ئێمە لە تۆرە کۆمەڵایەتیەکان

کوردستان

نووسەرێكی نزیك لە نێچیرڤان بارزانی: ئەم حكومەتە دەستلەكار بكێشێتەوە

خەڵك- بەشی هەواڵ
نووسەر و ڕۆژنامەنووسی نزیك لە نێچیرڤان بارزانی، سەرۆكی هەرێمی كوردستان داوا لە حكومەتی ئێستای هەرێم دەكات، دان بە شكستی خۆیدا بنێت و دەستلەكار بكێشێتەوە و دەشڵێت: “سەرۆكی حكومەتیش دێت و دەڕوات. سلێمانیتان كردە ووھان”.

ڕێبوار كەریم وەلی، كە بە نووسەری نزیك ناسراوە لە نێچیرڤان بارزانی لە هەژماری خۆی لە فەیسبووك نووسیویەتی، “مەسەلەكە شەخسی نییە، جێگری سەرۆكی حكومەتیش لە فۆڕمدا نییە. ئیشی ئەوەیە بینێرنە بەغدا. كورد دەڵێ:”بۆخۆت ناوێری، ئەمن دەنێری.” بەس نەك بۆ ماڵەوە! وەزیرەكان دەڵێی بێگاریان پێ دەكەی! سەرۆكی حكومەتیش دێت و دەڕوات. سلێمانیتان كردە ووھان”.

ئاماژەی بەوەشكردووە، “تورك قسەیەكی جوانیان ھەیە: (حیساب و كتابی ماڵەوە بۆ بازاڕ نایخوات!) نەیخوارد…ئۆباڵی شكستی تاقمێكی سەركێش بە مێژووی پارتییەوە گرێ مەدەن. ھەموو كەس دەزانێ ئەو بەزمەی ئێستا پارتیی تێدا بەكار دێت”.

دەشڵێت: “لە كوردستان حكومەت نەگۆڕاوە، رژێم گۆڕاوە. بە فارسی دەڵێن مسخ بووە، واتا “بەد گۆڕان”وەكو خودی گۆڕان! بۆیە كە ئینقیلابت كرد، چاوەڕێی ئینقلابیش بكە”.

جەختیشی كردۆتەوە، قەت پارتیم وا دەستەوستان نەدیوە؛ دەستێك دوو دەستەكەی دیكەی كەلەپچە كردووە، خۆزگە بەس معاش بوایە. ملیۆنێك لە مووچەخۆرت ئەگەر باوەڕیان پێت بوایە لێت خۆش دەبوون، لە قەرزی ڕابردووت و لە ئێستات. كەواتا بۆ پارە دەنگیان پێداوی. تێدەگەی؟

ئەو نووسەرە ئەوەشی خستۆتەڕوو، ئەم حكومەتە گەورەییەك بۆ خۆی تۆمار دەكات ئەگەر دەست لەكار بكێشێتەوە. ھەڵبژاردنێكی دیكەی شەفاف بكرێت، بەمەرجێك سەرۆكی ھەرێمیش ڕاستەوخۆ لە لایەن خەڵكەوە ھەڵبژێردرێت ، ئەگەرنا! دڵنیا بن، ئەگەر پارتی حوكمڕانیی ھەولێر و دھۆكی بۆ خۆی تاپۆ كردبێت و یەكێتیش موعارەزە بوونی سلێمانی و گەرمیان، ئەوا ھەردووكیان لە دەستیان دەردەچێ. ئەوەی ئەمجارە دێتە سەر جادە، حزبی بێ ئابڕوو نییە، خەڵكە.

کوردستان

یاسین مەحمود ڕەشید بروسكەیەكی ماتەمینی ئاڕاستەی سیداد بارزانی دەكات

خەڵك – بەشی هەواڵ

یاسین مەحمود ڕەشید سەرۆكی یەكێتی وەبەرهێنەرانی كوردستان – سلێمانی بروسكەیەكی ماتەمینی ئاڕاستەی سیداد بارزانی دەكات، بەبۆنەی كۆچی دوایی هاوژینی (عەبدولموهەیمین شێخ سولەیمان) ئامۆزایان.

 

دەقی بروسكەكە:

 

بەناوی خوای مەزن و دلۆڤان

بروسكەی ماتەمینی

بەرێز؛ جەنابی كاك سیداد بارزانی

لەدەستدانی ئەندامێكی دیار و تێكۆشەری بنەماڵەسەربەرزەكەتان هاوژینی بەڕێز (عەبدولموهەیمین شێخ سولەیمان)ی ئامۆزاتان، لە دڵەوە خەمباری كردووین، پرسەو سەرەخۆشی خۆمانتان ئاڕاستە دەكەین، لە یەزدانی گەورەو باڵادەست خوازیار و دوعاخوازین، كۆچكردوو جێی بەهەشت بێ و تەمەنی درێژی بۆ جەنابتان جێهێشتبێت.

