ئێمە لە تۆرە کۆمەڵایەتیەکان

کوردستان

حكومەتی هەرێم لە بارەی دەوامی فەرمانبەرانەوە ڕاگەیەنراوێكی بڵاوكردەوە

خەڵك – بەشی هەواڵ

وتەبێژی حكومەتی هەرێمی كوردستان ڕایدەگەیەنێت ، سبەی دەوامی فەرمی لە دامودەزگا‌كانی هەرێمی كوردستان بە میكانیزمی پابەندبوون بە رێنماییە تەندروستییەكانی بەرەنگاربوونەوەی ڤایرۆسی كۆرۆنا دەستپێدەكاتەوە، دەشڵێت،” دەوامپێكردنی فەرمانبەران ڕێژەی ٣٠٪ و بەشێوەیەكی تەناوب دەبێت”.

جوتیار عادل، وتەبێژی حكومەتی هەرێمی كوردستان لە ڕاگەیەنراوێكدا ، كە وێنەیەكی دەست (خەڵك) كەوتووە ڕایگەیاندووە، رۆژی یەكشەممە ٧ حوزەیرانی ٢٠٢٠، دەوامی فەرمی لە دامودەزگا‌كانی هەرێمی كوردستان بە میكانیزمی پابەندبوون بە رێنماییە تەندروستییەكانی بەرەنگاربوونەوەی ڤایرۆسی كۆرۆنا دەستپێدەكاتەوە.

دەشڵێت ،”وەزارەت، دەستە و فەرمانگە نەبەستراوەكانی سەر بە وەزارەت پابەند دەبن بە دەوام پێكردنی تەنها ڕێژەی ٣٠٪ فەرمانبەران وبەشێوەیەكی تەناوب”.

ڕاشیگەیاندووە، لە وەزارەتە خزمەتگوزارییەكانیش رێوشوێنی تەندروستی بۆ چۆنییەتی مامەڵە لەگەڵ هاووڵاتییان و سەرلێدەران دەگرێتەبەر كە بە بێ بەریەك كەوتن و رۆتین مامەڵەكانیان جێبەجێ دەكرێت.

راگەیەندراوێك لە گوتەبێژی حكومەتی هەرێمی كوردستان
رۆژی یەكشەممە ٧ حوزەیرانی ٢٠٢٠، دەوامی فەرمی لە دامودەزگا‌كانی هەرێمی كوردستان بە میكانیزمی پابەندبوون بە رێنماییە تەندروستییەكانی بەرەنگاربوونەوەی ڤایرۆسی كۆرۆنا دەستپێدەكاتەوە.
وەزارەت، دەستە و فەرمانگە نەبەستراوەكانی سەر بە وەزارەت پابەند دەبن بە دەوام پێكردنی تەنها ڕێژەی ٣٠٪ فەرمانبەران وبەشێوەیەكی تەناوب.
لە وەزارەتە خزمەتگوزارییەكانیش رێوشوێنی تەندروستی بۆ چۆنییەتی مامەڵە لەگەڵ هاووڵاتییان و سەرلێدەران دەگرێتەبەر كە بە بێ بەریەك كەوتن و رۆتین مامەڵەكانیان جێبەجێ دەكرێت.
داوا لە هاووڵاتییان و فەرمانبەران دەكەین بۆ پاراستنی خۆیان و خێزانەكانیان پابەندی رێنماییە تەندروستییەكان بن.
د. جوتیار عادل
گوتەبێژی حكومەتی هەرێمی كوردستان
٢٠٢٠/٦/٦

کوردستان

وێنە.. خەڵك؛ زانیاری نوێ‌ لەبارەی بۆردوومانی فڕۆكە جەنگییەكانی توركیا لە دهۆك ئاشكرا دەكات

خەڵك – بەشی هەواڵ

فڕۆكە جەنگییەكانی توركیا لە سنووری پارێزگای دهۆك ئۆتۆمبێلێكیان كردە ئامانج و بەهۆیەوە چوار كەس شەهید بوون.

بەپێی زانیارییەكانی (تۆڕی میدیایی خەڵك)، ئەمشەو فڕۆكە جەنگییەكانی توركیا لە نزیك گوندی (ڕەشانكێ‌) كە تەنها 8 كیلۆمەتر لە سەنتەری پارێزگای دهۆك دوورە، ئۆتۆمبێلێكیان كردووەتە ئامانج، 4 سەرنشینی ئۆتۆمبێلەكە شەهید بوون.

