ئێمە لە تۆرە کۆمەڵایەتیەکان

عێراق

قسەی بۆ ژمارەیەك باڵیۆزی وڵاتانی عەرەبی كرد
سەرۆك كۆمار: پێویستە ڕێگە لە پێشێلكارییەكانی توركیا بگیرێت

خەڵك-بەشی هەواڵ
لە میانی پێشوازیكردنی لە ژمارەیەك لە باڵیۆزی وڵاتانی عەرەیی، سەرۆك كۆماری عیراق جەخت لەسەر گرنگی پشتیوانی لە عێراق دەكاتەوە بۆ راگرتنی پێشلكارییە سەربازییەكانی توركیا.

ئەمڕۆ چوار شەممە، بەرهەم ساڵح سەرۆك كۆماری عیراق لەكۆشكی بەغداد پێشوازیكرد لە ژمارەیەك باڵیۆزی وڵاتانی عەرەبی و
لە دیدارەكەدا گفتوگۆكرا لەبارەی چۆنیەتی پەرەپێدانی پەیوەندییەكانی عێراق لەگەڵ وڵاتانی عەرەبی و فراوانكردنی ئاسۆی هاریكاری بونیادنەر لە تەواوی بوارەكان، بەجۆرێك زامنی پاراستنی بەرژەوەندی هاوبەش بكات.

ھەر لە دیدارەكەدا سەرۆك كۆمار جەختیكردەوە كە دەوڵەتی عێراقی خاوەن سەروەری پرۆژەیەكی نیشتیمانییە كە ئاشتی و ئاسایشی كۆمەڵایەتی عێراق دەپارێزێت، ھەروەھا ئاماژەشیكرد بۆ ئەوەی سەقامگیری عێراق كۆڵەكەییەكی گرنگە بۆ ئارامی ناوچەكە.

لە بەشێكی دیكەی دیدارەكەدا سەرۆك كۆمار دووپاتی لەوە كردەوە كە عێراق دەوڵەتێكی خاوەن كاریگەرییە لەسەر ئاستی ناوچەكەو جیھان، بۆیە پێویستە رێز لە سەروەری عێراق بگرن و دەستوەرنەدەنە كاروباری ناوخۆیی لە پێناو بونیادنانی پەیوەندییەكی بەھێز
لەسەر لێكگەشتنی هاوبەش.

لە تەوەرێكی دیكەی دیدارەكەدا سەرۆك كۆمار جەختیكردەوە لەگرنگی پشتیوانیكردنی كاروانی چارەسەری ئاشتییانە بۆ تێپەڕاندنی قەیران و گرژییەكان لە ناوچەكەدا، بەجۆرێك ببێتەمایەی بەرقەراربوونی ئاسایش و سەقامگیری بۆ گشت وڵاتانی ناوچەكە، سەرۆك بەرھەم ئاماژەی بۆ ئەوەشكرد ناكرێت عێراق ببێتە بەشێك لە سیاسەتی جەمسەرگیری.

ھاوكات ئەوەشی گوت عێراق پەرۆشی سەنگی پێگەكەیەتی لە ناوچەكەدا لە سۆنگەی مێژووی و دێرینی پەیوەندییەكانی لەگەڵ وڵاتانی عەرەبیدا، كاری جددیش دەكات بۆ ئەوەی ژینگەیەكی ئارام بێتە كایەوە كە بەرژوەندی و ئامانجی هاوبەش بەیەكەوە گرێ بدات، كە لەو رێگەیەوە پێشكەوتن و گەشەسەندن و خۆشگوزەرانی ئابووری بۆ سەرجەم گەلانی ناوچەكە بێتەكایەوە.

