ئێمە لە تۆرە کۆمەڵایەتیەکان

کوردستان

فڕاكسیۆنی یەكێتی لە ئەنجومەنی نوێنەران ئیدانەی لەشكركێشییەكەی توركیا و بۆردوومانەكانی ئێران دەكات

خەڵك – بەشی هەواڵ

فڕاكسیۆنی یەكێتیی نیشتمانیی كوردستان لە ئەنجومەنی نوێنەرانی عیراق لە ڕاگەیەنراوێكدا ئیدانەی لەشكركێشییەكەی توركیا و بۆردوومانەكانی سوپای ئێران لە هەرێمی كوردستان دەكەن.

فڕاكسیۆنی یەكێتیی نیشتمانیی كوردستان لەئەنجومەنی نوێنەرانی عیراق لە ڕاگەیەنراوێكدا ڕایگەیاند:” بەتوندی ئیدانەی پەلاماری بێ هۆكاری هێزە سەربازییەكانی توركیا لەناو خاكی عیراق و بۆردوومانە هەڕەمەكییەكانی فڕۆكە جەنگییەكان و هێلیكۆپتەرەكانی بۆ سەر كەمپی ئاوارەكان لە شەنگال و مەخموری سەربە پارێزگای نەینەوا دەكەین، هەروەها بۆردوومانی ناوچەی حەفتانین و ناوچەكانی تری پارێزگای دهۆك كە گوندێكیان دەرئەنجامی ئەو بۆردوومان و پەلامارە سەربازییانە بەتەواوی خاپور كردووە و دانیشتووانەكەی ئاوارەبوون و ناچار بەجێهێشتنی شوێنی خۆیان كراون”.

لەبەشێكی تری ڕاگەیەنراوەكەدا هاتووە:” هەروەها ئۆپراسیۆنی سەربازی توركیا لەناوچەی برادۆستی هەولێر كە بووەتە هۆی ئاوارەبوونی دانیشتووانی ناوچەكە و تووشی ترس و دڵەڕاوكێی كردوون و مەترسی بۆ سەر ژیانیان دروست بووە”.

فڕاكسیۆنی یەكێتیی جەختیشیكردووەتەوە:” لەلایەكی تریشەوە بۆردوومانی تۆپخانەكانی ئێران بۆ سەر گوندێكی ناوچەی حاجی ئۆمەران كە هاوكاتە لەگەڵ پەلامار و بۆردوومانە سەربازییەكانی توركیا، بەزاندنی سەروەری خاكی عیراقە و پێشێلكردنی یاسا نێودەوڵەتییەكانە و بەتوندی ئیدانەی دەكەین”.

هەروەها ئەوەش خراوەتەڕوو:” داوا لە حكومەتی عیراق دەكەین هەڵوێستی توند و جددی لەوبارەیەوە هەبێت و ڕێگری لەو هێرشانە بكرێت بەتایبەت توركیا كە بە بەردەوامی ئەو ناوچانە بۆردوومان دەكەن و هاوكات كۆمەڵگەی نێودەوڵەتی ڕۆڵیان هەبێت و ئەو هێرشانە ڕابگرن”.

کوردستان

دوای زیاتر لە چوار ساڵ داواكردن، بڕیارە شۆفڵ و ئەمبوڵانسێك بۆ سەیدسادق دابین بكرێت

خەڵك – یەحیا حبیب

قائیمقامیەتی شارۆچكەی سەیدسادق ڕایگەیاند، “بڕیارە بەڕێوەبەرایەتی تەندروستی بۆ شارۆچكەكە بكرێتەوە و ئۆتۆمبێلێكی ئەمبۆڵانسییش بۆ تەرخان بكرێت، هەروەها ئامێرێكی شۆفڵیش بۆ شارەوانی دابین بكرێت”.

قائیمقامیەتی شارۆچكەی سەیدسادق ڕایگەیاند،”لە سەرەتای دەستبەكاربوونی كابینەی نۆیەمی حكومەتی هەرێم و لە ساڵی 2017وە لە سەر داوا بەردەوامەكانی قائیمقامیەتی شارۆچكەی سەیدسادق بۆ هەردوو كەرتەكانی تەندروستی و شارەوانی بڕیاردرا شۆفڵێك و ئۆتۆمبیلێكی ئەمبوڵانس دابین بكەن”.

قائیمقامیەتی سەید سادق ئاماژەی بەوەشداوە،”شۆفڵەكە بۆ شارەوانی دابینكراوە و ئەمبوڵانسەكەش بۆ نەخۆشخانەی تایبەت بە ڤایرۆسی كۆرۆنا دابین دەكرێت”.

