ئێمە لە تۆرە کۆمەڵایەتیەکان

کوردستان

وێنە؛ كۆبوونەوەی هاوسەرۆكی یەكێتی و ڕێكخەری گشتی گۆڕان دەستیپێكرد


خەڵك – بەشی هەواڵ
كۆبوونەوەی شاندی باڵای یەكێتی و گۆڕان لە سلێمانی دەستیپێكرد.

پێشنیوەڕۆی ئەمڕۆ چوار شەممە، شاندێكی باڵای یەكێتی بە سەرۆكایەتی لاهور شێخ جەنگی هاوسەرۆكی یەكێتی گەیشتنە مەكۆی سەرەكی بزوتنەوەی گۆڕان لە سلێمانی و كۆبوونەوەیان لەگەڵ عومەر سەید عەلی ڕێكخەری گشتی گۆڕان و ئەندامانی خانەی ڕاپەڕاندن دەستپێكرد.

پێشتر میدیای فەرمی گۆڕان بڵاویكردبووەوە كە پرسی ژیان و گوزەرانی هاووڵاتییان و مووچەخۆران، پەیوەندییەکانی هەردوولا، باشترکردنی پەیوەندی سیاسی نێوان لایەنەکان، چاکسازی و ئاڵنگارییەکانی بەردەم هەرێم و ڕێککەوتنی حکومەتی خوجێی سلێمانی بابەتی گفتوگۆی سەردانەکە دەبن.

چەند ڕۆژێكە جموجوڵێكی سیاسی بە مەبەستی چارەسەركردنی كێشە ناوخۆییەكانی هەرێمی كوردستان دەستیپێكردووە و لەو چوارچێوەیەشدا شاندنی باڵای یەكێتی سەردانی یەكگرتوو، كۆمەڵ، سۆسیالستی كرد و گۆڕانیش لەگەڵ كۆمەڵ و پارتی كۆبووەوە.    

 

ریکلام

کوردستان

لیژنە هاوبەشەکەی  یەکێتی و گۆڕان کۆدەبێتەوە


خەڵك – بەشی هەواڵ
بڕیارە ئەمڕۆ یەك شەممە، لیژنەی هاوبەشی یەکێتیی نیشتمانیی کوردستان و بزوتنەوەی گۆڕان لە سلێمانی کۆبێتەوە.

ئەو لیژنە هاوبەشە کە شاناز ئیبراهیم ئەحمەد ئەندامی دەستەی کارگێڕی یەکێتی و شەماڵ عەبدولوەفا ئەندامی خانەی ڕاپەراندنی گۆڕان سەرۆکایەتی دەکەن، پرسی ئاڵوگۆڕی پۆستە ئیدارییەکان و پەیوەندییەکانی هەردوو حزب تاووتوێ دەکەن.

سەرۆکی ئیدارەی گەرمیان، جێگری پارێزگار و قایمقامی هەڵەبجە، جێگری سەرۆکی ئیدارەی راپەڕین لە نێو ئەو پۆستانەدان کە لە نێواین یەکێتی و گۆڕاندا یەکلایی نەکراونەتەوە.

بەردەوام بە لە خوێندنەوە

کوردستان

تووشبوویەکی کۆرۆنا لە سلێمانی گیانی لە دەست دا


خەڵك – بەشی هەواڵ
ئەمڕۆ یەک شەممە، تووشبوویەکی دیکەی کۆرۆنا کە نە خۆشی درێژخایەنی هەبووە، لە سلێمانی گیانی لە دەست دا.

د. ئازاد ھەورامی بەڕێوبەری نەخۆشخانەی شەهید تاهیر عەلی والی بەگ ڕایگەیاند بەرەبەیانی ئەمڕۆ پیاوێکی تەمەن 69 ساڵ کە نەخۆشی درێژخایەنیشی هەبووە، بە ھۆی كۆرۆنا گیانی لە دەست دا.

بە پێی ئامارە فەرمییەکانی وەزارەتی تەندروستی تا ئێستا 241 تووشبووی کۆرۆنا لە هەرێمی کوردستان گیانیان لە دەست داوە کە 208یان لە سلێمانی بوون.

بەردەوام بە لە خوێندنەوە

کوردستان

هێزە ئەمنییەكانی ئێران، ئاژەڵدارانی سنوورەكانی هەرێمی كوردستان دەكەنە ئامانج


خەڵك-بەشی هەواڵ

 

ڕێكخراوی مافی مرۆڤی هەنگاو ڕایدەگەیەنێت، خەڵكی ئەو ناوچانەی زۆربەیان ئاژەڵدارن و لەم وەرزەدا لە كوێستانەكان جێگیر بوون، بە چەكی نیوە قورسی هێزەكانی سوپای پاسداران دەكرێنە ئامانج.

ڕێكخراوی مافی مرۆڤی هەنگاو لە ڕاگەیەنراوێكدا ئاماژە بۆ ئەوە دەكات، لە ماوەی ڕۆژانی ڕابردوودا هێزەكانی سوپای پاسداران كە لە سنوورەكانی سەردەشت و پیرانشار جێگیر بوون، بە چەكی نیوە قورسی وەك “بی كەی سی و دۆشكە” تەقەیان لە ئاژەڵدارانی هەرێمی كوردستان كردووە و شوانێكیان بە سەختی بریندار كردووە.

ئاشكراشیكرد، ڕۆژی هەینی ڕابردوو، بەهۆی تەقەی هێزەكانی سوپای پاسداران لە سنووری پیرانشار لە ئاژەڵدارانی هەرێمی كوردستان، بووەتە هۆی برینداربوونی شوانێكی تەمەن ١٧ ساڵ و هاوكات هەر بەهۆی تەقەی هێزە ئەمنییەكانی ئێران 20 سەر مەڕ لەناوچوون.

بەردەوام بە لە خوێندنەوە

کوردستان