ئاراس جەبار، شارەزای کەشناسی بۆ (خەڵک) وتی: لە ئێستادا لەبەشێکی ناوچەکانی سنوری پارێزگای دھۆک و موسڵ ھەورە بروسکە چالاکبووە لەناوچەکانی دیکەی ھەرێم دۆخەکە سەقامگیرە و بەھۆی ھاتنی شێی زیاتر لەچاو رۆژانی رابردوو ئەمڕۆ ھەست بەگەرمایەکی زیاتر دەکرێت کە کاتیە و سبەی پلەکانی گەرما بەھۆی بارانبارینەوە نزمبوونەوەی بەرچاو بەخۆیەوە ئەبینێتەوە تا دوو رۆژی داھاتووش کەشوھەوا زیاتر فێنک ئەبێت.
وتیشی: لەئێستاشدا ھەورەکان لە رۆژئاوای ھەرێم و عێراقەوە چالاک دەبنەوە بە ئاراستەی ناوچەکانمان ئەگەر ھەیە لەکاتەکانی ئێوارە و بەتایبەت شەو ھەورە بروسکە و تاوە باران لەناوچە جیاجیاکاندا دەستپێبکاتەوە لەگەڵ چالاکبوونی خێرای با کە ھەندێ کات و شوێن بەھێز دەبێت تایبەت لە پێش گەیشتنی باران و ھەورە بروسکە.
پێشبینی ئەوەش دەکات، کە بۆ سبەی رێژەی بارانبارین زیاتر بێت.
