ئێمە لە تۆرە کۆمەڵایەتیەکان

کوردستان

لە هەولێر دواین بڕیار لەسەر قەدەغەی هاتووچۆ درا

خەڵك- ئارام سەردار
پارێزگاری هەولێر دواین بڕیار لەسەر قەدەغەی هاتووچۆ ئاشكرادەكات و ڕایدەگەیەنێت، ئەنجامی شەش ڕۆژ قەدەغەی هاتووچۆ زۆر بەرجەستەبوون ڕۆژانە ژمارەی تووشبووان گەیشتە ٨۹ حاڵەت، بەڵام دوێنێ ۳۹ حاڵەت و ئەمڕۆ ۲٥ حاڵەت بووە.

فرسەت سۆفی، پارێزگاری هەولێر لەكۆنفڕانسێكی ڕۆژنامەوانیدا ڕایگەیاند، بەلەبەرچاوگرتنی خراپی دۆخی تەندروستی و زۆربوونی ژمارەی تووشبووان بڕیاری قەدەغەی هاتووچۆماندا، كە ئەمشەو كاتژمێر ۱۲ كۆتایی دێت، سوپاسی خەڵكی هەولێریش دەكەین كەوا پابەندی بڕیارەكە بوون، سوپاسی فەرمانگە خزمەتگوزاریەكان و تەواوی هێزە ئەمنیەكان دەكەم كە كۆششی زۆریان كرد.

دەشڵێت: “ئەنجامی شەش ڕۆژ قەدەغەی هاتووچۆ زۆر بەرجەستەبوون ڕۆژانە ژمارەی تووشبووان گەیشتە ٨۹ حاڵەت، بەڵام دوێنێ ۳۹ حاڵەت و ئەمڕۆ ۲٥ حاڵەت بووە، واتە پابەند بوون ژمارەی تووشبووانی كەمی كردۆتەوە، بەپێی ڕێنمایی تەندروستی پێویست بوو ۲۸ ڕۆژ قەدەغەی هاتووچۆ هەبێت، بۆ ئەوەی حاڵەتەكان بۆ چەند حاڵەتێكی ڕۆژانە كەم ببێتەوە، بەلای كەمەوە ۱٤ ڕۆژ كەرەنتین بێت، بەڵام بەهۆی ژیان و گوزەرانی هاووڵاتیان بڕیارمان نەدا بەم شێوەی شەش ڕۆژەكە بەردەوام بێت، بۆیە گوزەرانی خەڵك وادەكات قەدەغەی هاتووچۆ درێژنەكەینەوە ئێستاش بەڕێكاری تووند دەمانەوێت خەڵك و پێگەی ئابووری هەولێر جێبەجێ بكەین، بەڵام داوا دەكەین لەهەموو لایەك خود كەرەنتینی جێبەجێ بكرێ لەماوەی ۲۲ ڕۆژی تر دڵنیایی دەدەین حاڵەتەكانی تووشبوون سنورداردەبن، ئەگەر پێویست نەبێت هیچ كەسێك نەچێتە دەرەوە لەچوونە دەرەوەش بەریەككەوتن نەبێت”.

ئەوەشی خستەڕوو، سەرقاڵی ئەوەین بەستنی دەمامك بكەینیە ئیلزامی و پێویستە خەڵك هاوكاریمان بێت، چونكە كەس نازانێ ڤایرۆسەكە تاكەی بەردەوام دەبێت.

ئاشكراشی كرد، لەمشەوەوە قەدەغە كوتایی دێت، بەڵام لەكاتژمێر ۸ ی ئێوارە تاوەكو ٥ی بەیانی دادەخرێن و ڕۆژانی هەینی بەهەمان شێوە تەواوی شوێنەكان و سەیرانگاكان دادەخرێن تەنها نانەواخانە و دەرمانخانەكان نەبێت، كۆمەڵێك شوێنیش هەن وەك پێشووتر بەردەوام بەداخراوی دەمنێننەوە، وەك مزگەوت و هۆڵەكانی وەرزشی ڕێنمایی نوێ هەیە بۆ شوفێرانی پاس و تەكسی، هەركەسێك پابەند نەبێت ٥۰ هەزار سزا دەدرێن.

