ئێمە لە تۆرە کۆمەڵایەتیەکان

عێراق

بەرهەم ساڵح: دەبێت تۆمەتبارانی داعش ببرێنە بەردەم دادگای نێودەوڵەتی

خەڵك- بەشی هەواڵ
سەرۆك كۆماری عیراق جەختدەكاتەوە لەپێویستی ڕاپێچكردنی تۆمەتبارانی تاوانەكانی داعش بۆ دادگای نێودەوڵەتی تایبەتمەند و دەڵێت: “گەلی عێراق بە گشت نەتەوە و ئاینزاكانیانەوە دووچاری ئازار و پێشێلكاری بوونەتەوە”.

بەپێی ڕاگەیەنراوێكی سەرۆكایەتی كۆماری عیراق، د. بەرهەم ساڵح، سەرۆك كۆمار ئەمڕۆ سێ شەممە ٢٠٢٠/٧/٧ لە كۆشكی سەلام لە بەغدا پێشوازیكرد لە كەریم خان، ڕاوێژكاری تایبەت و سەرۆك تیمی لێكۆڵینەوەی سەر بە نەتەوە یەكگرتووەكان، كە تایبەتە بە گرنگیدان و كاركردن لەسەر ئەو تاوانانەی لەسەر دەستی گروپی تیرۆریستی داعش ئەنجامدراون.

سەرۆك كۆمار ئاماژەی بەوەكرد، گەلی عیراق بە گشت نەتەوە و ئاینزاكانیانەوە دووچاری ئازار و پێشێلكاری بوونەتەوە لەسەر دەست گروپی تیرۆرستی داعش و وتی، “ئەو گروپە تیرۆرستە چەندین تاوان و پێشێلكاری دەرهەق بە گەلانی عیراق ئەنجامداوە تا گەیشتۆتە ئاستی كۆمەڵكوژی لە چەندین شار و پارێزگای جیاواز”.

بەرهەم ساڵح جەختیكردەوە لەگرنگی بەردەوامبوونی پەیوەنییەكانی تیمی لێكۆڵینەوە لەگەڵ لایەنە عیراقی و ڕێكخراوەكانی كۆمەڵگەی مەدەنی بۆ كۆكردنەوە و پاراستنی ئەو بەڵگەنامانەی، كە نیشانی دەدات ڕۆڵەكانی گەلی عیراق چ جۆرە تاوانێكیان لە كوشتن و گرتن و لەناوبردن دەرهەق كراوە لەسەر دەستی گروپی تیرۆریستی داعش، ھاوكات جەختیشیكردەوە لەپێویستی خستنەگەڕی هەوڵی زیاتر بۆ سەركۆنەكردنی ئەو تاوانانە و ڕادەستكردنی تۆمەتباران بە دادگای نێودەوڵەتی تایبەتمەند تاوەكو بە سزای خۆیان بگەن.

لەلای خۆیەوە، كەریم خان ڕوونكردنەوەیەكی وردی پێشكەش بە سەرۆك كۆمار كرد لەبارەی ئەو هەوڵانەی، كە ڕێكخراوی نەتەوە یەكگرتووەكان دەیدات لە كۆكردنەوە و بە دۆكۆمێنتكردنی تاوانەكانی داعشی تیرۆریست دەرهەق بە هاووڵاتیانی عیراق بە گشت پێكهاتە و نەتەوە و ئاینزاكانیەوە و پەیوەندیكردن بەقوربانیان و كەسوكاریان.

دووپاتیشی كردەوە، ئەنجوومەنی ئاسایشی نێودەوڵەتی بەڵێنیداوە دادپەروەری بۆ قوربانییەكان بگەڕێنێتەوە.

عێراق

تورکیا: ئەگەر عیراق چاوپۆشی لەپەکەکە بکات، لەهێرشەکانمان بەردەوامدەبین

خەڵک- بەشی هەواڵ

وەزارەتی دەرەوەی تورکیا ڕایگەیاند، سەرەتا بەرپرسیارێتیی عیراقە رێوشوێنی پێویست بگرێتەبەر دژبە ئەندامانی  پەکەکە کە لە وڵاتەکەیدا هەن، ئەگەر بەردەوام چاوپۆشی لە بوونی پەکەکە بکرێت لە عیراق، ئەوا تورکیا پێداگرە لە گرتنەبەری رێوشوێنی پێویست لە پێناو ئاسایشی سنوورەکانی خۆی.

 

سەبارەت بە چاوەڕوانییەکانی تورکیا لە عیراق و کۆمەڵگای نێودەوڵەتی بۆ بەرەنگاربوونەوەی پەکەکە، وەزارەتی دەرەوەی تورکیا ڕاگەیەندراوێکی بڵاوکردەوە.

 

لە راگەیەندراوەکەدا جەخت لەسەر ئەوە کراوەتەوە، پەکەکە کە ساڵانێکە لەو ناوچانەی لە عیراق لانەی کردووە هێرش دەکاتە سەر تورکیا و بێ منەتە بەرامبەر سەروەریی، یەکپارچەیی خاک، ئاسایش و سەقامگیری عیراق.

