ئێمە لە تۆرە کۆمەڵایەتیەکان

ئابوری

شارەزوور.. فۆڕم بۆ هەژاران پڕدەكرێتەوە

خەڵك – یەحیا حەبیب

لێپرسراوی چاودێری كۆمەڵایەتی شارەزوور بە وەكالەت ڕایدەگەیەنێت: “وەزارەتی كار و كاروباری كۆمەڵایەتی فۆڕمی سەرژمێری هەژارانی بڵاوكردوەتەوە “، دەشڵێت، “ئێمە لای خۆمانەوە بە بێ بەرامبەر پڕیدەكەینەوە و داوا لە خەڵك دەكەین هیچ پارەیەك بۆ پڕكردنەوەی ئەو فۆڕمە نەدەن “.

دەشتی عومەر، لێپرسراوی چاودێری كۆمەڵایەتی شارەزوور بە وەكالەت لە لێدوانێكیدا بە (تۆڕی میدیایی خەڵك)ی ڕاگەیاند:”لەلایەن بەڕێوەبەرایەتی چاودێری كۆمەڵایەتی هەڵەبجەوە ئاگاداریان كردینەوە كە ئەو فۆڕمەی وەزارەتی كار و كاروباری كۆمەڵایەتی حكومەتی هەرێمی كوردستان بڵاویكردووەتەوە، تایبەتە بە وەرگرتنی سەرژمێری خەڵكی هەژار و ئێمە لای خۆمانەوە بە بێبەرامبەر پڕی دەكەینەوە بۆ هاووڵاتیانی قەزای شارەزوور “.

لێپرسراوی چاودێری كۆمەڵایەتی شارەزوور بە وەكالەت وتیشی: “لە ئێستادا هیچ خۆراك و هاوكارییەكی دارایی لەبەردەستدا نییە ئەم فۆڕمە تەنها بۆ وەرگرتنی سەرژمێری خەڵكی هەژاری ناوچەكەیە “.

دەشتی عومەر ئاشكراشیكرد: “لە ڕۆژی یەكشەممەوە لە خزمەتی هاووڵاتیانی قەزای شارەزوور دەبین بۆ پڕكردنەوەی ئەو فۆڕمەی وەزارەتی كار و كاروباری كۆمەڵایەتی “.

ئەمەش لە كاتێكدایە، هاووڵاتیانی قەزای شارەزوور ماوەی چەند ڕۆژێكە سەرقاڵی پڕكردنەوەی ئەو فۆڕمەن و لە بەرامبەریشدا لە 1000 هەزار دینارەوە بۆ 5000 هەزار دینار وەری دەگیرێت.

 

 

ئابوری

نرخی نەوت لە بازاڕەكانی جیهان

خەڵك-بەشی هەواڵ

 

نرخی‌ نەوت لەبازاڕەكانی‌ جیهان بەراورد بە ڕۆژانی ڕابردوو كەمێك بەرز بووەتەوە.

ئاژانسەكانی جیهان بڵاویانكردەوە، نرخی نەوت بۆ ئەمڕۆ یەك شەممە، 27ی ئەیلولی 2020، بەشێوەیەك بووە كە نرخی‌ نەوتی برێنت بە 41 دۆلار و 83 سەنت لە بازاڕەكانی جیهان مامەڵەی پێوەكراوە و هاوكات نرخی بەرمیلێك نەوتی خاوی ئەمریكیش بە 40 دۆلارو 5 سەنت مامەڵەی پێوەكراوە.

هەڵكشان و داكشانی نرخی نەوت لەكاتێكدایە، ژمارەیەك لەو وڵاتانەی بۆ ڕووبەڕووبوونەوەی ڤایرۆسی كۆرۆنا سەرجەم كەرتە پیشەسازی و بازرگانییەكانیان وەستاندبوو، بەڵام لە ئێستادا و بەهۆی كەمبوونەوەی مەترسییەكانی كۆرۆنا، بەشێك لە چالاكییە ئابوورییەكانیان دەستپێكردووەتەوە، ئەمەش بووەتە هۆی بەرزبوونەوەی نرخی نەوت.

بەردەوام بە لە خوێندنەوە

ئابوری

پێدانی پێشینەی خانووبەرە بۆ فەرمانبەران و هاووڵاتیان دەستی پێكرد

خەڵك- بەشی هەواڵ
بانكی ڕافیدەینی عیراقی پێدانی پێشینەی خانووبەرەی بە فەرمانبەران و هاووڵاتیان دەستپێكرد و ڕایگەیاند، كە دەتوانن لە سەرجەم پارێزگاكان سەردانی لقی بانكەكە بكەن.

بانكی ڕافیدەین لە ڕاگەیەنراوێكدا ئاماژەی بەوەكردووە، كە لقەكانی بانكەكەمان لە سەرجەم پارێزگاكان ڕاسپێردراون تاوەكو ئاسانكاری بكەن و ڕێكارەكان ئاسان بكەن لەبەردەم هاووڵاتیان تاوەكو بتوانن پێشینەی نیشتەجێبوون بۆ دروست كردنی خانوو یان نوێكردنەوە و بنیاتنانەوەی خانوو وەربگرن.

ڕاشیگەیاندووە، قەرزەكە بۆ فەرمانبەران و هاووڵاتیانیشە، كە دەگاتە 50 ملیۆن دینار بۆ دروست كردنی خانوو لەسەر پارچە زەوییەك، بەڵام بۆ نوێكردنەوە و بنیاتنانەوە بۆ فەرمانبەران بڕی 50 ملیۆن دینارە و بۆ هاووڵاتیان بڕی 30 ملیۆن دینارە.

ئاماژەی بەوەشكردووە، كە هاووڵاتیان و فەرمانبەران دەتوانن سەردانی لقی بانكەكان بكەن لە سەرجەم پارێزگاكان بۆ سوود وەرگرتن لە پێشینەكە.

پێدانی پێشینە و قەرزەكانی بانكی ڕافیدەین هەموو ئەو فەرمانبەر كوردانەش دەگرێتەوە، كە مووچەیان لەسەر دامەزراوە فیدڕاڵییەكانی عیراق یان لەسەر سەرۆكایەتی كۆمار و پەڕلەمانە لەگەڵ فەرمانبەران و هاووڵاتیانی كورد لە شاری كەركوك و ناوچە كوردستانییەكانی دەرەوەی ئیدارەی هەرێم.

بەردەوام بە لە خوێندنەوە

ئابوری

پارەكە لە بەغداوە گەیشت و دەست بە دابەشكردن دەكرێت

خەڵك- بەشی هەواڵ
پارێزگای هەولێر ئاشكرای دەكات، كە شایستە داراییەكانی جوتیاران گەیشتۆتە هەولێر و سبەینێ‌ دەست بە دابەشكردنی دەكرێت.

هێمن سەید موڕاد، بەڕێوبەری چاودێری بازرگانی هەولێر لە ڕاگەیەنراوێكدا ئاماژەی بەوەكرد، سبەینێ‌ یەك شەممە، چەكی شایستە داراییەكانی جوتیاران دابەشدەكرێت.

ڕاشیگەیاند، لەپێناو دروست نەبوونی قەرەباڵغی بۆ ماوەی دوو ڕۆژ بەردەوام دەبێت.

ئاشكراشی كرد، ڕۆژی یەك شەمە لەژمارە پسوولەی 140 تاوەكو 440 و لەڕۆژی دوو شەممە لە ژمارە پسووڵەی 441 تاوەكو 846 دابەشدەكرێت .

بەردەوام بە لە خوێندنەوە

کوردستان