ئێمە لە تۆرە کۆمەڵایەتیەکان

کوردستان

بارزانی ناوەڕۆكی كۆبوونەوەكەی لەگەڵ بەرهەم ساڵح و كازمی و حەلبوسی بڵاوكردەوە

خەڵك – بەشی هەواڵ
سەرۆكی ھەرێمی كوردستان ڕایدەگەیەنێت، لەگەڵ سەرۆك وەزیران و سەرۆك كۆمار و سەرۆكی پەڕلەمانی عیراق تاوتوێی پەیوەندییەكانی هەولێر- بەغدا و دیالۆگی چارەسەری كێشەكان و ڕووبەڕووبوونەوی تەحەدییەكانی قۆناغەكەمان كرد.

نێچیرڤان بارزانی، سەرۆكی ھەرێمی كوردستان لە هەژماری تایبەتی خۆی لە فەیسبووك ڕایگەیاندووە، ئەمڕۆ شەممە 20-6-2020 بە یاوەری جێگرانی سەرۆكی هەرێمی كوردستان سەردانی بەغدامان كرد.

ڕاشیگەیاندووە، لەگەڵ سەرۆك وەزیران، سەرۆك كۆمار و سەرۆكی پەڕلەمانی عیراق، تاوتوێی پەیوەندییەكانی هەولێر- بەغدا و دیالۆگی چارەسەری كێشەكان و ڕووبەڕووبوونەوی تەحەدییەكانی قۆناغەكەمان كرد.

هاوكات دوای كۆبوونەوەی نێوان نێچیرڤان بارزانی، سەرۆكی هەرێمی كوردستان و مستەفا كازمی، سەرۆك وەزیرانی عیراق، ئەنجوومەنی وەزیرانی عێراق ڕاگەیەنراوێكی بڵاوكردەوە و تێیدا هاتووە، كە لە كۆبوونەوەكەدا باسی كێشەكانی نێوان حكومەتی فیدڕاڵی و حكومەتی هەرێمی كوردستان كراوە و جەخت لە چارەسەری كێشەكان لەسەر بنەمای دەستوور كراوەتەوە. بە تایبەت كە ئێستا عیراق ڕووبەڕووی چەندین كێشە بۆتەوە.

بەپێی ڕاگەیەنراوەكەی ئەنجوومەنی وەزیرانی عیراق، مستەفا كازمی ڕایگەیاندووە، كە هاوكاری و هەماهەنگی نیشتمانی بۆ تێپەڕاندی ئاڵنگارییەكانی ئێستا گرنگە، بە تایبەت قەیرانی ئابووری دوای دابەزینی نرخی نەوت، كە هۆكارەكەی هاتنی ڤایرۆسی كۆرۆنا بوو.

کوردستان

وێنە.. خەڵك؛ زانیاری نوێ‌ لەبارەی بۆردوومانی فڕۆكە جەنگییەكانی توركیا لە دهۆك ئاشكرا دەكات

خەڵك – بەشی هەواڵ

فڕۆكە جەنگییەكانی توركیا لە سنووری پارێزگای دهۆك ئۆتۆمبێلێكیان كردە ئامانج و بەهۆیەوە چوار كەس شەهید بوون.

بەپێی زانیارییەكانی (تۆڕی میدیایی خەڵك)، ئەمشەو فڕۆكە جەنگییەكانی توركیا لە نزیك گوندی (ڕەشانكێ‌) كە تەنها 8 كیلۆمەتر لە سەنتەری پارێزگای دهۆك دوورە، ئۆتۆمبێلێكیان كردووەتە ئامانج، 4 سەرنشینی ئۆتۆمبێلەكە شەهید بوون.

بەوتەی دانیشتووانی ناوچەكە، ئۆتۆمبێلەكە مەدەنی بووە و 4 گەریلای پارتی كرێكارانی كوردستان (پەكەكە)ی تێدابووە و بەهۆی بۆردوومانەكە هەر چواریان دەستبەجێ‌ گیانیان لەدەستداوە.

