ئێمە لە تۆرە کۆمەڵایەتیەکان

کوردستان

بەوێنە؛ هێرش دەكرێتە سەر كارمەندێكی هاتووچۆ و بریندار دەكرێت

خەڵك- بەشی هەواڵ
لە گەرمیان لێخوڕی ماتۆڕسكیلێك هێرش دەكاتە سەر كارمەندێكی هاتووچۆ و برینداری دەكات و لە ئێستاشدا تۆمەتبارەكە دەستگیركراوە.

ڕائید كارزان مەجید، بەڕێوەبەری بەشی ڕاگەیاندن و هۆشیاری لە هاتووچۆی گەرمیان ڕایگەیاند، ئەمڕۆ لەكاتی ئەركی فەرمیدا لێخوڕی ماتۆڕ سكیلێك لەبەرامبەر بەڕێوەبەرێتی هاتووچۆی ناوشار دوای ئەوەی مەفرەزەی هاتووچۆ ئیجرایٔاتی لەگەڵدا دەكەن بەهۆی ئەوەی ماتۆڕەكە بێ سەرەتایە و مۆڵەتی لێخوڕینیشی نیە لەوكاتەدا ئامادەنەبوو هیچ شتێك تەسلیم بەكارمەندەكان بكات.

دەشڵێت: “پەلاماری كارمەندێكی هاتووچۆ دەدات بەناوی (ادیب محمد احمد) بەو هۆیەوە لەچەند شوێنێك دەموچاوی كارمەندەكە بریندار دەكات، دواتر كارمەندەكە دەگوێزرێتەوە بۆ نەخۆشخانەی فریاكەوتنی شەهید هەژار بەمەبەستی وەرگرتنی چارەسەر”.

ڕاشیگەیاند، لەئێستادا لێخوڕی ماتۆڕ سكیلەكە لەلایەن كارمەندەكانەوە تەسلیم بە پۆلیس كراوە و چاوەڕوانی ڕاپۆرتی پزیشكین، بۆ گرتنەبەری ڕێكاری یاسایی”.

ئاماژەی بەوەشكردووە، لەماوەی ڕابردوودا ئەمە دووەم جارە پەلاماری كارمەندی هاتووچۆ بدرێت لە كاتی ئەركی فەرمیدا .

کوردستان

وێنە.. خەڵك؛ زانیاری نوێ‌ لەبارەی بۆردوومانی فڕۆكە جەنگییەكانی توركیا لە دهۆك ئاشكرا دەكات

خەڵك – بەشی هەواڵ

فڕۆكە جەنگییەكانی توركیا لە سنووری پارێزگای دهۆك ئۆتۆمبێلێكیان كردە ئامانج و بەهۆیەوە چوار كەس شەهید بوون.

بەپێی زانیارییەكانی (تۆڕی میدیایی خەڵك)، ئەمشەو فڕۆكە جەنگییەكانی توركیا لە نزیك گوندی (ڕەشانكێ‌) كە تەنها 8 كیلۆمەتر لە سەنتەری پارێزگای دهۆك دوورە، ئۆتۆمبێلێكیان كردووەتە ئامانج، 4 سەرنشینی ئۆتۆمبێلەكە شەهید بوون.

بەوتەی دانیشتووانی ناوچەكە، ئۆتۆمبێلەكە مەدەنی بووە و 4 گەریلای پارتی كرێكارانی كوردستان (پەكەكە)ی تێدابووە و بەهۆی بۆردوومانەكە هەر چواریان دەستبەجێ‌ گیانیان لەدەستداوە.

بەردەوام بە لە خوێندنەوە

کوردستان

فڕۆكە جەنگییەكانی توركیا لە دهۆك ئۆتۆمبێلێكیان كردە ئامانج

خەڵك – بەشی هەواڵ

فڕۆكە جەنگییەكانی توركیا لە سنووری پارێزگای دهۆك ئۆتۆمبێلێكیان كردە ئامانج.

بەپێی زانیارییەكانی (تۆڕی میدیایی خەڵك)، كەمێك لەمەوبەر فڕۆكە جەنگییەكانی توركیا لە نزیك گوندی (ڕەشانكێ‌) كە تەنها 8 كیلۆمەتر لە سەنتەری پارێزگای دهۆك دوورە، ئۆتۆمبێلێكیان كردووەتە ئامانج، بەڵام تا ئێستا زیانەكانی ئەو بۆردوومانە نەزانراوە.

بەردەوام بە لە خوێندنەوە

کوردستان

بەڕێوەبەری نەخۆشخانەی جمهوری سلێمانی: كۆرۆنا ژیان ناوەستێنێ‌
بڕیارێك لە بەرژەوەندی نەخۆشانی (ڕۆماتیزمەی درێژخایەن) ڕادەگەیەنێت

خەڵك – بەشی هەواڵ

بەڕێوەبەری نەخۆشخانەی جمهوری سلێمانی ڕایدەگەیەنێت: لە سەرەتای هەفتەی داهاتووەوە بەشی فریاكەوتنی هەناوی جمهوری تەرخان دەكرێت بۆ پێدانی (دەرزی مانگانەی ڕۆماتیزمە) بۆ نەخۆشانی (ڕۆماتیزمەی درێژخایەن).

د.داهات حەوێزی بەڕێوەبەری نەخۆشخانەی جمهوری سلێمانی لە هەژماری تایبەتی خۆی لە تۆڕی كۆمەڵایەتی فەیسبوك بڵاویكردەوە: كۆڕۆنا ژیان ناوەستێنێ، سەرەڕای تووشبوونی زۆر لە پزیشكان و كارمەندان و وەرنەگرتنی مووچەكانیان، بەڵام لەپێناو زیاتر خزمەتكردنی هاووڵاتیانی شاری سلێمانی و دەوروبەری كە نەخۆشی (ڕۆماتیزمەی درێژخایەن)یان هەیە بڕیارماندا لە سەرەتای هەفتەی داهاتووەوە بەشی فریاكەوتنی هەناوی جمهوری تەرخان بكەین بۆ پێدانی (دەرزی مانگانەی ڕۆماتیزمە)، بەهیوای كەمكردنەوەی ئێش و ئازارەكانیان.

دەقی نووسینەكە:

كۆڕۆنا ژیان ناوەستێنێ:
سەرەڕای تووشبونی زۆر لە پزیشكان و كارمەندان و وەرنەگرتنی مووچەكانیان، بەڵام لەپێناو زیاتر خزمەتكردنی هاوڵاتیانی شاری سلێمانی و دەوروبەری كە نەخۆشی (ڕۆماتیزمەی درێژخایەنیان) هەیە بڕیارمان دا لە سەرەتای هەفتەی داهاتووەوە بەشی فریاكەوتنی هەناوی جمهوری تەرخان بكەین بۆ پێدانی (دەرزی مانگانەی ڕۆماتیزمە)، بەهیوای كەمكردنەوەی ئێش و ئازارەكانیان.
سوپاس بۆ كارمەندو پزیشكە دڵسۆزەكان.

“بەهیوای لەشساغی بۆ گشت لایەك”

د.داهات حەوێزی

بەڕێوەبەری نەخۆشخانەی جمهوری سلێمانی

بەردەوام بە لە خوێندنەوە

کوردستان