ئێمە لە تۆرە کۆمەڵایەتیەکان

کوردستان

نێچیرڤان بارزانی: كاتی ئەوەیە بگەینە تێگەیشتنێكی هاوبەش و هەموو دۆسیەكان یەكلا بكەینەوە

خەڵك- بەشی هەواڵ
سەرۆكی هەرێمی كوردستان وردەكاری كۆبوونەوەكانی لە بەغدا لەگەڵ سێ‌ سەرۆكایەتییەكەی عیراق و سەركردەی حزبە سیاسیەكان بڵاوكردەوە و ڕایگەیاند، ئیتر دەبێ نەچینەوە سەر ڕابردوو، بەڵكو ئێستا كاتی ئەوەیە بگەینە تێگەیشتنێكی هاوبەش.

نێچیرڤان بارزانی، سەرۆكی هەرێمی كوردستان لەگەڵ هەرسێ سەرۆكایەتی و سەركردە و لایەنە عیراقییەكان، كێشە و بەرپرسیارییەتییەكانی بە هاوبەش بۆ هەموو عیراقییان لە قەڵەم دا و وتی، “هەموومان یەك چارەنووسمان هەیە و كێشەكانی عیراق و هەرێمی كوردستان كێشەی هەموو عیراقییەكانە.

بەپێی ڕاگەیەنراوێكی سەرۆكایەتی هەرێم، بارزانی دووپاتیشی كردەوە، دوای ئەزموونی تاڵی چەندین ساڵی گرفت و كێشەی نێوان هەردوولا، ئیتر دەبێ نەچینەوە سەر ڕابردوو، بەڵكوو ئێستا كاتی ئەوەیە بگەینە تێگەیشتنێكی هاوبەش و بە ڕێككەوتنێكی گشتگیری جێی ڕەزامەندیی هەردوولا كە ئارامی و سەقامگیری، دادپەروەری و پێشكەوتن بۆ ئێستا و داهاتووی هاوبەشمان دابین بكات، كێشەكان بە یەكجاری چارەسەر بكەین.

وتیشی، “دەكرێ قەیرانەكان بكرێنە دەرفەت بۆ هاوكاری و پێكەوەكاركردن، بەرەنگاربوونەوەی سەختی و قەیرانەكانی ئێستای وڵاتیش بەرپرسیاریەتیی هاوبەشی هەمووانە و بەردەوامیی كێشەكان لە بەرژەوەندیی هیچ لایەنێكدا نییە، هەموومان پێكەوە بە هاوكاری، دەتوانین بگەینە تێگەیشتنێكی هاوبەش لەسەر‌ شێوازێكی بەڕێوەبردنی باشتری وڵات تا خزمەت بە هەموو هاووڵاتیان بكرێت”.

نێچیرڤان بارزانی جەختیشی لەوە كردەوە، كە هەرێمی كوردستان ئامادەیە تەواوی كێشه و دۆسیە هەڵواسراوەكان لەگەڵ حكوومەتی فیدراڵ لەسەر بنەمای دەستوور و بە ڕەچاوكردنی سیستمی فیدراڵی و ماف و ئەركەكان و ئەولەوییەتی باری هەنووكەییی ژیان و بژێوی هاووڵاتیان چارەسەر بكات، ڕۆڵی سەركردە و هێز و لایەنە سیاسییەكانی عیراقیشی بۆ پشتگیری لە گفتوگۆ و چارەسەر و گەیشتن بە ڕێككەوتن بە گرنگ و پێویست و ئەركی هەمووان زانی.

لای خۆیانەوە سەركردە و لایەنە عیراقییەكان‌ وێڕای پشتگیرییان لە بۆچوونەكانی سەرۆك نێچیرڤان بارزانی، سەردانەكەیان لەم كات و دۆخەدا بە پەیامێكی ئەرێنی و هەنگاوێگی دروستی هەرێمی كوردستان بەرامبەر بەغدا و پەرۆشی و جددیەت بۆ چارەسەركردنی كێشەكان لە قەڵەم دا و خۆشحاڵییان بە ئامادەییی هەرێمی كوردستان بۆ گفتوگۆ و چارەسەركردنی تەواوی كێشەكان و گەیشتن بە ڕێككەوتن لەگەڵ حكوومەتی فیدراڵ دەربڕی.

