ئێمە لە تۆرە کۆمەڵایەتیەکان

کوردستان

سلێمانی؛دژی بۆردومانەكەی كونە ماسی لەلایەن توركیاوە خۆپیشاندان بەڕێوەچوو


خەڵك – بەشی هەواڵ

ناڕەزایی دژی بۆردومان ولەشكركێشییەكانی سوپای توركیا بۆسەر هەرێمی كوردستان لە شاری سلێمانی خۆپیشاندان دەستپێكرد و خۆپیشاندەران داوادەكەن لایەنە نێودەوڵەتییەكان لەسەر هێرشەكانی توركیا هەڵوێستیان هەبێت .

ئێوارەی ئەمەڕۆ هەینی 26-6-2020 لە كاتژمێر 5 ی ئێوارە ژمارەیەك لە هاووڵاتیان لە چین وتوێژەكان و ڕێكخراوەكانی كۆمەڵی مەدەنی لە شاری سلێمانی دژی بۆردومان و لە شكركێشییەكانی سوپای توركیا بۆسەر هەرێمی كوردستان خۆپیشاندانێكیان ئەنجامدا و داوا دەكەن كۆمەڵگەی نێودەوڵەتی لەسەر ئەو كارانەی توركیا هەڵوێستی هەبێت و ڕێگری لەو لەشكر كێشییە بكات.

ئەمە لەكاتێكدایە، دوێنێ پێنجشەممە لە هێرشێكی فڕۆكە جەنگییەكانی توركیادا لە سەیرانگای كونە ماسی لە سلێمانی چەندین قوربانی لێكەوتەوە.

کوردستان

هێزە ئەمنییەكانی ئێران، ئاژەڵدارانی سنوورەكانی هەرێمی كوردستان دەكەنە ئامانج


خەڵك-بەشی هەواڵ

 

ڕێكخراوی مافی مرۆڤی هەنگاو ڕایدەگەیەنێت، خەڵكی ئەو ناوچانەی زۆربەیان ئاژەڵدارن و لەم وەرزەدا لە كوێستانەكان جێگیر بوون، بە چەكی نیوە قورسی هێزەكانی سوپای پاسداران دەكرێنە ئامانج.

ڕێكخراوی مافی مرۆڤی هەنگاو لە ڕاگەیەنراوێكدا ئاماژە بۆ ئەوە دەكات، لە ماوەی ڕۆژانی ڕابردوودا هێزەكانی سوپای پاسداران كە لە سنوورەكانی سەردەشت و پیرانشار جێگیر بوون، بە چەكی نیوە قورسی وەك “بی كەی سی و دۆشكە” تەقەیان لە ئاژەڵدارانی هەرێمی كوردستان كردووە و شوانێكیان بە سەختی بریندار كردووە.

ئاشكراشیكرد، ڕۆژی هەینی ڕابردوو، بەهۆی تەقەی هێزەكانی سوپای پاسداران لە سنووری پیرانشار لە ئاژەڵدارانی هەرێمی كوردستان، بووەتە هۆی برینداربوونی شوانێكی تەمەن ١٧ ساڵ و هاوكات هەر بەهۆی تەقەی هێزە ئەمنییەكانی ئێران 20 سەر مەڕ لەناوچوون.

بەردەوام بە لە خوێندنەوە

کوردستان

خشتەی تاقیكردنەوەكانی 12ی ئامادەیی و خوێندنی ئیسلامی و پیشەیی بڵاوكرایەوە


خەڵك – بەشی هەواڵ

وەزارەتی پەروەردەی حكومەتی هەرێمی كوردستان خشتەی تاقیكردنەوەكانی پۆلی 12ى ئامادەیی بۆ هەردوو قۆناغی زانستی و وێژەیی و خوێندنی ئیسلامی و پیشەیی بڵاوكردەوە، بە گوێرەی خشتەكەش تاقیكردنەوە وەزارییەكان شەممەی داهاتوو 11ی تەمووز دەستپێدەكەن و 5ی ئاب كۆتا تاقیكردنەوە دەكرێت.

وەزارەتی پەروەردەی هەرێمی كوردستان لە ڕاگەیەنراوێكدا ئەوەیخستەڕوو، خولی یەكەمی تاقیكردنەوەكانی پۆلی 12ی ئامادەی بۆ هەردوو بەشی زانستی و پیشەیی و هەروەها خوێندنی ئیسلامی و پیشەیی لە ڕۆژی شەممەی داهاتوو 11ی تەمووز دەستپێدەكات و ڕۆژی 5ی ئاب تاقیكردنەوەكان كۆتایی پێدێت.

 

 

بەردەوام بە لە خوێندنەوە

کوردستان

ژووی ئۆپراسیۆنەكانی كەركوك ڕۆژانی یەك شەممە و دوو شەممەی كردە پشوو


خەڵك – بەشی هەواڵ
ژووری ئۆپراسیۆنەكانی كەركوك چەند بڕیارێكی نوێی دەركرد كە دەوامی فەرمانگە حكومییەكان بۆ 25% كەمكرایەوە و ڕۆژانی یەك شەممە و دوو شەممەشی كردە پشوو.

ژووری ئۆپراسیۆنەكانی كەركوك لەڕاگەیەنراوێكدا ڕایگەیاند: دوای تاووتوێكردنی دۆخی پارێزگاكە بڕیاردرا كە قەدەغەی هاتوچۆ لە كاتژمێر 5ی بەیانییەوە بۆ 4ی ئێوارە هەڵگیرێت.

ژووری ئۆپراسیۆنەكانی كەركوك ڕوونیشیكردووەتەوە: دەوامی فەرمانگەكان بۆ 25% فەرمانبەرانی كەمكرایەوە و ڕۆژانی یەك شەممە و دوو شەممە لە ڕۆژانی هەفتە كرایە پشوو.

هەروەها ئەوەشخراوەتەڕوو: دەروازەكانی شار بەداخراوی دەمێننەوە.

بەردەوام بە لە خوێندنەوە

کوردستان