ئێمە لە تۆرە کۆمەڵایەتیەکان

کوردستان

بەرپرسێكی ڕۆژئاوای كوردستان، داوای یەكڕیزی نێوان لایەن سیاسییەكان دەكات

خەڵك-بەشی هەواڵ

 

ئەندامێكی كۆمیتەی ناوەندیی حزبی دیموكراتی كوردی سوریا ڕایدەگەیەنێت، كوردەكانی سوریا بۆ پاراستنی دەستكەوتەكانیان پێویستیان بە یەكڕیزییە.

گەلۆ عیسا ئەندامی كۆمیتەی ناوەندیی حزبی دیموكراتی كوردی سووریا لە لێدوانێكی ڕۆژنامەوانیدا ڕایگەیاند، لەنێوان ئەنجومەنی نیشتمانی كورد و پارتی یەكێتی دیموكراتیك ناكۆكیی قووڵ هەیە بە چ شێوەیەك یەكگرتن لەنێوانیاندا دروست دەبێت.
وتیشی”لە خولی یەكەمی دانوستانەكاندا گفتوگۆیەك لەنێوانیاندا ئەنجام درا، ئەمە تەنها قۆناغی یەكەم بوو و هەندێك كێشە لەنێوانماندا بوو كە چارەسەر كران. بەڵام لە خولی دووەمدا گفتوگۆكان تەنها لەنێوان ئەم دوو حزبەدا نییە بەڵكو 25 حزب لە چوارچێوەی یەكێتیی نیشتمانیدا لەگەڵ ئەنجومەنی نیشمانی دانوستان دەكەن”.

ئاماژەی بۆ ئەوەش كرد، بۆ ئەوەی گەلی كورد لە سوریا بگەنە مافی خۆیان و ئەو دەستكەوتانەی لە ماوەی نۆ ساڵی ڕابردوودا لە باكوری سوریا بەدەستیان هێناوە بپارێزن دەبێت یەكگرتوو بن.

ڕوونیشیكردەوە، پێویستە كوردەكان بگەنە میكانیزمێكی هاوبەش تاكو لەگەڵ ئۆپۆزیسیۆن و حكومەتی ناوەندی لەسەر سوریایەكی لامەركەزی و فیدراڵ دانوستان بكەن، پێویستە لە سوریا دیموكراسیەت جێگیر بكرێت و شەڕ كۆتایی پێبێت و زیندانیە سیاسییەكان ئازادبن و پەنابەران بگەڕێنەوە بۆ وڵات.

سەبارەت بە دۆخی كورد لەنێوان بەربەرەكانێی ئەمریكا و ڕوسیا ناوبراو ڕایگەیاند، سوریا لە قەیرانێكی زۆر قووڵدایە، ئەمڕۆ هەم زلێزەكانی جیهان و هەم زلهێزەكانی ناوچەكە سەروەریی سوریایان پێشێل كردووە، هەندێكیان بەپێی دۆخی سیاسی و كۆمەڵایەتی داخڵی سوریا بوون و هەندێكیش بەشێوەی دەستدرێژی ئاشكرا دەستیان تێوەرداوە.

وتیشی”قەیرانەكەی سووریا سێ شێوازی ناوخۆیی و ناوچەیی و جیهانیی هەیە، پێویستە ئەمریكا و ڕوسیا لەسەر پڕۆژەیەكی هاوبەش لەبارەی داهاتووی سوریا ڕێكبكەون و بە گەڕانەوە بۆ بڕیاری 2254ی دانوستانەكانی جنێڤ و چالاككردنی دەستووری نوێی سوریا هەموو گرووپە جیاوازەكانی تێدا بەشدار بكەن”.

جەختی لەوەش كردەوە، زلهێزە جیهانییەكان هەریەكەو بەدوای بەرژەوەندیی خۆیاندا بۆ سوریا هاتوون.

کوردستان

دەربەندیخان.. لە ڕووداوێكی هاتوچۆدا هاووڵاتیەك گیانی لەدەستدا و ژمارەیەكی تریش برینداربوون

خەڵك – یەحیا حبیب

لێپرسراوی ڕاگەیاندنی نەخۆشخانەی گشتی شەهید ڕەئووف بەگ ڕایگەیاند، “كەمێك بەر لە ئێستا تەرمی هاووڵاتییەكیان گەیاندە نەخۆشخانەكەمان كە بە ڕووداوی هاتوچۆ گیانی لەدەستداوە و چەند كەسێكی تریش برینداربوون”.

كەمال ئەحمەد، لێپرسراوی ڕاگەیاندنی نەخۆشخانەی گشتی شەهید ڕەئووف بەگ لە لێدوانێكیدا بە (تۆڕی میدیایی خەڵك)ی ڕاگەیاند، “كەمێك پێش ئێستا تەرمی هاووڵاتییەكیان گەیاندە نەخۆشخانەكەمان كە لە ڕووداوێكی هاتووچۆدا گیانی لەدەست دابوو”.

