ئێمە لە تۆرە کۆمەڵایەتیەکان

کوردستان

خەڵك؛ وردەكاری ئاڵوگۆڕی پۆستەكان و ناوی بەرپرسەكانی دهۆك بڵاودەكاتەوە


خەڵك- بەشی هەواڵ
بەبڕیاری پارتی دیموكراتی كوردستان و لەلایەن ئەنجوومەنی پارێزگای شارەكەوە ئاڵوگۆڕ لە چەند پۆستێكی سنووری پارێزگای دهۆك دەكرێت.

بەپێی زانیارییەكانی (خەڵك) كە لە سەرچاوەیەكی ئاگادارەوە دەستی كەوتووە، ڕۆژی پێنج شەممەی ئەم هەفتەیە 25ی حوزەیران ئەنجوومەنی پارێزگای دهۆك كۆدەبێتەوە و تێیدا بڕیار لەسەر ئاڵوگۆڕی چەند پۆستێكی سنووری پارێزگاكە دەدات.

سەرچاوەكە وتی، “لەو كۆبوونەوەیەدا فەرهاد ئەتروشی، پارێزگاری دهۆك دەستلەكاركێشانەوەی خۆی لە پۆستەكەی ڕادەگەیەنێت و عەلی تەتەر وەك پارێزگاری نوێ‌ دەنگی پێ‌ دەدرێت”.

هەروەها (خەڵك) زانیویەتی، كە بڕیار لە گۆڕینی چەند پۆستێكی دیكەی دراوە، كە هەندێكیان پۆستی هەستیارن وەك بەڕێوەبەری ئاسایشی گومرگی ئیراهیم خەلیل، كە عەمید عەبدولوەها بارزانی لابراوە و لەجێگەی عەمید چیا شەفیق دانراوە.

هەر بەپێی زانیارییەكان، عەمید فەخری ئەحمەد كراوە بە بەڕێوەبەری پۆلیسی پارێزگای دهۆك لەشوێنی لیوا تارق ئەحمەد و لە ماوەی داهاتوودا لیوا تارق دەكرێتە بەڕێوەبەری گشتی پۆلیسی هەرێم.

کوردستان

لیژنە هاوبەشەکەی  یەکێتی و گۆڕان کۆدەبێتەوە


خەڵك – بەشی هەواڵ
بڕیارە ئەمڕۆ یەك شەممە، لیژنەی هاوبەشی یەکێتیی نیشتمانیی کوردستان و بزوتنەوەی گۆڕان لە سلێمانی کۆبێتەوە.

ئەو لیژنە هاوبەشە کە شاناز ئیبراهیم ئەحمەد ئەندامی دەستەی کارگێڕی یەکێتی و شەماڵ عەبدولوەفا ئەندامی خانەی ڕاپەراندنی گۆڕان سەرۆکایەتی دەکەن، پرسی ئاڵوگۆڕی پۆستە ئیدارییەکان و پەیوەندییەکانی هەردوو حزب تاووتوێ دەکەن.

سەرۆکی ئیدارەی گەرمیان، جێگری پارێزگار و قایمقامی هەڵەبجە، جێگری سەرۆکی ئیدارەی راپەڕین لە نێو ئەو پۆستانەدان کە لە نێواین یەکێتی و گۆڕاندا یەکلایی نەکراونەتەوە.

بەردەوام بە لە خوێندنەوە

کوردستان

تووشبوویەکی کۆرۆنا لە سلێمانی گیانی لە دەست دا


خەڵك – بەشی هەواڵ
ئەمڕۆ یەک شەممە، تووشبوویەکی دیکەی کۆرۆنا کە نە خۆشی درێژخایەنی هەبووە، لە سلێمانی گیانی لە دەست دا.

د. ئازاد ھەورامی بەڕێوبەری نەخۆشخانەی شەهید تاهیر عەلی والی بەگ ڕایگەیاند بەرەبەیانی ئەمڕۆ پیاوێکی تەمەن 69 ساڵ کە نەخۆشی درێژخایەنیشی هەبووە، بە ھۆی كۆرۆنا گیانی لە دەست دا.

بە پێی ئامارە فەرمییەکانی وەزارەتی تەندروستی تا ئێستا 241 تووشبووی کۆرۆنا لە هەرێمی کوردستان گیانیان لە دەست داوە کە 208یان لە سلێمانی بوون.

بەردەوام بە لە خوێندنەوە

کوردستان

هێزە ئەمنییەكانی ئێران، ئاژەڵدارانی سنوورەكانی هەرێمی كوردستان دەكەنە ئامانج


خەڵك-بەشی هەواڵ

 

ڕێكخراوی مافی مرۆڤی هەنگاو ڕایدەگەیەنێت، خەڵكی ئەو ناوچانەی زۆربەیان ئاژەڵدارن و لەم وەرزەدا لە كوێستانەكان جێگیر بوون، بە چەكی نیوە قورسی هێزەكانی سوپای پاسداران دەكرێنە ئامانج.

ڕێكخراوی مافی مرۆڤی هەنگاو لە ڕاگەیەنراوێكدا ئاماژە بۆ ئەوە دەكات، لە ماوەی ڕۆژانی ڕابردوودا هێزەكانی سوپای پاسداران كە لە سنوورەكانی سەردەشت و پیرانشار جێگیر بوون، بە چەكی نیوە قورسی وەك “بی كەی سی و دۆشكە” تەقەیان لە ئاژەڵدارانی هەرێمی كوردستان كردووە و شوانێكیان بە سەختی بریندار كردووە.

ئاشكراشیكرد، ڕۆژی هەینی ڕابردوو، بەهۆی تەقەی هێزەكانی سوپای پاسداران لە سنووری پیرانشار لە ئاژەڵدارانی هەرێمی كوردستان، بووەتە هۆی برینداربوونی شوانێكی تەمەن ١٧ ساڵ و هاوكات هەر بەهۆی تەقەی هێزە ئەمنییەكانی ئێران 20 سەر مەڕ لەناوچوون.

بەردەوام بە لە خوێندنەوە

کوردستان