ئێمە لە تۆرە کۆمەڵایەتیەکان

کوردستان

ئیدارەی ڕاپەڕین ژمارەیەك بڕیاری بۆ ڕووبەڕووبوونەوەی كۆرۆنا دەركرد

خەڵك- بەشی هەواڵ
ژووری ئۆپەراسیۆنی ئیدارەی ڕاپەڕین ژمارەیەك بڕیار دەربارەی خۆپارێزی و قەدەغەی هاتووچۆ دەردەكات و جەختدەكاتەوە، كە تا 10ی تەمموز پشوووی فەرمانگەكان بەردەوام دەبێت.

ژووری ئۆپەراسیۆنی ئیدارەی ڕاپەڕین بۆ بەرەنگاربوونەوەی نەخۆشی ڤایرۆسی كۆرۆنا لە ڕاگەیەنراوێكدا 5 بڕیاری نوێی دەربارەی هەنگاوەكانی خۆپارێزی دەركردووە و ئاماژەی بەوەكردووە، بە هیممەت و پاڵپشتی بێدرێغی هاووڵاتیان و پشتیوانی خوای گەورە ئەم دۆخە ترسناكەش تێدەپەڕێنین و هەموومان جەژنی سەركەوتنی یەكجارەكیی ووڵاتێكی ئاوەدان و تەبا دەگێڕین.

جەختیشی كردۆتەوە، ئەم هەفتەیەش تا ڕۆژی ( 10 / 7 / 2020 ) پشووی سەرجەم فەرمانگە و بەڕێوەبەرایەتی و دامودەزگاحكومیەكان درێژ دەكرێتەوە و ڕۆژی شەممە ڕێكەوتی ( 11 / 7 ) دەوام دەست پێدەكاتەوە و ئەم پشووە دەزگا ئەمنییەكان و تەندروستی و خەفارەتی فەرمانگە خزمەتگوزارییەكان ناگرێتەوە و هەر بەردەوام دەبن، هەروەها گەنجینە و بانك و ئەو فەرمانگەیەش، كە وەزارەتی دارایی خشتەی مووچەكەی ڕادەگەیەنێت ڕۆژی مووچە وەرگرتنیان .

کوردستان

وێنە.. خەڵك؛ زانیاری نوێ‌ لەبارەی بۆردوومانی فڕۆكە جەنگییەكانی توركیا لە دهۆك ئاشكرا دەكات

خەڵك – بەشی هەواڵ

فڕۆكە جەنگییەكانی توركیا لە سنووری پارێزگای دهۆك ئۆتۆمبێلێكیان كردە ئامانج و بەهۆیەوە چوار كەس شەهید بوون.

بەپێی زانیارییەكانی (تۆڕی میدیایی خەڵك)، ئەمشەو فڕۆكە جەنگییەكانی توركیا لە نزیك گوندی (ڕەشانكێ‌) كە تەنها 8 كیلۆمەتر لە سەنتەری پارێزگای دهۆك دوورە، ئۆتۆمبێلێكیان كردووەتە ئامانج، 4 سەرنشینی ئۆتۆمبێلەكە شەهید بوون.

بەوتەی دانیشتووانی ناوچەكە، ئۆتۆمبێلەكە مەدەنی بووە و 4 گەریلای پارتی كرێكارانی كوردستان (پەكەكە)ی تێدابووە و بەهۆی بۆردوومانەكە هەر چواریان دەستبەجێ‌ گیانیان لەدەستداوە.

بەردەوام بە لە خوێندنەوە

کوردستان

فڕۆكە جەنگییەكانی توركیا لە دهۆك ئۆتۆمبێلێكیان كردە ئامانج

خەڵك – بەشی هەواڵ

فڕۆكە جەنگییەكانی توركیا لە سنووری پارێزگای دهۆك ئۆتۆمبێلێكیان كردە ئامانج.

بەپێی زانیارییەكانی (تۆڕی میدیایی خەڵك)، كەمێك لەمەوبەر فڕۆكە جەنگییەكانی توركیا لە نزیك گوندی (ڕەشانكێ‌) كە تەنها 8 كیلۆمەتر لە سەنتەری پارێزگای دهۆك دوورە، ئۆتۆمبێلێكیان كردووەتە ئامانج، بەڵام تا ئێستا زیانەكانی ئەو بۆردوومانە نەزانراوە.

بەردەوام بە لە خوێندنەوە

کوردستان

بەڕێوەبەری نەخۆشخانەی جمهوری سلێمانی: كۆرۆنا ژیان ناوەستێنێ‌
بڕیارێك لە بەرژەوەندی نەخۆشانی (ڕۆماتیزمەی درێژخایەن) ڕادەگەیەنێت

خەڵك – بەشی هەواڵ

بەڕێوەبەری نەخۆشخانەی جمهوری سلێمانی ڕایدەگەیەنێت: لە سەرەتای هەفتەی داهاتووەوە بەشی فریاكەوتنی هەناوی جمهوری تەرخان دەكرێت بۆ پێدانی (دەرزی مانگانەی ڕۆماتیزمە) بۆ نەخۆشانی (ڕۆماتیزمەی درێژخایەن).

د.داهات حەوێزی بەڕێوەبەری نەخۆشخانەی جمهوری سلێمانی لە هەژماری تایبەتی خۆی لە تۆڕی كۆمەڵایەتی فەیسبوك بڵاویكردەوە: كۆڕۆنا ژیان ناوەستێنێ، سەرەڕای تووشبوونی زۆر لە پزیشكان و كارمەندان و وەرنەگرتنی مووچەكانیان، بەڵام لەپێناو زیاتر خزمەتكردنی هاووڵاتیانی شاری سلێمانی و دەوروبەری كە نەخۆشی (ڕۆماتیزمەی درێژخایەن)یان هەیە بڕیارماندا لە سەرەتای هەفتەی داهاتووەوە بەشی فریاكەوتنی هەناوی جمهوری تەرخان بكەین بۆ پێدانی (دەرزی مانگانەی ڕۆماتیزمە)، بەهیوای كەمكردنەوەی ئێش و ئازارەكانیان.

دەقی نووسینەكە:

كۆڕۆنا ژیان ناوەستێنێ:
سەرەڕای تووشبونی زۆر لە پزیشكان و كارمەندان و وەرنەگرتنی مووچەكانیان، بەڵام لەپێناو زیاتر خزمەتكردنی هاوڵاتیانی شاری سلێمانی و دەوروبەری كە نەخۆشی (ڕۆماتیزمەی درێژخایەنیان) هەیە بڕیارمان دا لە سەرەتای هەفتەی داهاتووەوە بەشی فریاكەوتنی هەناوی جمهوری تەرخان بكەین بۆ پێدانی (دەرزی مانگانەی ڕۆماتیزمە)، بەهیوای كەمكردنەوەی ئێش و ئازارەكانیان.
سوپاس بۆ كارمەندو پزیشكە دڵسۆزەكان.

“بەهیوای لەشساغی بۆ گشت لایەك”

د.داهات حەوێزی

بەڕێوەبەری نەخۆشخانەی جمهوری سلێمانی

بەردەوام بە لە خوێندنەوە

کوردستان