شەهید بوون.

فڕۆكە جەنگیەكان ئاڤاشینیان بۆردومان كرد

١١ئەمڕۆ كاتژمێر ٠٨:٤٥ فڕۆكە جەنگیەكانی سوپای داگیركەری تورك دەڤەری شەهید دیرەنی ئاڤاشینی هەرێمی پاراستنی میدیایان بۆردومان كرد.

ئابوری

سامانە سرووشتییەكان: باشترە عیراق وەك هەرێمی كوردستان بهێڵن لایەنی سەربەخۆ وردبینی لە پرسی نەوت بكات

خەڵك – بەشی هەواڵ

دوای ئەوەی وەزیری نەوتی عیراق ئاماژەی بەوەكردبوو، كەنەوتی هەرێم بەقاچاغ دەبرێت و لەئۆپیك كێشەی بۆ عیراق دروست كردووە، وەزارەتی سامانە سرووشتییەكانی هەرێم ئەو وتانە ڕەتدەكاتەوە.

وەزارەتی سامانە سرووشتییەكانی حكومەتی هەرێمی كوردستان لە ڕاگەیەنراوێكدا ڕایگەیاند:”ئامار و زانیاریی بەرهەمهێنانی نەوت لە هەرێمی كوردستان لەلایەن كۆمپانیای دیلۆیتی جیهانییەوە وردبینیی تێدا دەكرێت و بەشێوەیەكی بەردەوام بڵاودەكرێتەوە، بۆیە باشترە كە حكومەتی فیدراڵیی عیراق وردتربن لە لێدوانەكانیان، باشترە عیراقیش وەك هەرێمی كوردستان بهێڵن لایەنی سەربەخۆ وردبینی لە زانیارییەكانی تایبەت بە پرسی نەوت بكات”.

وەزارەتی سامانە سرووشتییەكان ئاماژەی بەوەشكردووە:” حكومەتی هەرێمی كوردستان دوای ڕێككەوتنی ئۆپيك پڵەس قەبارەی بەرهەمهێنانی كەمكردووەتەوە و كۆی گشتیی بەرهەمەكانی لە ئاستی پێویستدا نین بەراورد بە بەرهەمەكانی بەشەكانی دیكەی عیراق”.

وەزارەتی سامانە سرووشتییەكانی هەرێم بسی لەوەش كردووە:” ئەو ڕوونكردنەوەیان بۆ حكومەتی فیدراڵی وەكو بەشێك لە گفتوگۆیەكی گشتگیرتر لەقەڵەم دەدەن”.

بەردەوام بە لە خوێندنەوە

کوردستان

فراكسیۆنی پارتی؛ بە شانازییەوە یادی ریفراندۆمی سەربەخۆیی كوردستان دەكەینەوە

خەڵك – بەشی هەواڵ

فراكسیۆنی پارتی لە پەڕلەمانی كوردستان ڕایدەگەیەنێت ، بە شانازییەوە یادی ریفراندۆمی سەربەخۆیی كوردستان دەكەینەوە، كە خاڵێكی وەرچەرخانی گرنگ بوو لە مێژووی بزاڤی رزگاریخوازی گەلی كوردستان.

فراكسیۆنی پارتی لە پەڕلەمانی كوردستان لە ڕاگەیەنراوێكدا بڵاویكردەوە ، ریفراندۆمی سەربەخۆیی كوردستان، كە لە 25ـی ئەیلوولی 2017 ئەنجام درا، رۆژێكی نیشتمانیی شكۆدارە و شانازییەكی گەورەیە بۆ هەموو ئەوانەی بە بەڵێ، دەنگیان بۆ سەركەوتنی دا.

ڕاگەیەنراوى فراكسیۆنی پارتی لە ساڵیادی ریفراندۆمی سەربەخۆیی كوردستان
بە شانازییەوە یادی ریفراندۆمی سەربەخۆیی كوردستان دەكەینەوە، كە خاڵێكی وەرچەرخانی گرنگ بوو لە مێژووی بزاڤی رزگاریخوازی گەلی كوردستان.
ریفراندۆمی سەربەخۆیی كوردستان، كە لە 25ـی یٔەیلوولی 2017 یٔەنجام درا، رۆژێكی نیشتمانیی شكۆدارە و شانازییەكی گەورەیە بۆ هەموو یٔەوانەی بە بەڵێ، دەنگیان بۆ سەركەوتنی دا.
لە ساڵیادی ریفراندۆمدا، بەڵێن بە سەرۆك بارزانی دەدەین تا بمێنین پێشمەرگەی یٔەو ڕێیە دەبین كە یٔەو بۆ گەلەكەی هەڵیبژاردووە، كۆڵنەدان و وەفای یٔەو بۆ گەلەكەی دەنگی یٔازادیخوازانی كوردی بە گوێی كۆمەڵگەی نێودەوڵەتی و یار و نەیارانی گەلی كوردستان، گەیاند.
یٔێمە وەك فراكسیۆنی پارتی لە پەرلەمانی كوردستان هەردەم شانازی بەو دەستكەوتە مەزنەی گەلەكەمان دەكەین و بە رابەرایەتیی جەنابی سەرۆك بارزانی و بە پێشڕەویی پارتە نەتەوەییخوازەكەمانەوە، خەبات بۆ بەدیهاتنی دەكەین.
سڵاو بۆ هەموو یٔەو كەسانەی بەشداربوون لە سەركەوتنی ڕیفراندۆمی سەربەخۆیی كوردستان و دروود بۆ گیانی شەهیدانی كاروانی رزگاری و سەربەخۆیی كوردستان.
فراكسیۆنی پارتی
لە پەرلەمانی كوردستان

