ئێمە لە تۆرە کۆمەڵایەتیەکان

کوردستان

تەندروستی هەرێم: لە 24 كاتژمێری ڕابردوودا حاڵەتی 7 گیان لەدەستدان و 166 تووشبووی نوێ بە ڤایرۆسی كۆرۆنا لە هەرێم دەستنیشان كراون

خەڵك – بەشی هەواڵ

وەزارەتی تەندروستی هەرێم لە ڕاگەیەنراوێكدا ئاماری 24 كاتژمێری حاڵەتەكانی تووشبوون و گیانلەدەستدانی ڤایرۆسی كۆرۆنای لە هەرێم ئاشكراكرد و ڕایگەیاند: 7 حاڵەتی گیانلەدەستدان و 166 تووشبووی نوێ بە ڤایرۆسی كۆرۆنا لە هەرێم دەستنیشان كراوە.

تەندروستی هەرێم ڕوونیشیكردووەتەوە: لە پارێزگای هەولێر (١) حاڵەتی گیان لەدەستدان و (٣٢) تووشبوو لە گەڕەكەكانی (كوردستان، ئاری، زانكۆ، ٩٤ی باداوە، هەولێری نوێ، ٥ی حەسارۆك)، شارۆچكەی شەقڵاوە، شارۆچكەی چۆمان، شارۆچكەی سۆران، شارەدێی خەلیفان دەستنیشان كراون.

هەروەها، لە پارێزگای سلێمانی (٦) گیان لەدەستدان و ، (١٢٧) تووشبوو بەم شێوەیە: ناو شاری سلێمانی (٦) گیان لەدەستدان و (١٠٠) تووشبوو: دانیشتووی ناو شاری سلێمانی، شارۆچكەی پێنجوێن، شارۆچكەی دەربەندیخان، شارەدێی پیرەمەگرون، (٥) تووشبووی نوێ گیانیان لەدەستدا و تووشبووێك كە پێشتر لە نەخۆشخانە خەوێندرابوو گیانی لەدەستدا.

هەروەك لە دەڤەری گەرمیان (٢٢) تووشبوو دەستنیشان كراون كە دانیشتووی شارۆچكەی كەلار گەڕەكەكانی (سیروان، شۆڕش، شەهیدان، كلاری نوێ، حەمرین، ئازادی، بەردەسوور، سەركەوتن، فەرمانبەران و بنگردن).

وەزارەتی تەندروستی ئەوەشیخستووەتەڕوو لە پارێزگای دهۆك (٢) تووشبوو دەستنیشان كراون كە لە كەرەنتینی شارۆچكەی ئاكرێ بوون هەروەها، لە پارێزگای هەڵەبجە (٥) تووشبوو دەستنیشان كراون كە دانیشتووی هەڵەبجە و شارۆچكەی پێنجوێنن.

دەقی ڕاگەیەنراوەكە:

ڕاگەیاندراوی (٢٤) كاتژمێری
ژمارە (١١١)

سەبارەت بە نەخۆشی ڤایرۆسی كۆڕۆنای نوێ COVID-19 لە هەرێمی كوردستان، ڕێكارەكان بەردەوامن بەم شێوەیە:

1. كەرەنتین
تاوەكو ئەوڕۆ (١٥١١٥) هاووڵاتی “ئەوانەی كە لە دەرەوەی ووڵات گەڕانەتەوە وە ئەوانەی كە بەركەوتەی نەخۆشە چەسپێنراوەكان” كەڕەنتین كراون، لەئێستادا تەنها (١٥٠١) هاووڵاتی لە (٣٦) شوێنی جیاوازی كەرەنتین ماونەتەوە؛ (٢٥٦) لە هەولێر، (١٠) لە سلێمانی، (١٢٣٥) لە دهۆك. وە (١٣٦١٤) هاووڵاتی لە كەرەنتین دەرچوونە و گەڕانەوەتە ناو خانەوادەكانیان دوای تەواو كردنی ماوەی ١٤ رۆژ وە ئەنجامدانی پشكنینی تاقیگەیی بۆیان وپشتراستكردنەوەی ئەوەی كە هەڵگری ئەو نەخۆشیە نین، لەگەڵ كەڕەنتین كردنی ژمارەیەكی تری هاووڵاتییان لە ٢٤ كاتژمێری ڕابردوودا كە كۆی گشتی (٤٥) هاووڵاتی بوو.

