ئێمە لە تۆرە کۆمەڵایەتیەکان

کوردستان

“بە پارێزگار و حكومەت دەڵێم، ئێمەی پابەندانی ڕێنماییەكان هەرچییەكمان بەسەربێت  ئێوە بەرپرسیارن و دەبێ بەرپرسیارێتی بگرنە ئەستۆ”


 

خەڵك – بەشی هەواڵ

هەڵكەوت عەبدوڵا نووسەر و ڕۆشنبیر ڕایدەگەیەنێت:”بەپێی قسەكانی بەڕێز پارێزگاری سلێمانی (هەڤاڵ ئەبوبەكر) دەبێت لەمەودوا هاووڵاتی خۆی پزیشكی خۆی بێت و ئەگەر تووشی كۆرۆنا بوو دەبێت خۆی مشوری خۆی بخوات، ئەم قسانە لای كەسانی وەك من، كە پابەندی گشت ڕێنماییەكان بووم و خۆم و ئەوانی دیكەشم پاراستووە هەروا بێ وەڵام تێناپەڕێت”.

ئەو نووسەر و ڕۆشنبیرە دەشڵێت بە چەند پرسیارێك ڕووبەڕووی پارێزگار و حكومەت دەبمەوە:

١- كێ كۆتایی بە قەدەغەی هاتوچۆ هێنا و سەركەوتن بەسەر كۆڕۆنای ڕاگەیاند، هاووڵاتیان یاخود حكومەت (ناوەندی یان خۆجێی)؟

٢- دوای شكاندنی قەدەغەی هاتوچۆ حكومەت چەند جیدی و بەرپرسیارانە ڕووبەڕووی پاراستنی ئاسایشی تەندروستی بووەوە؟ چەند سزای ئەو كەسانەی دا كە سەرپێچییان كرد؟ چەند سنوورەكانی هەرێمیان لەو كەسانە پاراست كە لە عیراق و دەرەوەی وڵات هاتوونەتە ناوەوە؟ ئەی ئەوان نەبوون هاتوچۆی نێوان شارەكانی هەرێمیان بە مۆڵەتی كۆمپیوتەریی وەزارەتی ناوخۆ كرد و سنوورەكانیان شل كرد؟ لەناو شارەكاندا چەند كۆنترۆڵی سەرپێچیكارانیان كرد و هاووڵاتیانیان پابەندكرد بە ڕێنماییەكانەوە؟

٣- كۆرۆنا كێشەیەكی تەندروستیی زانستییە و هیچ پەیوەندیی بە سیاسەت و ناكۆكییەكانی نێوان لایەنەكانەوە نییە، كەواتە حكومەت تاكو چ ڕادەیەك ڕێگربوو لەوەی سیاسەت تێكەڵ بە پرسی كۆرۆنا نەكرێت؟ تا چ ئەندازەیەك سزای ئەوانەی دا كە گومانیان سەبارەت بە كۆرۆنا لای هاووڵاتیان دروستكرد و بێمتمانەیان كردن بەرامبەر بە مەترسییەكانی نەخۆشییەكە؟

هەڵكەوت عەبدوڵا نووسەر و ڕۆشنبیر، ئاماژە بەوەشدەدات:”ئەم پرسیارانە و چەندینی دیكەش هەن، بۆیە بە بەڕێز پارێزگار و حكومەتیش دەڵێم، ئێمەی پابەندانی ڕێنماییەكان هەرچییەكمان بەسەربێت و ئەگەر بە ڕێكەوت توشی كۆرۆنا بووین، ئەوا ئێوە بەرپرسیارن و دەبێ بەرپرسیارێتی بگرنە ئەستۆ، چونكە وەك پێویست و بەرپرسیارانە مامەڵەتان لەگەڵ گرفتەكە نەكرد!!”.

کوردستان

هەشت تووشبوو لەژێر چاودێری چڕدان
بەڕێوەبەری گشتی تەندروستی هەولێر: 50 تووشبووی ڤایرۆسی كۆرۆنا تەندروستیان ناجێگیرە


خەڵك – بەشی هەواڵ

بەڕێوەبەری گشتی تەندروستی هەولێر ڕایدەگەینێت:”50 تووشبووی ڤایرۆسی كۆرۆنا باری تەندروستیان ناجێگیرە، لەناو ئەوانەشدا 8 نەخۆش لەژێر چاودێری چڕدان”.