بەردەوام بە لە خوێندنەوە

کوردستان

ئاسایشی سلێمانی ؛ باندێكی باندێكی‌ چوار كەسی‌ دەستگیركرد

خەڵك – بەشی هەواڵ

بەڕێوەبەرایەتی‌ ئاسایشی‌ پارێزگای‌ سلێمانی‌ ڕایدەگەیەنێت، باندێكی‌ چوار كەسیان دەستگیركردووە، كە كاریان بارزگانی بووە بە شوێنەوار و ماددەی‌ هۆشبەرەوە و بە چەكی بێ ‏مۆڵەتەوە هەستاون بە ‏هەڕەشەكردن لە خەڵك .

بەڕێوەبەرایەتی‌ ئاسایشی‌ پارێزگای‌ سلێمانی‌ ئەمڕۆ پێنجشەممە 24ی‌ ئەیلولی‌ 2020، لە ڕاگەیەندراوێكدا ، كە وێنەیەكی بۆ (خەڵك) هاتووە ڕایگەیاندووە، هێزەكانیان لە رۆژی 10ی ئەیلوولی 2020 باندێكی چوار كەسییان ‏دەستگیركرد كە بازرگانییان بە شوێنەوار و ماددە هۆشبەرەكانەوە ‏كردووە.

ڕاشیگەیاندووە، ئەو چوار كەسە هەستاون بە ‏هەڕەشەكردن لە خەڵك بە چەكی بێ ‏مۆڵەت و بازرگانییان بە شوێنەوار و ‏ماددە هۆشبەرەكانەوە كردووە، هاوكات بە چەقۆ و چەكیش خەڵكیان بریندار ‏كردووە.‏

ئاشكراشیكردووە، ئەو چوار كەسە ‏تەمەنیان لەنێوان 40 بۆ 44 ساڵدا بووە، سیانیان دانیشتووی وڵاتی ‏بەریتانیان ‌و یەكێكیشیان دانیشتووی شاری سلێمانییە‌ و سەرجەمیشیان دانیان بە تاوانەكانیاندا ناوە، ئێستاش رووبەڕووی یاسا كراونەتەوە و ‏لێكۆڵینەوەش لەگەڵیاندا بەردەوامە.‏

 

بۆ بەڕێز / كەناڵەكانی ڕاگەیاندن
بابەت / دەستگیركردنی باندێكی تۆمەتبار
لەدرێژەی كارو چالاكیەكانی بەڕێوەبەرایەتی ئاسایشی سلێمانی , بەمەبەستی پاراستنی سەروماڵا و كەرامەتی هاوڵاتیان و ڕوو بەڕوو بونەوەی هەرجۆرە كارێكی هەڵخەڵەتاندن و فریودان و ئەنجامدانی كاری نایاسی تێكدانی ئاسایش و ئارامی هاوڵاتیان
هێزەكانی ئاسایشی سلێمانی توانیان لەڕۆژی (10/9/2020 ) لە چالاكیەكدا چوار تۆمەتبار دەستكیربكەن بەفەرمانی دادوەر و بەپێی ماددەی ( 431) لەیاسای سزادانی عێراقی بە ناوەكانی ( ك،ع،خ لەدایكبوی ساڵی 1981 ڕەگەز كورد دانیشتوی وڵاتی بەڕیتانیا / س،م،ص لەدایكبوی 1985 ڕەگەز كورد دانیشتوی وڵاتی بەڕیتانیا / ب،ص،ڕ لەدایكبوی 1980 ڕەگەز كورد دانیشتوی وڵاتی بەڕیتانیا / ز،م،م لەدایكبوی 1976 دانیشتوی سلێمانی) ، تۆمەتباران هەستاون بە هەڕەشەكردن لەخەڵكی بەچەكی بێ مۆڵەت و بازركانی كردن بە شوێنەوار و بازرگانی بە ماددەی هۆشبەر و برینداركردنی هاوڵاتیان بەچەقۆ و،هەڵگرتنی چەكی بێ مۆڵەت ، سەرجەمیان دانیان بەتاوانەكانیاندا ناوە و ڕوبەڕوی یاسا كراونەتەوە و لێكۆڵینەوە لەگەڵیاندا بەردەوامە .

لەگەڵ ڕێزدا….

ڕاگەیاندنی
بەڕێوەبەرایەتی ئاسایشی پارێزگای سلێمانی

بەردەوام بە لە خوێندنەوە

کوردستان