ئێمە لە تۆرە کۆمەڵایەتیەکان

کوردستان

باندێكی دزیكردن لە ڕاپەڕین دەستگیر كرا

خەڵك- بەشی هەواڵ
باندێكی چوار كەسی، كە چەند تاوانێكی دزیان ئەنجام دابوو لەلایەن بەشی پۆلیسی نەهێشتنی تاوانی ڕاپەڕین دەستگیر كران.

بەڕێوەبەرایەتی پۆلیسی ڕاپەڕین لە ڕاگەیەنراوێكدا ئاماژەی بەوەكردووە، دوای ئەوەی هێزەكانمان لە بەشی پۆلیسی نەهێشتنی تاوانی ڕاپەڕین ئاگادار كرانەوە بە بوونی چەند تاوانێكی دزی كردن لەناو شاری ڕانیە لەگەڕەكی نەورۆز، دوای بەدواداچوون و كۆكردنەوەی زانیاری لەسەر ڕووداوەكان دەركەوت، كە دوو ڕوداوی دزی كردن ڕوویان داوە و لەلایەن چوار تۆمەتبار بە هاوبەشی ئەنجام دراون.

ڕاشیگەیاندووە، دوای گرتنەبەری ڕێكاری یاسایی و بە پشت بەستن بە بەڵگەكان و كۆكردنەوەی زانیاری سەبارەت بە تاوانباران توانرا شوێنیان دەست نیشان بكرێت و لەلایەن مەفرەزەكانی پۆلیسی نەهێشتنی تاوان، سەرەتا دوو لە تۆمەتبارەكان دەستگیر كران و دەست گیرا بەسەر ئەو ئۆتۆمبیلەی تاوانەكەی پێ ئەنجام درابوو لە جۆری پیك ئاپ.

ئاماژەی بەوەشكردووە، دواتر لە ئەنجامی لێكۆڵینەوە دەركەوت، كە لە دوو تاوانی دزی كردندا هەستاون بە دزینی سێ مۆلیدەی كارەبایی گاز و لەلایەن دوو تۆمەتباری تر لە بازاڕ فرۆشتویانەوە و هەر لە ئەنجامی لێكۆڵینەوەدا دەركەوت جگە لەو دوو تاوانی دزیكردنە، تاوانی تری دزیشیان ئەنجامداوە.

بەڕێوەبەرایەتی پۆلیسی ڕاپەڕین ئاشكراشی كردووە، دواتر لە بەرواری ١/ ٧/ ٢٠٢٠ لەلایەن پۆلیسی نەهێشتنی تاوانی ڕاپەڕین دوو تۆمەتبارەكەی تریش دەستگیر كران و سەرەنجام دەكاتە چوار تۆمەتبار و دانیان بە تاوانەكانیان داناوە.

ناوی تۆمەتباران:
١- (ف.ع.ا) لە دایك بووی ٢٠٠١ دانیشتووی رانیە
٢- (س.خ.س) لەدایك بووی ٢٠٠١ / دانیشتوی رانیە
٣ـ (ه.غ.ا) لەدایك بووی ٢٠٠١ / دانیشتوی رانیە
٤- (د.ع.ا) لەدایك بووی ٢٠٠١ / دانیشتوی رانیە

ڕوونیشی كردۆتەوە، دوای كردنەوەی پەڕاوی لێكۆڵینەوە، سەرجەمیان بەپێی ماددەی (٤٤٦) لە یاسای سزادانی عراقی ڕاگیراون و لێكۆڵینەوە لەگەڵیاندا بەردەوامە.

کوردستان

وێنە.. خەڵك؛ زانیاری نوێ‌ لەبارەی بۆردوومانی فڕۆكە جەنگییەكانی توركیا لە دهۆك ئاشكرا دەكات

خەڵك – بەشی هەواڵ

فڕۆكە جەنگییەكانی توركیا لە سنووری پارێزگای دهۆك ئۆتۆمبێلێكیان كردە ئامانج و بەهۆیەوە چوار كەس شەهید بوون.

بەپێی زانیارییەكانی (تۆڕی میدیایی خەڵك)، ئەمشەو فڕۆكە جەنگییەكانی توركیا لە نزیك گوندی (ڕەشانكێ‌) كە تەنها 8 كیلۆمەتر لە سەنتەری پارێزگای دهۆك دوورە، ئۆتۆمبێلێكیان كردووەتە ئامانج، 4 سەرنشینی ئۆتۆمبێلەكە شەهید بوون.