ئەمەش لە كاتێدایە، ڕۆژی یەكشەممە ڕێكەوتی 26/10/2020 قوباد تاڵەبانی، جێگری سەرۆكی حكومەتی هەرێم لەگەڵ قائیمقامەكانی سنووری پارێزگای سلێمانی كۆبووەوە بەمەبەستی گفتوگۆكردن لە بارەی داواكاری و پێداویستییەكانی هاووڵاتیان و كێشە و گیروگرفتەكانی یەكە كارگێڕییەكان.

بەردەوام بە لە خوێندنەوە

کوردستان

سیروان بارزانی: لە هێرشێكی هاوپەیماناندا لە مەخمور چوار تیرۆریستی داعش كوژران

خەڵك – بەشی هەواڵ

فڕۆكە جەنگییەكانی هاوپەیمانان بۆردوومانی چەند بنكەیەكی داعشیان لە سنووری شارۆچكەی مەخمور كرد و چوار تیرۆریستی داعشیان كوشت.

سیروان بارزانی، سەرپەرشتیاری میحوەری گوێڕ – مەخموری پێشمەرگە بە ڕووداوی ڕاگەیاندووە:”دوای گۆڕینەوەی زانیاریی هەواڵگری لەگەڵ پێشمەرگە، لە نیوەی شەوی ڕابردوودا ژمارەیەك فڕۆكەی هاوپەیمانان چەند پێگەیەكی داعشیان لە بناری چیای قەرەچووغ لە سنووری شارۆچكەی مەخمور بۆردوومانكردووە و لە ئەنجامدا چوار چەكداری داعش كوژراون”.

سیروان بارزانی وتیشی:”ماوەیەكە جموجۆڵی داعش لە سنوورەكە زیادیكردووە و نزیكەی 30 چەكداری داعش بەشێوەی مەفرەزە كردەی توندوتیژی دژی خەڵكی سڤیل دەكەن، بەڵام توانای هێرشكردنیان نییە”.

بەردەوام بە لە خوێندنەوە

کوردستان

وێنە.. لە وارماوا بەهۆی ڕووداوێكی ئاگركەوتنەوەوە خانوویەك ڕوخا

خەڵك – یەحیا حبیب

ئەمڕۆ دووشەممە، لە شارەدێی وارماوای سەر بە شارەزوور، هاووڵاتییەك وەك ئامادەكاری بۆ وەرزی بارانبارین، ئیزوگام لە سەر خانووە گڵەكەی دەدات، بەهۆیەوە ئاگر دەگرێت و زیان بە خانووی تەنیشتی خۆشی دەگەیەنێت.

هاووڵاتیەك لە نزیك ڕووداوەكە بۆ (تۆڕی میدیایی خەڵك) وتی، “زۆرێك لە هاووڵاتیان لە كاتی هاتنی وەرزی سەرما و سۆڵەدا، بە تایبەت خانووە گڵەكان، ئامادەكاری بۆ ڕووبەڕووبوونەوەی وەرزی سەرما دەكەن، ئەمانیش ئامادەكارییان كردووە بۆ ئەو مەبەستە سەربانی خانووەكەیان ئیزوگام كردووە بۆ ئەوەی لەكاتی باران بارین خانووەكە دڵۆپە نەكات”.

وتیشی، “دوای تەواو بوونی كارەكەیان و پشوودانیان ماڵی تەنیشتیان دوكەلێكی زۆری تێچووبوو بە هۆی ئەوەی خانوی گڵ بوون هەردووكی و بەمەش زانیان كە خانووەكە گڕی گرتووە”.

تیمەكانی بەرگری شارستانی وارماوا دوای ئاگاداركردنەوەیان لە ئاگركەوتنەوەكە دەستبەجێ هەوڵی كۆنتڕۆڵكردی ئاگرەكە دەدەن.

ئاماژەی بۆ ئەوەشكرد، “ئەو خانووەی كە سەربانەكەی قیر كردبوو ئاگر چووبوە نێو سەقفی خانووەكە و بەهۆیەوە تەواوی سەقفەكە ڕوخێنرا و لەگەڵ بەشێكی سەقفی دراوسێكەیان بۆ ڕێگەكرتن لە زیاتر بڵاوبوەنەوەی ئاگرەكە”.

ئەو هاووڵاتییە ئاماژەی بەوەشدا، “بەهەوڵی بەرگری شارستانی و هاووڵاتیانی گەڕەكەكە توانرا كۆنتڕۆڵ بكرێت، بەڵام زیانی زۆری ماددیی بەخانووەكە گەیشتووە”.

(تۆڕی میدیایی خەڵك) لە شوێنی ڕووداوەكە ویستی لێپرسراوانی بەرگری شارستانی وەربگرێت، بەڵام نەیانویست لێدوان بدەن.

بەپێی زانیارییەكانی (تۆڕی میدیایی خەڵك) لەم مانگەدا، ئەمە دووەم خانووە لە سنووری شارۆچكەی شارەزوور دەسوتێت.

 

بەردەوام بە لە خوێندنەوە

کوردستان