نێچیرڤان بارزانی، سەرۆكی هەرێمی كوردستان پاش ئەوەی دوێنێ لە یەكەم ڕۆژی سەردانیدا بۆ بەغدا بە ئامادەبوونی جێگرانی سەرۆك لەگەڵ هەر یەك لە سەرۆك وەزیران، سەرۆك كۆمار، سەرۆكی پەڕلەمانی عیراق و نوێنەری سكرتێری گشتیی نەتەوە یەكگرتووەكان لە عیراق كۆبووەوە، ئەمڕۆ یەك شەممە 21/6/2020 لە بەردەوامیی سەردانەكەیدا لەگەڵ عەمار ئەلحەكیم، سەرۆكی ڕەوتی حیكمەی نیشتمانی، هادی ئەلعامری، سەرۆكی لیستی فەتح، نووری ئەلمالكی، سەرۆكی هاوپەیمانیی دەوڵەتی یاسا و دەستەی سیاسیی ڕەوتی سەدر كۆبووەوە.

لە كۆبوونەوەكاندا پەیوەندییەكانی هەرێمی كوردستان و حكوومەتی فیدراڵی عیراق و هەوڵەكان و گفتوگۆی چارەسەركردنی كێشەكانی نێوانیان، دۆخی ئێستای وڵات و دەستبەكاربوونی حكوومەتی تازەی فیدراڵ، قەیرانی دارایی و لێكەوتەكانی پەتای ڤایرۆسی كۆرۆنا، مەترسییەكانی تیرۆر و فراوانبوونی جموجووڵ و هێرشەكانی داعش لە عیراق، گرنگیی هاوكاری و هەماهەنگیی پێشمەرگە و سوپای عیراق و بەردەوامیی پشتگیریی هاوپەیمانیی نێودەوڵەتیی دژی داعش، ڕۆڵی نەتەوە یەكگرتووەكان لە عیراق، پاراستنی سەروەری و سنوورەكانی وڵات و برەودان بە پەیوەندییەكان لەگەڵ وڵاتانی دراوسێ، ناوچەكە و جیهان لەسەر بنەمای ڕێزگرتن و بەرژەوەندیی هاوبەش، تاوتوێ كران.

کوردستان

وەزارەتی تەندروستی: هەرێمی كوردستان لە مەترسیدارترین قۆناغدایە

خەڵك – بەشی هەواڵ
وتەبێژی وەزارەتی تەندروستی ڕایدەگەیەنێت كە هەرێمی كوردستان بە هۆی ڤایرۆسی كۆرۆناوە چووەتە مەترسیدارترین قۆناغەوە و باس لەوەش دەكات كە هاووڵاتییان سەرپشكن لە هەڵبژاردنی نەخۆشخانە حكومییەكان یاخود ئەهلییەكان بۆ وەرگرتنی چارەسەر.

د. محەمەد خۆشناو وتەبێژی وەزارەتی تەندروستی دەربارەی دۆخی كۆرۆنا ە لێدوانیێكی بۆ بەشی كوردی دەنگی ئەمریكا ڕایگەیاند ئێستا بارودۆخی ڤایرۆسی كۆرۆنا مه‌ترسیدارترین حاڵه‌تی خۆیه‌تی به ‌جۆرێك تاوه‌كو ئێستا هه‌رێمی كوردستان به‌م شێوه‌یه‌ خراپ نه‌بووه.

وتیشی: “ئێمه‌ پێشبینی ده‌كه‌ین ئه‌گه‌ر بارودۆخه‌كه‌ به‌م شێوه‌یه‌ به‌رده‌وام بێت ئه‌و سیناریۆیانه‌ی باسمانكردووه‌ له ‌ڕووی مه‌ترسی و نه‌مانی شوێن و له‌ ڕووی په‌ككه‌وتن و شه‌كه‌ت بوونی كارمه‌ند و پزیشكانمان زۆر له ‌ڕاستی نزیكده‌بێته‌وه‌، ژماره‌كه‌ تاوه‌كو ئه‌م هه‌فته‌یه‌ به‌تایبه‌ت ڕۆژانه‌ 500 حاڵه‌تمان هه‌یه‌ ئه‌مه‌ ته‌نها ئه‌و حاڵه‌تانه‌ی كه‌ ده‌ستنیشانكراون”.

