ئێمە لە تۆرە کۆمەڵایەتیەکان

کوردستان

بافڵ تاڵەبانی و مەسعود بارزانی كۆبوونەوە


خەڵك-بەشی هەواڵ

دوای دەستپێكردنی ژمارەیەك سەردان بۆ لای لایەنە سیاسییەكانی هەرێم، شاندی باڵای یەكێتی بە جیا لەگەڵ هەریەك لە كۆمەڵ و یەكگرتوو و گۆڕان و پارتی كۆبوونەوە و تاوتوێی دۆخی ئێستای هەرێمیان كردووە.

بەپێی زانیارییەكان، بافڵ تاڵەبانی هاوسەرۆكی یەكێتی نیشتمانی كوردستان لە شاری هەولێر لەگەڵ مەسعود بارزانی سەرۆكی پارتی دیموكراتی كوردستان كۆبووەتەوە.

هەر بەپێی زانیارییەكان، سەردانەكەی بافڵ تاڵەبانی بۆ لای مەسعود بارزانی لەچوارچێوەی سەردانەكانی شاندی یەكێتی دێت بۆ لای لایەنە سیاسییەكان و دوای كۆبوونەوەیان لەگەڵ كۆمەڵی ئیسلامی، تاڵەبانی سەردانی مەسعود بارزانی كردووە و پەیوەندییەكانی نێوان هەردوولا و دۆخی ئێستای هەرێمی كوردستان و پەیوەندییەكانیان لەگەڵ حكومەتی عیراق تاوتوێكردووە.

ئەمەش لەكاتێكدایە، ‌ئەنجومەنی سەركردایەتی یەكێتی، شاندی باڵای حزبەكەی دەستكراوە كردووە بۆ ئەوەی كۆبوونەوە لەگەڵ سەرجەم حزب و لایەنە سیاسییەكان بكەن بەئامانجی هێوركردنەوەی دۆخی هەرێم و دۆزینەوەی چارەسەر بۆ قەیرانی دارایی و ئاساییكردنەوەی ژیانی هاووڵاتیان و فەرمانبەران.

کوردستان

یەكەمەكانی زانكۆ و پەیمانگاكانی هەرێم گردبوونەوە


خەڵك-بەشی هەواڵ

 

یەكەمەكانی زانكۆ و پەیمانگاكان گردبوونەوە و ئاشكرایدەكەن، هیچ بیانوویەك نەماوە بۆ ئەوەی دامەزراندنمان دوابخرێت.

ئەمڕۆ یەك شەممە 5-7-2020 بەشێك لە یەكەمە دەرچووەكانی زانكۆ و پەیمانگاكان بە نوێنەرایەتی هەزار و 100 خوێندكار لەبەردەم نوسینگەی سلێمانی پەڕلەمانی كوردستان گردبوونەوە.

بەپێی زانیارییەكانی گەیشتوو بە (خەڵك)، یەكەمەكانی زانكۆ و پەیمانگاكان لە ڕاگەیەنراوێكدا ئاماژە بۆ ئەوە دەكەن، ئەوان بە نوێنەرایەتی هەزار و 100 خوێندكار لەبەردەم نوسینگەی سلێمانی پەڕلەمانی كوردستان گردبوونەتەوە بەمەبەستی ئەوەی دابمەزرێنرێن، بەتایبەت دوای ئەوەی پڕۆسەی چاكسازی پارەیەكی زۆر بۆ حكومەت دەگەڕێنێتەوە و هیچ بیانوویەك نەماوە بۆ ئەوەی دامەزراندنمان دوابخرێت.

ئاشكراشیدەكەن، هەرچەندە ئەمڕۆ هیچ پەڕلەمانتارێك لە نوسینگەی سلێمانی دەوامی نەكردووە تا یاداشتەكەیان لێوەربگرێت، بەڵام ئەوان لە ڕێگای دەزگاكانی ڕاگەیاندنەوە داوا دەكەن حكومەت لە پێناوی بەرز ڕاگرتنی ئاستی زانستی زانكۆكان، لە كەمترین ماوەدا دایانبمەزرێنێت.

بەردەوام بە لە خوێندنەوە

کوردستان

لیژنە هاوبەشەکەی  یەکێتی و گۆڕان کۆدەبێتەوە


خەڵك – بەشی هەواڵ
بڕیارە ئەمڕۆ یەك شەممە، لیژنەی هاوبەشی یەکێتیی نیشتمانیی کوردستان و بزوتنەوەی گۆڕان لە سلێمانی کۆبێتەوە.

ئەو لیژنە هاوبەشە کە شاناز ئیبراهیم ئەحمەد ئەندامی دەستەی کارگێڕی یەکێتی و شەماڵ عەبدولوەفا ئەندامی خانەی ڕاپەراندنی گۆڕان سەرۆکایەتی دەکەن، پرسی ئاڵوگۆڕی پۆستە ئیدارییەکان و پەیوەندییەکانی هەردوو حزب تاووتوێ دەکەن.

سەرۆکی ئیدارەی گەرمیان، جێگری پارێزگار و قایمقامی هەڵەبجە، جێگری سەرۆکی ئیدارەی راپەڕین لە نێو ئەو پۆستانەدان کە لە نێواین یەکێتی و گۆڕاندا یەکلایی نەکراونەتەوە.

بەردەوام بە لە خوێندنەوە

کوردستان

تووشبوویەکی کۆرۆنا لە سلێمانی گیانی لە دەست دا


خەڵك – بەشی هەواڵ
ئەمڕۆ یەک شەممە، تووشبوویەکی دیکەی کۆرۆنا کە نە خۆشی درێژخایەنی هەبووە، لە سلێمانی گیانی لە دەست دا.

د. ئازاد ھەورامی بەڕێوبەری نەخۆشخانەی شەهید تاهیر عەلی والی بەگ ڕایگەیاند بەرەبەیانی ئەمڕۆ پیاوێکی تەمەن 69 ساڵ کە نەخۆشی درێژخایەنیشی هەبووە، بە ھۆی كۆرۆنا گیانی لە دەست دا.

بە پێی ئامارە فەرمییەکانی وەزارەتی تەندروستی تا ئێستا 241 تووشبووی کۆرۆنا لە هەرێمی کوردستان گیانیان لە دەست داوە کە 208یان لە سلێمانی بوون.

بەردەوام بە لە خوێندنەوە

کوردستان