ئێمە لە تۆرە کۆمەڵایەتیەکان

خۆشەویستی

بەر لەوەی داوای تەڵاق و جیابونەوە بکەیت، ئەم ٧ پرسیارە لە خۆت بکە


خێزان

بەپێی توێژینەوەکان توانای ژنان لە پاش تەڵاق و جیابونەوە بەڕێژەی ٧٣٪ و پیاوان بەڕێژەی ٤٣٪ دادەبەزێت، هەر بۆیە توێژەرانی دەروونی داوامان لێدەکەن پێش ئەوەی داوای جیابونەوە و تەڵاق لە هاوسەرەکەمان بکەین ئەم پرسیارانە لە خۆمان بکەین؟

 

– ئایا من لە باشترین دۆخی توانایی خۆمدام؟

هەستەکەی کە تۆ لەم پەیوەندیەدا دەتوانیت بەتەواوەتی تواناکانی خۆت و وزەکانت بەکاربخەیت؟ هاوسەرەکەت لەوەدا پشتگیریت دەکات؟ یاخود بەپێچەوانەوە هاوسەرەکەت ڕێگریەکی گەورەیە لەبەردەمت بۆ گەیشتن بە خواست و ئامانجەکانت؟

 

– پلانی هاوبەشمان هەیە؟

 

تۆ خەیاڵت لای منداڵە  و گەورەکردنیانە و هاوسەرەکەشت جاری هەر بیریشی لێناکاتەوە؟ ئەو دەیەوێت بچێت بۆ وڵاتێکی دیکە بژی و تۆش دەتەوێت لێرەبیت؟ پرسیاری ئەوە لە خۆت بکە کە ئایا ئێوە پلانی هاوبەشتان هەیە لە ژیان یان هەریەکەتان بە ئاراستەیەک دەڕۆن.

 

– قسەدەکەین بەیەکەوە؟

ئایا تۆ لەگەڵ هاوسەرەکت قسەکردن و گفتوگۆکردن هەیە لە نیوانتان ؟ یاخود تۆ لەژیانی ئەودا گرنگیت نییە و کەسێکی پلە دوویت؟ ئەمە دەتوانێت ئاستی خۆتت لە پەیوەندیەکە بۆ دیاری بکات.

 

 

– ئایا زۆرترین کات خەمبارم یان دڵخۆش

ئاساییە لە پەیوەندیدا ناخۆشی و خەفەت هەبێت، بەڵام دەبێت لەخۆت بپرسیت کە زۆرترین کات ژیانی تۆ کامەیانە و لەسەر ئەو بنەمایە بڕیار بدەیت، نەک ئەوەی تەنها ناخۆشیەکانت لەبەرچاو بێت.

 

 

– ئایا چاوپۆشی لە هەڵەی یەک دەکەین؟

 

لەژیانی ژن و مێرددا ئاساییە کە هەڵە ڕووبدات، بەڵام دەبێت ئەو پرسیارە لە خۆت بکەیت کە ئایا ئێوە چاوپۆشی لەهەڵەیی یەکدی دەکەن یاخود هەموو شتێک بۆ یەکدی هەڵدەگرن ە دەیدەنەوە بەڕووی یەکتردا.

 

– بۆچی دەتەوێت لەو کەسە دوور بکەویتەوە؟

 

ئایا ئەو کێشانەی هەتانە چارەسەری نییە؟ گەر جیابویتەوە لەگەڵ کەسێکی دیکەشدا هەمان کێشەو نابێتەوە؟

 

 

– ژیانم باشتر دەبێت پاش تەڵاق؟

تۆ دڵنیایت لەوەی کە گەر جیابویتەوە پاش ماوەیەک پەشیمان نابیتەوە؟ ئایا ژیانت لەپاش جیابونەوەکە لە رووی ماددی و مەعنەوەیەوە باشتر دەبێت یان خراپتر؟

 

 

لە دەرئەنجامی وەڵامی یەم پرسیارانە دەتوانیت دوا بڕیاری خۆت بدەیت، نەک بە شێوازێکی هەڵە و پەلە.

