ئێمە لە تۆرە کۆمەڵایەتیەکان

عێراق

سەرۆك كۆمار و وەزیری دارایی باس لە كەمكردنەوەی مووچە دەكەن


خەڵك- بەشی هەواڵ
بەرهەم ساڵح سەرۆك كۆماری عیراق لە كۆشكی سەلام لە بەغدا، پێشوازیكرد لە عەلی عەبدولئەمیر عەلاوی وەزیری دارایی كرد و لە دیداریی نێوانیان چەند تەوەرێك تاوێكران كە گرنگترینیان هەنگاوی كەمكردنەوەی مووچە بوو، هەر لەو دیدارەدا جەخت لەسەر پێویستی دروستەنەكردنی كاریگەریی هەنگاوەكە كرایەوە لەسەر بژێوی ژیانی فەرمانبەران و خانەنشینان و ئەوانەی داهاتێكی سنوردارییان هەیە.

بەپێی ڕاگەیەندراوێك كە لەلایەن سەرۆكایەتی كۆماری عیراقەوە بڵاوكراوەتەوە” لە میانی دیدارەكەدا سەرۆك كۆمار جەختیكردەوە لە گرنگی ئەنجامدانی چاكسازی پێویست و بەگژاچوونەوەی گەندەڵی و كاركردن بۆ ئاراستەكردنی خەرجییەكانی حكومەت و پاراستنی سامانی گشتی و دۆزینەوەی سەرچاوەی دیكەی داھات، لە كاتێكدا كە عێراق رووبەڕووی ئاڵنگاری ئابووری و پەتای كۆرۆنا بووەتەوە، ھاوكات تەئكیدیكردەوە لەوەی چارەسەرییە ئابوورییەكان نابێت كاریگەری دروست بكات لەسەر بژێوی ژیانی فەرمانبەران و خانەنشینان و ئەو توێژەی كە داھاتیان سنوردارە”.

“هەر لەو دیدارەدا جەختكرایەوە لەسەر گرنگی چارەسەركردنی كێشە ھەڵپەسێردراوەكانی نێوان ھەردوو حكومەتی فیدراڵی و حكومەتی ھەرێمی كوردستان لەسەر بنەمای دەستوور و یاسا و پاراستنی مافی سەرجەم ھاووڵاتیانی عێراق و موچەخۆران بێ جیاوازی”.

لە ڕاگەیەندراوەكەی سەرۆكایەتی كۆماردا هاتووە” لە درێژەی دیدارەكەدا باس لەچۆنیەتی دۆزینەوەی رێگەچارەی پێویست كرا، بۆ پشتیوانیكردنی عێراق لە رووبەڕووبوونەوەی قەیرانی دارایی و دانانی پلان و گرتنەبەری رێوشوێنی پێوسیت بۆ تێپەڕاندنی ئەم دۆخەی ئێستا، ھەروەھا گرنگی یەكخستنی هەوڵەكان لە نێوان هەمووان بۆ كەمكردنەوەی كورتھێنان لە بودجەی گشتی وڵات دا، بەجۆرێك كە دادپەروەری كۆمەڵایەتی و سەقامگیری ئابووری بۆ تەواوی گەلانی عێراق بھێنێتەدی”.

لەلای خۆیەوە وەزیری دارایی ئەو رێوشوێنانەی خستە روو كە “وەزارەتەكەی بە ئاراستەی چارەسەركردنی دۆخی دارایی و ئابووری جێبەجێی دەكات، بەو جۆرەی كە پێویستە بۆ تێپەراندنی ئەم دۆخەی ئێستا، بەهەماهەنگی لە نێوان هەمووان و كەمكردنەوەی دەرئەنجامەكانی لە سەر ژیانی گشتی”.

ریکلام

عێراق

بەوێنە؛ بەرپرسێكی ئەمنی لە كەركوك بە كۆرۆنا گیانی لەدەستدا


خەڵك- بەشی هەواڵ
بەرپرسێكی ئەمنی لە شاری كەركوك بە ڤایرۆسی كۆرۆنا گیانی لەدەستدا.

