ئێمە لە تۆرە کۆمەڵایەتیەکان

کوردستان

مەخمور، پێشمەرگە ئۆپەراسیۆنێكی لەدژی پاشماوەكانی داعش دەستپێكرد


 

خەڵك- بەشی هەواڵ

هێزەكانی پێشمەرگە بە پاڵپشتی هێزە فەرەنساییەكان و هێزێكی عیراقی و فڕۆكەكانی هاوپەیمانی نێودەوڵەتی، ئۆپەراسیۆنێكی لە دژی پاشماوەی چەكدارانی داعش لە باشووری خۆرهەڵاتی موسڵ دەستپێكرد.

ئەمڕۆ سێ‌ سەرچاوەیەكی ئەمنی بە میدیاكانی عیراقی ڕاگەیاند”هێزێكی پێشمەرگە بە پاڵپشتی هێزێكی فەرەنسایی و هێزێكی عیراقی و فڕۆكەكانی هاوپەیمانی نێودەوڵەتی، لە دوو میحوەرەوە دەستیكرد بە ئۆپەراسیۆنێكی سەربازی لە دژی پاشماوەی چەكدارانی داعش لە چیاكانی مەخمور لە باشووری خۆرهەڵاتی موسڵ”.

بەگوێرەی هەواڵ، ئەمە یەكەم جار نییە كە هێزە هاوبەشەكان بە پاڵپشتی هاوپەیمانی نێودەوڵەتی لەو ناوچەیەدا هێرش و ئۆپەراسیۆنی سەربازی ئەنجام دەدەن كە لە هەندێك لاوە پاشماوەی چەكدارانی داعش جموجۆڵ و چالاكی دەنوێنن.

پێشتر وەزارەتی پێشمەرگە ڕایگەیاندبوو كە هێزێكی پێشمەرگە بە پاڵپشتی فڕۆكە جەنگییەكانی هاوپەیمانی نێودەوڵەتی، شەڕی دژ بە پاشماوەی چەكدارانی ڕێكخراوی داعش لە چیای قەرەچوغ لە مەخمور كە نزیكەی 50 كیلۆمەتر لە هەولێرەوە دوورە، دەستپێكردووە.

کوردستان

لیژنە هاوبەشەکەی  یەکێتی و گۆڕان کۆدەبێتەوە


خەڵك – بەشی هەواڵ
بڕیارە ئەمڕۆ یەك شەممە، لیژنەی هاوبەشی یەکێتیی نیشتمانیی کوردستان و بزوتنەوەی گۆڕان لە سلێمانی کۆبێتەوە.

ئەو لیژنە هاوبەشە کە شاناز ئیبراهیم ئەحمەد ئەندامی دەستەی کارگێڕی یەکێتی و شەماڵ عەبدولوەفا ئەندامی خانەی ڕاپەراندنی گۆڕان سەرۆکایەتی دەکەن، پرسی ئاڵوگۆڕی پۆستە ئیدارییەکان و پەیوەندییەکانی هەردوو حزب تاووتوێ دەکەن.

سەرۆکی ئیدارەی گەرمیان، جێگری پارێزگار و قایمقامی هەڵەبجە، جێگری سەرۆکی ئیدارەی راپەڕین لە نێو ئەو پۆستانەدان کە لە نێواین یەکێتی و گۆڕاندا یەکلایی نەکراونەتەوە.

بەردەوام بە لە خوێندنەوە

کوردستان

تووشبوویەکی کۆرۆنا لە سلێمانی گیانی لە دەست دا


خەڵك – بەشی هەواڵ
ئەمڕۆ یەک شەممە، تووشبوویەکی دیکەی کۆرۆنا کە نە خۆشی درێژخایەنی هەبووە، لە سلێمانی گیانی لە دەست دا.

د. ئازاد ھەورامی بەڕێوبەری نەخۆشخانەی شەهید تاهیر عەلی والی بەگ ڕایگەیاند بەرەبەیانی ئەمڕۆ پیاوێکی تەمەن 69 ساڵ کە نەخۆشی درێژخایەنیشی هەبووە، بە ھۆی كۆرۆنا گیانی لە دەست دا.

بە پێی ئامارە فەرمییەکانی وەزارەتی تەندروستی تا ئێستا 241 تووشبووی کۆرۆنا لە هەرێمی کوردستان گیانیان لە دەست داوە کە 208یان لە سلێمانی بوون.

بەردەوام بە لە خوێندنەوە

کوردستان

هێزە ئەمنییەكانی ئێران، ئاژەڵدارانی سنوورەكانی هەرێمی كوردستان دەكەنە ئامانج


خەڵك-بەشی هەواڵ

 

ڕێكخراوی مافی مرۆڤی هەنگاو ڕایدەگەیەنێت، خەڵكی ئەو ناوچانەی زۆربەیان ئاژەڵدارن و لەم وەرزەدا لە كوێستانەكان جێگیر بوون، بە چەكی نیوە قورسی هێزەكانی سوپای پاسداران دەكرێنە ئامانج.

ڕێكخراوی مافی مرۆڤی هەنگاو لە ڕاگەیەنراوێكدا ئاماژە بۆ ئەوە دەكات، لە ماوەی ڕۆژانی ڕابردوودا هێزەكانی سوپای پاسداران كە لە سنوورەكانی سەردەشت و پیرانشار جێگیر بوون، بە چەكی نیوە قورسی وەك “بی كەی سی و دۆشكە” تەقەیان لە ئاژەڵدارانی هەرێمی كوردستان كردووە و شوانێكیان بە سەختی بریندار كردووە.

ئاشكراشیكرد، ڕۆژی هەینی ڕابردوو، بەهۆی تەقەی هێزەكانی سوپای پاسداران لە سنووری پیرانشار لە ئاژەڵدارانی هەرێمی كوردستان، بووەتە هۆی برینداربوونی شوانێكی تەمەن ١٧ ساڵ و هاوكات هەر بەهۆی تەقەی هێزە ئەمنییەكانی ئێران 20 سەر مەڕ لەناوچوون.

بەردەوام بە لە خوێندنەوە

کوردستان