خۆشناو لە بەشێكی دیكەی لێدوانەكەیدا باسی لە بڕیارەكەی وەزارەتی‌ تەندروستی كرد بۆ بەكارهێنانی نەخۆشخانەكانی كەرتی تایبەت لە چارەسەركردنی تووشبووانی كۆرۆنادا و ڕایگەیاند هاتنه‌ پێشه‌وه‌ی نه‌خۆشخانه‌ ئه‌هلییه‌كان ته‌نها بۆ ئه‌وه‌بووه‌ له ‌ته‌نیشت نه‌خۆشخانه‌ی حكومی خزمه‌ت بكه‌ن.

وتیشی: “هه‌موو هاوڵاتیه‌ك مافی ئه‌وه‌ی هه‌یه‌ كه‌ نه‌خۆشخانه‌ی حكومی یان ئه‌هلی هه‌ڵبژێرێت، كاتێك كه‌سێك نه‌خۆشخانه‌یه‌كی ئه‌هلی هه‌ڵده‌بژێرێت بۆ ئه‌وه‌ی چاره‌سه‌ر بكرێت مانای وا نییه‌ ده‌كرێت ئه‌و نه‌خۆشخانه‌ ئه‌هلییه‌ ته‌نها له‌به‌ر ئه‌وه‌ی له‌لایه‌ن هاوڵاتیانه‌وه‌ هه‌ڵبژێردراوه‌ به‌ویستی خۆی نرخه‌كان دیاری بكات ئه‌گه‌ر كه‌سێك باری دارایی زۆر باش بێت چونكه‌ كه‌سانێكمان هه‌ن له‌ هه‌رێمی كوردستان بۆماوه‌ی چه‌ندین ساڵ ده‌بێت له‌ نه‌خۆشخانه‌ی حكومی چاره‌سه‌ری وه‌رنه‌گرتووه‌ ئه‌و كه‌سه‌ ده‌توانێت له‌ نه‌خۆشخانه‌ی ئه‌هلی چاره‌سه‌ر وه‌ربگرێت به‌هه‌مان شێوه‌ش نابێت ئه‌م كه‌سانه‌ش له‌لایه‌ن نه‌خۆشخانه‌ ئه‌هلییه‌كانه‌وه‌ به ‌جۆرێك له‌ جۆره‌كان ئه‌و بارودۆخه‌ بقۆزنه‌وه‌ بۆ ئه‌وه‌ی نرخێك به‌دڵی خۆیان دابنێن.”

بەردەوام بە لە خوێندنەوە

کوردستان

پەرلەمانتارێكی تەڤگەر داوا دەكات مووچەی فەرمانبەران بخرێتە سەر بەغدا

خەڵك – بەشی هەواڵ
پەرلەمانتارێكی تەڤگەری ئازادی كە بە نزیك لە پارتی كرێكارانی كوردستان هەژمار دەكرێت، داوا دەكات مووچەی فەرمانبەرانی هەرێمی كوردستان بخرێتە سەر بەغدا و خەڵكیش “ڕاپەڕین” بكات.

یوسرا ڕەجەب پەرلەمانتاری سەر بە تەڤگەری ئازادی لە پەرلەمانی عیراق داوای لە حكومەتی هەرێم كرد كە شایستە داراییەكانی فەرمانبەران دبین بكات و ڕایگەیاند خه‌ڵكی هه‌رێم ئازادی و شایسته‌ داراییه‌كانی خۆیانیان ده‌وێ ئه‌گه‌ر پێتان دابین و فه‌راهه‌م ناكرێ ده‌سه‌ڵات به‌ جێ بهێڵن و بڕۆن.

