ئێمە لە تۆرە کۆمەڵایەتیەکان

عێراق

كازمی: خراپ بەڕێوەبردن كاریگەری كۆرۆنای لەسەر هاووڵاتیان زیاد كردووە

خەڵك – بەشی هەواڵ

سەرۆك وەزیرانی عیراق ڕایدەگەیەنێت: خراپی پلان و داڕمانی سیستمی تەندروستی وایكردووە كاریگەریی و لێكەوتەكانی ڤایرۆسی كۆرۆنا لەسەر هاووڵاتیان زیاد ببێت.

مستەفا كازمی سەرۆكی ئەنجومەنی وەزیرانی عیراق لە میانی كۆبوونەوەی لەگەڵ سەرۆك و ئەندامانی لیژنەی تەندروستی و ژینگە لەئەنجومەنی نوێنەرانی عیراق جەختی لەسەر گرنگی تەواوكاری هەوڵەكانی نێوان حكومەت و ئەنجومەنی نوێنەران لە بەرەنگاربوونەوەی ڤایرۆسی كۆرۆنا كردەوە، ڕاشیگەیاند خراپی پلان و داڕمانی سیستمی تەندروستی لە ئێستادا دەرئەنجامی راستەوخۆی خراپی بەڕێوەبردن بووە كە چەندین ساڵە كەڵەكەبووە، بۆیە كاریگەریی و لێكەوتەكانی ڤایرۆسی كۆرۆنا لەسەر هاووڵاتیان زیاد بووە.

كازمی ڕوونیشیكردەوە: لیژنەی باڵای تەندروستی و بێوەیی نیشتمانیی پتەوتر دەكرێت، ئەویش لەڕێگەی شارەزایی پزیشكان و پسپۆڕان و ئەو ڕوانینە زانستییەی پێشكەشی دەكەن كە دەبێتە پاڵپشتییەك بۆ ئەم ئەركەی ئێستا.

سەرۆكی ئەنجومەنی وەزیرانی عیراق ئەوەشیخستەڕوو: بەردەوام و ڕۆژانە بەدواداچوون بۆ وردەكاری بەرەنگاربوونەوە و هەوڵە نیشتمانییەكان دەكەین بۆ بەرگرتن لە كاریگەرییەكانی پەتاكە، بەردەوامیش كۆبوونەوە دەكەین بەمەبەستی نەهێشتنی هەر ئاستەنگێك كە دێتە ڕێگای چارەسەركردنی تووشبووەكان، لەپێناو بەرگرتن لەبڵاوبوونەوەی پەتاكە.

مستەفا كازمی جەختیشیكردەوە: قەیرانی دارایی و ئابووری ئاڵنگارییەكی نوێی تر بوو لەبەردەم هەوڵەكان بۆ بەرەنگاربوونەوەی كۆرۆنا، بەڵام دەرفەتێكیش بوو بۆ بەهێزكردنی خواستی عیراقییەكان بۆ بەرەنگاربوونەوەی قەیرانەكەیان، هەروەك چۆن بووە مەیدانی ڕاستەقینەی بەرەنگاربوونەوەی خراپی بەڕێوەبردن و گەندەڵی، دابڕانی و ڕێگریكردنی لەوەی بەردەوام بێت لە بەفیڕۆدانی هەوڵەكانی دڵسۆزان، كە بەڵێنیان بەخۆیان و گەلەكەیان داوە هەموو هەوڵ و تواناكانیان بخەنەگەڕ.

عێراق

مستەفا كازمی لەسەر بۆردوومانەكەی توركیا بۆ سەر سیدەكان داوایەك لە سوپای عیراق دەكات

خەڵك – بەشی هەواڵ

عەمید یەحیا ڕەسوڵ ڕایدەگەیەنێت: مستەفا كازمی فەرماندەی گشتی هێزە چەكدارەكانی عیراق داوای لە سوپا كردووە بەدواداچوون بۆ دەستدرێژییەكەی سوپای توركیا بكرێت.

عەمید یەحیا ڕەسوڵ وتەبێژی فەرماندەی گشتی هێزە چەكدارەكانی عیراق ڕایگەیاند: وڵاتەكەی چاوەڕوانی هەڵوێست و لێدوانی لایەنی توركیا دەكات لەبارەی ئەو هێرشە ئاسمانییەی سوپای توركیا كردیە سەر هێزەكانی پاسەوانی سنووری عیراق و بووە هۆی كوژرانی 5 هاووڵاتی عیراقی كە دووانیان فەرماندەی هێزەكانی پاسەوانی سنوور و پۆلیسێكی ئەو هێزە بوون.

وتەبێژی فەرماندەی گشتی هێزە چەكدارەكانی عیراق وتیشی: مستەفا كازمی داوای لە سوپا كردووە بەدواچوون بۆ دەستدرێژییەكەی سوپای توركیا بكرێت و توركیاش لە پێناوی پاراستنی ڕێزی دراوسێیەتی و پەیوەندییە هاوبەشەكان ڕوونكردنەوە لەسەر پاڵنەرەكانی ئەو تاوانە بكات و لێپێچینەوە لە تاوانباران بكات.

ئەمەش دوای ئەوە دێت كە سەرۆكایەتی عیراق هێرشە ئاسمانیەكەی توركیای بۆ سەر ناوچەی سیدەكانی سەر بە هەرێمی كوردستانی ئیدانە كرد و بە پێشێلكارییەكی مەترسیداری سەروەری عیراقی لە قەڵەمدا.

