ئێمە لە تۆرە کۆمەڵایەتیەکان

جیهان

ئەمریكا هۆشداری دەداتە وڵاتان و سزای قورسیش بەسەر حكومەتەكەی ئەسەد دەسەپێنێت

خەڵك – بەشی هەواڵ

ئەمریكا هۆشداری دەدات و داوا لە وڵاتان، كۆمپانیاكان، بازرگان و وەبەرهێنەرانی جیهان دەكات بە هیچ جۆرێك مامەڵە لەگەڵ حكومەتی سوریادا نەكەن، بەپێچەوانەوە ڕووبەڕووی سزا دەبنەوە.

مایك پۆمپیۆ، وەزیری دەرەوەی ئەمریكا ڕایگەیاند، وڵاتەكەی سزای دارایی بەسەر بەشار ئەسەد سەرۆكی سوریا، ئەسما ئەسەد هاوژینی بەشار ئەسەد، ماهیر ئەسەد برای بەشار ئەسەد، موحەمەد حەمشۆ، بازرگانی نزیك لە حكومەتی سوریا، گرووپی چەكداریی فاتمیوونی ئێرانی، یەكەی چواری سوپای سوریا و دووان لە فەرماندەكانی، بوشرا ئەسەدی كچی حافز ئەسەد و چەند كەسێكی تردا دەسەپێنێت.

وەزیری دەرەوەی ئەمریكا وتیشی، قورستركردنی سزاكان بەردەوام دەبێت تا “ئەسەد و ڕژێمەكەی كۆتایی بەو شەڕە ناپێویست و دڕندانە دەهێنن كە دژی خەڵكی سوریا دەیكەن”.

مایك پۆمپیۆ ئاماژەی بەوەشكردوو، ماوەی نۆ ساڵە “ڕژێمی سوریا” شەڕێكی خوێناویی دژی خەڵكی سوریا دەستپێكردووە و لەم ماوەیەدا ژمارەیەكی زۆر تاوانی دڕندانەی ئەنجامداوە، هەندێك لەوانیش گەیشتوونەتە ئاستی تاوانی جەنگ و تاوانی دژی مرۆڤایەتی، لەوانەش كوشتن، ئەشكەنجەدان، بێسەروشوێنكردن و بەكارهێنانی چەكی كیمیایی.

وەزیری دەرەوەی ئەمریكا ئەوەشیخستەڕوو، “ڕژێمی ئەسەد” و ئەوانەی پاڵپشتیی دەكەن، تەنیا یەك بژاردەی سادەیان لەبەردەستدایە، ئەویش “هەنگاوی جددی بە ئاڕاستەی چارەسەری سیاسیی ماوەدرێژ بۆ شەڕی سوریا”یە، ئەوەش لەسەر بنچینەی بڕیاری 2254ی ئەنجومەنی ئاسایشی نەتەوە یەكگرتووەكان، بەپێچەوانەوە ڕووبەڕووی سزای پڕوكێنەر دەبنەوە.

جیهان

سعودیە، تەنیا 498 حاڵەتی تووشبوونی نوێ بە كۆرۆنا تۆماركرا

خەڵك- بەشی هەواڵ
وزارەتی تەندروستی سعودیە، تۆماركردنی 498 تووشبووی نوێ‌ بە ڤایرۆسی كۆرۆنا لە ماوەی 24 كاتژمێری ڕابردوودا لە شانشینی عەرەبی ڕادەگەیەنێت، ئەمەش بەراورد بەڕۆژانی پێشوو بە ژمارەیەكی كەمتر دادەنرێت.

ئەمڕۆ پێنج شەممە، وەزارەتی تەندروستی سعودیە لە بەیاننامەیەكدا ڕایگەیاند”لەماوەی 24 كاتژمێری ڕابردوودا 498 حاڵەتی توشبوونی نوێ‌ بە ڤایرۆسی كۆرۆنا‌ (كۆڤید-19) تۆماركرا”، ئەم ژمارەیەش بە دەستەواژەیەكی باش بۆ پاشەكشەكردنی ژمارەی تووشبوان لە وڵاتەكەدا كە بەڕێژەی 75% ڕووی لە كەمبوونەوە كردووە، دادەنرێت.

