ئێمە لە تۆرە کۆمەڵایەتیەکان

کوردستان

بریکاری وەزیری ناوخۆ لەسەر پشکی یەکێتی دەستبەرکاربوو

خەڵك – بەشی هەواڵ
لیوا چەتۆ ساڵح ئەندامی سەرکردایەتی یەکێتی وەك بریکاری وەزارە‌تی ناوخۆ دەستبەکاربوو.

ئەمڕۆ دووشەممە لە رێوڕەسمێکدا بە ئامادەبوونی قوباد تاڵەبانی جێگری سەرۆکی ئە‌نجومە‌نی وەزیران لیوا چەتۆ ساڵح بە فەرمی لە پۆستی بریکاری وەزارە‌تی ناوخۆ دەستبەکار بوو.

لە ڕێوڕەسمەکەدا کە ڕێبەر ئەحمەد وەزیری ناوخۆش ئامادە بوو، قوباد تاڵەبانی پاش پیرۆزبایی، هیوای سەرکەوتنی بۆ لیوا چەتۆ ساڵح خواست لە ئەرکەکەیدا و رایگەیاند: هەماهەنگی بەهێز لەنێوان هەموو ئەندامانی وە‌زارە‌تدا پێویستە‌ بۆ باشتر خزمە‌تكردنی ھاووڵاتییان، ئەو هەماهەنگی و هاوکارییەش لەناو تیمی وەزارەتی ناوخۆ بە‌دی كراوە‌ و پێویستە‌ بە‌ھێزتریش بکرێت.

لایخۆشیەوە لیوا چەتۆ ساڵح رایگەیاند: لەم ئەرك و بەرپرسیارێتییە نوێیەیدا کە پێی سپێردراوە بە هەموو توانایەوە هەوڵ دەدات بۆ خزمەتکردنی کۆمەڵانی خەڵکی کوردستان.

ریکلام

کوردستان

پەكەكە: یەكەم ئەندامی هێزی بەرگری ئاسمانیمان شەهید بوو

خەڵك – بەشی هەواڵ
پارتی كرێكارانی كوردستان ڕایدەگەیەنێت كە یەكەی بەرگری ئاسمانییان هەیە و یەكەم ئەندامی ئەو یەكەیەش لە كاتی ئەنجامدانی چالاكییەكدا شەهید بوو.

ئەمڕۆ یەك شەممە، هێزەكانی پاراستنی گەل باڵی سەربازی پەكەكە ڕایگەیاند شەوی ١٢ی تەموز دۆغان زیلان لە شاخی شەهید بێریڤانی حەفتانین بە کەرەستەیەکی ئاسمانی چالاکییەکییەکی سەرکەوتووانەی ئەنجام دا و لە کاتی چالاکییەکەدا شەهید بوو”.

بەڵام پەكەكە جۆر و چۆنێتی ئەو چالاكییەی ڕوون نەكردووەتەوە كە “یەكەی بەرگری ئاسمانی”ی هێزەكانیان ئەنجامی داوە.

پەكەكە ناسنامەی گەریلاكەی بەم شێوەیە ڕاگەیاندووە:

نازناو: دۆغان زیلان
ناو و پاشناو: هەدیە چەرچی
شوێن و ساڵی لە دایکبوون: موش – ١٩٩٤
ناوی دایک و باوک: پەریخان – ئەشرەف
کات و شوێنی شەهیدبوون: ١٢ی تەممووزی ٢٠٢٠ / حەفتانین

بەردەوام بە لە خوێندنەوە

کوردستان

بوومەلەرزە چەند ناوچەیەكی كوردستانی گرتەوە

خەڵك – بەشی هەواڵ
ئەمڕۆ یەك شەممە بوومەلەرزەیەكی بەهێز لە ڕۆژهەڵاتی كوردستان ڕووی دا و لە باشووری كوردستانیش هەستی پێكرا.

بوومەلەرزەكە بە گوڕی 5.1 پلە بوو بە پێوەری ڕێختەر كە پارێزگاری كرماشان و ئیلامی ڕۆژهەڵاتی كوردستانی هەژاند و لە هەندێك ناوچەی باشووری كوردستانیش هەستی پێكرا.

تا ئێستا زانیاری دەبارەی ئەگەری بوونی زیان ڕانەگەیەندراوە.

بەردەوام بە لە خوێندنەوە

کوردستان

كارەبای سلێمانی چەند گەڕەكێك لە بەستنی پێوەری زیرەك ئاگادار دەكاتەوە

خەڵك-بەشی هەواڵ

 

بەڕێوەبەرایەتی گشتی كارەبای سلێمانی ڕایدەگەیەنێت، لەگەڵ دەستپێكردنی قۆناغی دووەمی بەستنی پێوەری زیرەك، كە بریتیە لە ناساندنی پێوەرەكە بە ماڵەكە (Linking) لە سنووری پارێزگای سلێمانی، بە تایبەتی گەڕەكەكانی بەكرەجۆ، سەرچنار، شەهیدانی سەرچنار، گردی سەرچنار، داوا لە دانیشوانی ئەو‌ گەڕە‌كانە دەكەین، كە هاوكاری تیمەكان بن بە پێدانی (پسوڵەی كارەبا)ی ماڵەكەیان و ئاسانكاریان بۆ بكەن تا پڕۆسە‌كە ئەنجام دەدەن، ئەوەش تەنیا بۆ ناساندن و كاركردنی پێوەرەكەیە.

بەڕێوەبەرایەتی گشتی كارەبای سلێمانی لە ڕاگەیەنراوێكدا ئاماژە بۆ ئەوە دەكات، دڵنیاین هاووڵاتیان لەبەستنی پێوەرەكە هاوكاربوون و لەمەشدا هاوكاریان دە‌بن، چونكە ئەو‌ پڕۆژەیە یەكێكە لە پڕۆژە گرنگ و ستراتیژییەكان بۆ چارەسەركردنی كێشەی كارەبا لە كوردستان.

بەردەوام بە لە خوێندنەوە

کوردستان