بەوتەی دانیشتووانی ناوچەكە، ئۆتۆمبێلەكە مەدەنی بووە و 4 گەریلای پارتی كرێكارانی كوردستان (پەكەكە)ی تێدابووە و بەهۆی بۆردوومانەكە هەر چواریان دەستبەجێ‌ گیانیان لەدەستداوە.

بەردەوام بە لە خوێندنەوە

کوردستان

فڕۆكە جەنگییەكانی توركیا لە دهۆك ئۆتۆمبێلێكیان كردە ئامانج

خەڵك – بەشی هەواڵ

فڕۆكە جەنگییەكانی توركیا لە سنووری پارێزگای دهۆك ئۆتۆمبێلێكیان كردە ئامانج.

بەپێی زانیارییەكانی (تۆڕی میدیایی خەڵك)، كەمێك لەمەوبەر فڕۆكە جەنگییەكانی توركیا لە نزیك گوندی (ڕەشانكێ‌) كە تەنها 8 كیلۆمەتر لە سەنتەری پارێزگای دهۆك دوورە، ئۆتۆمبێلێكیان كردووەتە ئامانج، بەڵام تا ئێستا زیانەكانی ئەو بۆردوومانە نەزانراوە.

بەردەوام بە لە خوێندنەوە

کوردستان

بەڕێوەبەری نەخۆشخانەی جمهوری سلێمانی: كۆرۆنا ژیان ناوەستێنێ‌
بڕیارێك لە بەرژەوەندی نەخۆشانی (ڕۆماتیزمەی درێژخایەن) ڕادەگەیەنێت

خەڵك – بەشی هەواڵ

بەڕێوەبەری نەخۆشخانەی جمهوری سلێمانی ڕایدەگەیەنێت: لە سەرەتای هەفتەی داهاتووەوە بەشی فریاكەوتنی هەناوی جمهوری تەرخان دەكرێت بۆ پێدانی (دەرزی مانگانەی ڕۆماتیزمە) بۆ نەخۆشانی (ڕۆماتیزمەی درێژخایەن).

د.داهات حەوێزی بەڕێوەبەری نەخۆشخانەی جمهوری سلێمانی لە هەژماری تایبەتی خۆی لە تۆڕی كۆمەڵایەتی فەیسبوك بڵاویكردەوە: كۆڕۆنا ژیان ناوەستێنێ، سەرەڕای تووشبوونی زۆر لە پزیشكان و كارمەندان و وەرنەگرتنی مووچەكانیان، بەڵام لەپێناو زیاتر خزمەتكردنی هاووڵاتیانی شاری سلێمانی و دەوروبەری كە نەخۆشی (ڕۆماتیزمەی درێژخایەن)یان هەیە بڕیارماندا لە سەرەتای هەفتەی داهاتووەوە بەشی فریاكەوتنی هەناوی جمهوری تەرخان بكەین بۆ پێدانی (دەرزی مانگانەی ڕۆماتیزمە)، بەهیوای كەمكردنەوەی ئێش و ئازارەكانیان.

دەقی نووسینەكە:

كۆڕۆنا ژیان ناوەستێنێ:
سەرەڕای تووشبونی زۆر لە پزیشكان و كارمەندان و وەرنەگرتنی مووچەكانیان، بەڵام لەپێناو زیاتر خزمەتكردنی هاوڵاتیانی شاری سلێمانی و دەوروبەری كە نەخۆشی (ڕۆماتیزمەی درێژخایەنیان) هەیە بڕیارمان دا لە سەرەتای هەفتەی داهاتووەوە بەشی فریاكەوتنی هەناوی جمهوری تەرخان بكەین بۆ پێدانی (دەرزی مانگانەی ڕۆماتیزمە)، بەهیوای كەمكردنەوەی ئێش و ئازارەكانیان.
سوپاس بۆ كارمەندو پزیشكە دڵسۆزەكان.

“بەهیوای لەشساغی بۆ گشت لایەك”

د.داهات حەوێزی

بەڕێوەبەری نەخۆشخانەی جمهوری سلێمانی

بەردەوام بە لە خوێندنەوە

کوردستان