وەزارەتی تەندروستی سعودیە دەڵێت”لەماوەی 24 كاتژمێری ڕابردوو 30 حاڵەتی گیانلەدەستدان بەهۆی ڤایرۆسەكەوە تۆماركرا، بەمەش كۆی گشتی ژمارەی ئەوانەی بەهۆی كۆرۆناوە لە سعودیەوە گیانیانلەدەستداوە گەیشتە 4599 كەس، لەئێستاشدا كۆی گشتی ئەوانەی لە سعودیە دووچاری ڤایرۆسی كۆرۆنا بوون، بۆ 330798 حاڵەت بەرزبۆتەوە”.

هەر بەپێی بەیاننامەكەی وەزارەتی تەندروستی سعودیە، لەماوەی 24 كاتژمێری ڕابردوودا، 1007 كەس نەخۆشییەكەیان پەڕاندووە و چاكبوونەتەوە، بەمەش كۆی گشتی ژمارەی ئەوانەی چاكبوونەتەوە، گەیشتە 314793 كەس.

بەردەوام بە لە خوێندنەوە

جیهان

ترەمپ دەسەڵات رادەست ناكات

خەڵك- بەشی هەواڵ

دۆناڵد ترەمپ سەرۆكی ئەمریكا رەتیكردەوە لە حاڵی دۆڕاندنیدا لە هەڵبژاردنەكاندا بە ئاشتی دەسەڵات رادەستی ركابەرەكەی بكات.

ترەمپ وتویەتی پێویستە ئەوە ببینێت كە روو دەدات و گومانی دەربارەی وردی كارتەكانی دەنگدان لە رێگەی ئەلیكترۆنیەوە هەیە.

وتیشی: پێویستە ببینین كە چی روو دەدات گومانم هەیە لە كارتەكانی دەنگدان.

ترەمپ دەڵێت :لەكاتی فشاركردندا ناكرێت دەسەڵات رادەست بكرێت بەبێ كارتی دەنگدانی ئەلیكترۆنی و هەڵبژاردن دەبەمەوە بەبێ فراوانكردنی دەنگدان لە رێگەی پۆستەوە.

ئاماژەی بەوەشكرد خۆرزگاركردن لە كارتی دەنگدان دەبێتەهۆی راست و دروستی، بەراستی گواستنەوە نییە، بەردەوام دەبم، كارتەكانی دەنگدان لە دەرەوەی كۆنترۆڵن، ئێوە دەزانن باشترم لە هەموو كەسێكی تر دیموكراتییەكان باش ئەوە دەزانن.

پێشتریش ترەمپ رەتیكردبووەوە پابەند بێت بە ئنجامی هەڵبژاردنەكانەوە و پێویستە ببینێت.

چەند جارێك ترەمپ بابەتی فراوانكردنی چوارچێوەی دەنگدانی لە رێگەی پۆستەوە وروژاندووە كە دەبێتەهۆی ساختەكاری.

بەردەوام بە لە خوێندنەوە

جیهان

نوێترین ئاماری تووشبوون بەکۆرۆنا لەجیهاندا

خەڵک – بەشی هەواڵ

 

بەپێی نوێترین ئامار، نزیکی ٢٣ ملیۆن  و ٦٨٢ هەزار تووشبووی کۆرۆنا لەجیهاندا چاکبوونەتەوە.

 

بەپێی نوێترین ئامار لەسەرەتای بڵاوبوونەوەى ڤایرۆسی کۆرۆنا تاکو ئێستا  زیاتر لە ٣٢ ملیۆن و ١٠١ هەزار تووشبووی ڤایرۆسی کۆرۆنای نوێ تۆمارکراون.

هەر بەپێی ئەو ئامارە، لەوماوەیەدا نزیکی ٢٣ ملیۆن  و ٦٨٢ هەزار تووشبووی کۆرۆنا چاکبوونەتەوە، کە لەبەرامبەردا نزیکی ٩٨٢ هەزار کەس گیانیان لەدەستداوە، ئەوانی دیکەش لەژێر چارەسەردان.

بەردەوام بە لە خوێندنەوە

کوردستان