ئێمە لە تۆرە کۆمەڵایەتیەکان

ئابوری

دوابڕیاری حكومەت بۆ 150 هەزاری مامۆستایان ئاشكرا دەكرێت

خەڵك-ئارام سەردار
یەكێتی مامۆستایانی كوردستان دەنگۆی بڕینی ۱٥۰ هەزار دیناری دەرماڵەی مامۆستایان و فەرمانبەرانی وەزارەتی پەروەردە لەكاتی جێبەجێكردنی یاسای چاكسازی ڕەتدەكاتەوە و دەڵێت: “هیچ شتێكی فەرمی بوونی نیە”.

عەبدولواحید محەمەد، سەرۆكی یەكێتی مامۆستایانی كوردستان لەبارەی بڕینی ۱٥۰ هەزار دیناری دەرماڵەی وەزارەتی پەروەردە بە(خەڵك)ی ڕاگەیاند، هێندەی ئێمە بەدواداچوونمان كردبێ لەگەڵ ئەنجوومەنی وەزیران و وەزارەتی پەروەردە و لایەنە پەیوەندیدارەكان، بەفەرمی هیچ باسێك لەبڕینی ۱٥۰ هەزار دیناری دەرماڵەی مامۆستایان و فەرمانبەرانی وەزارەتی پەروەردە نەكراوە.

دەشڵێت: “ڕەنگە لێرە و لەوێ كەسێك یان لایەنێك پێشنیارێكی كردبێ، بەڵام ئەوە قسە و بڕیاری فەرمی نیە”.

جەختیشی كردەوە، هێندەی هەبێت هیچ شتێكی فەرمی نیە لەسەر ئەو بابەتە، بەڵام ئەگەر شتێكیش هەبێت ئەوا وەكو یەكێتی مامۆستایان قسەی خۆمان دەبێت لەكاتی خۆیدا.

ئابوری

ئاوات شێخ جەناب: ڕاگەیەندراوەكەی دارایی عیراق ڕاست نییە و وەڵاممان دەبێت

خەڵك – بەشی هەواڵ
وەزیری دارایی هەرێم ڕاگەیەندراوەكەی وەزارەتی دارایی عیراق ڕەتدەكاتەوە و بڕیارە حكومەتی هەرێمی كوردستانیش وەڵامی بداتەوە.

مەم بورهان ئەندامی پەرلەمانی كوردستان لە هەژماری خۆی لە فەیسبووك ڕایگەیاند كە دەربارەی ڕاگەیەندراوەكەی شەوی ڕابردووی وەزارەتی دارایی عیراق بەدواداچوونیان كردووە.

پەرلەمانتارەكە نووسیوێتی: ئاوات شێخ جەناب “وەزیری دارایی هەرێم، پێیراگەیاندم (راگەیەندراوەكەی وەزارەتی دارایی عیراق) راست نییە و حکومەتی هەرێم وەڵامی بۆ ئەو راگەیەندراوە دەبێت”.

مەم بورهان پێشنیازیشی كرد كە “لە نزیکەوە هەردوو پەرلەمانی عیراق و کوردستان چاودێری دانوستانەکانی نێوان هەرێم و بەغدا بکەن و بێلایەنانە ڕاستییەکان بۆ خەڵکی کوردستان و عیراق رابگەیەنن”.

شەوی ڕابردوو وەزارەتی دارایی عیراق وەڵامێكی تونددا راگەیەندراوەكەی كۆبوونەوەی ئەنجومەنی وەزیرانی هەرێمی كوردستانی دایەوە و بەرپرسیارێتی ڕێكنكەوتنی هەولێر و بەغداشی خستە ئەستۆی حكومەتی هەرێم.

بەردەوام بە لە خوێندنەوە

ئابوری

نرخی زێڕ و دراوەکان

خەڵك – بەشی هەواڵ

نرخی زێڕ و نەوت و دراوەکان بۆ ئەمڕۆ پێنج شەممە بەم شێوەیە کە لە زەڕنگەری پێشین لە سلێمانی وەرگیراوە.

زێڕ

Oz: 1931$

24K: 384,000

21K: 336,000

18K: 288,000

Lira 22K= 409$

دراوەکان

100$= 123.750

100€= 145,000

100£= 159,000

100$= 733 لیرەی تورکی

100$= 2,170,000 تمەن (نەقدی)

100$= 2,270,000 تمەن (حەواڵە)

بەردەوام بە لە خوێندنەوە

ئابوری

ئاڵوگۆڕی بازرگانی عیراق و ئێران دەگاتە 20 ملیار دۆلار

خەڵك – بەشی هەواڵ
ئیرەج مەسجیدی باڵیۆزی ئێرنا لە بەغدا دوای دیدارێكی لەگەڵ ئەحمەد حسێن وەزیری بازرگانی عیراق ڕایگەیاند ئاسی ئاڵوگۆڕی بازرگانی نێوان هەردوو وڵات بۆ 20 ملیار دۆلار بەرزدەكرێتەوە.

لە دیدارەكەدا وەزیری بازرگانی عیراق و باڵیۆزی ئێران باسیان لە پرسی چۆنێتی پێدانی كرێی هاوردەكردنی كارەبا و غازی ئێران كرد كە تاران خوازیارە بە دۆلاری ئەمریكی بێت.

بەڵام تا ئێستا عیراق لە پێناو خۆپاراستن لە سزاكانی ئەمریكا، ئامادە نییە ئەو داواكارییەی ئێران جێبەجێ بكات.

پێشتر ئەمریكا هۆشداری دابوو لەوەی هەر وڵاتێك بە دۆلار مامەڵە لەگەڵ ئێران بكات، ڕووبەڕووی سزای واشنتۆن دەبێتەوە.

بەردەوام بە لە خوێندنەوە

کوردستان