ئێمە لە تۆرە کۆمەڵایەتیەکان

کوردستان

بارودۆخی هەرێم ڕۆژ بە ڕۆژ بەرەو خراپتر دەڕوات
عەبدولستار مەجید؛ خەڵكی لە برسێتیدا بوونەتە سیخور بەسەر خۆیەوە

خەڵك – بەشی هەواڵ

سەرۆكی فراكسیۆنی كۆمەڵی ئیسلامی لە پەڕلەمانی كوردستان ڕایدەگەیەنێت، بەداخەوە بارودۆخی باشوری كوردستان بەگشتی ڕۆژ بە ڕۆژ بەرەو خراپتر دەڕوات و هیچ كەس و حكومەت و لایەنێكیش خۆی بە خاوەنی ئەو خەڵك و خاكە نازانێت، دەشڵێت،”بەهۆی خراپی گوزەران و قورسی ژیان و برسێتی و بێكارییەوە دەكاتە سیخوڕ بەسەر میللەتەكەی خۆیەوە”.

عەبدولستار مەجید، سەرۆكی فراكسیۆنی كۆمەڵی ئیسلامی لە پەڕلەمانی كوردستان لە ڕاگەیەنراوێكدا بڵاویكردۆتەوە و ڕایگەیاندووە، كارەساتی گەورە ئەوەیە بەرپرسێكی هەواڵگری یەكێك لەو وڵاتانەی دراوسێ دەڵێت لە سلێمانی و هەولێر و دهۆك بنكەی زۆرمان هەیە و خەڵكێكیش بەردەوام هەواڵمان پێدەدات.

دەشڵێت،” بەداخەوە بارودۆخی باشوری كوردستان بەگشتی ڕۆژ بە ڕۆژ بەرەو خراپتر دەڕوات و هیچ كەس و حكومەت و لایەنێكیش خۆی بە خاوەنی ئەو خەڵك و خاكە نازانێت و وا خەریكە لە نێوان ئاگری دەستدرێژی وڵاتانی دراوسێ و هێرشی تاقمە چەكدارەكانی داعشدا دەسوتێت “.

ڕاشیگەیاندووە، كارەساتی گەورە ئەوەیە، كە ئەمڕۆ بەرپرسێكی هەواڵگری یەكێك لەو وڵاتانەی دراوسێ دەڵێت لە سلێمانی و هەولێر و دهۆك بنكەی زۆرمان هەیە و خەڵكێكیش بەردەوام هەواڵمان پێدەدات.

ئاماژەی بۆ ئەوەشكردووە، هەرێمی كوردستان خەریكە دەبێتە میدانی تەراتێنی دەزگا هەواڵگرییەكان و خەڵكێكیش بەهۆی خراپی گوزەران و قورسی ژیان و برسێتی و بێكارییەوە دەكاتە سیخوڕ بەسەر میللەتەكەی خۆیەوە.

دەقی ڕاگەیەنراوەكە :

کارەساتی گەورە ئەوەیە بەرپرسێکی هەواڵگری یەکێک لەو وڵاتانەی دراوسێ دەڵێت لە سلێمانی و هەولێر و دهۆک بنکەی زۆرمان هەیە و خەڵکێکیش بەردەوام هەواڵمان پێدەدات بەداخەوە بارودۆخی باشوری کوردستان بەگشتی ڕۆژ بە ڕۆژ بەرەو خراپتر دەڕوات و هیچ کەس و حکومەت و لایەنێکیش خۆی بە خاوەنی ئەو خەڵک و خاکە نازانێت و وا خەریکە لە نێوان ئاگری دەستدرێژی وڵاتانی دراوسێ و هێرشی تاقمە چەکدارەکانی داعشدا دەسوتێ !
کارەساتی گەورە ئەوەیە کە ئەمڕۆ بەرپرسێکی هەواڵگری یەکێک لەو وڵاتانەی دراوسێ دەڵێت لە سلێمانی و هەولێر و دهۆک بنکەی زۆرمان هەیە و خەڵکێکیش بەردەوام هەواڵمان پێدەدات !
ئەمە ئاماژەیەکی خەتەرناکە و هەرێمی کوردستان دەکاتە میدانی تەراتێنی دەزگا هەواڵگرییەکان و خەڵکێکیش بەهۆی خراپی گوزەران و قورسی ژیان و برسێتی و بێکارییەوە دەکاتە سیخوڕ بەسەر میللەتەکەی خۆیەوە .
بۆیە ئەمە پێشهاتێکی تا بڵێی خەتەرناکە و ئەگەر هەرچی زووە هەولێر و بەغدا بەری پێ نەگرن، لە نزیکترین داهاتوودا شتێک بەناوی سنور و سەروەری و قەوارەی دەستوریی و ئەو شتانە بوونی نامێنێ و میللەتەکەمان لە ژێر ئاگری کۆپتەری بێگانە و تەاتێن و شەڕە قۆچی سیخوڕ و دەزگا هەواڵگرییەکاندا دەبنە سوتماکی شەڕێک کە نە ئاگای لێیەتی نە دەستی تیایەتی !
هاوکات زیادبوونی جموجوڵی چەکدارانی داعش و پەلاماردنی چەند گوندێکی کاکەییەکان لە ڕۆژانی ڕابردوودا سەرەتایەکی خەتەرناک و ئاماژەی بوونی بۆشاییەکی گەورەی ئەمنی و سەربازییە و خەتاکەشی بەتەنها لەسەرشانی حکومەتی عێراق نیە و حکومەتی هەرێمی کوردستانیش پشکی لەم پێشهاتەدا هەیە و بەهۆی ململانێی حزبیی و بێهێزکردنی دامەزراوە سەربازییەکان و کردنیان بە موڵک و ماڵی حزب، مەترسیی جدی لەسەر ئەو ناوچە کوردستانییانە دروست بووە !.
عەبدولستار مەجید – سەرۆکی فراکسیۆنی کۆمەڵی ئیسلامی