بەردەوام بە لە خوێندنەوە

عێراق

ترسی وشكبوونی ئاوى دیجلە و فورات لەئارادایە

خەڵك- بەشی هەواڵ
ڕاپۆرتێكی (ئەلمۆنتیتۆر)ی ئەمریكایی هۆشداریی دەدات لە دابەزینی ئاستی ئاوی هەردوو ڕوباری دیجلە و فورات لەم ماوەیەی دواییدا كە مەترسی وشكبوونی تەواوەتییان لێدەكرێت.

ئەو ماڵپەڕە ئەمریكاییە لە ڕاپۆرتەكەیدا باس هۆكارەكانی دابەزینی ئاستی ئاوى دوو ڕوبارەكە دەكات كە بۆ كەمبوونەوەی بارانی وەرزی و شكستخواردنی دەسەڵاتداران لە دروستكردنی تۆڕێكی ئاودێری بۆ كشتوكاڵ و پابەندنەبوونی هاووڵاتیان بەدەستگرتن بە بەكارهێنانی ئاوەوە، دەگێڕێتەوە.

لەگەڵ ئەمەشدا، ڕاپۆرتەكە باس لە بوونی فاكتەرە درەكییەكانیش دەكات كە دەبنە مایەی وشكبووی ڕوبارەكان و گرنگترینیان دروستكردنی بەنداو و جیاكردنەوەی زێی لابەلايه كە كاریگییان لەسەر پشكی ئاوی عیراق دروستكردووە، بەتایبەتیش لە بەری توركیاوە كە هەوڵ دەدات ئاوی ئەو دوو ڕوبارە بۆ بەرهەمهیًَنانی وزەی كارەبا بەكاربهێنێت، بۆ ئەو مەبەستەش سەرقاڵی دروستكردنی چەند بەنداوێكە.

توركیا لە ساڵی 2006، دەستیكرد بە دروستكردنی بەنداوی ئەلیسۆ و لە ساڵی 2018دا بەنداوەكەی بەكارهێنا، ئەمەش بووە مایەی كەمبوونەوەی ئەو ئاوەی دەڕژێتە عیراقەوە كە هێندەی تر مەترسی كەمبوونەوەی ئاوی لە وڵاتی نێوان دوو ڕوبارەكە دروستكردووە.

(ئەلمۆنیتۆر) باس لە سكاڵای چەندان ساڵەی عیراق دەكات بەهۆی دابەزینی ئاستی ئاوى دیجلە و فورات، بەڵام حكومەتە یەك لەدوا یەكەكانی عیراق، شكستخواردوو بوون لە گەیشتن بە ڕێكەوتن لەگەڵ توركیا بۆ ڕێكخستنی دابەشكردنی پشكی ئاو لەنێوان هەردوو وڵاتدا.

بەردەوام بە لە خوێندنەوە

عێراق

لەسەر عیراقە
عەرەب ڕووبەڕووی توركیا دەبێتەوە

خەڵك- بەشی هەواڵ
ئەحمەد ئەبو لغەیت ئەمینداری گشتی كۆمكاریی وڵاتانی عەرەب، لە پەیوەندییەكی تەلەفۆنی لەگەڵ فوئاد حسێن وەزیری دەرەوەی عیراق ڕایدەگەیەنێت، لە قۆناغی داهاتوودا هەڵوێستێكی عەرەبی بەكۆمەڵ دێتەئارا بەڕووی دەستوەردانەكانی توركیا لە وڵاتانی عەرەبی.

لە پەیوەندییە تەلەفۆنییەكەدا ئەبو لفوئادغەیت، جارێكی تر ئیدانەی هێرشەكەی توركیای كردەوە بۆسەر ناوچەی سیدەكان كە بووە مایەی شەهیدبوونی ژمارەیەك لە هێزەكانی پاراستنی سنور كە دوو فەرماندەی باڵای ئەو هێزانە لەنێوان شەهیدەكاندا بوون.

هەر لەو چوارچێوەیەدا، بەرپرسێكی باڵا لە ئەمیندارێتی گشتی كۆمكاریی عەرەبی ڕایگەیاند، ئەبو غەیت لە پەیوەندییە تەلەفۆنییەكەیدا لەگەڵ فوئاد حسێن، جەختی لەسەر هاتنەبەری هەڵوێستێكی عەرەبی یەكگرتوو كردۆتەوە لە قۆناغی داهاتوو دژ بە دەستوەردانەكانی توركیا لە كاروباری وڵاتانی عەرەبی، بە پێشێلكارییەكانی وڵاتەكە لە عیراق و سوریا و دەستوەردانی سەربازی لە لیبیا.

پێشتر ئەمینداری گشتی كۆمكاریی وڵاتانی عەرەب، لە بەیاننامەیەكی فەرمیدا، ئیدانەی پێشێلكارییەكانی توركیای كردبوو بۆ سەروەریی خاكی عیراق و پشتیوانی رێكخراوەكەی بۆ هەر جموجۆڵێكی حكومەتی عیراقی لەسەر گۆڕەپانی نێودەوڵەتی، دژ بە توركیا دەربڕیبوو.

بەردەوام بە لە خوێندنەوە

کوردستان