سەبارەت بە دەوامی فەرمانبەران وتی، “هەندێ فەرمانگە دەكرێنەوە، كە پێویستن لەیەك شەممە تاوەكو چوار شەممە بە دوو شەفت لە ۳۰٪ فەرمانبەران دەوام دەكەن، نابێت هیچ هاووڵاتی و فەرمانبەرێك بێ دەمامك بێت، چێشتخانەكانیش بەدیلیڤەری كاردەكەن، هەر شوێنێكیش پابەند نەبێت ئەوا ڕێكاری توندیان بەرامبەر دەگیرێتەبەر”.

ئەوەشی خستەڕوو، قایمقامەكانیش دەسەڵاتی تەواویان هەیە ئەگەر لەهەر شارێك دۆخەكە خراپ بێت ئەوا قەدەغەی هاتووچۆ ڕابگەیەنێت.

وتیشی، “لەڕێگای نامەیەك داوامان كردوە ئەنجوومەنی وەزیران پڕۆژە بڕیارێك بدەن بۆ كەمكردنەوەی كرێی هاوڵاتیان و لێخۆشبوونی چەند مانگێك، چونكە دۆخی دارایی زۆر سەختە”.

باسی لەواشكرد، هەدێ كەس نەخۆشی كۆڕۆنا دەقۆستەوە كەوا زیادڕۆیی بكات لەسەر زەوی حكومەت، دەزگاكانی ڕاگەیاندنیش بەشێكیان بەمەزڵوم نیشانیان دەدات، هەردەزایەكیش وابكات ئەویش بەهاوبەش دادەنێین، چونكە ئێمە خانووی خەڵكی هەژار ناڕوخێنین.

وتیشی، “ئەوانەشی لەپارێزگاكانی تر دێنە هەولێر داوامان كردوە لەسەر ئەركی خۆیان كەرەنتین بكرێن”.

کوردستان

وەزارەتی تەندروستی: هەرێمی كوردستان لە مەترسیدارترین قۆناغدایە

خەڵك – بەشی هەواڵ
وتەبێژی وەزارەتی تەندروستی ڕایدەگەیەنێت كە هەرێمی كوردستان بە هۆی ڤایرۆسی كۆرۆناوە چووەتە مەترسیدارترین قۆناغەوە و باس لەوەش دەكات كە هاووڵاتییان سەرپشكن لە هەڵبژاردنی نەخۆشخانە حكومییەكان یاخود ئەهلییەكان بۆ وەرگرتنی چارەسەر.

د. محەمەد خۆشناو وتەبێژی وەزارەتی تەندروستی دەربارەی دۆخی كۆرۆنا ە لێدوانیێكی بۆ بەشی كوردی دەنگی ئەمریكا ڕایگەیاند ئێستا بارودۆخی ڤایرۆسی كۆرۆنا مه‌ترسیدارترین حاڵه‌تی خۆیه‌تی به ‌جۆرێك تاوه‌كو ئێستا هه‌رێمی كوردستان به‌م شێوه‌یه‌ خراپ نه‌بووه.

وتیشی: “ئێمه‌ پێشبینی ده‌كه‌ین ئه‌گه‌ر بارودۆخه‌كه‌ به‌م شێوه‌یه‌ به‌رده‌وام بێت ئه‌و سیناریۆیانه‌ی باسمانكردووه‌ له ‌ڕووی مه‌ترسی و نه‌مانی شوێن و له‌ ڕووی په‌ككه‌وتن و شه‌كه‌ت بوونی كارمه‌ند و پزیشكانمان زۆر له ‌ڕاستی نزیكده‌بێته‌وه‌، ژماره‌كه‌ تاوه‌كو ئه‌م هه‌فته‌یه‌ به‌تایبه‌ت ڕۆژانه‌ 500 حاڵه‌تمان هه‌یه‌ ئه‌مه‌ ته‌نها ئه‌و حاڵه‌تانه‌ی كه‌ ده‌ستنیشانكراون”.

