ئێمە لە تۆرە کۆمەڵایەتیەکان

کوردستان

“بۆچی نەخۆش گیان لەدەستبدات لەسەر شەقام”

خەڵك – ئارام سەردار

ئەندامانی لیژنەی ڕاوێژكاری زانستی وەزارەتی تەندروستی حكومەتی هەرێمی كورستان داوا لەهاووڵاتیان دەكەن پابەندی ڕێنماییەكان بن، بەپێچەوانەوە نەخۆشخانەكان ناتوانن ژمارەیەكی زۆر نەخۆش لەخۆبگرن، بۆچی نەخۆش گیان لەدەستبدات لەسەر شەقام.

حەمەنەجم جاف، ئەندامی لیژنەی ڕاوێژكاری زانستی وەزارەتی تەندروستی حكومەتی هەرێم لەكۆنفڕانسێكی ڕۆژنامەوانیدا ڕایگەیاند، داوای پابەند بوونی ڕێنماییەكانی تەندروستی لەهەموو لایەك دەكەین، ئێستا كە تێبینی بازاڕ و چێشتخانە و كافتریا و ئەو شوێنانەی بۆنە كۆمەڵایەتییەكانی تێدا ئەنجام دەدرێ پەیڕەوی ڕێنماییەكانی بەستنی دەمامك و دەستكێش ناكەن.

دەشڵێت، پێویستە هەموو لایەك بزانین كۆرۆنا چارەسەری نییە تەنها پێدانی حەبی پاراستیمۆڵ و خواردنی شلەمەنی و ئەگەر پێویست بێت ئۆكسجینە، ئەو دەرمانانەی ئێستا دەدرێن تەنها وەك تێستە و لەهەموو وڵاتانیش لەهەوڵی دۆزینەوەی ڤاكسینن، لەهەرێمی كوردستانیش تواناكان سنووردارن، بۆیە جێبەجێ كردنی ڕێنماییە خۆپارێزیەكان بەردی بناغەی كۆنتڕۆلكردنی ئەو نەخۆشیەیە.

حەمەنەجم جاف ئاماژەی بۆ ئەوەشكرد، نەبوونی هاتوچۆ لەنێوان پارێزگاكان كارێكی باشە، بەڵام بۆ سەیران و گەشت ڕۆژانی پێنچ شەممە و هەینی دەبینین ڕێگا زۆر قەرەباڵغن، كەسیش دەمامك نابەستێت ئەمەش كارێكی باش نییە، بەڵكو دەبێ بەرپرسیارەتی ژیانی خەڵك هەڵبگرین بەخۆپاراستنمان، ناشكرێ دەمامك دابنرێت دەم و لووت نەگرێت، ئەگەر دۆخەكەش وابڕوات پێشنیار دەكەین سنوور بۆ هاتوچۆی ئێواران و هەروەها گەشتوگوزاری ڕۆژانی هەینی دابنرێت و كۆنتڕۆلی دۆخەكە بكەن، چونكە نەخۆشخانەكان ناتوانن ئەو هەموو نەخۆشە لەخۆبگرن.

ئەو ئەندامەی لێژنەی ڕاوێژكاری زانستی وەزارەتی تەندروستی حكومەتی هەرێم ئەوەشی خستەڕوو، داخستنی شوێنەكانی وەك مزگەوت و هۆڵەكانی ئاهەنگ گێڕان و نەهێشتنی پرسە و كۆمەڵێك ڕێكاری تر بەباش دەزانین بەردەوام بێت.

لای خۆشیەوە، دكتۆر دەشتی دزەیی، ئەندامی لیژنەی راوێژكاری زانستی وتی، نامانەوێ قوتی خەڵك ببڕین، بەڵام پێوستە حكومەت ڕێكاری توندتر بەكاربهێنێت، چونكە خەڵك پابەند نییە، تائێستاش زۆركەس باوەڕی بەنەخۆشییەكە نییە، بەڵام ئێمە دەڵێن بۆچی دەبێ نەخۆش وایی لێبێت بەهۆی قەرەباڵغی نەخۆشخانەكان لەسەر شەقامەكان بمرێت، بۆیە نە پرسە پێویستە نە داوەتكردن و كۆبوونەوە.