بەپێی هەواڵی میدیا عیراقییەكان، ئەمڕۆ یەك شەممە، عەقید معمر عوبەیدی، بەڕێوەبەری پۆلیسی شارەدێی ڕەشاد لە باشووری شاری كەركوك بەهۆی تووشبووونی بە ڤایرۆسی كۆرۆنا گیانی لەدەستداوە.

ئەمە لەكاتێكدایە، كە فەرمانگەی تەندروستی كەركوك ڕایگەیاند، كە ئەمڕۆ 41 حاڵەتی تووشبوون بە كۆرۆنا تۆماركراوە و 4 كەسیش گیانیان لەدەستداوە.

بەردەوام بە لە خوێندنەوە

عێراق

دەسەڵاتی فڕۆكەوانی عیراق دەربارەی گەشتەكان ڕوونكردنەوەیەكی بڵاوكردەوە


خەڵك- بەشی هەواڵ
دەسەڵاتی فڕۆكەوانی شارستانی عیراق ئاشكرای دەكات، هەموو هەوڵێك دەدەین بۆ ڕێكخستنی گەشتە ئاسمانییەكان بۆ گەشتیارانی بەرەگەز عیراقی لە ناوخۆ و دەرەوەی وڵات.

دەسەڵاتی فڕۆكەوانی شارستانی عیراق لە ڕاگەیەنراوێكدا ئاماژەی بەوەكردووە، دەیانەوێت بۆ رای گشتیی رایبگەیەنن، بەتایبەتی گەشتیارانی بەرەگەز عیراقیی لە ناوخۆ و دەرەوەی وڵات، كە هەوڵی تەواومان خستۆتەگەڕ لەگەڵ لایەنە پەیوەندیدارەكان لەپێناو پێشكەشكردنی تەواوی ئاسانكارییە پێویستەكان بەمەبەستی ڕێخۆشكردن بۆ ئەنجامدانی گەشتەكانیان.

ئاماژەی بەوەشكردوە، بڕیاری كۆتایی تایبەت هەڵپەساردن و درێژكردنەوەی ماوەی ڕاگرتنی گەشتە ئاسمانییەكان هەتا 15ی ئەم مانگە، بێجگە لە گەشتە تایبەتەكان بۆ گەڕاندنەوەی عیراقییەكان و ئەو هاووڵاتیانەی گەشتكردنیان پەسەندكراوە بۆ ئەو وڵاتانەی خاوەنی رەگەزنامەی دووەمن تێیدا، لەسەر بڕیاری لیژنەی باڵای تەندروستی و سەلامەتی نیشتیمانی بووە.

جەختیشدەكاتەوە، پابەنددەبن بە تەواوی بڕیارەكانی لایەن و دەسەڵاتدارە باڵاكانی عیراق سەر بە ئەنجوومەنی وەزیران و لیژنەی باڵای تەندروستی و سەلامەتی نیشتیمانی، هەتا گەیشتن بە هەر رێكارێكی نوێی تایبەت بە جموجوڵی ئاسمانی لە وڵاتەكەدا و گەڕانەوەی بۆ دۆخی ئاسایی.

بەردەوام بە لە خوێندنەوە

عێراق

لە نەجەف 81 كەس چاكبوونەوە


خەڵك- بەشی هەواڵ
بەڕێوەبەرایەتی گشتی تەندروستی نەجەف ئاشكرای دەكات، كە 81 كەس چاكبوونەتەوە.

بەڕێوەبەرایەتی تەندروستی نەجەف لە ڕاگەیەنراوێكدا ئاماژەی بەوەكردووە، 81 كەس دوای تووشبوونیان بە ڤایرۆسی كۆرۆنا و مانەوەیان لە نەخۆشخانە چاكبوونەوە.

ڕاشیگەیاندووە، ئەو نەخۆشانە چارەسەری تەواویان لە نەخۆشخانە وەرگرتووە و دوای ئەوەی دەركەوتووە پشكنینەكانیان پاك بوون و ڕەوانەی ماڵەوە كراونەتەوە.

بەپێی دواین ئاماری وەزارەتی تەندروستی عیراق تا ئێستا 60 هەزار و 479 كەس تووشی ڤایرۆسەكە بوون و 33 هەزار و 17 كەس چاكبوونەوە و 306 كەسیش مردوون.

بەردەوام بە لە خوێندنەوە

کوردستان