خۆشناو لە بەشێكی دیكەی لێدوانەكەیدا باسی لە بڕیارەكەی وەزارەتی‌ تەندروستی كرد بۆ بەكارهێنانی نەخۆشخانەكانی كەرتی تایبەت لە چارەسەركردنی تووشبووانی كۆرۆنادا و ڕایگەیاند هاتنه‌ پێشه‌وه‌ی نه‌خۆشخانه‌ ئه‌هلییه‌كان ته‌نها بۆ ئه‌وه‌بووه‌ له ‌ته‌نیشت نه‌خۆشخانه‌ی حكومی خزمه‌ت بكه‌ن.

وتیشی: “هه‌موو هاوڵاتیه‌ك مافی ئه‌وه‌ی هه‌یه‌ كه‌ نه‌خۆشخانه‌ی حكومی یان ئه‌هلی هه‌ڵبژێرێت، كاتێك كه‌سێك نه‌خۆشخانه‌یه‌كی ئه‌هلی هه‌ڵده‌بژێرێت بۆ ئه‌وه‌ی چاره‌سه‌ر بكرێت مانای وا نییه‌ ده‌كرێت ئه‌و نه‌خۆشخانه‌ ئه‌هلییه‌ ته‌نها له‌به‌ر ئه‌وه‌ی له‌لایه‌ن هاوڵاتیانه‌وه‌ هه‌ڵبژێردراوه‌ به‌ویستی خۆی نرخه‌كان دیاری بكات ئه‌گه‌ر كه‌سێك باری دارایی زۆر باش بێت چونكه‌ كه‌سانێكمان هه‌ن له‌ هه‌رێمی كوردستان بۆماوه‌ی چه‌ندین ساڵ ده‌بێت له‌ نه‌خۆشخانه‌ی حكومی چاره‌سه‌ری وه‌رنه‌گرتووه‌ ئه‌و كه‌سه‌ ده‌توانێت له‌ نه‌خۆشخانه‌ی ئه‌هلی چاره‌سه‌ر وه‌ربگرێت به‌هه‌مان شێوه‌ش نابێت ئه‌م كه‌سانه‌ش له‌لایه‌ن نه‌خۆشخانه‌ ئه‌هلییه‌كانه‌وه‌ به ‌جۆرێك له‌ جۆره‌كان ئه‌و بارودۆخه‌ بقۆزنه‌وه‌ بۆ ئه‌وه‌ی نرخێك به‌دڵی خۆیان دابنێن.”

بەردەوام بە لە خوێندنەوە

کوردستان

پەرلەمانتارێكی تەڤگەر داوا دەكات مووچەی فەرمانبەران بخرێتە سەر بەغدا

خەڵك – بەشی هەواڵ
پەرلەمانتارێكی تەڤگەری ئازادی كە بە نزیك لە پارتی كرێكارانی كوردستان هەژمار دەكرێت، داوا دەكات مووچەی فەرمانبەرانی هەرێمی كوردستان بخرێتە سەر بەغدا و خەڵكیش “ڕاپەڕین” بكات.

یوسرا ڕەجەب پەرلەمانتاری سەر بە تەڤگەری ئازادی لە پەرلەمانی عیراق داوای لە حكومەتی هەرێم كرد كە شایستە داراییەكانی فەرمانبەران دبین بكات و ڕایگەیاند خه‌ڵكی هه‌رێم ئازادی و شایسته‌ داراییه‌كانی خۆیانیان ده‌وێ ئه‌گه‌ر پێتان دابین و فه‌راهه‌م ناكرێ ده‌سه‌ڵات به‌ جێ بهێڵن و بڕۆن.

