ئێمە لە تۆرە کۆمەڵایەتیەکان

کوردستان

“ئەمڕۆ لەهەرێمی کوردستان، “کورد” بوونی خۆی سەلماندووە و دەبێت ئەو دەستکەوتە وەکو چاوانمان بپارێزین”

 

خەڵک – بەشی هەواڵ

 

نوێنەری ئامەد لەپەڕلەمانی تورکیا، ڕەخنە لەئۆپراسیۆنی سوپای تورکیا لەناو خاکی هەرێمی کوردستان دژی پەکەکە دەگرێت و دەڵێت؛ پارتی و یەکێتیی ئامانجەکانی دواتری تورکیان لە هەرێمی کوردستان دا.

 

ئیمام تاشچیعر، نوێنەری ئامەد لە پارتی هەدەپە لەپەڕلەمانی تورکیا لەلێدوانێکدا سەبارەت بەهێرشەکانی سوپای تورکیا بۆ سەر بنکەکانی پەکەکە لە هەرێمی کوردستان وتویەتی؛ تا کاتێک کوردەکان پێکەوە یەکنەگرن ڕزگاری زۆر ئەستەم دەبێت، ئێستا گەیشتووینەتە قۆناغێک کە کوردەکان لە ناوچەی ڕۆژهەڵاتی ناوین بوونەتە ئەکتەرێکی گرینگ و هەر ئەوەش دەبێتە هۆی لەبەرچاوگرتنی کورد لەهاوکێشەکان، ئەمڕۆ لەهەرێمی کوردستان، “کورد” بوونی خۆی سەلماندووە و ئێمە ئەبێ ئەو دەستکەوتە وەکوو چاوانمان بپارێزین.

ناوبراو دەڵێت؛ دەبێت ئەوانەی ئەمڕۆ بە بیانووی پەکەکە هێرش دەکەنە سەر هەرێم، سبەی پارتی و یەکێتیش دەکەنە ئامانج، چونکە لەبەر چاوی کەسانێک کە دوژمنی کوردن، هەموو کوردەکان یەکسانن، بۆ ئەوان کوردەکان هیچ جیاوازیەکیان نییە.

سەرچاوە/ مێهر

کوردستان

یاسین مەحمود پیرۆزبایی لە محەمەدی حاجی مەحمود دەكات

خەڵك-بەشی هەواڵ

 

سەرۆكی یەكێتی وەبەرهێنەرانی كوردستان ـ سلێمانی پیرۆزبایی لە سكرتێری حزبی سۆسیالیست دیموكراتی كوردستان دەكات.

یاسین مەحمود ڕەشید سەرۆكی یەكێتی وەبەرهێنەرانی كوردستان ـ سلێمانی بەبۆنەی ساڵیادی دامەزراندنی حزبی سۆسیالیست، بروسكەیەكی پیرۆزبایی ئاڕاستەی محەمەدی حاجی مەحمود دەكات و ئاماژە بۆ ئەوە دەكات، لە “44”ەمین ساڵیادی دامەزراندنی حزبی سۆسیالیست دیموكراتی كوردستان، بەناوی خۆم و هەڤاڵانم لە یەكێتی وەبەرهێنەرانی كوردستان پیرۆزبایی گەرمی خۆم ئاڕاستەی جەنابت و سەرجەم هاوڕێیانمان لە ئەنجومەنی سەركردایەتی و مەكتەبی سیاسی و دۆست و لایەنگرانتان دەكەین، و بەسەركەوتن و بەردەوامیتان ئاوات دەخوازین.

وتیشی”جەنابتان، لای ئێمە كەسایەتییەكی دیار و تێكۆشەرن و وەك وەبەرهێنێكی نموونەیی لێتان دەڕوانین و هەڵوێست و بۆچوونە نەتەوەیی و نیشتمانییەكانتان بۆ ئێمە ڕێچكە ڕێنیشاندەرە و هەمیشە بەبایەخەوە لێتان دەڕوانین.

بەردەوام بە لە خوێندنەوە

کوردستان

پەكەكە: یەكەم ئەندامی هێزی بەرگری ئاسمانیمان شەهید بوو

خەڵك – بەشی هەواڵ
پارتی كرێكارانی كوردستان ڕایدەگەیەنێت كە یەكەی بەرگری ئاسمانییان هەیە و یەكەم ئەندامی ئەو یەكەیەش لە كاتی ئەنجامدانی چالاكییەكدا شەهید بوو.

ئەمڕۆ یەك شەممە، هێزەكانی پاراستنی گەل باڵی سەربازی پەكەكە ڕایگەیاند شەوی ١٢ی تەموز دۆغان زیلان لە شاخی شەهید بێریڤانی حەفتانین بە کەرەستەیەکی ئاسمانی چالاکییەکییەکی سەرکەوتووانەی ئەنجام دا و لە کاتی چالاکییەکەدا شەهید بوو”.

بەڵام پەكەكە جۆر و چۆنێتی ئەو چالاكییەی ڕوون نەكردووەتەوە كە “یەكەی بەرگری ئاسمانی”ی هێزەكانیان ئەنجامی داوە.

پەكەكە ناسنامەی گەریلاكەی بەم شێوەیە ڕاگەیاندووە:

نازناو: دۆغان زیلان
ناو و پاشناو: هەدیە چەرچی
شوێن و ساڵی لە دایکبوون: موش – ١٩٩٤
ناوی دایک و باوک: پەریخان – ئەشرەف
کات و شوێنی شەهیدبوون: ١٢ی تەممووزی ٢٠٢٠ / حەفتانین

بەردەوام بە لە خوێندنەوە

کوردستان

بوومەلەرزە چەند ناوچەیەكی كوردستانی گرتەوە

خەڵك – بەشی هەواڵ
ئەمڕۆ یەك شەممە بوومەلەرزەیەكی بەهێز لە ڕۆژهەڵاتی كوردستان ڕووی دا و لە باشووری كوردستانیش هەستی پێكرا.

بوومەلەرزەكە بە گوڕی 5.1 پلە بوو بە پێوەری ڕێختەر كە پارێزگاری كرماشان و ئیلامی ڕۆژهەڵاتی كوردستانی هەژاند و لە هەندێك ناوچەی باشووری كوردستانیش هەستی پێكرا.

تا ئێستا زانیاری دەبارەی ئەگەری بوونی زیان ڕانەگەیەندراوە.

بەردەوام بە لە خوێندنەوە

کوردستان