ئێمە لە تۆرە کۆمەڵایەتیەکان

کوردستان

شاندەكەی هەرێم دەچێتەوە بۆ بەغدا

خەڵك- بەشی هەواڵ
وابڕیارە شاندەكەی حكومەتی هەرێمی كوردستان سەردانی بەغدا بكات و درێژە بە گفتووگۆكان بدات لەگەڵ حكومەتی فیدراڵ لەسەر كێشە هەڵپەسێردراوەكانی نێوانیان.

بەپێی زانیارییەكان، وابڕیارە سبەینێ سێشەممە شاندی باڵای حكومەتی هەرێمی كوردستان بەسەرۆكایەتی قوباد تاڵەبانی، جێگری سەرۆكی ئەنجومەنی وەزیران سەردانی شاری بەغدا دەكات، بۆ درێژەدان بە دانوستانی نێوان هەولێر و بەغدا لەسەر پرسی نەوت و داهاتە نا نەوتییەكان و پشكی هەرێمی كوردستان لە بودجەی گشتی عيراق.

لەم ماوەیەی دواییدا، شاندی باڵای حكومەتی هەرێمی كوردستان چەند جارێك سەردانی بەغدای كرد و لەسەر ئەو پرسانەی كە پەیوەستن بە مووچەی فەرمانبەرانی هەرێم و نەوت و دەروازە سنورییەكان و داهاتی ناوخۆی هەرێم، لەگەڵ بەرپرسانی حكومەتی فیدراڵ گفتووگۆى كرد، بەڵام تائێستا ئەو گفتووگۆیانە بەرەنجامێكی وەهایان بەدەستەتەوە نەداوە، هەرچەندە حكومەتی هەرێمی كوردستان لە گفتووگۆكاندا نەرمی نواندووە سەبارەت بە ڕادەستكردنی داهاتە نەوتییەكان و گفتووگۆكردن لەسەر ڕادەستكردنی ڕێژەیەك لە داهاتی ناوخۆی هەرێم بە بەغدا.

کوردستان

ڤیدیۆ؛ توركیا دیمەنی نوێی هێرشە ئاسمانی و زەمینییەكانی بۆ سەر هەرێمی كوردستان بڵاوكردەوە

خەڵك – بەشی هەواڵ
ئەمڕۆ هەینی سوپای توركیا لە ڕێی هەژماری فەرمی خۆیەوە لە تویتەر، دیمەنی نوێی هێرشە ئاسمانی و زەمینییەكانی بۆ سەر هەرێمی كوردستان بڵاوكردەوە.

توركیا هاوكات لەگەڵ هێرشەكانی بۆ سەر هەرێمی كوردستان، لە باكوور و ڕۆژئاوای كوردستانیش هێرش و ئۆپەراسیۆنی سەربازیی ئەنجام دەدات.

ئەمڕۆ وەزارەتی بەرگری توركیا بانگەشەی ئەوەی كردووە كە لە ماوەی 24 كاتژمێری ڕابردوودا 17 گەریلای پەكەكەیان كردووەتە ئامانج، بەڵام پەكەكە ئەو زانیارییانەی پشتڕاست نەكردووەتەوە.

بڵاوكردنەوەی دیمەنە ڤیدیۆییەكەش هاوكاتە لەگەڵ بۆردومانەكەی ئەمڕۆی فڕۆكە جەنگییەكانی سوپای توركیا بۆ سەر گوندی قامیشی سەر بە شارۆچكەی ماوەت لە سنووری ناوچەی شارباژێڕی سلێمانی.

بەردەوام بە لە خوێندنەوە

کوردستان

فڕۆكە جەنگییەكانی توركیا ناوچەی شارباژێڕیان بۆردومان كرد

خەڵك – بەشی هەواڵ
ئەمڕۆ هەینی فڕۆكە جەنگییەكانی توركیا چەند گوندی قامیشی سەر بە ناوچەی شارباژێڕی سلێمانییان بۆردومان كرد.

بە پێی زانیارییە سەرەتاییەكان بۆردومانەكە بووەتە هۆی ئاگركەوتنەوە لە ناوچەكە، بەڵام ئەگەری بوونی زیانی گیانی لەو هێرشەدا نەزانراوە.

سوپای توركیا چەند ناوچەیەكی سنووری شارباژێڕی سلێمانییان وەك سنووری چالاكی پەكەكە دەستنیشان كردووە و ناوبەناو بەو بیانووە بۆردومانی دەكەن.

بەردەوام بە لە خوێندنەوە

کوردستان

خانەقین؛ سەربازێكی كورد لە پەلامارێكی داعشدا شەهید بوو

خەڵك – بەشی هەواڵ
سەربازێكی كورد لە ئاكامی پەلامارێكی تیرۆریستانی داعش بۆ سەر گوندێكی شارۆچكەی خانەقین شەهید بوو.

شه‌وی ڕابردوو تیرۆریستانی داعش لە گوندی شێرك سەر بە شارۆچكەی خانەقین ھێرشیان كردە سەر ھێزێكی تایبەتی عیراقی لە ئەنجامدا سەربازێكی شەھید بوو‌ و چوار سەربازی دیكەش بریندار بوون.

ئەمڕۆ دەركەوت كە ئەو سەربازەی شەهید بووە كوردە و ناوی جەزا فه‌تاح جافه‌ و خەڵكی شارۆچكەی كەلارە.

بەردەوام بە لە خوێندنەوە

کوردستان