ئێمە لە تۆرە کۆمەڵایەتیەکان

کوردستان

پەیوەندی بە بەفیڕۆچوونی ڕەنجی جوتیارانەوە هەیە
هەردوو وەزیری كشتوكاڵ و بازرگانی دەچنە بەردەم پەرلەمان

خەڵك- بەشی هەواڵ

هەردوو وەزیری كشتوكاڵ و بازرگانی دەچنە پەرلەمان و لەگەڵ لیژنەی كشتوكاڵ لە پەرلەمانی كوردستان بۆ تاوتوێكردنی پرسی ساغنەبوونەوەی بەروبومەكانی ناوخۆ و بەفیڕۆچوونی ڕەنجی جوتیاران، كۆدەبنەوە.

سامان ئەحمەد بە ڕێوەبەری ڕاگەیاندی پەرلەمانی كوردستان ڕایگەیاند:” سبەینێ‌ پێنج شەممە كاتژمێر11ی پێش نیوەڕۆ، بۆ تاوتوێكردنی پرسی بەروبومی جوتیاران، كۆبوونەوەی هەردوو وەزیری كشتوكاڵ و بازرگانی حكومەتی هەرێم دەبێت لە گەڵ لیژنەی كشتوكاڵ و ئاودێری لەپەرلەمانی كوردستان”.

پێشتر عەبدولستار مەجید، سەرۆكی ليژنەی كشتوكاڵ و ئاودێری لە پەرلەمانی كوردستان ڕایگەیاندبوو” بەداخەوە دەبینین جوتیاران زیانێكی زۆریان كردووە و بەرهەمەكانیان بۆ ساغنابێتەوە، بۆیە وەك لیژنەی كشتوكاڵ كۆبوینەوە و چەند بڕیارێكمانداوە، لەوانەش بانگهێشتكردنی وەزیرانی كشتوكاڵ و بازرگانی وەك دوو لایەنی سەرەكی پەیوەندیدار بە بەرهەمی جوتیارانی هەرێمی كوردستان”.

بە وتەی عەبدولستار مەجید، “كۆمەڵێك ڕێكار هەن دەیگرنەبەر، تا ڕێگەچارە بدۆزنەوە و چیتر جوتیاران زیانیان پێنەگات”.

لەئێستادا جوتیاران لە هەرێمی كوردستان، زۆرێك لە بەرهەمەكانیان بۆ ساغنابێتەوە لەنێو بازاڕی نێوخۆدا، بۆیە لە هەندێك جاردا وەك ناڕەزایی بەروبومە كشتوكاڵییەكانیان بە بەرچاوی میدیاكانەوە فڕێدەدەن و حكومەت بە بەرپرس دادەنێن لە بەفیڕۆچوونی ڕەنج و ماندووبوونیان.

کوردستان

یاسین مەحمود پیرۆزبایی لە محەمەدی حاجی مەحمود دەكات

خەڵك-بەشی هەواڵ

 

سەرۆكی یەكێتی وەبەرهێنەرانی كوردستان ـ سلێمانی پیرۆزبایی لە سكرتێری حزبی سۆسیالیست دیموكراتی كوردستان دەكات.

یاسین مەحمود ڕەشید سەرۆكی یەكێتی وەبەرهێنەرانی كوردستان ـ سلێمانی بەبۆنەی ساڵیادی دامەزراندنی حزبی سۆسیالیست، بروسكەیەكی پیرۆزبایی ئاڕاستەی محەمەدی حاجی مەحمود دەكات و ئاماژە بۆ ئەوە دەكات، لە “44”ەمین ساڵیادی دامەزراندنی حزبی سۆسیالیست دیموكراتی كوردستان، بەناوی خۆم و هەڤاڵانم لە یەكێتی وەبەرهێنەرانی كوردستان پیرۆزبایی گەرمی خۆم ئاڕاستەی جەنابت و سەرجەم هاوڕێیانمان لە ئەنجومەنی سەركردایەتی و مەكتەبی سیاسی و دۆست و لایەنگرانتان دەكەین، و بەسەركەوتن و بەردەوامیتان ئاوات دەخوازین.

وتیشی”جەنابتان، لای ئێمە كەسایەتییەكی دیار و تێكۆشەرن و وەك وەبەرهێنێكی نموونەیی لێتان دەڕوانین و هەڵوێست و بۆچوونە نەتەوەیی و نیشتمانییەكانتان بۆ ئێمە ڕێچكە ڕێنیشاندەرە و هەمیشە بەبایەخەوە لێتان دەڕوانین.

بەردەوام بە لە خوێندنەوە

کوردستان

پەكەكە: یەكەم ئەندامی هێزی بەرگری ئاسمانیمان شەهید بوو

خەڵك – بەشی هەواڵ
پارتی كرێكارانی كوردستان ڕایدەگەیەنێت كە یەكەی بەرگری ئاسمانییان هەیە و یەكەم ئەندامی ئەو یەكەیەش لە كاتی ئەنجامدانی چالاكییەكدا شەهید بوو.

ئەمڕۆ یەك شەممە، هێزەكانی پاراستنی گەل باڵی سەربازی پەكەكە ڕایگەیاند شەوی ١٢ی تەموز دۆغان زیلان لە شاخی شەهید بێریڤانی حەفتانین بە کەرەستەیەکی ئاسمانی چالاکییەکییەکی سەرکەوتووانەی ئەنجام دا و لە کاتی چالاکییەکەدا شەهید بوو”.

بەڵام پەكەكە جۆر و چۆنێتی ئەو چالاكییەی ڕوون نەكردووەتەوە كە “یەكەی بەرگری ئاسمانی”ی هێزەكانیان ئەنجامی داوە.

پەكەكە ناسنامەی گەریلاكەی بەم شێوەیە ڕاگەیاندووە:

نازناو: دۆغان زیلان
ناو و پاشناو: هەدیە چەرچی
شوێن و ساڵی لە دایکبوون: موش – ١٩٩٤
ناوی دایک و باوک: پەریخان – ئەشرەف
کات و شوێنی شەهیدبوون: ١٢ی تەممووزی ٢٠٢٠ / حەفتانین

بەردەوام بە لە خوێندنەوە

کوردستان

بوومەلەرزە چەند ناوچەیەكی كوردستانی گرتەوە

خەڵك – بەشی هەواڵ
ئەمڕۆ یەك شەممە بوومەلەرزەیەكی بەهێز لە ڕۆژهەڵاتی كوردستان ڕووی دا و لە باشووری كوردستانیش هەستی پێكرا.

بوومەلەرزەكە بە گوڕی 5.1 پلە بوو بە پێوەری ڕێختەر كە پارێزگاری كرماشان و ئیلامی ڕۆژهەڵاتی كوردستانی هەژاند و لە هەندێك ناوچەی باشووری كوردستانیش هەستی پێكرا.

تا ئێستا زانیاری دەبارەی ئەگەری بوونی زیان ڕانەگەیەندراوە.

بەردەوام بە لە خوێندنەوە

کوردستان