ئێمە لە تۆرە کۆمەڵایەتیەکان

کوردستان

بەهۆی كۆرۆناوە، بەندكراوێك لە ڕۆژهەڵاتی كوردستان گیانی لەدەستدا

خەڵك-بەشی هەواڵ

 

بەندكراوێكی ڕۆژهەڵاتی كوردستان لە بەندیخانەی شاری سەقز بەهۆی نەخۆشیی كۆرۆناوە گیانی لەدەستدا.
تۆڕی مافەكانی مرۆڤی كوردستانی لە ڕاگەیەنراوێكدا ئاماژە بۆ ئەوە دەكات، سەید كەمال حسەینی تەمەن ٣٦ ساڵ و خەڵكی شاری سەقز، ڕۆژی چوارشەممەی ڕابردوو لە لایەن پۆلیسەوە دەستبەسەر كرابوو و ڕۆژی دواتر گواسترابوویەوە بۆ بەندیخانەی شارەكە.
ئاشكراشیكرد، ناوبراو دوای دوو ڕۆژ بە هۆی لاوازیی باری جەستییەوە براوەتە نەخۆشخانە و دوو ڕۆژ لەمەوپێش گیانی لەدەستداوە.
ڕوونیشیكردەوە، حسەینی لە ڕۆژی پێنجشەممەوە لە كەرەنتینەی زیندان تووشی توندی هەناسە و كێشەی دڵ بووە و سەرلەبەیانیی ڕۆژی هەینی‌ لە نەخۆشخانەی “ئیمام خومەینی” دەیخەوێنن، بەڵام دوای چەند ڕۆژێك ڕادەگەیەنرێت بەهۆی وەستانی دڵ و نەخۆشیی كۆرۆناوە لە نەخۆشخانە گیانی لە دەست داوە.

کوردستان

فڕۆكە جەنگییەكانی توركیا ناوچەی شارباژێڕیان بۆردومان كرد

خەڵك – بەشی هەواڵ
ئەمڕۆ هەینی فڕۆكە جەنگییەكانی توركیا چەند گوندی قامیشی سەر بە ناوچەی شارباژێڕی سلێمانییان بۆردومان كرد.

بە پێی زانیارییە سەرەتاییەكان بۆردومانەكە بووەتە هۆی ئاگركەوتنەوە لە ناوچەكە، بەڵام ئەگەری بوونی زیانی گیانی لەو هێرشەدا نەزانراوە.

سوپای توركیا چەند ناوچەیەكی سنووری شارباژێڕی سلێمانییان وەك سنووری چالاكی پەكەكە دەستنیشان كردووە و ناوبەناو بەو بیانووە بۆردومانی دەكەن.

بەردەوام بە لە خوێندنەوە

کوردستان

خانەقین؛ سەربازێكی كورد لە پەلامارێكی داعشدا شەهید بوو

خەڵك – بەشی هەواڵ
سەربازێكی كورد لە ئاكامی پەلامارێكی تیرۆریستانی داعش بۆ سەر گوندێكی شارۆچكەی خانەقین شەهید بوو.

شه‌وی ڕابردوو تیرۆریستانی داعش لە گوندی شێرك سەر بە شارۆچكەی خانەقین ھێرشیان كردە سەر ھێزێكی تایبەتی عیراقی لە ئەنجامدا سەربازێكی شەھید بوو‌ و چوار سەربازی دیكەش بریندار بوون.

ئەمڕۆ دەركەوت كە ئەو سەربازەی شەهید بووە كوردە و ناوی جەزا فه‌تاح جافه‌ و خەڵكی شارۆچكەی كەلارە.

بەردەوام بە لە خوێندنەوە

کوردستان

دووەم حاڵەتی مردن بە كۆرۆنا لە ئیدارەی خۆسەر تۆمار كرا

خەڵك – بەشی هەواڵ
ئەمڕۆ هەینی دووەم حاڵەتی مردن بە ڤایرۆسی كۆرۆنا لە ئیدارەی خۆسەر تۆمار كرا.

جوان مستەفا هاوسەرۆكی دەستەی تەندروستی ئیدارەی خۆسەر لە باكوور و ڕۆژهەڵاتی سوریا ڕایگەیاند یەكێك لەو كەسانەی پێشتر تووشبوونی بە كۆرۆنا ڕاگەیەندرابوو، ئەمڕۆ گیانی لە دەست دا.

ئەوەش دووەم حاڵەتی مردن بە كۆرۆنایە كە لە باكوور و ڕۆژهەڵاتی سوریا تۆمار بكرێت.

بە پێی نوێترین ئاماری دەستەی تەندروستی كە ئەمڕۆ ڕاگەیەندرا تا ئێستا 66 كەس لە ناوچەكانی ئیدارەی خۆسەر تووشی كۆرۆنا بوون.

بەردەوام بە لە خوێندنەوە

کوردستان