کوردستان

وێنە.. خەڵك؛ زانیاری نوێ‌ لەبارەی بۆردوومانی فڕۆكە جەنگییەكانی توركیا لە دهۆك ئاشكرا دەكات

خەڵك – بەشی هەواڵ

فڕۆكە جەنگییەكانی توركیا لە سنووری پارێزگای دهۆك ئۆتۆمبێلێكیان كردە ئامانج و بەهۆیەوە چوار كەس شەهید بوون.

بەپێی زانیارییەكانی (تۆڕی میدیایی خەڵك)، ئەمشەو فڕۆكە جەنگییەكانی توركیا لە نزیك گوندی (ڕەشانكێ‌) كە تەنها 8 كیلۆمەتر لە سەنتەری پارێزگای دهۆك دوورە، ئۆتۆمبێلێكیان كردووەتە ئامانج، 4 سەرنشینی ئۆتۆمبێلەكە شەهید بوون.

بەوتەی دانیشتووانی ناوچەكە، ئۆتۆمبێلەكە مەدەنی بووە و 4 گەریلای پارتی كرێكارانی كوردستان (پەكەكە)ی تێدابووە و بەهۆی بۆردوومانەكە هەر چواریان دەستبەجێ‌ گیانیان لەدەستداوە.

بەردەوام بە لە خوێندنەوە

کوردستان

فڕۆكە جەنگییەكانی توركیا لە دهۆك ئۆتۆمبێلێكیان كردە ئامانج

خەڵك – بەشی هەواڵ

فڕۆكە جەنگییەكانی توركیا لە سنووری پارێزگای دهۆك ئۆتۆمبێلێكیان كردە ئامانج.

بەپێی زانیارییەكانی (تۆڕی میدیایی خەڵك)، كەمێك لەمەوبەر فڕۆكە جەنگییەكانی توركیا لە نزیك گوندی (ڕەشانكێ‌) كە تەنها 8 كیلۆمەتر لە سەنتەری پارێزگای دهۆك دوورە، ئۆتۆمبێلێكیان كردووەتە ئامانج، بەڵام تا ئێستا زیانەكانی ئەو بۆردوومانە نەزانراوە.

بەردەوام بە لە خوێندنەوە

کوردستان

بەڕێوەبەری نەخۆشخانەی جمهوری سلێمانی: كۆرۆنا ژیان ناوەستێنێ‌
بڕیارێك لە بەرژەوەندی نەخۆشانی (ڕۆماتیزمەی درێژخایەن) ڕادەگەیەنێت

خەڵك – بەشی هەواڵ

بەڕێوەبەری نەخۆشخانەی جمهوری سلێمانی ڕایدەگەیەنێت: لە سەرەتای هەفتەی داهاتووەوە بەشی فریاكەوتنی هەناوی جمهوری تەرخان دەكرێت بۆ پێدانی (دەرزی مانگانەی ڕۆماتیزمە) بۆ نەخۆشانی (ڕۆماتیزمەی درێژخایەن).

د.داهات حەوێزی بەڕێوەبەری نەخۆشخانەی جمهوری سلێمانی لە هەژماری تایبەتی خۆی لە تۆڕی كۆمەڵایەتی فەیسبوك بڵاویكردەوە: كۆڕۆنا ژیان ناوەستێنێ، سەرەڕای تووشبوونی زۆر لە پزیشكان و كارمەندان و وەرنەگرتنی مووچەكانیان، بەڵام لەپێناو زیاتر خزمەتكردنی هاووڵاتیانی شاری سلێمانی و دەوروبەری كە نەخۆشی (ڕۆماتیزمەی درێژخایەن)یان هەیە بڕیارماندا لە سەرەتای هەفتەی داهاتووەوە بەشی فریاكەوتنی هەناوی جمهوری تەرخان بكەین بۆ پێدانی (دەرزی مانگانەی ڕۆماتیزمە)، بەهیوای كەمكردنەوەی ئێش و ئازارەكانیان.

دەقی نووسینەكە:

كۆڕۆنا ژیان ناوەستێنێ:
سەرەڕای تووشبونی زۆر لە پزیشكان و كارمەندان و وەرنەگرتنی مووچەكانیان، بەڵام لەپێناو زیاتر خزمەتكردنی هاوڵاتیانی شاری سلێمانی و دەوروبەری كە نەخۆشی (ڕۆماتیزمەی درێژخایەنیان) هەیە بڕیارمان دا لە سەرەتای هەفتەی داهاتووەوە بەشی فریاكەوتنی هەناوی جمهوری تەرخان بكەین بۆ پێدانی (دەرزی مانگانەی ڕۆماتیزمە)، بەهیوای كەمكردنەوەی ئێش و ئازارەكانیان.
سوپاس بۆ كارمەندو پزیشكە دڵسۆزەكان.

“بەهیوای لەشساغی بۆ گشت لایەك”

د.داهات حەوێزی

بەڕێوەبەری نەخۆشخانەی جمهوری سلێمانی

بەردەوام بە لە خوێندنەوە

کوردستان