2. پشكنین
لەماوەی ٢٤ كاتژمێری ڕابردوودا: (٢٢٦٧) پشكنین ئەنجام دراوە لەسەر ئاستی هەرێمی كوردستان؛ (٩٢٠) هەولێر، (٧٠٦) سلێمانی، (٤٩٠) دهۆك، (٣٠) ‌هەڵەبجە، (١٢١) گەرمیان.
كۆی گشتی ئەو پشكنینانەی كە ئەنجام دراوە لە سەرەتای سەرهەڵدانی ڤایرۆسی كۆڕۆنا (١٠٦٠٣١)

3. دەرەنجامی ٢٤ كاتژمێری ڕابردوو: (٧) گیان لەدەستدان، (١٦٦) تووشبووی نوێ تۆمار كرا بەم شێوەیەی خوارەوە:

• پارێزگای هەولێر (١) گیان لەدەستدان، (٣٢) تووشبوو: لە گەڕەكەكانی (كوردستان، ئاری، زانكۆ، ٩٤ی باداوە، هەولێری نوێ، ٥ی حەسارۆك)، قەزای شەقلاوە، قەزای چۆمان، قەزای سۆران، ناحیەی خەلیفان.

• پارێزگای سلێمانی (٦) گیان لەدەستدان، (١٢٧) تووشبوو بەم شێوەیە:

ناو شاری سلێمانی (٦) گیان لەدەستدان و (١٠٠) تووشبوو: دانیشتووی ناو شاری سلێمانی، قەزای پێنجوێن، قەزای دەربەندیخان، پیرەمەگرون، (٥) تووشبووی نوێ گیانیان لەدەستدا و تووشبووێك كە پێشتر لە نەخۆشخانە خەوێندرابوو گیانی لەدەستدا.

دەڤەری گەرمیان (٢٢) تووشبوو: دانیشتووی قەزای كەلار گەڕەكەكانی(سیروان، شۆڕش، شەهیدان، كلاری نوێ، حمرین، ئازادی، بەردەسوور، سەركەوتن، فەرمانبەران، بنگرد).

• پارێزگای دهۆك (٢) تووشبوو: لە كەرەنتینی قەزای ئاكرێ بوون.

• پارێزگای هەڵەبجە (٥) تووشبوو: دانیشتووی هەڵەبجە و قەزای پێنجوێن.

4. ئاماری گشتی
كۆی گشتی تووشبووان بە ڤایرۆسی كۆڕۆنای نوێ COVID-19 لە هەرێمی كوردستان (٢٤٧٣) تووشبوو، لەنێویاندا (٥٤) مردن هەیە و (١٠٣٦) نەخۆش چاكبووەتەوە، وە ئێستا (١٣٨٣) نەخۆش لەژێر چاودێری پزیشكی دان.

وێڕای دەستخۆشی بۆ پزیشكان و كارمەندانی تەندروستی و هەموو تیمەكانی پزیشكی كە لە ئەركدان، جارێكی داوا دەكەین هاووڵاتیان پابەندبن بە ڕێنماییەكانی تەندروستی و دوركەوتنەوە لە شوێنی قەڵەبالغ و دانانی ماسك و دەستكێش، وە لەكاتی پێویستدا پەیوەندی بكەن بە هێڵی گەرمی ژمارە (١٢٢).

وەزارەتی تەندروستی
حكومەتی هەرێمی كوردستان
١٥ حوزەیران ٢٠٢٠

کوردستان

ئەم هەواڵە نوێدەكرێتەوە..
خۆپیشاندانی سەرتاسەری مامۆستایان دەستیپێكرد

سلێمانی ـ نزار جەزا

ئەمڕۆ شەممە لە یەكەم رۆژی دەستپێكردنی ساڵی نوێی خوێندن لە شاری سلێمانی مامۆستایان نەچوونە هۆڵەكانی خوێندن و خۆپیشاندانیان دەستپێكرد.

پەیامنێری (خەڵك) لە شوێنی خۆپیشاندانەكەدا وتی: خۆپیشاندەران لە پێش بەڕێوەبەرایەتی پەروەردەی رۆژئاوا كۆبوونەتەوە و خۆپیشاندانیان سازكردووە و خەڵكی دیكەشیان لەگەڵدایە.

ئاماژەی بەوەشكرد خۆپیشاندەران داوای خەرجكردنی موچەكانیان دەكەن كە ماوەی چەند مانگە پێیان نەدراوە لەگەڵ دابەشكردنی موچە مانگانە لە كاتی خۆیدا.

ناڕازییەکان کە مامۆستایان ڕابەرییان دەکەن لەبەردەم بەڕێوەبەرایەتی پەروەردەی ڕۆژئاوای سلێمانی گردبوونەتەوە و دروشمی جۆراوجۆر دەڵێنەوە.

