ئێمە لە تۆرە کۆمەڵایەتیەکان

عێراق

پەرلەمانی عیراق: نابێت وەڵامدانەوەی توركیا تەنیا بە ئیدانەكردن بێت

خەڵك- بەشی هەواڵ
لیژنەی كاروباری دەرەوەی پەرلەمانی عیراق، داوا لە حكومەت دەكات، پرسی بۆردومانەكانی توركیا بكاتە كارنامەی دانیشتنەكانی داهاتووی، بەپێویستیشی دەزانێت، وەڵامدانەوەی توركیا هەر تەنیا لە سنوری ئیدانەكردن و ناڕەزایی دەربڕیندا نەمێنێتەوە.

بەپێی ڕاگەیەندراوێك كە ئەمڕۆ هەینی لەلایەن لیژنەی كاروباری دەرەوەی پەرلەمانی عیراقەوە بڵاوكرایەوە”جیهان و ناوچەكە بە ڕەوشێكی ناسك و بێپێشینە لە مێژوویی هەموو مرۆڤایەتیدا تێدەپەڕن كە پێویستە مرۆڤ پشتیوانی لە برا مرۆڤەكەی بكات، لەپێناو دەربازبوون لەو پەتایەی هاتۆتەئارا كە تائێستاش هۆكاریی لەدەستدانی خۆشەویستان و كەسوكارە، دەبێت لەم ڕەوشەدا بەشێوازێكی جیاواز بیربكەینەوە و هەستی مرۆڤایەتی زاڵبێت بەسەرماندا”.

هەر لە ڕاگەیەندراوەكەدا هاتووە”وێڕای ئەوەش، 10 ڕۆژ تێنەپەڕی كە لەبەرانبەر بۆردومانەكانی توركیادا بۆ ناوچەكانی هەرێمی كوردستان وەزارەتی دەرەوە، باڵیۆزی توركیای بانگ كرد و یاداشتی ناڕەزایی ڕادەستكرد، بەڵام دیسانەوەی سەرلەنوێ‌ دەستدرێژییەكی تر لە ناوچەیەكی تری پارێزگەی سلێمانی ڕویدا و بەهۆیەوە ژمارەیەك لە هاووڵاتیان بوونە قوربانی و زەرەر و زیانێكی ماددی زۆریش دروستبوو “.

لیژنەی كاروباری دەرەوەی پەرلەمانی عیراق دەڵێت”ئێمە وێڕای ئیدانەكردنمان بۆ ئەو دەستدرێژییانە، داوا لە حكومەتی عیراق دەكەین، ئەو پرسە بخاتە كارنامەی كۆبوونەوەكانی داهاتووی خۆی و هە تەنیا بە ئیدانەكردن و دەربڕینی ناڕەزایییەوە نەوەستێت، بەڵكو ڕێوشوێنێك بگرێتەبەر كە ببێتە مایەی ڕێگرتن لە دووبارەبوونەوەی ئەو دەستدرێژییانە”.

عێراق

زیاتر لە دوو هەزار تووشبووی کۆرۆنا لەعیراق چاکبوونەوە

خەڵک – بەشی هەواڵ

 

بەپێی نوێترین ئاماری تووشووانی کۆرۆنا لەعیراق لەماوەى ٢٤ کاتژمێری ڕابردوودا دوو هەزار و ١٧٢ تووشبووی کۆرۆنا چاکبوونەتەوە.

 

وەزارەتی تەندروستی عیراق ئاماری ٢٤ کاتژمێری ڕابردوودا بڵاوکردەوە، کە تێیدا سێ هەزار و ٤٦١ تووشبووی نوێی کۆرۆنا لەعیراق تۆمارکران و دوو هەزار و ١٧٢ تووشبووش چاکبوونەوە.

 

هەر بەپێی ئامارەکە، لەو ماوەیەدا ٧٥ تووشبووی کۆرۆنا گیانیان لەدەستدا.

 

بەردەوام بە لە خوێندنەوە

ئابوری

عیراق ئاستی بەرهەمهێنانی نەوت كەمدەكاتەوە

خەڵك – بەشی هەواڵ
وەزارەتی نەوتی عیراق بەڵێن دەدات كە 400 هەزار بەرمیل لە بەرهەمهێنانی نەوتی ڕۆژانە كەمبكاتەوە.

ئیحسان عەبدولجەبار وەزیری نەوت پەیوەندییەكی تەلەفۆنی لەگەڵ عەبدولعەزیز سەلمان وەزیری وزەی سعودیە ئەنجام دا و تێیدا باسیان لە بوژانەوەی بازاڕی نەوت و پابەندبوون بە ڕێككەوتنی ئۆپیك لەسەر دابەزاندنی ئاستی بەرهەمهێنانی نەوت كرد.

وەزیری نەوتی عیراق جەختیكردەوە لەوەی لەسەرەتا ئەم مانگەوە تا كۆتایی مانگی ئەیلولی داهاتوو، 100% پابەند دەبێت بە ڕێككەوتنەكەی ئۆپیكەوە.

ئیحسان عەبدولجەبار ئەوەشی خستەڕوو كە عیراق لە ماوەی ئەم دوو مانگەدا ڕۆژانە 400 هەزار بەرمیل نەوت كەمدەكاتەوە.

بەردەوام بە لە خوێندنەوە

عێراق

بەرهەم ساڵح و مستەفا كازمی: پتەوكردنی پەیوەندییەكانی نێوان هەولێر و بەغدا گرنگە

خەڵك – بەشی هەواڵ

نووسینگەی ڕاگەیاندنی سەرۆكایەتی كۆمار لە ڕاگەیەنراوێكدا ڕایگەیاند، سەرۆك كۆماری عیراق لە بەغدا پێشوازیی لە سەرۆك وەزیرانی وڵاتەكەی كرد و باسیان لە دۆخی سیاسی، ئابووریی، ئاسایش و تەندروستیی عیراق كرد و جەختیشیان لە بەهێزكردنی پەیوەندییەكانی نێوان بەغدا و هەولێر كردەوە.

نووسینگەی ڕاگەیاندنی سەرۆكایەتی كۆمار بڵاویكردەوە، بەرهەم ساڵح، سەرۆك كۆماری عیراق و مستەفا كازمی سەرۆك وەزیران لەبارەی پێویستیی نەهێشتنی تیرۆر و زیادكردنی سەركەوتنە ئەمنییەكان و دابینكردنی ئاسایشەوە پێداگر بوون.

لە بەشێكی تری كۆبوونەوەكەدا باسیان لە ڕووبەڕووبوونەوەی ڤایرۆسی كۆرۆنا كرد و پشتگیریی خۆیان بۆ لایەنە پزیشكی و تەندروستییەكان دەربڕی و جەختیان لە بەڕێوەچوونی هەڵبژاردنی پێشوەختە كردەوە.

نووسینگەی ڕاگەیاندنی سەرۆكایەتی كۆمار ئەوەشی خستووەتەڕوو، بۆ چارەسەركردنی قەیرانیی ئابووریی وڵات هەردوولا باسیان لە چەند ڕێكارێك كرد بۆ ئەوەی بیانگرنەبەر، بەتایبەت كەمكردنەوەی بەخشینە حكومییەكان و زیادكردنی سەرچاوەكانی داهات.
هەروەها، هەردوو لا جەختیان لە گرنگیی پتەوكردنی پەیوەندییەكانی نێوان حكومەتی ناوەندی و حكومەتی هەرێمی كوردستان و پێویستیی چارەسەركردنی گرفتە ماددییەكان بە گوێرەی دەستوور كردەوە.

بەردەوام بە لە خوێندنەوە

کوردستان