ئێمە لە تۆرە کۆمەڵایەتیەکان

جیهان

ئێران داوای تۆكمەتركردنی پەیوەندییەكانی لەگەڵ ڕوسیا دەكات

خەڵك-بەشی هەواڵ

سەرۆك كۆماری ئێران ڕایدەگەیەنێت، ئێران و فیدراسیۆنی ڕوسیا لەپێناو ئاسایشی ناوچەكە، بەرپرسایەتی و بەرژەوەندی هاوبەشیان هەیە و لەو پێناوە دانوستانی بەردەوام لە نێوان هەردوو وڵات لە ئاستی جۆراوجۆر لە ئارادایە كە پێویستە درێژەی هەبێت.

میدیای فەڕمی ئێران بڵاویكردەوە، حەسەن ڕۆحانی سەرۆك كۆماری ئێران لە پەیامێك دا بۆ ڤلادیمیر پۆتین وێرای پیرۆزبایی ڕۆژی نیشتمانی فیدراسیۆنی ڕوسیا، ڕایگەیاند، لە ماوەی ساڵانی ڕابردوودا پەیوەندییەكانی هەر دوو وڵات لە پێناو دۆستایەتی و بەرژەوەندی هاوبەش، گەشەی سەندووە و تۆكمەتر بووە.
وتیشی”دڵنیام بە پشت‌بەستن بە ئەزموونی بایەخداری ڕابردوو، پەیوەندییەكانی نێوانمان زیاتر لە جاران لەپێناو بەرژەوەندییەكان و بەئامانجی بەرزكردنەوەی ئاسایشی دوو وڵات، پەرە دەستێنێت”.

ڕوونیشیكردەوە، كۆماری ئیسلامی ئێران و فیدراسیۆنی ڕوسیا لەپێناو تۆكمەتركردنی سەقامگیری و ئاسایشی ناوچەكە، بەرپرسایەتی و بەرژەوەندی هاوبەشیان هەیە و لەو پێناوەدا دانوستانی بەردەوام لە نێوان دوو وڵات لە ئاستی جۆراوجۆر لە ئارادایە كە پێویستە درێژەی هەبێت.

جیهان

لوبنان؛ ژمارەی كوژراوانی تەقینەوەكە گەیشتە 154 كەس

خەڵك – بەشی هەواڵ
ژمارەی كوژراوانی تەقینەوەكەی بەیروتی پایتەختی لوبنان بەزربووەوە و باری تەندروستی 120 برینداریش ناجێگیرە.

حەمەد حەسەن وەزیری تەندروستی لوبنان ڕایگەیاند بەپێی دوایین ئامار ژمارەی قوربانییانی تەقینەوەكەی بەندەری بەیروت بەرزبووەتەوە بۆ 154 كوژراو و پێنج هەزار بریندار.

ڕوونیشیكردەوە كە برینی زۆربەی برینداربووانی تەقینەوەكە، سەختە و رەوشی 120شیان ناجێگیرە.

ڕۆژی سێشەممەی ڕابردوو تەقینەوەیەكی بەهێز لە بەندەری بەیروت ڕووی دا كە جگە لە زیانێكی زۆری گیانی، زیانێكی زۆری ماددیشی لێكەوتەوە كە بە نزیكەی 15 ملیار دۆلار مەزەندە دەكرێت.

بەردەوام بە لە خوێندنەوە

جیهان

زیاتر لە 260 هەزار كەسی دیكە تووشی كۆرۆنا بوون

خەڵك – بەشی هەواڵ
ژمارەی تووشبووانی كۆرۆنا لە جیهاندا زۆر بە خێرایی بەرزدەبێتەوە و لە ماوەی كەمتر لە دوو ڕۆژیشدا زیاتر لە 260 هەزار كەسی دیكە تووشی پەتاكە بوون.

بە پێی نوێترین ئامار، تاوەكو بەیانی ئەمڕۆ هەینی ژمارەی تووشبووانی كۆرۆنا لە جیهاندا گەیشتووەتەوە 19 ملیۆن و 266 هەزار و 340 كەس.

ئەویش دوای ئەوەی شەوی چوار شەممە تووشبووانی پەتاكە لە جیهاندا گەیشتە 19 ملیۆن.

ئامارەكان دەریدەخەن كە 717 هەزار و 792 كەسیش بە هۆی كۆرۆناوە گیانیان لە دەست داوە و تا ئێستا 12 ملیۆن و 367 هەزاریش چاكبوونەتەوە.

بەردەوام بە لە خوێندنەوە

جیهان

پۆمپیۆ: نوێنەری تایبەتی ئەمریكا بۆ كاروباری ئێران دەستلەكاردەكێشێتەوە

خەڵك – بەشی هەواڵ

وەزیری دەرەوەی ئەمریكا ڕایدەگەیەنێت، نوێنەری تایبەتی وڵاتەكەی بۆ كاروباری ئێران بڕیاریداوە دەستلەكاربكێشێتەوە.

مایك پۆمپیۆ، وەزیری دەرەوەی ئەمریكا ڕایگەیاند، برایان هۆك، نوێنەری تایبەتی وڵاتەكەی بۆ كاروباری ئێران بەنیازە واز لە پۆستەكەی بهێنێت و ئیلیۆت ئەبرام، نوێنەری تایبەتی ئەمریكا بۆ كاروباری ڤەنزوێلا ئەركەكەی دەگرێتە ئەستۆ.

وەزیری دەرەوەی ئەمریكا هیچ ئاماژەیەكی بە هۆكاری وازهێنانەكەی برایان هۆك نەكردووە.

بڕیاری برایان هۆك بۆ وازهێنان لەكاتێكدایە كە ئەنجومەنی ئاسایشی نێودەوڵەتی ئامادەكاری دەكات بۆ ئەوەی هەفتەی داهاتوو دەنگ لەسەر پڕۆژە یاسایەكی ئەمریكا بدات بۆ درێژكردنەوەی گەمارۆی چەك لەسەر ئێران.

جێی ئاماژەیە، لە چوار ساڵی كاركردنی وەكو نێردەی تایبەتی ئەمریكا، برایان هۆك ببووە ڕووخساری سەپاندنی سزاكانی ئەمریكا بەسەر ئێراندا.

بەردەوام بە لە خوێندنەوە

کوردستان