کوردستان

کەرنەڤاڵێکی شیعری لەسەر ئارامگەی شێركۆ بێكەس ئەنجامدەدرێت

خەڵک – بەشی هەواڵ

 

بڕیارە دوو شەممەی داهاتوو کەرنەڤاڵێکی شیعریی لەسەر ئارامگەی شێركۆ بێكەس لە پاركی ئازادیی لەسلێمانی ئەنجامبدرێت.

 

لەژێر ناونیشانی  (با شیعر بکەینە سەنگەری بەرگری) ڕێکخراوی نوێگەر بۆ گەشەپێدانی هونەری کەرنەڤاڵێکی شیعری لەسەر ئارامگەی شێركۆ بێكەس لە پاركی ئازادیی لەسلێمانی ڕێکدەخات.

 

کەرنەڤاڵەکە لە ڕۆژی ۱۰ی۸ی۲۰۲۰ دووشەممە، کاتژمێر ٦ی ئێوارە ئەنجامدەدرێت

 

لەکەرنەڤاڵە شیعیرییەکەدا هەریەک لەم شاعیرانەى خوارەوە بەشداری دەکەن:

بەندی عەلی
ڕۆژ هەڵەبجەیی
فاتیح سەلام
سروە عوسمان
سەردار قادر
هەڵاڵە شەوکەت لهۆنی
هاوشان عەزیز
ڕەوەند ساڵح
مەریوان قەرەداغی

بەردەوام بە لە خوێندنەوە

کوردستان

ڤیدیۆ؛ توركیا دیمەنی نوێی هێرشە ئاسمانی و زەمینییەكانی بۆ سەر هەرێمی كوردستان بڵاوكردەوە

خەڵك – بەشی هەواڵ
ئەمڕۆ هەینی سوپای توركیا لە ڕێی هەژماری فەرمی خۆیەوە لە تویتەر، دیمەنی نوێی هێرشە ئاسمانی و زەمینییەكانی بۆ سەر هەرێمی كوردستان بڵاوكردەوە.

توركیا هاوكات لەگەڵ هێرشەكانی بۆ سەر هەرێمی كوردستان، لە باكوور و ڕۆژئاوای كوردستانیش هێرش و ئۆپەراسیۆنی سەربازیی ئەنجام دەدات.

ئەمڕۆ وەزارەتی بەرگری توركیا بانگەشەی ئەوەی كردووە كە لە ماوەی 24 كاتژمێری ڕابردوودا 17 گەریلای پەكەكەیان كردووەتە ئامانج، بەڵام پەكەكە ئەو زانیارییانەی پشتڕاست نەكردووەتەوە.

بڵاوكردنەوەی دیمەنە ڤیدیۆییەكەش هاوكاتە لەگەڵ بۆردومانەكەی ئەمڕۆی فڕۆكە جەنگییەكانی سوپای توركیا بۆ سەر گوندی قامیشی سەر بە شارۆچكەی ماوەت لە سنووری ناوچەی شارباژێڕی سلێمانی.

بەردەوام بە لە خوێندنەوە

کوردستان

فڕۆكە جەنگییەكانی توركیا ناوچەی شارباژێڕیان بۆردومان كرد

خەڵك – بەشی هەواڵ
ئەمڕۆ هەینی فڕۆكە جەنگییەكانی توركیا چەند گوندی قامیشی سەر بە ناوچەی شارباژێڕی سلێمانییان بۆردومان كرد.

بە پێی زانیارییە سەرەتاییەكان بۆردومانەكە بووەتە هۆی ئاگركەوتنەوە لە ناوچەكە، بەڵام ئەگەری بوونی زیانی گیانی لەو هێرشەدا نەزانراوە.

سوپای توركیا چەند ناوچەیەكی سنووری شارباژێڕی سلێمانییان وەك سنووری چالاكی پەكەكە دەستنیشان كردووە و ناوبەناو بەو بیانووە بۆردومانی دەكەن.

بەردەوام بە لە خوێندنەوە

کوردستان