سەرۆك بەرهەم جەختیكردەوە لە پێویستی راگرتنی پێشلكارییە سەربازییەكانی توركیا بۆ سەر خاكی عێراق، كە پێشێلكردنی سەروەری عێراق و ئاسایشی ناوچەكە، ھەروەھا ستایشی هەڵوێستی وڵاتانی دۆست و كۆمەڵەی وڵاتانی عەرەبی كرد لە پشتیوانی عێراق بەرامبەر پێشلكارییە بەردەوامەكانی توركیا و بەرقەراربوونی ئاسایش و ئارامی لە عێراق دا.

سەرۆك كۆمار تیشكی خستەسەر ئەوەی كە پێویستە كار و هەماهەنگی هاوبەش ئەنجام بدرێت لە پێناو دۆزینەوەی رێگاچارەی گونجاو بۆ كێشە سنوورییەكانی نێوان ھەردوو وڵات بە رێگەی دیبلۆماسی و گفتوگۆی جددی و هەماهەنگی هاوبەش.

لە لای خۆیانەوە باڵیۆزانی وڵاتانی عەرەبی پشتیوانی خۆیان بۆ هەوڵەكانی عێراق دووپاتكردەوە لە بارەی پارێزگاریكردن لە سەروەری و خاكەكەی بەرامبەر بە هەر دەستوەردانێكی دەرەكی، دووپاتیشیان كردەوە لەسووربوونی وڵاتەكانیان بۆ پەرەپێدانی پەیوەندییەكانیان و فراوانكردنی ئاسۆی هاریكاری و هەماهەنگیەكانیان و لە بارەی چەندین بابەتی گرنگی هاوبەش ووتوێژ كرا.

عێراق

تورکیا: ئەگەر عیراق چاوپۆشی لەپەکەکە بکات، لەهێرشەکانمان بەردەوامدەبین

خەڵک- بەشی هەواڵ

وەزارەتی دەرەوەی تورکیا ڕایگەیاند، سەرەتا بەرپرسیارێتیی عیراقە رێوشوێنی پێویست بگرێتەبەر دژبە ئەندامانی  پەکەکە کە لە وڵاتەکەیدا هەن، ئەگەر بەردەوام چاوپۆشی لە بوونی پەکەکە بکرێت لە عیراق، ئەوا تورکیا پێداگرە لە گرتنەبەری رێوشوێنی پێویست لە پێناو ئاسایشی سنوورەکانی خۆی.

 

سەبارەت بە چاوەڕوانییەکانی تورکیا لە عیراق و کۆمەڵگای نێودەوڵەتی بۆ بەرەنگاربوونەوەی پەکەکە، وەزارەتی دەرەوەی تورکیا ڕاگەیەندراوێکی بڵاوکردەوە.

 

لە راگەیەندراوەکەدا جەخت لەسەر ئەوە کراوەتەوە، پەکەکە کە ساڵانێکە لەو ناوچانەی لە عیراق لانەی کردووە هێرش دەکاتە سەر تورکیا و بێ منەتە بەرامبەر سەروەریی، یەکپارچەیی خاک، ئاسایش و سەقامگیری عیراق.

 

هەروەها لە راگەیەندراوەکەدا باس لەوە کراوە، سەرەتا بەرپرسیارێتیی عیراقە رێوشوێنی پێویست بگرێتەبەر دژ بە ئەندامانی “رێکخراوی تیرۆریستیی پەکەکە” کە لە وڵاتەکەیدا هەن.

 

ئەوەش هاتووە ”لەو ڕووەوە وڵاتەکەمان ئامادەی هاریکارییە لەگەڵ عیراق، بەڵام ئەگەر بەردەوام چاوپۆشی لە بوونی پەکەکە بکرێت لە عیراق، ئەوا وڵاتەکەمان هەرچییەک ببێت با ببێت وەک ئەوەی تا ئێستا کردوویەتی پێداگرە لە گرتنەبەری رێوشوێنی پێویست لە پێناو ئاسایشی سنوورەکانی. لەبەر رۆشنایی ئەوەدا، داوا لە عیراق دەکەین، هەنگاوی پێویست بگرێتەبەر، داواش لە هەندێک وڵاتی دیکە و رێکخراوە هەرێمییەکان دەکەین کە ئەو ڕەوشە بە هەل دەزانن و بانگەشەی بێ بنەما دژبە وڵاتەکەمان بڵاودەکەنەوە کە هانی تیرۆریستان دەدەن، کۆتایی بەو هەڵوێستە دووفاقییە بهێنن لە بەرەنگاربوونەوەی تیرۆردا و هەڵوێستێکی مەبدەئی بگرنەبەر”.

