ئێمە لە تۆرە کۆمەڵایەتیەکان

کوردستان

كاركردن لە شەش پڕۆژەی كارەبا دەستپێدەكاتەوە
كێشە و گرفتی زۆرێك لە شوێن و گەڕەكەكان چارەسەر دەبن

خەڵك- ئارام سەردار

 

بەڕێوەبەری گشتی دابەشكردنی كارەبای هەولێر، پێشتر و بەهۆی قەیرانی داراییەوە كاركردنی لە چەند پڕۆژەیەكی كارەبا ڕاوەستاند، بەڵام ئێستا دەست پێدەكەنەوە و بەم پڕۆژانە بەشی زۆری كێشە و گرفتەكانی كارەبا چارەسەر دەبن بۆ ئەو ناوچە و گەڕەكانەی بەشی خۆیان ناتوانرێت كارەبایان پێبدرێت.

حوسێن حەمەد، بەڕێوەبەری گشتی دابەشكردنی كارەبای هەولێر لەبارەی دەستپێكردنەوەی كاركردن لەپڕۆژەكانی بەرهەمهێنانی كارەبا بە(خەڵك)ی ڕاگەیاند، شەش پڕۆژەی گەورەی كارەبا لەهەولێر لە ڕابردوو بەهۆی قەیرانی داراییەوە وەستابوون دوای هەوڵی ئەنجومەنی وەزیران و وەزارەتی كارەبا توانرا كۆمپانیاكان دەست بەكاركردن بكەنەوە، چونكە پڕۆژەكان لەناوچە و دەڤەرەكانی خۆیان خزمەت بەناوچەكان و هاوبەشانی كارەبا دەكەن.

دەشڵێت”كۆمپانیاكان بەڵێنیانداوە لەدوو تا چوار مانگ پڕۆژەكان تەواو بكەن و گوژمەی تێچووی پڕۆژەكانیش بەوێستگە و هێڵكانەوە نزیكەی ٤٥ ملیار دینارە، یەكێك لەپڕۆژەكان وێستگەی مۆبایلی دارەشەكران، بۆ دەڤەری زرارەتی كە ماوەیەكی زۆرە كێشە و گرفتیان هەیە كێشەوگرفتەكانیان چارەسەر دەبێت، دەبێتە هۆكاری بارسووكی بۆ سەر وێستگەكانی خانزاد و جەژنیكان”.

ئاماژەی بۆ ئەوەشكرد، وێستگەی پیرداود لەشارەدێی شەمامك، وێستگەی كەسنەزان و وێستگەیەكیش لەناوشاری هەولێر لە ئازادی و وێستگەی ڕووناكی لەگەڕەكی ئیسكان، هاوكات چاككردنەوەی محاویلەی چوار شوێن كەیەكێكیان وێستگەی مۆبایلە یەكێكە لەپڕۆژەكان، كە بەم پڕۆژانە بەشی زۆری كێشە و گرفتەكانی كارەبا چارەسەر دەبن بۆ ئەو ناوچانە و گەڕەكانەی بەشی خۆیان ناتوانرێت كارەبایان پێبدرێت.

کوردستان

کەرنەڤاڵێکی شیعری لەسەر ئارامگەی شێركۆ بێكەس ئەنجامدەدرێت

خەڵک – بەشی هەواڵ

 

بڕیارە دوو شەممەی داهاتوو کەرنەڤاڵێکی شیعریی لەسەر ئارامگەی شێركۆ بێكەس لە پاركی ئازادیی لەسلێمانی ئەنجامبدرێت.

 

لەژێر ناونیشانی  (با شیعر بکەینە سەنگەری بەرگری) ڕێکخراوی نوێگەر بۆ گەشەپێدانی هونەری کەرنەڤاڵێکی شیعری لەسەر ئارامگەی شێركۆ بێكەس لە پاركی ئازادیی لەسلێمانی ڕێکدەخات.

 

کەرنەڤاڵەکە لە ڕۆژی ۱۰ی۸ی۲۰۲۰ دووشەممە، کاتژمێر ٦ی ئێوارە ئەنجامدەدرێت

 

لەکەرنەڤاڵە شیعیرییەکەدا هەریەک لەم شاعیرانەى خوارەوە بەشداری دەکەن:

بەندی عەلی
ڕۆژ هەڵەبجەیی
فاتیح سەلام
سروە عوسمان
سەردار قادر
هەڵاڵە شەوکەت لهۆنی
هاوشان عەزیز
ڕەوەند ساڵح
مەریوان قەرەداغی

بەردەوام بە لە خوێندنەوە

کوردستان

ڤیدیۆ؛ توركیا دیمەنی نوێی هێرشە ئاسمانی و زەمینییەكانی بۆ سەر هەرێمی كوردستان بڵاوكردەوە

خەڵك – بەشی هەواڵ
ئەمڕۆ هەینی سوپای توركیا لە ڕێی هەژماری فەرمی خۆیەوە لە تویتەر، دیمەنی نوێی هێرشە ئاسمانی و زەمینییەكانی بۆ سەر هەرێمی كوردستان بڵاوكردەوە.

توركیا هاوكات لەگەڵ هێرشەكانی بۆ سەر هەرێمی كوردستان، لە باكوور و ڕۆژئاوای كوردستانیش هێرش و ئۆپەراسیۆنی سەربازیی ئەنجام دەدات.

ئەمڕۆ وەزارەتی بەرگری توركیا بانگەشەی ئەوەی كردووە كە لە ماوەی 24 كاتژمێری ڕابردوودا 17 گەریلای پەكەكەیان كردووەتە ئامانج، بەڵام پەكەكە ئەو زانیارییانەی پشتڕاست نەكردووەتەوە.

بڵاوكردنەوەی دیمەنە ڤیدیۆییەكەش هاوكاتە لەگەڵ بۆردومانەكەی ئەمڕۆی فڕۆكە جەنگییەكانی سوپای توركیا بۆ سەر گوندی قامیشی سەر بە شارۆچكەی ماوەت لە سنووری ناوچەی شارباژێڕی سلێمانی.

بەردەوام بە لە خوێندنەوە

کوردستان

فڕۆكە جەنگییەكانی توركیا ناوچەی شارباژێڕیان بۆردومان كرد

خەڵك – بەشی هەواڵ
ئەمڕۆ هەینی فڕۆكە جەنگییەكانی توركیا چەند گوندی قامیشی سەر بە ناوچەی شارباژێڕی سلێمانییان بۆردومان كرد.

بە پێی زانیارییە سەرەتاییەكان بۆردومانەكە بووەتە هۆی ئاگركەوتنەوە لە ناوچەكە، بەڵام ئەگەری بوونی زیانی گیانی لەو هێرشەدا نەزانراوە.

سوپای توركیا چەند ناوچەیەكی سنووری شارباژێڕی سلێمانییان وەك سنووری چالاكی پەكەكە دەستنیشان كردووە و ناوبەناو بەو بیانووە بۆردومانی دەكەن.

بەردەوام بە لە خوێندنەوە

کوردستان