بە بڕوای ئەو پەرلەمانتارە، خەڵكی هەرێمی كوردستان تەنیا دوو ڕێگەچارەی لەبەردەمدایە، ” یه‌كێكیان چاره‌سه‌ری ڕیشه‌ییه‌ ئه‌ویش ڕاپه‌رینه‌ دژی سته‌مكاری ده‌سه‌ڵاتی كوردی یه‌ له‌ هه‌رێم ئه‌وی تر هه‌نووكه‌ییه‌ ئه‌ویش گواستنه‌وه‌ی مووچه‌ی مووچه‌ خۆرانی هه‌رێمه‌ بۆ سه‌ر به‌غدا”.

ئەو پەرلەمانتارە كە حزبەكەی بە تۆمەتی نزیكبوون لە پارتی كرێكارانی كوردستان تا ئێستا لەلایەن وەزارەتی ناوخۆی هەرێمەوە مۆڵەتی پێنەدراوە دەڵێت: “بۆ خۆم ئیدی جگه‌ له‌ ڕاپه‌رین باوه‌ڕییم به‌ هیچ شتێكی تر نه‌ماوه”.

بەردەوام بە لە خوێندنەوە

عێراق

تورکیا: ئەگەر عیراق چاوپۆشی لەپەکەکە بکات، لەهێرشەکانمان بەردەوامدەبین

خەڵک- بەشی هەواڵ

وەزارەتی دەرەوەی تورکیا ڕایگەیاند، سەرەتا بەرپرسیارێتیی عیراقە رێوشوێنی پێویست بگرێتەبەر دژبە ئەندامانی  پەکەکە کە لە وڵاتەکەیدا هەن، ئەگەر بەردەوام چاوپۆشی لە بوونی پەکەکە بکرێت لە عیراق، ئەوا تورکیا پێداگرە لە گرتنەبەری رێوشوێنی پێویست لە پێناو ئاسایشی سنوورەکانی خۆی.

 

سەبارەت بە چاوەڕوانییەکانی تورکیا لە عیراق و کۆمەڵگای نێودەوڵەتی بۆ بەرەنگاربوونەوەی پەکەکە، وەزارەتی دەرەوەی تورکیا ڕاگەیەندراوێکی بڵاوکردەوە.

 

لە راگەیەندراوەکەدا جەخت لەسەر ئەوە کراوەتەوە، پەکەکە کە ساڵانێکە لەو ناوچانەی لە عیراق لانەی کردووە هێرش دەکاتە سەر تورکیا و بێ منەتە بەرامبەر سەروەریی، یەکپارچەیی خاک، ئاسایش و سەقامگیری عیراق.

 

هەروەها لە راگەیەندراوەکەدا باس لەوە کراوە، سەرەتا بەرپرسیارێتیی عیراقە رێوشوێنی پێویست بگرێتەبەر دژ بە ئەندامانی “رێکخراوی تیرۆریستیی پەکەکە” کە لە وڵاتەکەیدا هەن.

 

ئەوەش هاتووە ”لەو ڕووەوە وڵاتەکەمان ئامادەی هاریکارییە لەگەڵ عیراق، بەڵام ئەگەر بەردەوام چاوپۆشی لە بوونی پەکەکە بکرێت لە عیراق، ئەوا وڵاتەکەمان هەرچییەک ببێت با ببێت وەک ئەوەی تا ئێستا کردوویەتی پێداگرە لە گرتنەبەری رێوشوێنی پێویست لە پێناو ئاسایشی سنوورەکانی. لەبەر رۆشنایی ئەوەدا، داوا لە عیراق دەکەین، هەنگاوی پێویست بگرێتەبەر، داواش لە هەندێک وڵاتی دیکە و رێکخراوە هەرێمییەکان دەکەین کە ئەو ڕەوشە بە هەل دەزانن و بانگەشەی بێ بنەما دژبە وڵاتەکەمان بڵاودەکەنەوە کە هانی تیرۆریستان دەدەن، کۆتایی بەو هەڵوێستە دووفاقییە بهێنن لە بەرەنگاربوونەوەی تیرۆردا و هەڵوێستێکی مەبدەئی بگرنەبەر”.

سەرچاوە: ئاژانسی ئەنادۆڵو

بەردەوام بە لە خوێندنەوە

کوردستان