ئێمە لە تۆرە کۆمەڵایەتیەکان

کوردستان

هەڵەبجە.. دوو هاووڵاتی بەهۆی دەستكاریكردنی تەقەمەنییەوە گیانیان لەدەستدا

خەڵك – بەشی هەواڵ

بەهۆی دەستكاریكردنی گوللە تۆپێك و تەقینەوەى پێیاندا دوو هاووڵاتی گیانیان لەدەستدا.

لەوبارەیەوە، ڕائد بەرزان عوسمان وتەبێژی پۆلیسی پارێزگای هەڵەبجە لە كۆنگرەیەكی ڕۆژنامەوانیدا ڕایگەیاند، “بەهۆی كرانەوەی وەرزی ڕاوەماسی، هاووڵاتیان بۆ ئەوەی كەمێك ماددەی (TNT)یان دەست بكەوێت، دەست بە بڕینەوەی گوللە تۆپ و هاوەن دەكەن، داوایان لێدەكەین كە دووربكەونەوە لە دەستكاریكردنی مین و تەقەمەنی، بۆئەوەی تووشی كارەساتی نەخوازراو نەبن”.

وتەبێژی پۆلیسی پارێزگای هەڵەبجە ئاماژەی بەوەشكرد، “بەپێی لێكۆڵینەوە سەرەتاییەكان دیارە ئەو گوللە تۆپە هێنراوە بۆ ئێرە و دەستكاری كراوە، ئەو كەسە كاری باخەوان بووە، و هاوڕێیەكی هاتووە لە گەڵی و مەبەستیان بووە كە دەستكاری ئەو گولللە تۆپە بكەن، بە مەبەستی بەدەستهێنانی كەمێك ماددەی تەقەمەنی بۆ ڕاوە ماسی بێت یاخود هەرشتێكی تر، لە ئەنجامدا پێیاندا تەقیوەتەوە”.

ڕائد بەرزان عوسمان داواشی كرد، “كە ترس و دڵەڕاوكێی بێبنەما بڵاو نەكرێتەوە، لایەنی پەیوەندیدار بەو بابەتە قسەی خۆی هەبێت، ئێمە وەك هێزەكانی ئاسایش و پۆلیس لە شوێنی ڕووداوەكە ئامادە بووین، لێكۆڵینەوەمان لە ڕووداوەكە دەستپێكردووە”.

کوردستان

وێنە.. خەڵك؛ زانیاری نوێ‌ لەبارەی بۆردوومانی فڕۆكە جەنگییەكانی توركیا لە دهۆك ئاشكرا دەكات

خەڵك – بەشی هەواڵ

فڕۆكە جەنگییەكانی توركیا لە سنووری پارێزگای دهۆك ئۆتۆمبێلێكیان كردە ئامانج و بەهۆیەوە چوار كەس شەهید بوون.

بەپێی زانیارییەكانی (تۆڕی میدیایی خەڵك)، ئەمشەو فڕۆكە جەنگییەكانی توركیا لە نزیك گوندی (ڕەشانكێ‌) كە تەنها 8 كیلۆمەتر لە سەنتەری پارێزگای دهۆك دوورە، ئۆتۆمبێلێكیان كردووەتە ئامانج، 4 سەرنشینی ئۆتۆمبێلەكە شەهید بوون.

بەوتەی دانیشتووانی ناوچەكە، ئۆتۆمبێلەكە مەدەنی بووە و 4 گەریلای پارتی كرێكارانی كوردستان (پەكەكە)ی تێدابووە و بەهۆی بۆردوومانەكە هەر چواریان دەستبەجێ‌ گیانیان لەدەستداوە.

بەردەوام بە لە خوێندنەوە

کوردستان

فڕۆكە جەنگییەكانی توركیا لە دهۆك ئۆتۆمبێلێكیان كردە ئامانج

خەڵك – بەشی هەواڵ

فڕۆكە جەنگییەكانی توركیا لە سنووری پارێزگای دهۆك ئۆتۆمبێلێكیان كردە ئامانج.

بەپێی زانیارییەكانی (تۆڕی میدیایی خەڵك)، كەمێك لەمەوبەر فڕۆكە جەنگییەكانی توركیا لە نزیك گوندی (ڕەشانكێ‌) كە تەنها 8 كیلۆمەتر لە سەنتەری پارێزگای دهۆك دوورە، ئۆتۆمبێلێكیان كردووەتە ئامانج، بەڵام تا ئێستا زیانەكانی ئەو بۆردوومانە نەزانراوە.

بەردەوام بە لە خوێندنەوە

کوردستان

بەڕێوەبەری نەخۆشخانەی جمهوری سلێمانی: كۆرۆنا ژیان ناوەستێنێ‌
بڕیارێك لە بەرژەوەندی نەخۆشانی (ڕۆماتیزمەی درێژخایەن) ڕادەگەیەنێت

خەڵك – بەشی هەواڵ

بەڕێوەبەری نەخۆشخانەی جمهوری سلێمانی ڕایدەگەیەنێت: لە سەرەتای هەفتەی داهاتووەوە بەشی فریاكەوتنی هەناوی جمهوری تەرخان دەكرێت بۆ پێدانی (دەرزی مانگانەی ڕۆماتیزمە) بۆ نەخۆشانی (ڕۆماتیزمەی درێژخایەن).

د.داهات حەوێزی بەڕێوەبەری نەخۆشخانەی جمهوری سلێمانی لە هەژماری تایبەتی خۆی لە تۆڕی كۆمەڵایەتی فەیسبوك بڵاویكردەوە: كۆڕۆنا ژیان ناوەستێنێ، سەرەڕای تووشبوونی زۆر لە پزیشكان و كارمەندان و وەرنەگرتنی مووچەكانیان، بەڵام لەپێناو زیاتر خزمەتكردنی هاووڵاتیانی شاری سلێمانی و دەوروبەری كە نەخۆشی (ڕۆماتیزمەی درێژخایەن)یان هەیە بڕیارماندا لە سەرەتای هەفتەی داهاتووەوە بەشی فریاكەوتنی هەناوی جمهوری تەرخان بكەین بۆ پێدانی (دەرزی مانگانەی ڕۆماتیزمە)، بەهیوای كەمكردنەوەی ئێش و ئازارەكانیان.

دەقی نووسینەكە:

كۆڕۆنا ژیان ناوەستێنێ:
سەرەڕای تووشبونی زۆر لە پزیشكان و كارمەندان و وەرنەگرتنی مووچەكانیان، بەڵام لەپێناو زیاتر خزمەتكردنی هاوڵاتیانی شاری سلێمانی و دەوروبەری كە نەخۆشی (ڕۆماتیزمەی درێژخایەنیان) هەیە بڕیارمان دا لە سەرەتای هەفتەی داهاتووەوە بەشی فریاكەوتنی هەناوی جمهوری تەرخان بكەین بۆ پێدانی (دەرزی مانگانەی ڕۆماتیزمە)، بەهیوای كەمكردنەوەی ئێش و ئازارەكانیان.
سوپاس بۆ كارمەندو پزیشكە دڵسۆزەكان.

“بەهیوای لەشساغی بۆ گشت لایەك”

د.داهات حەوێزی

بەڕێوەبەری نەخۆشخانەی جمهوری سلێمانی

بەردەوام بە لە خوێندنەوە

کوردستان