جارێكی دیكە سەرخۆشی خۆم و سەرجەم وەبەرهێنەرانی كوردستان بە تایبەت ئاڕاستەی جەنابی سەرۆك مەسعود بارزانی دەكەین و هیواخوازی لەشساخی و تەمەن دڕێژین بۆ بەرێزیان و دوا ناخۆشی بنەماڵەكەتان بێت.

انا للە و انا الیە راجعون

براتان

یاسین مەحمود ڕەشید
سەرۆكی یەكێتی وەبەرهێنەرانی كوردستان – سلێمانی

بەردەوام بە لە خوێندنەوە

ئابوری

“بەشێكی زۆری هاووڵاتیان لە نەوتی سپی بێبەش دەبن”

خەڵك – بەشی هەواڵ

ئەندامێكی لیژنەی وزە و سامانە سروشتییەكانی پەرلەمانی كوردستان ڕایدەگەیەنێت: بەشێكی زۆری هاووڵاتیان لە نەوتی سپی بێبەش دەبن.

كاروان گەزنەیی ئەندامی لیژنەی وزە و سامانە سروشتییەكانی پەرلەمانی كوردستان ڕایگەیاند، ئەمساڵیش بەهەمانشێوەی ساڵانی ڕابردوو هاووڵاتیان لە نەوتی سپی بێبەش دەبن، لەكاتێكدا حەوت مانگ لەمەوبەر كێشەكە بە 15 ملیۆن دۆلار چارەسەر دەبوو.

جێی ئاماژەیە، لەلایەن حكومەتی عیراقەوە بڕی 150 ملیۆن لیتر نەوتی سپی بۆ هاووڵاتیانی هەرێم دیاری كراوە و ڕۆژانە ڕەوانەی شارەكانی هەرێم دەكرێت و لە ئێستاشدا لە پارێزگای سلێمانی و ناوچە ساردەكانی دهۆك دەست بە دابەشكردن كراوە، بەڵام دابەشكردنەكە لەو شوێنانە دەستی پێكردووە كە ساڵی پار دابەش كردن تێیدا وەستابوو بەمەش ئەمساڵ بەشێكی زۆر لەو هاووڵاتیيانەی كە پار نەوتیان وەرگرتووە بێبەش دەبن لەوەرگرتنی ئەو بڕە نەوتە.

بەردەوام بە لە خوێندنەوە

کوردستان

لوتكە: 10 كۆچبەری كورد ئەشكەنجە دراون

خەڵك – بەشی هەواڵ

دەزگای لوتكە بۆ كاروباری ئاوارە و پەنابەران ڕایدەگەیەنێت، لەلایەن پۆلیسی كراوتیاوە، 10 كۆچبەری كورد ڕووبەڕووی لێدان و ئەشكەنجە بوونەتەوە و سەگیش بەردراوەتە یەكێك لەكۆچبەرە ژنەكان.

دەزگای لوتكە بۆ كاروباری ئاوارە و پەنابەران لە ڕاگەیەنراوێكدا ڕایگەیاند، 10 كۆچبەری كورد كە چەند جارێك هەوڵی گەیشتنیان داوە بۆ ئەڵمانیا، لەلایەن پۆلیسی كرواتیاوە ڕووبەڕووی لێدان و ئەشكەنجە بوونەتەوە و سەگی پۆلیسیش بەرداوەتە گیانی ژنێك، كەلوپەل و مۆبایل و پارەكانیان لێسەندوون لەپێناو تۆمارنەكردنی هیچ بەڵگەیەك لەلایەن كۆچبەرەكانەوە.

بەپێی ڕاگەیەنراوەكەی دەزگای لوتكە، یەكێك لە كۆچبەرەكان ڕایگەیاندووە، لە بۆسنەی پایتەخت نیشتەجێن و لەسەر ئەركی خۆیان نان و شوێنی مانەوە دابیندەكەن، بەهۆی وەرزی سەرماوە تەندروستی زۆرینەیان ناجێگیرە، ناشزانن بردراون بۆ چ زیندانێك بەڵام لەوێ ئەشكەنجەیان داون و لە درەنگانی شەودا لە چیایەكی بۆسنە بەجێیانهێشتوون، هەموو جارێكیش هەشت كاتژمێر بەبێ هیچ ئامێرێكی زیرەك بەپێ ڕۆیشتوون.

باسی لەوەشكردووە، ئەوان 10 كەسن كە لە نێویاندا ئافرەتێك و منداڵێكیان لەگەڵدایە و تەمەنیان لە نێوان 16-45 ساڵانە، بەشێكیان نەخۆشی درێژخایەنیان لەگەڵدایە، لەلایەن پۆلیسی كرواتیاشەوە، پەنجەمۆر و واژۆ بە كۆچبەرەكان دەكەن سەرەڕای ئەوەش دواتر دیپۆرتی بۆسنەیان دەكەنەوە.

دەزگای لوتكە بۆ كاروباری ئاوارە و پەنابەران ئاماژەی بەوەشكردووە، پەنابەرەكان داوا دەكەن دەنگیان بگاتە لایەنی پەیوەندیدار، لەپێناو دەركەوتنی ڕەفتارەكانی پۆلیسی كرواتیا.

بەردەوام بە لە خوێندنەوە

کوردستان