ئێمە لە تۆرە کۆمەڵایەتیەکان

کوردستان

زاخۆ.. توركیا بە هێلیكۆپتەر هێزی سەربازی دابەزاند


خەڵك – بەشی هەواڵ

سوپای توركیا بە هێلیكۆپتەر هێزی سەربازیی بردووەتە چیای خامتیر لە سنووری شارۆچكەی زاخۆ، كە كەمتر لە پێنج كیلۆمەتر لە خاڵێكی پاسەوانی سنوورەوە دوورە.

بەگوێرەی زانیارییەكان، هێزەكان لە كاتژمێر 3ی پاشنیوەڕۆی ئەمڕۆ بۆ چیاكە گواستراونەتەوە و ئەو شوێنەی سەربازانی توركیا تێیدا دابەزیون پێنج كیلۆمەتر لە گوندی شەرانش-ی شارەدێی دەركاری زاخۆوە دوورە، كە خاڵێكی پاسەوانی سنووری تێدایە.

زێرەڤان مووسا، بەڕێوەبەری شارەدێی دەركار بە (ڕووداو)ی ڕاگەیاند، ئێوارەی ڕۆژی هەینی 26/6/2020، سوپای توركیا بە هێلیكۆپتەر هێزی سەربازیی لە چیای خامتیر دابەزاندووە، كە نزیكە لە خاڵێكی پاسەوانی سنووری عیراق لە گوندی شەرانش “ئەوەش ترس و دڵەڕاوكێی بۆ دانیشتووانی سنوورەكە دروستكردووە”.

بەڕێوەبەری شارەدێی دەركار ئاماژەی بەوەشكرد، بەهۆی جێگیربوونی هێزی سەربازیی توركیا لە چیای خامتیر و تۆپباران و بۆردوومانی بەردەوامیش لە ناوچەكە لە چەند ڕۆژی ڕابردوودا، “دڵەڕاوكێی لەناو خەڵكی 30 گوندی ناوچەكە دروستكردووە كە 13 هەزار كەس تێیدا دەژین، هەروەها 27 هەزار پەنابەر كە لە سێ كەمپی جیاجیا لەو سنوورەدا نیشتەجێن”.

هاوكات دڵشێر عەبدولستار، بەڕێوەبەری شارەدێی باتیفای سەر بە شارۆچكەی زاخۆ، ڕایگەیاند، بەھۆی بۆردوومانی بەردەوامەوە، زیانی ماددی بە 12 گوندی شارەدێی باتیفا گەیشتووە و گوندێك بەتەواوی چوڵكراوە و سێ گوندی تریش مەترسیی چوڵكردنیان لەسەرە “بەھۆی بۆردوومانەكانەوە ترس بۆ نزیكەی 10 ھەزار كەس لە دانیشتووانی ناوچەكە دروستبووە”.

جێی ئاماژەیە، ڕۆژی 15ی ئەم مانگە وەزارەتی بەرگری توركیا دەستپێكردنی ئۆپراسیۆنێكی سەربازی بۆ باشووری كوردستان ڕاگەیاند و ڕۆژی 10/6/2020 بەهۆی بۆردوومانی فڕۆكەكانی توركیا لە سنووری شیلادزێ و كانی ماسێ، پێنج هاووڵاتی شەهیدبوون.

هەروەها ڕۆژی پێنجشەممە 25/6/2020 هێرشێكی ئاسمانی بۆسەر سەیرانگەی كونەماسی لە سنووری پارێزگای سلێمانی، شەهیدێك و برینداربوونی 6 هاووڵاتی لێكەوتەوە.

کوردستان

هێزە ئەمنییەكانی ئێران، ئاژەڵدارانی سنوورەكانی هەرێمی كوردستان دەكەنە ئامانج


خەڵك-بەشی هەواڵ

 

ڕێكخراوی مافی مرۆڤی هەنگاو ڕایدەگەیەنێت، خەڵكی ئەو ناوچانەی زۆربەیان ئاژەڵدارن و لەم وەرزەدا لە كوێستانەكان جێگیر بوون، بە چەكی نیوە قورسی هێزەكانی سوپای پاسداران دەكرێنە ئامانج.