بڕیارە پاش کەمێکی دیکە بەڕێپێوان بەڕێبکەون بۆ بەردەم بینای پارێزگای سلێمانی و لەوێ بەیاننامەی خۆیان بخوێننەوە و تێیدا کۆی داواکارییەکانیان دەخەنەڕوو و هەنگاوی دواتریان ئاشکرادەکەن.

هاوكات لە شاری كەلار و كۆیەش خۆپیشاندانی مامۆستایان دەستیپێكردووە و لەبەردەم بەڕێوەبەرایەتییەكانی پەروەردەی شارەكانیاندا كۆبوونەتەوە.

هاوكات بڕیارە لە شاری هەڵەبجە و رانیەش خۆپیشاندانی مامۆستایان بەڕێوەبچێت.
زانیاری نوێتر…

بەردەوام بە لە خوێندنەوە

کوردستان

راوێژكاری ئاسایشی نەتەوەیی عێراق گەیشتە هەولێر

خەڵك- بەشی هەواڵ

راوێژكاری ئاسایشی نەتەوەیی عێراق قاسم ئەعرەجی گەیشتە هەولێر بە سەرۆكایەتی شاندێكی ئەمنی.

سەرچاوەیەك بۆ الاخباریە وتی: ئەعرەجی لەگەڵ شاندێكی ئەمنی گەیشتووەتە هەولێر.

ناوبراو لەگەڵ بەرپرسە ئەمنییەكانی هەرێمی كوردستاندا كۆدەبێتەوە.

زانیاری زیاتر لەبارەی سەردانەكە بڵاونەكراوەتەوە، بەڵام هاوكاتە لەگەڵ هەڕەشە و هۆشدارییەكانی ئەمریكا بۆ عێراق لەسەر هێرشكردنەسەر بەرژەوەندییەكانی ئەمریكا لەلایەن ملیشیا چەكدارەكانەوە.

هاوكات نێچیرڤان بارزانی سەرۆكی هەرێمی كوردستان ئامادەیی هاوكاری و پشتیوانی بۆ دابینكردنی سەقامگیری و ئاسایش لە عێراق نیشانداوە.

بەردەوام بە لە خوێندنەوە

کوردستان

بەڕێوەبەری گشتی پەروەردەی سلێمانی پشتیوانی لە خۆپیشاندانی مامۆستایان دەكات

خەڵك-بەشی هەواڵ

 

بەڕێوەبەری گشتی پەروەردەی سلێمانی ڕایدەگەیەنێت، لەگەڵ كردنەوەی دەرگای خوێندنگەكان لە سنووری پارێزگای سلێمانی، هەوڵدەدەن خۆیان لەگەڵ ڤایرۆسی كۆرۆنا ڕابهێنن و بیكەنە بەشێك لە ژیانیان.

ئەمڕۆ یەك شەممە 27-9-2020 دڵشاد عومەر بەڕێوەبەری گشتی پەروەردەی سلێمانی، لە كۆنگرەیەكی ڕۆژنامەوانی و لە یەكێك لە خوێندنگەكانی سلێمانی دەستپێكردنی پڕۆسەی خوێندنی ساڵی 2020- 2021ی بۆ خوێندكارانی پۆلی 12ی ئامادەیی و قۆناغەكانی یەك و دووی بنەڕەتی ڕاگەیاند.

ناوبراو ئاشكرایكرد، ئەمڕۆ دەستدەكرێتەوە بە پڕۆسەی نوێی خوێندن بۆ خوێندكارانی پۆلی 12ی ئامادەیی و یەك و دوو بنەڕەتی و 10ی 10ش قۆناغەكانی تر دەستپێدەكەنەوە كە ماوەی 14 ڕۆژ بەردەستە، ئەگەر سەركەوتوو بن دەتوانن قۆناغەكانی تریش بهێننەوە بۆ ناو خوێندنگەكان.

ئاماژەی بۆ ئەوەش كرد، دەبێت ڤایرۆسی كۆرۆنا بكەین بە بەشێك لە ژیانمان و ژیان ئاسایی بكەینەوە، كارو كەسابەت باش بێت، ڕەوشی ئابووری وڵات باش بێت ئاشتەوایی بەدوادادێت.

بەڕوەبەری پەروەردە پشتیوانی خۆشی بۆ ئەو مامۆستایانە دەربڕی كە ئەمرشۆ خۆپیشاندان دەكەن و وتیشی”هەوڵ دەدەین هەموو مافەكانتان بۆ جێبەجێ بكرێت و ئێمەش بەشێكین لە ئێوە، چونكە پاشەكەوت و لێبڕین ئێمەشی گرتووەتەوە”..

بەردەوام بە لە خوێندنەوە

کوردستان