سەرچاوە: ئاژانسی ئەنادۆڵو

بەردەوام بە لە خوێندنەوە

عێراق

ماكینزی: لە عیراق و سوریا ناكشێینەوە

خەڵك – بەشی هەواڵ
فەرماندەی باڵای هێزەكانی سوپای ئەمریكا لە ڕۆژهەڵاتی ناوەڕاست ڕەتیدەكاتەوە كە لە عیراق و سوریا بكشێنەوە.

كینیس ماكینزی كە باڵاترین فەرماندەی سەربازی ئەمریكایە لە ڕۆژهەڵاتی ناوەڕاست ڕایگەیاند لە ماوەی چەند مانگی داهاتوودا ژمارەی هێزەكانی ئەمریكا لە عیراق و سوریا كەمدەكرێنەوە، بەڵام هیچ فەرمانێكمان بەەست نەگەیشتووە بۆ دەستپێكردنی كشانەوە.

ڕوونیشیكردەوە ئێستا 5200 سەرباز لە عیراقن بۆ مەشقپێكردن و یارمەتیدانی هێزە ئەمنییەكانی عیراق لە بەرەنگاربوونەوەی تیرۆریستانی داعشدا.

ئەوەشی خستەڕوو كە دوای ڕاوێژكردن لەگەڵ حكومەتی عیراق، گۆڕانكاری بەسەر ژمارەی سەربازەكاندا دێت.

ماكینزی لەو بڕوایەشدابوو مانەوەی هێزەكانی ئەمریكا و هاوپەیمانی باكوری ئەتڵەسی لە عیراق دوورمەودا بێت.

بەردەوام بە لە خوێندنەوە

عێراق

ئۆپەراسیۆنەكانی عیراق كار بۆ ئاشكراكردنی “هەواڵدەرەكەی توركیا” دەكات

خەڵك – بەشی هەواڵ
فەرماندەیی گشتی ئۆپەراسیۆنە هاوبەشەكانی عیراق لیژنەیەكی لێكۆڵینەوە بۆ ئاشكراكردنی ئەو كەسە دەكات كە هەواڵدەری توركیا بووە بۆ ئەنجامدانی هێرشە ئاسمانییەكەی كە كوژرانی دوو ئەفسەری لێكەوتەوە.

تەحسین خەفاجی وتەبێژی ئۆپەراسیۆنە هاوبەشەكان ڕایگەیاند پەیوەندی و هەماهەنگییان لەگەڵ لایەنە ئەمنییەكانی هەرێمی كوردستان هەیە بۆ تاووتوێكردنی ئەو دۆخەی بۆردومانەكەی سیدەكانی تێدا ئەنجام درا.

ڕوونیشیكردەوە كە دەیانەوێت ئەو میكانیزمە ئاشكرابكەن كە توركەكان لە بۆردومانەكەدا پشتیان پێبەستووە، هەروەها كێ زانیاری پێداون و بە چ شێوەیەكیش فڕۆكە بێفڕۆكەوانەكە ئاڕاستەكراوە بۆ بۆردومانكردنی ئۆتۆمبێلەكەی فەرماندەی لیوای دووەمی پاسەوانی سنوور.

خەفاجی دەستدرێژییەكەی توركیای بە پەرەسەندنێكی مەترسیدار وەسف كرد و جەختیشیكردەوە كە قبوڵی ناكەن بەردەوام بێت.

بەردەوام بە لە خوێندنەوە

کوردستان