پەیمانگەی نیشتیمانی بۆ توێژینەوەی فەلەكناسی و جیۆفیزیكی لە میسر ڕایدەگەیەنێت، 28ی حوزەیرانی ٢٠٢٣ یەكەم رۆژی جەژنی قوربان دەبێت.
جاد قازی، سەرۆكی پەیمانگەی نیشتیمانی بۆ توێژینەوەی فەلەكناسی و جیۆفیزیكی لە میسر ڕایگەیاندووە، بەگوێرەی ژمێرەی فەلەكناسی، كە لەلایەن پەیمانگەكەوە ئەنجامدراوە سەرەتای مانگی زیلقیعدە بۆ ساڵی ١٤٤٤ی كۆچی یەك شەممەی داهاتوو دەبێت.
ڕاشیگەیاندووە، مانگی زیلقیعدە ٢٩ ڕۆژ دەبێت و 19ی حوزەیران یەكەم ڕۆژی مانگی زیلحیجە دەبێت.
ڕوونیشی كردۆتەوە، بەم پێیە ڕۆژی ٢٧ی حوزەیرانی ٢٠٢٣ ڕۆژی وەستانی حاجییان دەبێت لە عەرەفە و 28ی حوزەیران یەكەم ڕۆژی جەژنی قوربان دەبێت.
