ئێمە لە تۆرە کۆمەڵایەتیەکان

کوردستان

دەرمانی چارەسەری كۆرۆنا دەگاتە هەرێم

خەڵك- بەشی هەواڵ
وەزارەتی تەندروستی حكومەتی هەرێمی كوردستان ئاشكرای دەكات، ئەم هەفتەیە دەرمانی چارەسەری تووشبووان بە ڤایرۆسی‌ كۆرۆنا دەگاتە هەرێم.

د. محەمەد قادر، وتەبێژی وەزارەتی تەندروستی هەرێم ڕایگەیاند، وەزارەتی تەندروستی عیراق سەرقاڵی كڕینی دەرمانی چارەسەری پەتای كۆرۆنایە و بۆ ئەو مەبەستە قسەی لەگەڵ كۆمپانیای ناوخۆیی و بیانی كردوە.

ڕاشیگەیاند، دوای گەیشتنی و دەرچوونی لەكوالێتی كۆنتڕۆڵی جۆری دەرمان و پەسندكردنی، بەشێكی دەرمانەكە بۆ ھەرێمی كوردستانیش ڕەوانە دەكات.

وتیشی، “پێشبینی دەكەم لەم ھەفتەیەدا دەرمانی چارەسەری ڤایرۆسی‌ كۆرۆنا بگاتە ھەرێمی كوردستان”.

حكومەتی عیراق گرێبەستی لەگەڵ ڕوسیا كردووە بۆ كڕینی دژە ڤایرۆسی كۆرۆنا (ئەڤیفاڤیر) و هاوكات هەوڵی ئەنجامدانی گرێبەست لەگەڵ (ئۆكسفۆرد) دەدات بۆ ئەو ڤاكسینەی دروستی كردووە و لە قۆناغی كۆتایی تاقیكردنەوەدا سەركەتنی بەدەستهێناوە.

کوردستان

کەرنەڤاڵێکی شیعری لەسەر ئارامگەی شێركۆ بێكەس ئەنجامدەدرێت

خەڵک – بەشی هەواڵ

 

بڕیارە دوو شەممەی داهاتوو کەرنەڤاڵێکی شیعریی لەسەر ئارامگەی شێركۆ بێكەس لە پاركی ئازادیی لەسلێمانی ئەنجامبدرێت.

 

لەژێر ناونیشانی  (با شیعر بکەینە سەنگەری بەرگری) ڕێکخراوی نوێگەر بۆ گەشەپێدانی هونەری کەرنەڤاڵێکی شیعری لەسەر ئارامگەی شێركۆ بێكەس لە پاركی ئازادیی لەسلێمانی ڕێکدەخات.

 

کەرنەڤاڵەکە لە ڕۆژی ۱۰ی۸ی۲۰۲۰ دووشەممە، کاتژمێر ٦ی ئێوارە ئەنجامدەدرێت

 

لەکەرنەڤاڵە شیعیرییەکەدا هەریەک لەم شاعیرانەى خوارەوە بەشداری دەکەن:

بەندی عەلی
ڕۆژ هەڵەبجەیی
فاتیح سەلام
سروە عوسمان
سەردار قادر
هەڵاڵە شەوکەت لهۆنی
هاوشان عەزیز
ڕەوەند ساڵح
مەریوان قەرەداغی

بەردەوام بە لە خوێندنەوە

کوردستان

ڤیدیۆ؛ توركیا دیمەنی نوێی هێرشە ئاسمانی و زەمینییەكانی بۆ سەر هەرێمی كوردستان بڵاوكردەوە

خەڵك – بەشی هەواڵ
ئەمڕۆ هەینی سوپای توركیا لە ڕێی هەژماری فەرمی خۆیەوە لە تویتەر، دیمەنی نوێی هێرشە ئاسمانی و زەمینییەكانی بۆ سەر هەرێمی كوردستان بڵاوكردەوە.

توركیا هاوكات لەگەڵ هێرشەكانی بۆ سەر هەرێمی كوردستان، لە باكوور و ڕۆژئاوای كوردستانیش هێرش و ئۆپەراسیۆنی سەربازیی ئەنجام دەدات.

ئەمڕۆ وەزارەتی بەرگری توركیا بانگەشەی ئەوەی كردووە كە لە ماوەی 24 كاتژمێری ڕابردوودا 17 گەریلای پەكەكەیان كردووەتە ئامانج، بەڵام پەكەكە ئەو زانیارییانەی پشتڕاست نەكردووەتەوە.

بڵاوكردنەوەی دیمەنە ڤیدیۆییەكەش هاوكاتە لەگەڵ بۆردومانەكەی ئەمڕۆی فڕۆكە جەنگییەكانی سوپای توركیا بۆ سەر گوندی قامیشی سەر بە شارۆچكەی ماوەت لە سنووری ناوچەی شارباژێڕی سلێمانی.

بەردەوام بە لە خوێندنەوە

کوردستان

فڕۆكە جەنگییەكانی توركیا ناوچەی شارباژێڕیان بۆردومان كرد

خەڵك – بەشی هەواڵ
ئەمڕۆ هەینی فڕۆكە جەنگییەكانی توركیا چەند گوندی قامیشی سەر بە ناوچەی شارباژێڕی سلێمانییان بۆردومان كرد.

بە پێی زانیارییە سەرەتاییەكان بۆردومانەكە بووەتە هۆی ئاگركەوتنەوە لە ناوچەكە، بەڵام ئەگەری بوونی زیانی گیانی لەو هێرشەدا نەزانراوە.

سوپای توركیا چەند ناوچەیەكی سنووری شارباژێڕی سلێمانییان وەك سنووری چالاكی پەكەكە دەستنیشان كردووە و ناوبەناو بەو بیانووە بۆردومانی دەكەن.

بەردەوام بە لە خوێندنەوە

کوردستان