بە بڕوای ئەو پەرلەمانتارە، خەڵكی هەرێمی كوردستان تەنیا دوو ڕێگەچارەی لەبەردەمدایە، ” یه‌كێكیان چاره‌سه‌ری ڕیشه‌ییه‌ ئه‌ویش ڕاپه‌رینه‌ دژی سته‌مكاری ده‌سه‌ڵاتی كوردی یه‌ له‌ هه‌رێم ئه‌وی تر هه‌نووكه‌ییه‌ ئه‌ویش گواستنه‌وه‌ی مووچه‌ی مووچه‌ خۆرانی هه‌رێمه‌ بۆ سه‌ر به‌غدا”.

ئەو پەرلەمانتارە كە حزبەكەی بە تۆمەتی نزیكبوون لە پارتی كرێكارانی كوردستان تا ئێستا لەلایەن وەزارەتی ناوخۆی هەرێمەوە مۆڵەتی پێنەدراوە دەڵێت: “بۆ خۆم ئیدی جگه‌ له‌ ڕاپه‌رین باوه‌ڕییم به‌ هیچ شتێكی تر نه‌ماوه”.

بەردەوام بە لە خوێندنەوە

عێراق

تورکیا: ئەگەر عیراق چاوپۆشی لەپەکەکە بکات، لەهێرشەکانمان بەردەوامدەبین

خەڵک- بەشی هەواڵ

وەزارەتی دەرەوەی تورکیا ڕایگەیاند، سەرەتا بەرپرسیارێتیی عیراقە رێوشوێنی پێویست بگرێتەبەر دژبە ئەندامانی  پەکەکە کە لە وڵاتەکەیدا هەن، ئەگەر بەردەوام چاوپۆشی لە بوونی پەکەکە بکرێت لە عیراق، ئەوا تورکیا پێداگرە لە گرتنەبەری رێوشوێنی پێویست لە پێناو ئاسایشی سنوورەکانی خۆی.

 

سەبارەت بە چاوەڕوانییەکانی تورکیا لە عیراق و کۆمەڵگای نێودەوڵەتی بۆ بەرەنگاربوونەوەی پەکەکە، وەزارەتی دەرەوەی تورکیا ڕاگەیەندراوێکی بڵاوکردەوە.

 

لە راگەیەندراوەکەدا جەخت لەسەر ئەوە کراوەتەوە، پەکەکە کە ساڵانێکە لەو ناوچانەی لە عیراق لانەی کردووە هێرش دەکاتە سەر تورکیا و بێ منەتە بەرامبەر سەروەریی، یەکپارچەیی خاک، ئاسایش و سەقامگیری عیراق.

 

هەروەها لە راگەیەندراوەکەدا باس لەوە کراوە، سەرەتا بەرپرسیارێتیی عیراقە رێوشوێنی پێویست بگرێتەبەر دژ بە ئەندامانی “رێکخراوی تیرۆریستیی پەکەکە” کە لە وڵاتەکەیدا هەن.

 

ئەوەش هاتووە ”لەو ڕووەوە وڵاتەکەمان ئامادەی هاریکارییە لەگەڵ عیراق، بەڵام ئەگەر بەردەوام چاوپۆشی لە بوونی پەکەکە بکرێت لە عیراق، ئەوا وڵاتەکەمان هەرچییەک ببێت با ببێت وەک ئەوەی تا ئێستا کردوویەتی پێداگرە لە گرتنەبەری رێوشوێنی پێویست لە پێناو ئاسایشی سنوورەکانی. لەبەر رۆشنایی ئەوەدا، داوا لە عیراق دەکەین، هەنگاوی پێویست بگرێتەبەر، داواش لە هەندێک وڵاتی دیکە و رێکخراوە هەرێمییەکان دەکەین کە ئەو ڕەوشە بە هەل دەزانن و بانگەشەی بێ بنەما دژبە وڵاتەکەمان بڵاودەکەنەوە کە هانی تیرۆریستان دەدەن، کۆتایی بەو هەڵوێستە دووفاقییە بهێنن لە بەرەنگاربوونەوەی تیرۆردا و هەڵوێستێکی مەبدەئی بگرنەبەر”.

سەرچاوە: ئاژانسی ئەنادۆڵو

بەردەوام بە لە خوێندنەوە

کوردستان