ئێمە لە تۆرە کۆمەڵایەتیەکان

کوردستان

فڕۆكەخانەی نێودەوڵەتی سلێمانی ڕوونكردنەوەیەك بڵاودەكاتەوە

خەڵك – بەشی هەواڵ

فڕۆكەخانەی نێودەوڵەتی سلێمانی لە ڕاگەیەنراوێكدا ڕایدەگەیەنێت: وەك ئاشكرایە دوای تەشەنەكردنی ڤایرۆسی كۆرۆنا و بەمەبەستی كۆنتڕۆڵكردن و بڵاونەبوونەوە و پاراستنی تەندروستی گشتی (دەسەڵاتی فڕۆكەوانی شارستانی عیراقی) تەواوی گەشتە ئاسمانییەكانی بەڕووی گەشتیاراندا هەڵپەسارد و بە داخستنی كایەی ئاسمانی عیراق (IRAQI SACE) لە ڕێكەوتی (15/3/2020) وە بەو پێیە گەشتی گەشتیاران بۆ فڕۆكەخانەی نێودەوڵەتی سلێمانی وەستاوە.

فڕۆكەخانەی نێودەوڵەتی سلێمانییەوە ئاماژە بەوەشدەدات: ئەوەی جێگای سەرنجە ڕۆژانە بەشێكی زۆر لە هاووڵاتیانی گیرخواردوو و لە ناوە و دەرەوەی وڵات گلەیی و گازندە لە فڕۆكەخانە دەكەن، بەڵام بە پێویستیمان زانی بەم چەند خاڵە بۆ هەموولایەكی ڕوونبكەینەوە:

1- ڕاگرتنی گەشتەكان و دەستپێكردنەوەی لە دەسەڵاتی فڕۆكەخانەماندا نی یە وەك لەسەرەتاوە ئاماژەمان پێكردووە ئەو بابەتە بڕیار و دەسەڵاتی فڕۆكەوانی شارستانی عیراقییە.

2- ئەنجامدانی هەندێك گەشتی ناچاری كە بۆ بەشێك لە فڕۆكەخانەكانی عیراق ئەنجام دەدرێت, هەرچەندە ئێمە لەگەڵ شێوازی ئەو جۆرە گەشتانەدا نین كە بەجۆرێكە نرخی تكتەكان لەسەر هاووڵاتیان بۆ نزیكەی (دە) هێندە زیادی كردووە كە بەڕایی ئێمە ئەمە استغلالی هاووڵاتیان پارە كێشانەوە لەلایەن نووسینگەكانی ئەو كۆمپانیانەی كە گەشتەكان ڕێكدەخەن.

3- بەداخەوە لەم بابەتەدا فڕۆكەخانەی نێودەوڵەتی سلێمانی پەراوێز خراوە و هیچ گەشتێكی بۆ ڕێكنەخراوە, كەئەمەش پەیوەندیدارە بە فەرمانگەی پەیوەندییەكانی دەرەوە‌ و نوێنەرایەتی حكومەتی هەرێم لە بەغدا كە بەپێیی بەرنامەی دیاریكراو گەشتەكان ڕێكدەخەن.

4- ئێمە وەك‌ فڕۆكەخانەی نێودەوڵەتی سلێمانی چەندین جار بە نووسراوی فەڕمی تەواوی داواكاری هاووڵاتیان و كێشە و گیر و گرفتەكانمان بۆ سەر و خۆمان خستووەتەڕوو تا بتوانرێت بەپێی پلان و ڕێكارێك كارئاسانی بكرێت بۆ ئەو هاووڵاتیانەی كە لە ناوەوەی وڵاتن یاخود لە دەرەوە گیریان خواردووە بۆ ئەوەی بگەڕێنەوە بۆ شوێنی خۆیان ئەوەندەی لە دەسەڵاتی ئێمەدا بێت گەیاندنی داواكاری ئەو هاووڵاتیانەیە‌.

ئەوەشی خستووەتەڕوو، فڕۆكەخانەی نێودەوڵەتی سلێمانی لە ژێر بڕیار و ڕێنماییەكانی حكومەتی هەرێمی كوردستان و دەسەڵاتی فڕۆكەوانی شارستانی عیراقیدا كاردەكات و هەركاتێك بڕیاری ئەنجامدانی گەشتی ناچاری یاخود دەستپێكردەوەی گەشتەكان بدرێت, فڕۆكەخانەمان بە جێ بەجێ كردنی ڕێنماییە تەندروستییەكانەوە لە ئامادەباشی تەواودایە بۆ ڕێكخستنی ئەو گەشتانە، بەهیوای جێ بەجێكردنی داواكاری هاووڵاتیان بۆ ئەنجامدانی ئەو گەشتانە بەزووترین كات.

ئابوری

ڕوونکردنەوە لەسەر کاتی دابەشکردنی ١٠٠ هەزار دینارەکەی حکومەتی هەرێم دەدرێت

خەڵک – بەشی هەواڵ

وەزیری کار و کاروباری کۆمەڵایەتی حکومەتى هەرێم ڕایدەگەیەنێت، هەرکاتێک وردبینی لەو فۆڕمانە کرا، کە هاوڵاتییان پڕیانکردۆتەوە، وەزارەت پارەکە خەرجدەکات.

 

کوێستان محەمەد وەزیری کار و کاروباری کۆمەڵایەتی حکومەتى هەرێم لەکۆنفڕانسێکی ڕۆژنامەوانیدا، ڕوونکردنەوەی لەسەر کاتى دابەشکردنی بڕی ١٠٠ هەزار دیناری هاوکاری بەسەر خێزانە هەژارەکاندا دا.