بەردەوام بە لە خوێندنەوە

کوردستان

فڕۆكە جەنگییەكانی توركیا لە دهۆك ئۆتۆمبێلێكیان كردە ئامانج

خەڵك – بەشی هەواڵ

فڕۆكە جەنگییەكانی توركیا لە سنووری پارێزگای دهۆك ئۆتۆمبێلێكیان كردە ئامانج.

بەپێی زانیارییەكانی (تۆڕی میدیایی خەڵك)، كەمێك لەمەوبەر فڕۆكە جەنگییەكانی توركیا لە نزیك گوندی (ڕەشانكێ‌) كە تەنها 8 كیلۆمەتر لە سەنتەری پارێزگای دهۆك دوورە، ئۆتۆمبێلێكیان كردووەتە ئامانج، بەڵام تا ئێستا زیانەكانی ئەو بۆردوومانە نەزانراوە.

بەردەوام بە لە خوێندنەوە

کوردستان

بەڕێوەبەری نەخۆشخانەی جمهوری سلێمانی: كۆرۆنا ژیان ناوەستێنێ‌
بڕیارێك لە بەرژەوەندی نەخۆشانی (ڕۆماتیزمەی درێژخایەن) ڕادەگەیەنێت

خەڵك – بەشی هەواڵ

بەڕێوەبەری نەخۆشخانەی جمهوری سلێمانی ڕایدەگەیەنێت: لە سەرەتای هەفتەی داهاتووەوە بەشی فریاكەوتنی هەناوی جمهوری تەرخان دەكرێت بۆ پێدانی (دەرزی مانگانەی ڕۆماتیزمە) بۆ نەخۆشانی (ڕۆماتیزمەی درێژخایەن).

د.داهات حەوێزی بەڕێوەبەری نەخۆشخانەی جمهوری سلێمانی لە هەژماری تایبەتی خۆی لە تۆڕی كۆمەڵایەتی فەیسبوك بڵاویكردەوە: كۆڕۆنا ژیان ناوەستێنێ، سەرەڕای تووشبوونی زۆر لە پزیشكان و كارمەندان و وەرنەگرتنی مووچەكانیان، بەڵام لەپێناو زیاتر خزمەتكردنی هاووڵاتیانی شاری سلێمانی و دەوروبەری كە نەخۆشی (ڕۆماتیزمەی درێژخایەن)یان هەیە بڕیارماندا لە سەرەتای هەفتەی داهاتووەوە بەشی فریاكەوتنی هەناوی جمهوری تەرخان بكەین بۆ پێدانی (دەرزی مانگانەی ڕۆماتیزمە)، بەهیوای كەمكردنەوەی ئێش و ئازارەكانیان.

دەقی نووسینەكە:

كۆڕۆنا ژیان ناوەستێنێ:
سەرەڕای تووشبونی زۆر لە پزیشكان و كارمەندان و وەرنەگرتنی مووچەكانیان، بەڵام لەپێناو زیاتر خزمەتكردنی هاوڵاتیانی شاری سلێمانی و دەوروبەری كە نەخۆشی (ڕۆماتیزمەی درێژخایەنیان) هەیە بڕیارمان دا لە سەرەتای هەفتەی داهاتووەوە بەشی فریاكەوتنی هەناوی جمهوری تەرخان بكەین بۆ پێدانی (دەرزی مانگانەی ڕۆماتیزمە)، بەهیوای كەمكردنەوەی ئێش و ئازارەكانیان.
سوپاس بۆ كارمەندو پزیشكە دڵسۆزەكان.

“بەهیوای لەشساغی بۆ گشت لایەك”

د.داهات حەوێزی

بەڕێوەبەری نەخۆشخانەی جمهوری سلێمانی

بەردەوام بە لە خوێندنەوە

کوردستان