ئێمە لە تۆرە کۆمەڵایەتیەکان

کوردستان

پەروەردەی سلێمانی: زۆرترین ئاسانكاری كراوە بۆ خوێندكاران
سەرەڕای مەترسیەكانی كۆرۆنا تاقیكردنەوەكانی خوێندكاران بەردەوام دەبن

خەڵك – بەشی هەواڵ
لەگەڵ جێبەجێ‌ كردنی ڕێنماییەكانی خۆپارێزی لە كۆرۆنا پڕۆسەی تاقیكردنەوەكانی وەرزی دووەم بۆ ئەو خوێندكارانەی پۆلی ١٢ی ئامادەیی، كە لە زیاتر لە ٣ وانەدا كەوتوون دەستی پێكرد و بەڕێوەبەری پەروەردەی ڕۆژئاوای سلێمانی دەڵێت: “پێویستە خوێندكاران پابەندی ڕێنماییەكان بن”.

بەكر محەمەد مەحمود، بەڕێوەبەری پەروەردەی ڕۆژئاوای سلێمانی بە (خەڵك)ی ڕاگەیاند، ئەمڕۆ یەك شەممە 7ی حوزەیران پڕۆسەی تاقیكردنەوەكانی وەرزی دووەم بۆ ئەو خوێندكارانەی پۆلی ١٢ی ئامادەیی، كە لە زیاتر لە ٣ وانەدا كەوتوون دەستی پێكرد، هەموو هۆڵەكانی تاقیكردنەوەكان ڕێكارەكانی خۆپارێزی تێدا جێبەجێ‌ كراوە.

وتیشی، “پێویستە خوێندكار خۆی ڕێوشوێنە پێویستییەكانی خۆپاراستن لە ڤایرۆسی كۆرۆنا جێبەجێ بكات لە دەرەوەی هۆڵەكانی خوێندن، لەكاتی هاتنی بۆ هۆڵەكان و كاتی چوونەوەیان پێویستە دوور بن لەیەكتر و ماسك و دەمامك بەكاربهێنن”.

ڕاشیگەیاند، لەگەڵ ئەوەی لەسەر شانی پەروەدەیە لە دابینكردنی پێداویستییەكان و دابینكردنی شوێنی تەندروست بۆ خوێندكاران لە هۆڵەكان ڕەچاوی تەواوی ڕێكارەكان كراوە، پێویستە خوێندكاریش ڕەچاوی ئەم دۆخە بكات.

ئاماژەی بۆ ئەوەشكرد، وەك ئەوەی بڕیاری لەسەر دراوە تاقیكردنەوەكان وەك خۆی ئەنجام دەدرێن، بەڵام بەهۆی ئەوەی زۆرترین ئاسانكاری كراوە بۆ خوێندكاران ژمارەیەكی كەم لە ناوەندەكانی خوێندن بەشداری تاقیكردنەوەكان دەكەن، بۆ نمونە خوێندنگای وا هەیە 285 خوێندكاری ئامادەیی هەیە تەنها 24 خوێندكار تاقیكردنەوەی كردووە، كە هەر ژوورێك ڕەنگە چوار خوێندكاری تێدا بێت.

ئاشكراشیكرد، لەهەموو ناوەندەكانی خوێندن جێڵی پاكەرەوە دانراوە و ڕێنمایی خوێندكاران دەكرێت بە زیاتر خۆپارێزی، بەڵام ئەوەی بۆ ئێمە گرنگە خۆپارێزی خوێندكارانە لەكاتی هاتن و چوونەوەیان بۆ ماڵەوە و دەبێت پابەندبن بە ڕێنماییەكانەوە، چونكە لەناو هۆڵی تاقیكردنەوەكان تەواوی ڕێكارەكان جێبەجێ‌ دەكرێت لە بەكارهێنانی ماسك و دەستكێش، هەر خوێندكارێكیش پێی نەبێت لە خوێندنگاكەی هەندێك ئامادەكاری كراوە.

کوردستان

ڤیدیۆ؛ توركیا دیمەنی نوێی هێرشە ئاسمانی و زەمینییەكانی بۆ سەر هەرێمی كوردستان بڵاوكردەوە

خەڵك – بەشی هەواڵ
ئەمڕۆ هەینی سوپای توركیا لە ڕێی هەژماری فەرمی خۆیەوە لە تویتەر، دیمەنی نوێی هێرشە ئاسمانی و زەمینییەكانی بۆ سەر هەرێمی كوردستان بڵاوكردەوە.

توركیا هاوكات لەگەڵ هێرشەكانی بۆ سەر هەرێمی كوردستان، لە باكوور و ڕۆژئاوای كوردستانیش هێرش و ئۆپەراسیۆنی سەربازیی ئەنجام دەدات.

ئەمڕۆ وەزارەتی بەرگری توركیا بانگەشەی ئەوەی كردووە كە لە ماوەی 24 كاتژمێری ڕابردوودا 17 گەریلای پەكەكەیان كردووەتە ئامانج، بەڵام پەكەكە ئەو زانیارییانەی پشتڕاست نەكردووەتەوە.

بڵاوكردنەوەی دیمەنە ڤیدیۆییەكەش هاوكاتە لەگەڵ بۆردومانەكەی ئەمڕۆی فڕۆكە جەنگییەكانی سوپای توركیا بۆ سەر گوندی قامیشی سەر بە شارۆچكەی ماوەت لە سنووری ناوچەی شارباژێڕی سلێمانی.

بەردەوام بە لە خوێندنەوە

کوردستان

فڕۆكە جەنگییەكانی توركیا ناوچەی شارباژێڕیان بۆردومان كرد

خەڵك – بەشی هەواڵ
ئەمڕۆ هەینی فڕۆكە جەنگییەكانی توركیا چەند گوندی قامیشی سەر بە ناوچەی شارباژێڕی سلێمانییان بۆردومان كرد.

بە پێی زانیارییە سەرەتاییەكان بۆردومانەكە بووەتە هۆی ئاگركەوتنەوە لە ناوچەكە، بەڵام ئەگەری بوونی زیانی گیانی لەو هێرشەدا نەزانراوە.

سوپای توركیا چەند ناوچەیەكی سنووری شارباژێڕی سلێمانییان وەك سنووری چالاكی پەكەكە دەستنیشان كردووە و ناوبەناو بەو بیانووە بۆردومانی دەكەن.

بەردەوام بە لە خوێندنەوە

کوردستان

خانەقین؛ سەربازێكی كورد لە پەلامارێكی داعشدا شەهید بوو

خەڵك – بەشی هەواڵ
سەربازێكی كورد لە ئاكامی پەلامارێكی تیرۆریستانی داعش بۆ سەر گوندێكی شارۆچكەی خانەقین شەهید بوو.

شه‌وی ڕابردوو تیرۆریستانی داعش لە گوندی شێرك سەر بە شارۆچكەی خانەقین ھێرشیان كردە سەر ھێزێكی تایبەتی عیراقی لە ئەنجامدا سەربازێكی شەھید بوو‌ و چوار سەربازی دیكەش بریندار بوون.

ئەمڕۆ دەركەوت كە ئەو سەربازەی شەهید بووە كوردە و ناوی جەزا فه‌تاح جافه‌ و خەڵكی شارۆچكەی كەلارە.

بەردەوام بە لە خوێندنەوە

کوردستان