لێپرسراوی ڕاگەیاندنی نەخۆشخانەی گشتی شەهید ڕەئووف وتیشی، “ئەو هاووڵاتییەی گیانی لەدەستداوە ناوی (ا، ح) و تەمەنی 25 ساڵە “، دەشڵێت، “چەند بریندارێكی تر هەبووە و ڕەوانەی نەخۆشخانەی گشتی دەربەندیخان كراون”.

بەپێی زانیارییەكانی (تۆڕی میدیایی خەڵك) لە ڕێگای سۆڵەوە لە كاتی هاتنەوەی خێزانێك لە سێوسێنان بەرەو دەڤەری شارەزوور تووشی ڕووداوێكی هاتوچۆ دەبن، بەهۆیەوە هاووڵاتییەك گیانی لە دەستداوە و چەند هاووڵاتییەكی تریش بریندار بوون.

بەردەوام بە لە خوێندنەوە

کوردستان

كەلار.. لە ڕووداوێكی هاتوچۆدا كەسێك برینداربوو

خەڵك – بەشی هەواڵ

ڕاگەیاندنی هاتوچۆی گەرمیان بڵاویكردەوە،لە ڕووداوێكی هاتوچۆدا كەسێك بریندار بووە.

هاتوچۆی گەرمیان لە ڕاگەیەنراوێكدا ڕایگەیاند ئێوارەی ئەمڕۆ، لەناوشاری كەلار ڕووداوێكی پێكدادان لەنێوان ئۆتۆمبێلێكی نەناسراو و ماتۆڕسكیلێك ڕوویدا، لە ئەنجامی ڕووداوەكە لێخوڕی ماتۆڕسكیلەكە بریندار بوو.

هاتوچۆی گەرمیان ئەوەشیخستەڕوو: بریندارەكە بۆ وەرگرتنی چارەسەری پێویست ڕەوانەی نەخۆشخانەی فریاكەوتنی شەهید هەژار كراوە.

هاتوچۆی گەرمیان ئاماژەی بەوەشداوە، لە دوای ڕووداوەكە شۆفێری ئۆتۆمبێلەكە هەڵهاتووە و لێكۆڵینەوە لەچۆنیەتی ڕووداوەكە لەلایەن تیمی هاتوچۆ دەستی پێكردووە.

بەردەوام بە لە خوێندنەوە

کوردستان

بە وێنە؛ تەرمی دوو كۆچبەری كورد دۆزرانەوە

خەڵك- بەشی هەواڵ
لە چەند ڕۆژی ڕابردوودا تەرمی دوو كۆچبەری كورد لە وڵاتەكانی توركیا و یۆنان بە هاوكاری دەزگای لوتكە دۆزرانەوە، كە لە دوو ڕووداوی جیاوازدا گیانیان لەدەست دابوو.

ئاری جەلال، سەرۆكی دەزگای لوتكە بۆ كاروباری ئاوارە و پەنابەران بۆ (خەڵك) ڕایگەیاند، كە لەلایەن كەسوكاری دوو كۆچبەری كوردەوە ئاگادار كراینەوە لە گیان لەدەستدانی كورەكانیان لە توركیا و یۆنان، بۆیە دەستبەجێ نوێنەرمان (كوردە یەشار) لە وڵاتی توركیا و (شێخ حسێن حەمەساڵح) لە وڵاتی یۆنان دەستیان بە گەڕان كرد بەشوێن تەرمی ئەو دوو قوربانییەدا.

وتیشی، “لەپاش دوو شەو و دوو ڕۆژ لە گەڕان و بەدواداچوون، تەرمی (سیوان ساڵح) لەلایەن نوێنەرمانەوە لە كەناراوەكانی دەریای ئیجە دۆزرایەوە و تەرمی (شكار محەمەد)یش لەلایەن نوێنەرمانەوە لە وڵاتی یۆنان لە نزیك شاری ساڵۆنیك لە جەنگەڵێكدا دۆزرایەوە”.

جەختیشی كردەوە، بڕیار وایە لە ئایندەیەكی نزیكدا ڕاپۆرتی پزیشكی تەرمەكان ڕادەستی كەسوكاریان بكرێتەوە و بگەڕێنرێنەوە زێدی خۆیان بۆ بەخاكسپاردنیان.

ئاری جەلال ئاشكراشی كرد، سیوان ساڵح گەنجێكی تەمەن ٣٠ ساڵانە و خەڵكی سەردەشتە، شكار محەمەد تەمەنی ٣١ ساڵە و خەڵكی قەڵادزێیە.

بەردەوام بە لە خوێندنەوە

کوردستان