ریکلام

خۆشەویستی

بەچیرۆکێکی سادە، جیاوازیەکەی گەورەی نێوان مێشکی ژن و پیاو ببینە


خێزان
بۆ ئه‌وه‌ی له‌ جیاوازی سه‌ره‌كی له‌ نێوان ژن و پیاودا تێبگه‌یت ئه‌م چیرۆكه‌ی خواره‌وه‌ بخوێنه‌ره‌وه‌ كه‌ پزیشكێكی ده‌رونی بواری خێزان گێڕاویه‌تیه‌وه‌:

  مێشكی ژن:


ئه‌مڕۆ هه‌ستمكرد هاوسه‌ره‌كه‌م به‌ نائاسایی مامه‌ڵه‌ ده‌كات، ئێواره‌ وه‌ك ئه‌وه‌ی بڕیاربوو چوینه‌ ئه‌و ڕیستۆرانته‌ی كه‌ هه‌ردوكمان حه‌زی پێده‌كه‌ین و نانمان خوارد، به‌هۆی ئه‌وه‌ی له‌گه‌ڵ كچه‌كه‌م له‌ بازاڕ بوین كه‌مێك دره‌نگتر له‌ كاتی دیاریكراو گه‌شتمه‌ ڕیستۆرانته‌كه‌، به‌ڵام كه‌چومه‌ ئه‌وێ وه‌ك جاران قسه‌ی له‌گه‌ڵنه‌ده‌كردم و هه‌ستمكرد شتێك بێزاری كردووه‌، سه‌ره‌تا وامزانی ئه‌و به‌هۆی دواكه‌وتنه‌كه‌م بێزار بووه‌، به‌ڵام دواتر بۆم ده‌ركه‌وت  كێشه‌كه‌ زۆر له‌وه‌ قوڵتره‌، دواتر بۆ ئه‌وه‌ی بواری قسه‌كردن باشتر بێت داواملێكرد بچینه‌ كافتریایه‌كی هێمنه‌وه‌، ته‌ماشای چاوه‌كانیمكرد و لێمپرسی ئه‌وه‌ چی بووه‌؟ به‌ڵام ئه‌و گوتی هیچ نییه‌، هه‌ستمكرد به‌ ته‌واوی هه‌سته‌كانی من پشتگوێ ده‌خات.

له‌ گه‌ڕانه‌وه‌دا پێم وت “خۆشم ده‌وێیت” ئه‌و ته‌نها زه‌رده‌خه‌نه‌یه‌كی بۆكردم و سه‌رقاڵی لێخوڕینی ئۆتۆمبێله‌كه‌ی بوو، ئێستا به‌ڕاستی نازانم چی ڕویداوه‌، بۆچی ئه‌ویش پێی نه‌وتمه‌وه‌ خۆشی ده‌وێم؟ كه‌ چوشینه‌وه‌ ماڵه‌وه‌ ئه‌و وا مامه‌ڵه‌ی ده‌كرد كه‌ من هه‌ر له‌ ماڵه‌كه‌دا نیم، ته‌نها ته‌ماشای ته‌له‌فیزۆنه‌كه‌ی ده‌كرد مێشكی مه‌شغوڵ بوو، بۆیه‌ منیش په‌ستبوم بڕیارمدا بچم بخه‌وم، پێم وت شه‌و شاد.

پاش 15 خوله‌ك هاته‌ نێو جێگه‌كه‌و به‌ چه‌ند خوله‌كێك خه‌وی لێكه‌وت، ئه‌و شه‌وه‌ من خه‌وم لێنه‌كه‌وت و بیرم له‌وه‌ده‌كرده‌وه‌ كه‌ ده‌بێت چی ڕویدابێت؟ ئه‌و بۆ وامامه‌ڵه‌ ده‌كات؟ من واسته‌ده‌كه‌م ئیدی له‌ده‌ستی ده‌ده‌م! هاوسه‌رگیریه‌كه‌مان كۆتای پێهات، ئه‌و ئێستا ده‌یه‌وێت لێم جیاببێته‌وه‌، چۆن ژیانم لێتێك چوو!

 

مێشكی پیاو:

ئه‌مڕۆ مه‌كینه‌ی ئۆتۆمبێله‌كه‌م ده‌نگێكی تێدابوو؟ ده‌بێت چی بێت؟ زۆر بیرم لێكرده‌وه‌ نه‌گه‌یشتمه‌ ده‌رئه‌نجامێك، ده‌بێت سبه‌ینێ بیبه‌م بۆ لای فیته‌ر.