بەوتەی دانیشتووانی ناوچەكە، ئۆتۆمبێلەكە مەدەنی بووە و 4 گەریلای پارتی كرێكارانی كوردستان (پەكەكە)ی تێدابووە و بەهۆی بۆردوومانەكە هەر چواریان دەستبەجێ‌ گیانیان لەدەستداوە.

بەردەوام بە لە خوێندنەوە

کوردستان

فڕۆكە جەنگییەكانی توركیا لە دهۆك ئۆتۆمبێلێكیان كردە ئامانج

خەڵك – بەشی هەواڵ

فڕۆكە جەنگییەكانی توركیا لە سنووری پارێزگای دهۆك ئۆتۆمبێلێكیان كردە ئامانج.

بەپێی زانیارییەكانی (تۆڕی میدیایی خەڵك)، كەمێك لەمەوبەر فڕۆكە جەنگییەكانی توركیا لە نزیك گوندی (ڕەشانكێ‌) كە تەنها 8 كیلۆمەتر لە سەنتەری پارێزگای دهۆك دوورە، ئۆتۆمبێلێكیان كردووەتە ئامانج، بەڵام تا ئێستا زیانەكانی ئەو بۆردوومانە نەزانراوە.

بەردەوام بە لە خوێندنەوە

کوردستان

بەڕێوەبەری نەخۆشخانەی جمهوری سلێمانی: كۆرۆنا ژیان ناوەستێنێ‌
بڕیارێك لە بەرژەوەندی نەخۆشانی (ڕۆماتیزمەی درێژخایەن) ڕادەگەیەنێت

خەڵك – بەشی هەواڵ

بەڕێوەبەری نەخۆشخانەی جمهوری سلێمانی ڕایدەگەیەنێت: لە سەرەتای هەفتەی داهاتووەوە بەشی فریاكەوتنی هەناوی جمهوری تەرخان دەكرێت بۆ پێدانی (دەرزی مانگانەی ڕۆماتیزمە) بۆ نەخۆشانی (ڕۆماتیزمەی درێژخایەن).

د.داهات حەوێزی بەڕێوەبەری نەخۆشخانەی جمهوری سلێمانی لە هەژماری تایبەتی خۆی لە تۆڕی كۆمەڵایەتی فەیسبوك بڵاویكردەوە: كۆڕۆنا ژیان ناوەستێنێ، سەرەڕای تووشبوونی زۆر لە پزیشكان و كارمەندان و وەرنەگرتنی مووچەكانیان، بەڵام لەپێناو زیاتر خزمەتكردنی هاووڵاتیانی شاری سلێمانی و دەوروبەری كە نەخۆشی (ڕۆماتیزمەی درێژخایەن)یان هەیە بڕیارماندا لە سەرەتای هەفتەی داهاتووەوە بەشی فریاكەوتنی هەناوی جمهوری تەرخان بكەین بۆ پێدانی (دەرزی مانگانەی ڕۆماتیزمە)، بەهیوای كەمكردنەوەی ئێش و ئازارەكانیان.

دەقی نووسینەكە:

كۆڕۆنا ژیان ناوەستێنێ:
سەرەڕای تووشبونی زۆر لە پزیشكان و كارمەندان و وەرنەگرتنی مووچەكانیان، بەڵام لەپێناو زیاتر خزمەتكردنی هاوڵاتیانی شاری سلێمانی و دەوروبەری كە نەخۆشی (ڕۆماتیزمەی درێژخایەنیان) هەیە بڕیارمان دا لە سەرەتای هەفتەی داهاتووەوە بەشی فریاكەوتنی هەناوی جمهوری تەرخان بكەین بۆ پێدانی (دەرزی مانگانەی ڕۆماتیزمە)، بەهیوای كەمكردنەوەی ئێش و ئازارەكانیان.
سوپاس بۆ كارمەندو پزیشكە دڵسۆزەكان.

“بەهیوای لەشساغی بۆ گشت لایەك”

د.داهات حەوێزی

بەڕێوەبەری نەخۆشخانەی جمهوری سلێمانی

بەردەوام بە لە خوێندنەوە

کوردستان