 

ناوبراو ئاماژەى بەئەوەدا، فۆڕمە پڕکراوەکان لەلای بەڕێوەبەرایەتییەکانی چاودێری و گەشەپێدانی کۆمەڵایەتییە، ئەوان وردبینی دەکەن، هەرکاتێک ئەوان لە وردبینی تەواوبوون بۆ وەزارەتی دەنێرن.

 

ئاماژەى بەئەوەشدا، پاشئەوەی بەدەستیان گەیشت، ئەو پارەیە خەرجدەکەن، کە ١٠٠ هەزار دینارە.

 

بەردەوام بە لە خوێندنەوە

ئابوری

داوای کەمکردنەوەی نرخی بینینی پزیشک و دەرمان و پشکنینە پزیشکییەکان دەکرێت

خەڵک – بەشی هەواڵ

 

لەگەڵ ئەوەی داهاتی تاک لەهەرێمی کوردستان کەمیکردووە و ڕێژەى بێکاری و هەژاری بەرزبۆتەوە، بەڵام هێشتا نرخی بینینی پزیشک و دەرمان و  پشکنینەکان هەر بەرزە، بۆیە ئەنجومەنی فشار لەهەوڵدایە کە ئەم نرخانە دابەزێنن و هاوتای داهاتی تاکی بکەن.

 

دڵشاد بابانی ئەندامی ئەنجومەنى فشار لەسلێمانی بە(خەڵک)ی ڕاگەیاند، پێشتر لەگەڵ سەندیکای پزیشکان و ئەنجومەنی پارێزگای سلێمانی کۆبوونەتەوە و ئەم هەفتەیەش لەگەڵ پارێزگاری سلێمانی و سەندیکای دەرمانسازان و سەندیکای بایۆلۆجی کۆدەبنەوە و دواتر سەردانی وەزیری تەندروستی دەکەن.

 

ئاماژەى بەئەوەشدا، ئەنجومەنى پارێزگای سلێمانی هاوکارە و سەندیکای پزیشکانیش بەهەمانشێوە هاوکارن، بەڵام چەند گرفتێکیان هەیە و داوادەکەن، ئەوەیان بۆ چارەسەربکەن.

 

زیاتر ڕوونیکردەوە، پزیشکەکان گرفتی دەرمانخانە و تاقیگەکان و باج و هەندێک شتی دیکەیان هەیە، ئەوان داوای چارەسەرکردنی ئەو گرفتانە دەکەن، بۆئەوەی بتوانن نرخ بهێننە خوارەوە.

 

باسی لەئەوەشکرد، دوای ئەوەی بۆچوونی هەموو سەندیکاکان و ڕا جیاوازەکانیان کۆکردەوە، سەردانی وەزیری تەندروستی دەکەن و لەسەر ئەو پرسە گفتوگۆی لەگەڵ دەکەن.

 

بەهۆی بڵاوبوونەوەی ڤایرۆسی کۆرۆنا و دابەشنەکردنی موچە لەلایەن حکومەتى هەرێمەوە، ئاستی داهاتی تاک بەشێوەیەکی بەرچاو دابەزیوە، کە ئەرکی حکومەتە هەموو سێکتەرەکانی هەرێم ڕێکبخاتەوە، بەڵام لەساڵی ٢٠٢٠دا تەنها دوو موچەى بەتەواوی دابەشنەکردووە و هیچکام لەسێکتەرەکانی ژیانی لەگەڵ ئەو بێ موچەیی و بێکارییەدا ڕێکنەخستۆتەوە، لەو چوارچێوەیەدا نرخی بینینی پزیشک هاوشێوەی ساڵی ئاڵتونی هەرێمە کە ٢٠ هەزار یان ٢٥ هەزار دینارە، کە تەنها چەند خولەکێکی کەم نەخۆش دەبینرێت، ئەمەش بۆتە بارگرانی بەسەر هاوڵاتییانەوە.

 

 

بەردەوام بە لە خوێندنەوە

کوردستان

حكومەتی هەرێم دەست بە دابەشكردنی مووچەی مانگی 3 دەكات

خەڵك-بەشی هەواڵ

سەرۆكی فراكسیۆنی یەكگرتووی ئیسلامی كوردستان لە پەڕلەمانی كوردستان ڕایدەگەیەنێت، پێشبینی دەكرێت بەمزوانە هەرێم و بەغدا ڕێككەوتنێك واژۆ بكەن و لەم ڕۆژانەشدا مووچەی مانگی سێ دابەش بكرێت.

د.شێركۆ جەودەت سەرۆكی فراكسیۆنی یەكگرتووی ئیسلامی كوردستان لەپەڕلەمانی كوردستان بە میدیای حزبەكەی ڕاگەیاند، لە ئێستادا پێشبینیەك هەیە كە هەواڵێكی دڵخۆشكەرە و لەم ڕۆژانەدا ڕێككەوتنێك لەسەر چارەسەركردنی كێشەی مووچەخۆرانی هەرێم لە نێوان حكومەتی هەرێم و حكومەتی بەغدا واژۆ دەكرێت.

وتیشی”بەپێی زانیارییەكان حكومەتی بەغدا بڕێك پارە بۆ مووچە دەنێرێت و حكومەتی هەرێمیش لە داهاتی ناوخۆ پارە ئامادە دەكات و بەو شێوەیە مووچەی مانگی سێی پێ دابەش دەكات”.
ئاشكراشیكرد، تا ئێستا ڕوون نیە كە مووچەی تەواوەتی دابەش دەكرێت یاخود بە لێبڕینەوە دەبێت و پێشبینی ئەوەش دەكرێت مانگانە مووچە لەكاتی خۆیدا دابەش بكرێت.

بەردەوام بە لە خوێندنەوە

کوردستان