بەردەوام بە لە خوێندنەوە

خۆشەویستی

6 تایبەتمەندی گەر لە هەرکوڕێکدا هەبوو، شووی پێبکەیت زەرەر ناکەیت


خێزان

ئەمەی خوارەوە کۆمەڵێک تایبەتمەندی باشە کە گەر لە کوڕێکدا دۆزیتەوە، دەتوانیت هاوسەرگیری لەگەڵ بکەیت و بەختەوەر دەبیت لەگەڵیدا:



– زیرەک

پیاوی زیرەک دەتوانێت ژیانێکی بەختەوەرت بۆ دابین بکات و لە پیاوی دەوڵەمەند باشترە.

 

– شێوەی جەستە

مەرج نییە شێوەی جەستە وەک مۆدێلەکان بێت، چونکە شێوەی جەستە دەگۆڕێت بۆیە بەوە تێمەکەوە و کەسی ئاسایی هەڵبژێرە.

 

– کەسێکی گاڵتەجار

بەڵام بەو مەرجەی ئەو کەسەی دەیخاتە پێکەنین تۆ بیت نەک هەموان.

 

 

– کار

گرنگە کە پشتگیرت بێت لە کارەکەت و ڕێگەی بەرەوپێشچونت لێنەگرێت.

 

 

– پارە

پارە نەکاتە پێوەری هەموو شتەکان و هەموو ژیانی لێنەبێتە کارکردن.

 

– پێکەوەژیان

گرنگە کە کاتێک بڕیار دەدەن پێکەوە لەژێر سەقفێک کۆببنەوە، لە ڕووی تەمەن و ئاستی بژێووی و ژیانەوە بۆیەک گونجاو بن.

بەردەوام بە لە خوێندنەوە

خۆشەویستی

چەند ئاماژەیەکی زانستی هەر لەمسەرەوە پێت دەڵێت پەیوەندیەکەتان چەندێک درێژەی دەبێت


خێزان

زۆرێکمان کاتێک پەیوەندی خۆشەیوستی لەگەڵ یەک دروستدەکەین، بەو ئامانجەیە کە بۆ هەتا هەتایە بەیەکەوەبین، بەڵام وەک لەو کوردەواریدا دەڵێت مانگەشەو سەر لە ئێوارە دیارە، ئەمەی خوارەوە کۆمەڵێک نیشانەیە کە لە لاینە دکتۆری سایکۆلۆژی Gleb Tsipursky داندراوە و  دەری دەخات پەیوەندیەکە چەندێک درێژە دەکێشیت:

 

– مامەڵە لە کاتی لێقەوماندا

-هەموومان تۆشی دۆخی ناخۆش دەبینەوە، بەڵام هەڵنەچونمان لەیەکدی و مانەوەمان بە هێمنی لەو کاتانەدا نیشانەیە بۆ ئەوەی دەتوانین لەگەڵ یەک بۆ ماوەی زۆر بمێنینەوە.

 

– شێوازی بیرکردنەوە

-جۆری بیرکردنەوە لە بەرامبەرەکەت و حساب بۆکردن هەر لەسەرەتاوە رەنگدەداتەوە و دەردەکەوێت.

 

– بەیەکەوەبوون

-گەر لەسەرەتا بەردەوام بەیەکەوە بن و لێک نەبنەوە، دواتر شتەکان دەبن بەڕۆتین و تاقەتان دەچێت، هەر بۆیە گرنگە هەمیشە بۆشاییەک بهێڵنەوە کە تێیدا ئارەزوە تایبەتیەکانی خۆتان جێبەجێ بکەن.

 

– هاوڕێ

-ئەو پەیوەندیانەی لە هاوڕێکانت دادەبڕێت ماوەیەک بڕدەکات و دواتر لە پردا دەتەقێتەوە، بۆیە گرنگە کە هەردوو لا نەبنە ڕێگر لەبەردەم ئەوەدا.

 

– سەرکەوتنەکان

-بەغیلی نەبردن بەیەک لەسەر سەرکەوتنەکان و دەستخۆشی لەیەک کردن و پشتگیری بنەمایەکەی گرنگە بۆ بەردەوامی پەیوەندی.

 

بەردەوام بە لە خوێندنەوە

کوردستان