 

هەروەها لە راگەیەندراوەکەدا باس لەوە کراوە، سەرەتا بەرپرسیارێتیی عیراقە رێوشوێنی پێویست بگرێتەبەر دژ بە ئەندامانی “رێکخراوی تیرۆریستیی پەکەکە” کە لە وڵاتەکەیدا هەن.

 

ئەوەش هاتووە ”لەو ڕووەوە وڵاتەکەمان ئامادەی هاریکارییە لەگەڵ عیراق، بەڵام ئەگەر بەردەوام چاوپۆشی لە بوونی پەکەکە بکرێت لە عیراق، ئەوا وڵاتەکەمان هەرچییەک ببێت با ببێت وەک ئەوەی تا ئێستا کردوویەتی پێداگرە لە گرتنەبەری رێوشوێنی پێویست لە پێناو ئاسایشی سنوورەکانی. لەبەر رۆشنایی ئەوەدا، داوا لە عیراق دەکەین، هەنگاوی پێویست بگرێتەبەر، داواش لە هەندێک وڵاتی دیکە و رێکخراوە هەرێمییەکان دەکەین کە ئەو ڕەوشە بە هەل دەزانن و بانگەشەی بێ بنەما دژبە وڵاتەکەمان بڵاودەکەنەوە کە هانی تیرۆریستان دەدەن، کۆتایی بەو هەڵوێستە دووفاقییە بهێنن لە بەرەنگاربوونەوەی تیرۆردا و هەڵوێستێکی مەبدەئی بگرنەبەر”.

سەرچاوە: ئاژانسی ئەنادۆڵو

بەردەوام بە لە خوێندنەوە

عێراق

ماكینزی: لە عیراق و سوریا ناكشێینەوە

خەڵك – بەشی هەواڵ
فەرماندەی باڵای هێزەكانی سوپای ئەمریكا لە ڕۆژهەڵاتی ناوەڕاست ڕەتیدەكاتەوە كە لە عیراق و سوریا بكشێنەوە.

كینیس ماكینزی كە باڵاترین فەرماندەی سەربازی ئەمریكایە لە ڕۆژهەڵاتی ناوەڕاست ڕایگەیاند لە ماوەی چەند مانگی داهاتوودا ژمارەی هێزەكانی ئەمریكا لە عیراق و سوریا كەمدەكرێنەوە، بەڵام هیچ فەرمانێكمان بەەست نەگەیشتووە بۆ دەستپێكردنی كشانەوە.

ڕوونیشیكردەوە ئێستا 5200 سەرباز لە عیراقن بۆ مەشقپێكردن و یارمەتیدانی هێزە ئەمنییەكانی عیراق لە بەرەنگاربوونەوەی تیرۆریستانی داعشدا.

ئەوەشی خستەڕوو كە دوای ڕاوێژكردن لەگەڵ حكومەتی عیراق، گۆڕانكاری بەسەر ژمارەی سەربازەكاندا دێت.

ماكینزی لەو بڕوایەشدابوو مانەوەی هێزەكانی ئەمریكا و هاوپەیمانی باكوری ئەتڵەسی لە عیراق دوورمەودا بێت.

بەردەوام بە لە خوێندنەوە

عێراق

ئۆپەراسیۆنەكانی عیراق كار بۆ ئاشكراكردنی “هەواڵدەرەكەی توركیا” دەكات

خەڵك – بەشی هەواڵ
فەرماندەیی گشتی ئۆپەراسیۆنە هاوبەشەكانی عیراق لیژنەیەكی لێكۆڵینەوە بۆ ئاشكراكردنی ئەو كەسە دەكات كە هەواڵدەری توركیا بووە بۆ ئەنجامدانی هێرشە ئاسمانییەكەی كە كوژرانی دوو ئەفسەری لێكەوتەوە.

تەحسین خەفاجی وتەبێژی ئۆپەراسیۆنە هاوبەشەكان ڕایگەیاند پەیوەندی و هەماهەنگییان لەگەڵ لایەنە ئەمنییەكانی هەرێمی كوردستان هەیە بۆ تاووتوێكردنی ئەو دۆخەی بۆردومانەكەی سیدەكانی تێدا ئەنجام درا.

ڕوونیشیكردەوە كە دەیانەوێت ئەو میكانیزمە ئاشكرابكەن كە توركەكان لە بۆردومانەكەدا پشتیان پێبەستووە، هەروەها كێ زانیاری پێداون و بە چ شێوەیەكیش فڕۆكە بێفڕۆكەوانەكە ئاڕاستەكراوە بۆ بۆردومانكردنی ئۆتۆمبێلەكەی فەرماندەی لیوای دووەمی پاسەوانی سنوور.

خەفاجی دەستدرێژییەكەی توركیای بە پەرەسەندنێكی مەترسیدار وەسف كرد و جەختیشیكردەوە كە قبوڵی ناكەن بەردەوام بێت.

بەردەوام بە لە خوێندنەوە

کوردستان