ڕێكخراوی مافی مرۆڤی هەنگاو لە ڕاگەیەنراوێكدا ئاماژە بۆ ئەوە دەكات، لە ماوەی ڕۆژانی ڕابردوودا هێزەكانی سوپای پاسداران كە لە سنوورەكانی سەردەشت و پیرانشار جێگیر بوون، بە چەكی نیوە قورسی وەك “بی كەی سی و دۆشكە” تەقەیان لە ئاژەڵدارانی هەرێمی كوردستان كردووە و شوانێكیان بە سەختی بریندار كردووە.

ئاشكراشیكرد، ڕۆژی هەینی ڕابردوو، بەهۆی تەقەی هێزەكانی سوپای پاسداران لە سنووری پیرانشار لە ئاژەڵدارانی هەرێمی كوردستان، بووەتە هۆی برینداربوونی شوانێكی تەمەن ١٧ ساڵ و هاوكات هەر بەهۆی تەقەی هێزە ئەمنییەكانی ئێران 20 سەر مەڕ لەناوچوون.

بەردەوام بە لە خوێندنەوە

کوردستان

خشتەی تاقیكردنەوەكانی 12ی ئامادەیی و خوێندنی ئیسلامی و پیشەیی بڵاوكرایەوە


خەڵك – بەشی هەواڵ

وەزارەتی پەروەردەی حكومەتی هەرێمی كوردستان خشتەی تاقیكردنەوەكانی پۆلی 12ى ئامادەیی بۆ هەردوو قۆناغی زانستی و وێژەیی و خوێندنی ئیسلامی و پیشەیی بڵاوكردەوە، بە گوێرەی خشتەكەش تاقیكردنەوە وەزارییەكان شەممەی داهاتوو 11ی تەمووز دەستپێدەكەن و 5ی ئاب كۆتا تاقیكردنەوە دەكرێت.

وەزارەتی پەروەردەی هەرێمی كوردستان لە ڕاگەیەنراوێكدا ئەوەیخستەڕوو، خولی یەكەمی تاقیكردنەوەكانی پۆلی 12ی ئامادەی بۆ هەردوو بەشی زانستی و پیشەیی و هەروەها خوێندنی ئیسلامی و پیشەیی لە ڕۆژی شەممەی داهاتوو 11ی تەمووز دەستپێدەكات و ڕۆژی 5ی ئاب تاقیكردنەوەكان كۆتایی پێدێت.

 

 

بەردەوام بە لە خوێندنەوە

کوردستان

ژووی ئۆپراسیۆنەكانی كەركوك ڕۆژانی یەك شەممە و دوو شەممەی كردە پشوو


خەڵك – بەشی هەواڵ
ژووری ئۆپراسیۆنەكانی كەركوك چەند بڕیارێكی نوێی دەركرد كە دەوامی فەرمانگە حكومییەكان بۆ 25% كەمكرایەوە و ڕۆژانی یەك شەممە و دوو شەممەشی كردە پشوو.

ژووری ئۆپراسیۆنەكانی كەركوك لەڕاگەیەنراوێكدا ڕایگەیاند: دوای تاووتوێكردنی دۆخی پارێزگاكە بڕیاردرا كە قەدەغەی هاتوچۆ لە كاتژمێر 5ی بەیانییەوە بۆ 4ی ئێوارە هەڵگیرێت.

ژووری ئۆپراسیۆنەكانی كەركوك ڕوونیشیكردووەتەوە: دەوامی فەرمانگەكان بۆ 25% فەرمانبەرانی كەمكرایەوە و ڕۆژانی یەك شەممە و دوو شەممە لە ڕۆژانی هەفتە كرایە پشوو.

هەروەها ئەوەشخراوەتەڕوو: دەروازەكانی شار بەداخراوی دەمێننەوە.

بەردەوام بە لە خوێندنەوە

کوردستان