د. دلۆڤان محەمەد بەڕێوەبەری گشتی تەندروستی هەولێر بە دەنگی ئەمریكای ڕاگەیاندووە:” ئەوانەی كە ئێستا سەردانی نەخۆشخانەكان دەكەن زیاتر بەركەوتەن و نیشانەی نەخۆشیەكەیان هەیە و هەڵگری ڤایرۆسەكەن و ڕێژەی مردنیش بەراورد بە پێشوو زیادیكردووە، لە پێش 19 ی ئایار یەك كەس مردووە، بەڵام دوای 19 ی ئایار 28 كەس مردوون”.

بەڕێوەبەری گشتی تەندروستی هەولێر وتیشی” تا ڕۆژی 4 ی ئەم مانگە 580 نەخۆش لە نەخۆشخانەكاندان لە نێویاندا ئەوانەی كە هەناسەتەنگی و كۆكەیان هەیە و بە قورسی نەخۆشیەكەیان گرتووە 50 نەخۆشن كە باری تەندروستیان ناجێگیرە، لەناو ئەوانەشدا 8 نەخۆش لەژێر چاودێری چڕدان”.

د. دلۆڤان محەمەد ڕوونیشیكردەوە:” گرنگی قەدەغەی هاتوچۆ ئەوەیە كە خەڵك زیاتر لە ماڵەوە دەمێننەوە و بەركەوتە كەمدەبێتەوە و ئەو خەڵكەی كە هەڵگری ڤایرۆسەكە بێت ناچێتە شوێنی قەرەباڵغ، بەپێی ئەو داتایانەی تائێستا لەبەردەستدایە لە ماوەی ئەو دوو ڕۆژەی ڕابردوودا (پێش 4ی ئەم مانگە) ژمارەی تووشبووان دابەزیوە بۆ نیوەی ئەو ژمارەیەی ڕۆژانی پێشتر بەڵكو كەمتریش لەوەی كە چەند ڕۆژێك بەر لە ئێستا تۆمار كرابوو، ئەوەش بەهۆی كاریگەری قەدەغەی هاتوچۆوە بوو كە ژمارەكان بەرەو كەمی ڕۆیشت.”

بەردەوام بە لە خوێندنەوە

کوردستان

گەنجێك لەڕووباری سیروان خنكا


خەڵك – بەشی هەواڵ

لێپرسراوی ڕاگەیاندنی پۆلیسی گەرمیان ڕایدەگەیەنێت: گەنجێك لە كاتی مەلەكردندا لە ڕووباری سیروان خنكا.

مقەدەم عەلی جەمال قدووری لێپرسراوی ڕاگەیاندنی پۆلیسی گەرمیان ڕایگەیاند: ئێوارەی ئەمڕۆ یەك شەممە لە شارەدێی (باوەنوور)ی سەر بە شارۆچكەی كەلار گەنجێك بەناوی (كەیوان عەلی عەبدولقادر ) لەدایكبووی 1993 دانیشتووی شارەدێی باوەنوور لەكاتی مەلەكردندا خنكا.

لێپرسراوی ڕاگەیاندنی پۆلیسی گەرمیان ئەوەشیسختەڕوو: بەوتەی كەسوكاری ناوبراو بەمەبەستی مەلەكردن لەگەڵ هاوڕێكانی ڕوویان لە ڕووباری سیروان كردووە لەكاتی مەلەكردندا خنكاوە.

مقەدەم عەلی جەمال قدووری ئاماژەی بەوشدا: لەئێستادا تیمەكانی بەرگری شارستانی گەیشتوونەتە شوێنی ڕووداوەكە و دەستیان بەگەڕان كردووە و تائێستا تەرمی ناوبراویان نەدۆزیوەتەوە.

بەردەوام بە لە خوێندنەوە

کوردستان

كفری.. پۆلیسێك ڕفێندرا


خەڵك – بەشی هەواڵ

ئەمشەو لەلایەن ژمارەیەك چەكداری نەناسراوەوە لەسەر پڕۆژەیەكی ئاو لەنێوان جەبارە- كفری، هاووڵاتییەكی دانیشتووی كفری كە پیشەی پۆلیسە ڕفێندرا.

ئامانج عەبدولڕەزاق، لێپرسراوی كۆمیتەی جەبارەی یەكێتیی نیشتمانیی كوردستان بە ماڵپەڕی فەڕمی حزبەكەی ڕاگەیاند: هاووڵاتییەك كە پیشەی پۆلیسە و ناوی (ك. ف) و دانیشتووی كفریە لەنێوان شارۆچكەی كفری – جەبارە ڕفێندراوە.

لێپرسراوی كۆمیتەی جەبارەی یەكێتی وتیشی: بەپێی زانیارییە سەرەتاییەكان ئەو كارە لەلایەن گروپی تیرۆریستی داعشەوە ئەنجامدراوە.

بەردەوام بە لە خوێندنەوە

کوردستان