ئێمە لە تۆرە کۆمەڵایەتیەکان

کوردستان

لە سنوری سلێمانی، كەسێك كوژرا و دوو تۆمەتباریش دەستگیركران

خەڵك- بەشی هەواڵ

بەیانی ئەمڕۆ 23-7-2018 لە قەزای سەید سادق كەسێك كوژرا و دوو تۆمەتباریش دەستگیركران .

بەڕێوەبەرایەتی پۆلیسی پارێزگای سلێمانی لە ڕاگەیەنراوێكدا، كە وێنەی داوتە (خەڵك) ئاماژەی بەوەكردووە، دوای ئەوەی بەیانی ئەمڕۆ لەقەزای سەید سادق هەردوو (ه ، ك ، س- لەدایكبووی 1996) و ( ه ، ج ، ن- لەدایكبووی 1997) بەچەكی جۆری دەمانچە و كەلەپچەی پلاستیك و بەدەمامك كراوی بە مەبەستی دزیكردن دەچنە سەرماڵی (أ ، ع ، ع ) لەدایكبووی 1975 كە پیشەی ئاڵوگۆڕگردنی دراوە، لە ئاكامی پێكهەڵپژان و شەڕ لە نێوانیاندا تۆمەتبار (أ ، ع ، ع ) بە چەكی جۆری كڵاشینكۆف تەقە دەكات و دەستبەجێ‌ (ه ، ك ، س ) دەكوژێت و تۆمەتبار (ه ، ج ، ن) هەڵدێت .

ئاماژەی بەوەشكردووە، دوای گەیشتنی هێزەكانی پۆلیس و تیمە فریاگوزارییەكان، تەرمی كوژراوەكە ڕەوانەی پزیشكی دادوەری كرا و دوای ماوەیەكی كەمیش لە ڕوداوەكە هێزەكانی پۆلیس توانییان هەردوو تۆمەتبار دەستگیر بكەن .

ڕاشیگەیاندووە، لە ئێستاشادا تۆمەتبار (أ ، ع ، ع ) لەدایكبووی 1975 كە پیشەی ئاڵوگۆڕگردنی دراوە بەپێی ماددەی 405 لەیاسای سزادانی عیراقی و بەفەرمانی بەڕێز دادوەر بەندە .

ڕوونیشی كردۆتەوە، تۆمەتبار (ه ، ج ، ن) لەدایكبووی 1997 بە پێی ماددەی 405 لەیاسای سزادانی عیراقی و بەفەرمانی بەڕێز دادوەر بەندە .

وەك لە ڕاگەیەنراوەكەدا هاتووە، “لە ئێستاشدا لەلایەن بنكەی پۆلیسی سەید سادق-ەوە لێكۆڵینەوەی ورد لە ڕوداوەكە دەستیپێكردووە و تۆمەتبارانیش دانیان ناوە بەتاوانەكەیاندا” .

کوردستان

دەزگای تەندروستیی پێشمەرگە ئاگادارینامەیەکی بڵاوکردەوە

خەڵک – بەشی هەواڵ

 

دەزگای تەندروستیی پێشمەرگە ئاگادارییەکی بۆ هاوڵاتیانی شاری سلێمانی و دەوروبەری بڵاوکردەوە.

 

دەزگای تەندروستی پێشمەرگە لەئاگادارینامەیەکدا هاوڵاتیان ئاگادار دەکاتەوە،کە بەهۆی زیادبوون و هەڵکشانی توشبووانی ڤایرۆسی کۆڕۆناوە نەخۆشخانەکانیان زۆرترین لۆدی نەخۆشی لەسەرە.

 

داواکارن لەهاوڵاتیان، لە ئێستادا سەردانی نەخۆشخانەکانیان نەکەن بەمەبەستی نەشتەرگەری سارد، واتە ئەو نەشتەرگەرییانەی کەدەتوانرێت دوابخرێت بۆ کاتێکی دیکە.

ئەوەش باسکراوە، هیوادارن هاوڵاتیان هاوکاریانبن، بۆئەوەی بتوانن زۆرترین خزمەت بەونەخۆشانە بکەن، کە توشی ڤایرۆسی کۆرۆنابوون.

بەردەوام بە لە خوێندنەوە

کوردستان

هەولێر.. سێ هەزار ماتۆڕسکیل دەستیبەسەردا گیراوە

خەڵک – بەشی هەواڵ

 

لەماوەى مانگێکدا لەپارێزگای هەولێر دەستبەسەر سێ هەزار ماتۆڕسکیلدا گیراوە.

 

عه‌میدى مافپه‌روه‌ر دیدار عومه‌ر بەڕێوه‌به‌ری هاتوچۆی پارێزگاى هه‌ولێر ڕایگەیاند، ماتۆڕسكیله‌كان كێشه‌یه‌كى زۆریان بۆ ڕێڕه‌وى هاتوچۆ دروستكردبوو، چه‌ند جارێك پێش ئێستا ئاگادارمانكردنه‌وه.

 

ئاماژەى بەئەوەشدا، ماوه‌ى مانگێكه‌ ده‌ستمان پێكردووه‌، نزیكه‌ى سێ هەزار ماتۆڕسكیلمان ده‌ستبه‌سه‌رداگرتووه‌.

 

باسی لەئەوەشکرد، به‌هیچ جۆرێك ئەو ماتۆڕسکیلانە نادرێته‌وه‌ خاوه‌نەکانیان، كه‌ هۆكاره‌كه‌ى نه‌بوونى (ئه‌وه‌لیات و مۆڵه‌تى یاسایی) بێت.

 

بەردەوام بە لە خوێندنەوە

کوردستان

یەك مەتر زەوی بە هەزار دینار فرۆشراوە
نهێنی سووتاندنی سنەوبەرەكانی سلێمانی ئاشكرا كرا

خەڵك-بەشی هەواڵ

 

سەرۆكی فراكسیۆنی گۆڕان لە ئەنجومەنی پارێزگای سلێمانی نهێنی سووتاندنی سنەوبەرەكانی سلێمانی ئاشكرا دەكات.
ڕێبوار ئەحمەد سەرۆكی فراكسیۆنی گۆڕان لە ئەنجومەنی پارێزگای سلێمانی بە میدیای حزبەكەی ڕاگەیاند، ئەو ١٣٢ دۆنم زەویەی دارسنەوبەرەكانیان لەبەردەمیدا سوتاندووە دراوە بە دوو كۆمپانیا بەناوەكانی (وێستكار، كوردستان مۆتۆر) بەیاسای وەبەرهێنان مەتری دراوە بەهەزار دینار و دۆنمی بە دوو ملیۆن و نیو دینار.
ئاشكراشیكرد، بەهای زەوییەكان پێنج ملیۆن دۆلارە، ئەم دوو كۆمپانیایە پەنجا پێشانگای ئۆتۆمبێلی تێدا دروست دەكەن هەر پێشەنگایەك دەفرۆشرێت بە یەك ملیۆن دۆلار.

وتیشی” لەو شوێنە چەند پڕۆژەیەك دەكرێن كە یەكێكیان لەسەر ڕووبەری (132) دۆنم زەوییە و ئەوەی دیكە لەسەر ڕووبەری (50) دۆنم زەوی، پڕۆژەكانیش بریتین لەكۆگای هەمەجۆر و گەراج”.

بەردەوام بە لە خوێندنەوە

کوردستان