ئێمە لە تۆرە کۆمەڵایەتیەکان

کوردستان

بەهۆی كۆرۆناوە، ڕێگا نادرێت سەردانی سزادراوان و ڕاگیراوان بكرێت

خەڵك – ئارام سەردار

بڕیار بوو دوای جەژنی ڕەمەزان بە ڕێكاری تەندروستی ئاسانكاری بۆ سەردان و مۆڵەتی سزادراوان و ڕاگیراوان بكرێت، بەڵام بەهۆی دووبارە سەرهەڵدانەوەی كۆرۆنا جارێكی تر سەردان و مۆڵەتی سزادراوان و ڕاگیراوان ڕاگیرا .
كوێستان محەمەد وەزیری كار و كاروباری كۆمەڵایەتی لە كۆنفڕانسێكی ڕۆژنامەوانیدا ڕایگەیاند، دوای ئەوەی ڤایرۆسی كۆرۆنا لەهەرێم تۆماركرا، ئێمە هەر لە سەرەتای سەرهەڵدانی ئەو نەخۆشیە بەر لەوەی حكومەت هیچ ڕێكارێك بگرێتەبەر، پێش هەموو لایەنەكان كەوتین و بڕیارماندا مۆڵەت و سەردانی سزادراوان و ڕاگیراوان ڕابگیرێت.

دەشڵێت”بەهۆی ئەوەی ڤایرۆسەكە بەرەو كەمی چوو لەهەرێم، بڕیار بوو دوای جەژن بە ڕەزامەندی لیژنەی باڵای بەرەنگاربوونەوەی ڤایرۆسی كۆرۆنا سەردان و مۆڵەت بۆ سزادراوان بكەینەوە، بەڵام بەهۆی ئەوەی جارێكی تر كۆرۆنا بەشێوەیەكی زیاتر سەریهەڵدا لەپێناوی پاراستنی ژیانی سزادراوان بۆ ئەوەی كۆرۆنا نەچێتە ناو چاكسازییەكان جارێكی تر ئەو سەردان و مۆڵەتانەمان بۆ ماوەیەكی نادیار ڕاگرت”.

وتیشی”دڵنيایی دەدەینە كەسوكاری ڕاگیراوان و سزادراوان، ئێمە ئاگاداری ژیان و گوزەرانی ڕاگیراوان و سزادراوان دەبین و داوایان لێدەكەین ئەوانیش ئەم بارودۆخە قبوڵ بكەن كە نەتوانن بۆ ماوەیەك سەردانیان بكەن، چونكە بەلامانەوە گرنگە سەلامەتیان بپارێزین و تووشی كۆڕۆنا نەبن”.

ئەوەشی خستەڕوو، كەسوكاری سزادراوان و ڕاگیراوان دەتوانن لە ڕێگەی تەلەفۆن قسە لەگەل سزادراوان و ڕاگیراوان بكەن، پارە و كەلوپەل و پێویستیان بۆ ببەن ئێمە بەشی ئەمانەتمان لە چاكسازیەكان هەیە وەریدەگرن، ئەو بارودۆخە بارودۆخێكی ناخۆشە بۆ هەموولایەك هیوادارم تێپەڕێنین، بەڵام ئەوەی بەلای ئێمەوە گرنگە پاراستنی سزادراوانە وەك چاوی خۆمان و ناهێڵین لە هیچ شتێكیان كەم بێت.

ئابوری

ڕوونکردنەوە لەسەر کاتی دابەشکردنی ١٠٠ هەزار دینارەکەی حکومەتی هەرێم دەدرێت

خەڵک – بەشی هەواڵ

وەزیری کار و کاروباری کۆمەڵایەتی حکومەتى هەرێم ڕایدەگەیەنێت، هەرکاتێک وردبینی لەو فۆڕمانە کرا، کە هاوڵاتییان پڕیانکردۆتەوە، وەزارەت پارەکە خەرجدەکات.

 

کوێستان محەمەد وەزیری کار و کاروباری کۆمەڵایەتی حکومەتى هەرێم لەکۆنفڕانسێکی ڕۆژنامەوانیدا، ڕوونکردنەوەی لەسەر کاتى دابەشکردنی بڕی ١٠٠ هەزار دیناری هاوکاری بەسەر خێزانە هەژارەکاندا دا.

 

ناوبراو ئاماژەى بەئەوەدا، فۆڕمە پڕکراوەکان لەلای بەڕێوەبەرایەتییەکانی چاودێری و گەشەپێدانی کۆمەڵایەتییە، ئەوان وردبینی دەکەن، هەرکاتێک ئەوان لە وردبینی تەواوبوون بۆ وەزارەتی دەنێرن.

 

ئاماژەى بەئەوەشدا، پاشئەوەی بەدەستیان گەیشت، ئەو پارەیە خەرجدەکەن، کە ١٠٠ هەزار دینارە.

