ئێمە لە تۆرە کۆمەڵایەتیەکان

کوردستان

مامۆستایان و فەرمانبەران كاتی خۆپیشاندان و هەڵدانی خێمەیان ڕاگەیاند

خەڵك- بەشی هەواڵ
كاردانەوەكان دژی بڕیاری حكومەتی هەرێمی كوردستان بۆ كەمكردنەوەی مووچە فراوانتر دەبن و مامۆستایانیش كاتی خۆپیشاندان و هەڵدانی خێمە لە سلێمانی دیاری دەكەن.

ئەنجوومەنی سەربەخۆی مامۆستایانی ناڕازی لە سلێمانی لە بەیاننامەیەكدا ئاماژە بەوە دەكەن، كە لە پێناوی سەرتاسەری بوون و فراوان بوونی خۆپیشاندان و ناڕەزایەتیەكانی مامۆستایان و فەرمانبەران، كە لە ڕۆژی پێنج شەممەوە دەستپێدەكات، سبەی چوار شەممە كاتژمێر 10ی سەرلەبەیانی خۆپیشاندان و گردبوونەوە لە بەردەم باخی گشتی ئەنجام دەدەن و هەمووان بە خۆپارێزییەوە بەشدار دەبین.

جەخیشیان كردۆتەوە، كە كاسبكاران و فەرمانبەران و مامۆستایان سەرجەم چین و توێژە جیاوازەكان ئاگاداردەكەین، كەڕۆژی (25 /6) خۆپیشاندانی سەرتاسەری لەشاری سلێمانیەوە دەستپێدەكات دژی حكومەتی هەرێم كەسیاسەتی برسیكردن و چەوساندنەوەی هاووڵاتیان پەیڕەودەكات.

ئاماژەیان بەوەشكردووەن حیزبە سیاسیەكانی دەرەوەی دەسەڵات، كەخۆیان بە ئۆپۆزسیۆن و بەرەی خەڵك دەزانن دەخەینە ژێر بەرپرسیاریەتیەكی ئەخلاقی و نیشتمانیەوە كە چیتر ئەو زوڵم و ستەمەی دەسەڵات لە هاوڵاتیان و موچەخۆران و لایەنگرانی حیزبەكانیان دەیكات قبوڵنەكەن.

مامۆستایانی سلێمانی هۆشداری لە بایكۆتكردنی تاقیكردنەوەكان و ساڵی نوێی خوێندن دەدەن و جەختیشدەكەنەوە، كە لەگەڵ فەرمانبەران و چین و توێژەكانی دیكە خێمەی بەردەوامی خۆپیشاندانەكان هەڵدەدەن.

کوردستان

وێنە.. خەڵك؛ زانیاری نوێ‌ لەبارەی بۆردوومانی فڕۆكە جەنگییەكانی توركیا لە دهۆك ئاشكرا دەكات

خەڵك – بەشی هەواڵ

فڕۆكە جەنگییەكانی توركیا لە سنووری پارێزگای دهۆك ئۆتۆمبێلێكیان كردە ئامانج و بەهۆیەوە چوار كەس شەهید بوون.

بەپێی زانیارییەكانی (تۆڕی میدیایی خەڵك)، ئەمشەو فڕۆكە جەنگییەكانی توركیا لە نزیك گوندی (ڕەشانكێ‌) كە تەنها 8 كیلۆمەتر لە سەنتەری پارێزگای دهۆك دوورە، ئۆتۆمبێلێكیان كردووەتە ئامانج، 4 سەرنشینی ئۆتۆمبێلەكە شەهید بوون.

بەوتەی دانیشتووانی ناوچەكە، ئۆتۆمبێلەكە مەدەنی بووە و 4 گەریلای پارتی كرێكارانی كوردستان (پەكەكە)ی تێدابووە و بەهۆی بۆردوومانەكە هەر چواریان دەستبەجێ‌ گیانیان لەدەستداوە.

بەردەوام بە لە خوێندنەوە

کوردستان

فڕۆكە جەنگییەكانی توركیا لە دهۆك ئۆتۆمبێلێكیان كردە ئامانج

خەڵك – بەشی هەواڵ

فڕۆكە جەنگییەكانی توركیا لە سنووری پارێزگای دهۆك ئۆتۆمبێلێكیان كردە ئامانج.

بەپێی زانیارییەكانی (تۆڕی میدیایی خەڵك)، كەمێك لەمەوبەر فڕۆكە جەنگییەكانی توركیا لە نزیك گوندی (ڕەشانكێ‌) كە تەنها 8 كیلۆمەتر لە سەنتەری پارێزگای دهۆك دوورە، ئۆتۆمبێلێكیان كردووەتە ئامانج، بەڵام تا ئێستا زیانەكانی ئەو بۆردوومانە نەزانراوە.

بەردەوام بە لە خوێندنەوە

کوردستان

بەڕێوەبەری نەخۆشخانەی جمهوری سلێمانی: كۆرۆنا ژیان ناوەستێنێ‌
بڕیارێك لە بەرژەوەندی نەخۆشانی (ڕۆماتیزمەی درێژخایەن) ڕادەگەیەنێت

خەڵك – بەشی هەواڵ

بەڕێوەبەری نەخۆشخانەی جمهوری سلێمانی ڕایدەگەیەنێت: لە سەرەتای هەفتەی داهاتووەوە بەشی فریاكەوتنی هەناوی جمهوری تەرخان دەكرێت بۆ پێدانی (دەرزی مانگانەی ڕۆماتیزمە) بۆ نەخۆشانی (ڕۆماتیزمەی درێژخایەن).

د.داهات حەوێزی بەڕێوەبەری نەخۆشخانەی جمهوری سلێمانی لە هەژماری تایبەتی خۆی لە تۆڕی كۆمەڵایەتی فەیسبوك بڵاویكردەوە: كۆڕۆنا ژیان ناوەستێنێ، سەرەڕای تووشبوونی زۆر لە پزیشكان و كارمەندان و وەرنەگرتنی مووچەكانیان، بەڵام لەپێناو زیاتر خزمەتكردنی هاووڵاتیانی شاری سلێمانی و دەوروبەری كە نەخۆشی (ڕۆماتیزمەی درێژخایەن)یان هەیە بڕیارماندا لە سەرەتای هەفتەی داهاتووەوە بەشی فریاكەوتنی هەناوی جمهوری تەرخان بكەین بۆ پێدانی (دەرزی مانگانەی ڕۆماتیزمە)، بەهیوای كەمكردنەوەی ئێش و ئازارەكانیان.

دەقی نووسینەكە:

كۆڕۆنا ژیان ناوەستێنێ:
سەرەڕای تووشبونی زۆر لە پزیشكان و كارمەندان و وەرنەگرتنی مووچەكانیان، بەڵام لەپێناو زیاتر خزمەتكردنی هاوڵاتیانی شاری سلێمانی و دەوروبەری كە نەخۆشی (ڕۆماتیزمەی درێژخایەنیان) هەیە بڕیارمان دا لە سەرەتای هەفتەی داهاتووەوە بەشی فریاكەوتنی هەناوی جمهوری تەرخان بكەین بۆ پێدانی (دەرزی مانگانەی ڕۆماتیزمە)، بەهیوای كەمكردنەوەی ئێش و ئازارەكانیان.
سوپاس بۆ كارمەندو پزیشكە دڵسۆزەكان.

“بەهیوای لەشساغی بۆ گشت لایەك”

د.داهات حەوێزی

بەڕێوەبەری نەخۆشخانەی جمهوری سلێمانی

بەردەوام بە لە خوێندنەوە

کوردستان