 

بەردەوام بە لە خوێندنەوە

ئابوری

داوای کەمکردنەوەی نرخی بینینی پزیشک و دەرمان و پشکنینە پزیشکییەکان دەکرێت

خەڵک – بەشی هەواڵ

 

لەگەڵ ئەوەی داهاتی تاک لەهەرێمی کوردستان کەمیکردووە و ڕێژەى بێکاری و هەژاری بەرزبۆتەوە، بەڵام هێشتا نرخی بینینی پزیشک و دەرمان و  پشکنینەکان هەر بەرزە، بۆیە ئەنجومەنی فشار لەهەوڵدایە کە ئەم نرخانە دابەزێنن و هاوتای داهاتی تاکی بکەن.

 

دڵشاد بابانی ئەندامی ئەنجومەنى فشار لەسلێمانی بە(خەڵک)ی ڕاگەیاند، پێشتر لەگەڵ سەندیکای پزیشکان و ئەنجومەنی پارێزگای سلێمانی کۆبوونەتەوە و ئەم هەفتەیەش لەگەڵ پارێزگاری سلێمانی و سەندیکای دەرمانسازان و سەندیکای بایۆلۆجی کۆدەبنەوە و دواتر سەردانی وەزیری تەندروستی دەکەن.

 

ئاماژەى بەئەوەشدا، ئەنجومەنى پارێزگای سلێمانی هاوکارە و سەندیکای پزیشکانیش بەهەمانشێوە هاوکارن، بەڵام چەند گرفتێکیان هەیە و داوادەکەن، ئەوەیان بۆ چارەسەربکەن.

 

زیاتر ڕوونیکردەوە، پزیشکەکان گرفتی دەرمانخانە و تاقیگەکان و باج و هەندێک شتی دیکەیان هەیە، ئەوان داوای چارەسەرکردنی ئەو گرفتانە دەکەن، بۆئەوەی بتوانن نرخ بهێننە خوارەوە.

 

باسی لەئەوەشکرد، دوای ئەوەی بۆچوونی هەموو سەندیکاکان و ڕا جیاوازەکانیان کۆکردەوە، سەردانی وەزیری تەندروستی دەکەن و لەسەر ئەو پرسە گفتوگۆی لەگەڵ دەکەن.

 

بەهۆی بڵاوبوونەوەی ڤایرۆسی کۆرۆنا و دابەشنەکردنی موچە لەلایەن حکومەتى هەرێمەوە، ئاستی داهاتی تاک بەشێوەیەکی بەرچاو دابەزیوە، کە ئەرکی حکومەتە هەموو سێکتەرەکانی هەرێم ڕێکبخاتەوە، بەڵام لەساڵی ٢٠٢٠دا تەنها دوو موچەى بەتەواوی دابەشنەکردووە و هیچکام لەسێکتەرەکانی ژیانی لەگەڵ ئەو بێ موچەیی و بێکارییەدا ڕێکنەخستۆتەوە، لەو چوارچێوەیەدا نرخی بینینی پزیشک هاوشێوەی ساڵی ئاڵتونی هەرێمە کە ٢٠ هەزار یان ٢٥ هەزار دینارە، کە تەنها چەند خولەکێکی کەم نەخۆش دەبینرێت، ئەمەش بۆتە بارگرانی بەسەر هاوڵاتییانەوە.

 

 

بەردەوام بە لە خوێندنەوە

کوردستان

حكومەتی هەرێم دەست بە دابەشكردنی مووچەی مانگی 3 دەكات

خەڵك-بەشی هەواڵ

سەرۆكی فراكسیۆنی یەكگرتووی ئیسلامی كوردستان لە پەڕلەمانی كوردستان ڕایدەگەیەنێت، پێشبینی دەكرێت بەمزوانە هەرێم و بەغدا ڕێككەوتنێك واژۆ بكەن و لەم ڕۆژانەشدا مووچەی مانگی سێ دابەش بكرێت.

د.شێركۆ جەودەت سەرۆكی فراكسیۆنی یەكگرتووی ئیسلامی كوردستان لەپەڕلەمانی كوردستان بە میدیای حزبەكەی ڕاگەیاند، لە ئێستادا پێشبینیەك هەیە كە هەواڵێكی دڵخۆشكەرە و لەم ڕۆژانەدا ڕێككەوتنێك لەسەر چارەسەركردنی كێشەی مووچەخۆرانی هەرێم لە نێوان حكومەتی هەرێم و حكومەتی بەغدا واژۆ دەكرێت.

وتیشی”بەپێی زانیارییەكان حكومەتی بەغدا بڕێك پارە بۆ مووچە دەنێرێت و حكومەتی هەرێمیش لە داهاتی ناوخۆ پارە ئامادە دەكات و بەو شێوەیە مووچەی مانگی سێی پێ دابەش دەكات”.
ئاشكراشیكرد، تا ئێستا ڕوون نیە كە مووچەی تەواوەتی دابەش دەكرێت یاخود بە لێبڕینەوە دەبێت و پێشبینی ئەوەش دەكرێت مانگانە مووچە لەكاتی خۆیدا دابەش بكرێت.

بەردەوام بە لە خوێندنەوە

کوردستان